البرهان يصدر قرارات بترقية ضباط في الجيش وإحالة آخرين للتقاعد

اخى بكرى

لك التحيه والاجلال والله انا سمعت تعليقات كثيره بعد قرارات التغيير الاخيره فى القوات المسلحه منهم من نسب التغيير للتخلص من الاسلاميين فى القوات المسلحه ومنهم من نسب الموضوع لاجتماع البرهان مع المبعوث الامريكى فى سويسرا وتحليلات كثيره كحال اهل السودان وخاصه السياسيين ولم يخطر ببالى الغرض من احاله بعض الضباط للمعاش وترقيه اخرين سوى كانوا اسلامين او انتمائتهم
ولكن الموضوع كله انا بتكلم عن فئه من السودانيين يعنى الواحد بكون جاهز للنقد حتى ولو لم يكون له ناقه ولاجمل فى الموضوع وانا لا اتحدث عن الجيش ولا عن المرافق الحكوميه الاخرى واى كيان حتى لو طال التغيير اى مرفق مثلا تم تعيين محافظ جديد مثلا للبنك المركزى ولاسباب موضوعيه برضو هذه الفئه لها راى بالرغم من جهلها للحيثات وليه وده كان افضل ولا يفترض تغييره وعينه ده لانه عنده علاقه مع البرهان ويذهبوا ابعد من كده دون مراعاه لمصلحه البلد وانا شخصيا خرجت من السودان وعمر ثوره الانقاذ عام واحد فقط وخلال الثلاثين سنه من حكم البشير والذى سيطر خلاله الاسلامين على مفاصل الدوله وحدث ما حدث للسودان ابان فتره حكمهم والذى انتهى بالكارثه التى يعيشها السودان والسودانيين الان حرب ودمار وتقتيل واغتصاب والواحد يتحسر على اهلنا الطيبين ضحايا الصراع على السلطه ونحن نتتطلع ونتعلق كما يقولون بالقشه التى قصمت ظهر البعير نرضى باى تغيير يخرج السودان من محنته فى الجيش فى الشرطه فى كل مفاصل الدوله اذا كان فى مصلحه الوطن حتى ولو طال التغيير البرهان وحكومته نحن نريد وطن معافى ولا اود الدخول فى تفاصيل انا لاادرى نتائجها ولكن اذا كان من يانس فى نفسه الكفاءه وسودانى اصيلا يمكن ان يخدم البلد فمرحبا وكل الحادبين
كسره بس كل زول لايتدخل فيما ما لايعنيه واتمنى الخير للسودان غربه وشرقه وشماله وجنوبه وان يعود السودان كما كان اولا كله وئام وترابط
ودمت اخى بكرى ولك منى خالص الود والعرفان