مهادن الزعيم
بما انو لحدي الان مافي رواية رسمية من الجهات المخاصة بخصوص الحصل في قرية البطري بولاية سنار ف تعالوا نشوف الروايات الموجودة في مواقع التواصل الاجتماعي حول الحصل هناك شنو …
الرواية الاولى اتنشرت فى صفحة غير رسمية اسمها هنا سنار وجاء فيها انو القوات الامنية هاجمت خلية نائمة تتبع للمليشيا في قرية البطري وقبضت على افرادها وصادرت عدد من الاسلحة والكاكي (منشور مع الرواية صورة تظهر بضع كلاشات وكاكي واحد تابع للجيش) …..
الرواية التانية جاءت في عدد من صفحات المواطنين وقالوا فيها انهم اتعرضو لهجوم من قوة عسكرية على متن 2 تاتشر و20 موتر احتجزوا الرجال في ديوان مع الضرب والاهانة انتشروا في الحلة فتشوا البيوت وسرقوا دهب النسوان وما خف وزنه من مدخرات المواطنين …
وارجع المواطنين السبب الى ان هناك مشروع مملوك لمستثمر اجنبي وفات خلاهو ف قام موطني الحلة والقرى المجاورة بزراعته والاستفادة منه وفي نفس الوقت في زول طماع عايز يستولى على المشروع طلو براااااهو بدون وجه حق ف استخدم علاقاته بناس جوة الخلية الامنية عشان يأدبوا المواطنين ديل ويبعدوا عن المشروع ….
اكد المواطنين ان قطع السلاح التي وجدت في بيتوهم عددها لا يتجاوز عشرة قطع عبارة عن اسلحة شخصية اقتناها الناس ايام الاحتلال والسيولة الامنية للدفاع عن انفسهم وممتلكاتهم ….
منتظرين السيد والي ولاية سنار يطلع لينا ببيان رسمي يوضح لينا فيهو الحاصل شنو ….؟ وهل رواية المواطنين حقيقة ….؟ هل المواطنين فعلا هم ضحايا جشع شخص له نفوذ قادر على استخدام السلطلة لصالحه ….؟
