أعلن رئيس الوزراء في حكومة تأسيس، محمد حسن التعايشي، أولويات حكومته المقبلة خلال عامها الأول، على رأسها محاربة الإرهاب عبر تشريع يحظر نشاط التنظيمات الإسلامية.
وجاء حديث التعايشي خلال مخاطبته مسيرة جماهيرية في مدينة نيالا حشدت لها حكومة تأسيس وحضرتها غالب قيادات التحالف، وخاطبها أيضاً نائب رئيس المجلس الرئاسي عبدالعزيز الحلو.
وقال التعايشي خلال كلمته أن من بين أوليات حكومته خلال عامها الأول حفظ الأمن وصيانة وكرامة جميع السودانيين، مؤكداً اعداد كل السياسيات المطلوبة لذلك ابتدءًا من سن قوانين للشرطة وجهاز الأمن والنيابة العامة وفق ميثاق التأسيس ودستور السودان التأسيسي لسنة 2025.
وذكر أن من أوليات حكومته أيضاً الخدمات خصوصا التعليم والصحة، بجانب حوكمة الإيرادات وصيانة موارد الشعوب وفق نظام يحدد كيفية تحصيلها وتوزيعها بعدالة لا يظلم فيها أحد، وفق قوله.
وأشار التعايشي إلى أن من أهم أوليات حكومته هي محاربة الإرهاب، مبيناً أنه “لن يكون في هذه البلد سلطة مستقرة ولا استقرار سياسي إلا بوجود قوانين صارمة لمحاربة الإرهاب تحظر نشاط التنظيمات التي تمارس الإرهاب”.
وأضاف أن “أبشركم أولى أوليات القوانين التي سنسنها تأسيسًا للحكومة هو اصدار قانون الإرهاب وتصنيف الجماعات التي استغلت أرض السودان للأنشطة الإرهابية المخربة للإقليم أو العالم”.
وأوضح التعايشي أن حكومته ستضع آلية لمحاربة الفساد المالي والاقتصادي والاجتماعي، فضلاً عن عملها على محاربة خطاب الكراهية.
ويوم السبت أدى رئيس وأعضاء المجلس الرئاسي في حكومة تحالف “تأسيس” القسم بمدينة نيالا بولاية جنوب دارفور، في أول خطوة عملية لسلطة قوات الدعم السريع الموازية لحكومة الجيش السوداني.
وبعدها عقد المجلس اجتماعا برئاسة محمد حمدان دقلو، ومشاركة أعضاء المجلس الرئاسي الـ15، في تدشين عملي لممارسة نشاطه.
ونشر تحالف تأسيس على منصاته بمواقع التواصل الاجتماعي مقاطع فيديو وصور تظهر رئيسه ونائبه يتجولان في شوارع مدينة نيالا.
لمن ناشط ومراهق سياسي يكون مسؤول هو اس البلاء ياخي انت كنت وزير مسؤول في المجلس السيادي لحكومة الثورة وقبل التشكيل الوزاري لحكومة الثورة كان في جسم سياسي اسمه قحت وهو مكون سياسي عريض كل الاحزاب السودانية ما عدا المؤتمر الوطني لكن المؤتمر الشعبي حركة اسلامية وانت وافقت عليها لكن الحركات قمت باقصائها ووافقت على مشاركة المكون العسكري … اليوم فضحت نواياكم من اول يوم للاتفاق والهدوء وفض الاعتصام بعد زيارة اثيوبيا ابي احمد وقمتم بدغدغة مشاعر الشارع لكن الامارات كانت هي من تدعم وتخطط للخط الاثيوبي والحلول حتى يتمكن الدعم السريع من الهيمنة على السلطة بدون هذه المواجهه يعني حكومة تاسيس هذه كانت لاعبة على جميع الاطراف السودانية جيش وباقي كل مكون قوى الحرية والتغيير وبالامس .. لقاء علي مجوك كل خطابه كان خطابا عنصريا جهويا كانما المتحدث شخص باسم دولة جنوب السودان وخطابهم المشهور نحن مهمشين ونحن سرقونا الجلابة يقول نحن مظلومين من 72 عام بدل دولة 56 بقى الخطاب قبل الاستقلال وفي نفس الوقت اللايفاتية الماجروين الجهله الذين هم سبب لالة القتل والدمار يقول ليك نحن من حارب الانجليز ونحن من اخرج الانجليز والانجليز سلمونا الحكم تناقض السبب الزول لمن يكون يحمل الحقد والغل على بني جلدته ووطنه ولمن يمنح لي نفسه نحن ارجل ناس نحن اشجع الناس ومع استمرار الحرب المفروض ينتبهوا للمواقف مثلا الضابط الذي انشق بريمه قال بسبب الفساد وعدم الاكل والشراب مشي الدعم تحت ادارة وقيادة عيال شفع لابسين ملكي وياكلون في في الطرقات وينشرون الفيدوهات بعد ايام ضرب وذل واختفى ومن داخلهم يضربون ويقتلون بعض ليه لان هؤلاء امثال علي مجوك وغيره من يعتبرون لهؤلاء غدوة يشعلون الحناس فيهم وهم يتمتعون خارج الوطن لكي يصلوا للمناصب
انت طبعا يا الكويز حارقك حظر صمنكم الحركه الاسلاميه ولو التعايشي ناشط ومراهق سياسي انتو يا هطله تابعين ليكم فاقد تربوي راقص وخليع ماجن 30 سنه وبدلتوه بفاقد تربوي سكير ومغتصب وظللتم علي عبادته عاكفين 6 سنوات!
وبالله شهادة زي حقت شيخك علي عثمان ولا دكتوراه امين حسن عمر ولا بروفسورية ناجي كشكول ولا هندسة ابراهيم جابر دي ما اخير منها خريجين رابعه كتاب!؟
ي التعايشي
تركته خدمتك كلها واصبحته تحارب في( طواحين الهواء ) الحركة الاسلاميه
يااااخي شوف شغلتك
علي الاقل شوف حل لمشكلة المسيرات والسخوي والتي سوف ترمي القنابل علي رؤوسكم في نيالا هههههااااي
اقترح عليك يا تعايشي تعلن حظر اكبر مليشيا ارهابية للجنجويد قتلت ونهبت واغتصبت كل السودانيين على اساس عرقي واثني
يا حكومة تأسيس عندي اخوي الكبير بيشبه حمدتي ميه الميه، تعالوا أجروا مننا وكمان عندو موهبة تقليد الاصوات، خلونا من حمدتي التشادي بتاعكم دا المابتكلم، ناجروا ليكم اليوم بمليون درهم فقط.
اولا يا جماعة اسطوانة الكيزان دى ريحونا منها شوية لانهم غير موجودين فى الواقع . ثم ان الدعم السريع ظل يدافع عن المؤتمر الوطنى عشرين عاما ( حمايتى )!
يعنى ما كانوا كيزان و الان فقط اصبحوا كيزان؟
ثانيا وين الحكومة بتاعكم دى؟ هى حكومة على الورق ساكت و لا شنو ؟ !!! و لا بس بتنفذوا اجندة كفيلكم بتقسيم السودان؟
ثالثا انتو بتقولوا انكم عايزين تحاربوا ارهاب الحركة الاسلامية لكن مافى ارهابيين اكثر من الجنجويد!!!!
تقوقتم على ارهاب المؤتمر الوطنى بمراحل!!!!!!!!
الله لا رفغ لكم راية و لا حقق لكم غاية
٨٠٪ من عضوية الحركة الإسلامية من ابناء دارفور معظمهم كان يخيم حبا في الترابي حتى كبارهم من أمثال دكتور علي الحاج.
خلاص يعني انت جبت التايهة يا تعايشي ويعني شنو لو حظرت او ما حظرت حزب الكيزان الحيحصل شنو؟ الكيزان حيتلاشوا يعني ويختفوا من الوجود ثم انت هسه شغال مع الكيزان انت قايل الجنجويد وحميدتي ديل شنو؟ اتحاديين مثلا ولا حزب امة ام شيوعيين ديل كيزان و اسلاميين قعدوا طوال كم وعشرين سنة كيزان وتابعين للكيزان وهم صنيعة الكيزان وكلاب حراسة نظام الكيزان هل لو اختلفوا مع الكيزان على الحكم يبقى خلاص اصبحوا بين يوم وليلة بعثيبن مثلا !!!! كان من الاولى توجبه اهتمامك لامور شئون الحكم والدولة واختيار حكومتك والوزراء يازول انت بقيت رئيس وزراء لازم تترك عنك هتافياتك القديمة لامن كنت ملايفاتي بتنبح وتنظر في الميديا انزع عنك عباءة المراهقيين السياسيين دي لانهز لكل مقام مقال شغل الهتافيات خليهو غايتو قريبات دي الجنجويد حيكتشفوا انه كيسك قاضي وحيكرشوك ويحلقوا ليك بي قزازة اتذكر كلامي ده
خلاص يعني انت جبت التايهة يا تعايشي ويعني شنو لو حظرت او ما حظرت حزب الكيزان الحيحصل شنو؟ الكيزان حيتلاشوا يعني ويختفوا من الوجود ثم انت هسه شغال مع الكيزان انت قايل الجنجويد وحميدتي ديل شنو؟ اتحاديين مثلا ولا حزب امة ام شيوعيين ديل كيزان و اسلاميين قعدوا طوال كم وعشرين سنة كيزان وتابعين للكيزان وهم صنيعة الكيزان وكلاب حراسة نظام الكيزان هل لو اختلفوا مع الكيزان على الحكم يبقى خلاص اصبحوا بين يوم وليلة بعثيبن مثلا !!!! كان من الاولى توجبه اهتمامك لامور شئون الحكم والدولة واختيار حكومتك والوزراء يازول انت بقيت رئيس وزراء لازم تترك عنك هتافياتك القديمة لامن كنت ملايفاتي بتنبح وتنظر في الميديا انزع عنك عباءة المراهقيين السياسيين دي لانهز لكل مقام مقال شغل الهتافيات خليهو غايتو قريبات دي الجنجويد حيكتشفوا انه كيسك قاضي وحيكرشوك ويحلقوا ليك بي قزازة اتذكر كلامي ده ودوره في فاخورتك الفاضية دي لانك حيفيدك