مناسبة هذا الكاريكاتير.
كان ذلك قبل 13 سنة.
جئت للتو من العمل وقعدت في غرفة الجلوس وأقرا في الاخبار عن ارتفاع الدولار في السودان من موقع الراكوبة وعن حكاية واحد من السلفيين في المجلس الوطنى اللي قام اقترح على المجتمعين ان يعتمدوا ( الاستغفار ) كآلية لمحاربة ارتفاع الدولار وكانت التعليقات تكاد تكتل الزول بالضحك. في الاثناء دا جات زوجتي وجلست وفي يدها خطاب تفاصيل المرتب بتاعها. فتحت الجواب ولقت انو في زيادة في الضرائب. ودي الزيادة التانية بسبب ما يعتقد انه من تداعيات الازمة المالية في اليونان وهبت كل دول الاتحاد الاوروبي لنجدتها.
عندما شافتني بضحك . سألتني بتضحك على شنو؟ قلت ليها . بضحك من آلية الاستغفار التى نادت بها الجماعة السلفية في السودان لحلحلة الازمة الاقتصادية في السودان وانهيار العملة الوطنية.
قامت قالت :
ياخي ما يكلموهم يستغفروا لليونان دي معاهم. …. والله عذبتنا خلاس الضرائب كل يوم في زيادة
انا لقيت الفكرة جاهزة وقمت طوالي رسمت الطلب دا على لسان دول الاتحاد الاوروبي لأخوانا السلفيين.
واظن استغفارهم نجح مع اليونان وفشل مع السودان واحتمال السبب لكثرة الحرامية واللصوص في بلادنا. والله أعلم
وقلت استغفروا ربكم انه كان غفارا
يرسل السماء عليسكم مدرارا
ويمددكم باموال وبنين ويجعل لكم انهارا
مالكم لا ترجون لله وقارا
صدق الله العظيم
انا اؤمن بهذا واصدقه واعمل به وانتو خلوكم في استهزائكم يا عاجزين