(( ﻓﻨﺎﻥ ﺳﻮﺩﺍﻧﻲ ﻓﻲ ﺍﻣﺪﺭﻣﺎﻥ ﻳﺼﻨﻊ ﺗﻤﺎﺛﻴﻞ ﻣﻦ ﺍﻟﻄﻴﻦ .ﻋﻤﻞ ﺗﻤﺜﺎﻝ ﺳﻤﺎﻩ الكوز ﻭﻭﻗﻒ ﻓﻲ ﺳﻮﻕ ﺍﻣﺪﺭﻣﺎﻥ ﻳﻨﺎﺩﻱ : ﺍلكوز ﺑﺠﻨﻴﻪ الكوز ﺑﺠﻨﻴﻪ ﻋﻠﻴﻨﺎ ﺟﺎﻱ، ﻗﺮﺏ
ﻭﺍﺷﺘﺮﻯ، الكوز ﺑﺠﻨﻴﻪ
ﺟﺎﻫﻮ ﺿﺎﺑﻂ وﺳﺄﻟﻮ :
ﺍﻟﻀﺎﺑﻂ : ﺍﻟﺘﻤﺜﺎﻝ ﺩﻩ ﻋﻤﻠﺘﻮ ﺍﻧﺖ؟
ﺍﻟﻔﻨﺎﻥ : ﻧﻌﻢ ﺳﻴﺎﺩﺗﻚ .
ﺍﻟﻀﺎﺑﻂ : ﺑﻲ ﻛﻢ ﺍﻟﻮﺍﺣﺪ ؟
ﺍﻟﻔﻨﺎﻥ : ﺑﺠﻨﻴﻪ ﺳﻴﺎﺩﺗﻚ .
ﺍﻟﻀﺎﺑﻂ : ﻣﺼﻨﻮﻉ ﻣﻦ ﺷﻨﻮ ؟
ﺍﻟﻔﻨﺎﻥ : ﻣﻦ ﻣﻮﻳﻪ ﻭﻃﻴﻦ ﻭﺯﺑﺎﻟﻪ ﺳﻴﺎﺩﺗﻚ .
ﺍﻟﻀﺎﺑﻂ : ﻭﺗﺴﻤﻴﻬﻮ ” كوز ؟ “
ﺍﻟﻔﻨﺎﻥ : ﻧﻌﻢ ﺳﻴﺎﺩﺗﻚ .
ﺍﻟﻀﺎﺑﻂ : ﺩﻱ ﻗﻠﺔ ﺍﺩﺏ ﻣﻨﻚ ﻭﺗﻬﺪﻳﺪ ﻟﻼﻣﻦ ﺍﻟﻌﺎﻡ والوطن ﻭﺧﺮﻕ ﻟﻠﻘﺎﻧﻮﻥ . ﻳﻼ ﺍﻣﺸﻲ ﻣﻌﺎﻱ ﺍﻟﺴﺠﻦ.
ﺍﻋﺘﻘﻞ ﺍﻟﻔﻨﺎﻥ، ﻭﻓﻲ ﺍﻟﺴﺠﻦ ﺿﺮﺑﻮﻩ، ﻭﻋﺬﺑﻮﻩ. ﻭﺑﻌﺪ ﺍﺳﺒﻮﻉ، ﺍﻃﻠﻘﻮﺍ ﺳﺮﺍﺣﻮ، ﻋﻠﻰ ﺷﺮﻁ ﻣﺎ ﻳﺼﻨﻊ ﺗﻤﺜﺎﻝ ﻣﺮﺓ ﺛﺎﻧﻴﺔ .
ﺍﻟﻔﻨﺎﻥ ﺍﻟﻤﺮﺓ ﺩﻳﻪ ﻋﻤﻞ ﺗﻤﺜﺎﻝ ﻭﺳﻤﺎﻩ “ﺍﻟﻤﻮﺍﻃﻦ .”
ﻭﺭﺟﻊ ﺍﻟﺴﻮﻕ ﻭﻗﻌﺪ ﻳﻨﺎﺩﻱ ” : ﺍﻟﻤﻮﺍﻃﻦ ﺑﺠﻨﻴﻪ، ﺍﻟﻤﻮﺍﻃﻦ ﺑﺠﻨﻴﻪ،
ﻗﺮﺏ ﻋﻠﻴﻨﺎ ﺟﺎﻱ، ﺍﻟﻤﻮﺍﻃﻦ ﺑﺠﻨﻴﻪ
ﺍﻟﻀﺎﺑﻂ ﺟﺎﻫﻮ ﻣﺮﺓ ﺛﺎﻧﻴﺔ ﻭﺳﺎﻟﻮ
ﺍﻟﻀﺎﺑﻂ : ﺑﻲ ﻛﻢ ﺗﻤﺜﺎﻝ ﺍﻟﻤﻮﺍﻃﻦ؟
ﺍﻟﻔﻨﺎﻥ : ﺑﺠﻨﻴﻪ ﺳﻴﺎﺩﺗﻚ .
ﺍﻟﻀﺎﺑﻂ : ﻣﺼﻨﻮﻉ ﻣﻦ ﺷﻨﻮ؟
ﺍﻟﻔﻨﺎﻥ : ﻣﻦ ﻣﻮﻳﺔ ﻭﻃﻴﻦ ﺳﻴﺎﺩﺗﻚ .
ﺍﻟﻀﺎﺑﻂ : ﻭﻟﻴﻪ ﻣﺎﻓﻴﻬﻮ ﺯﺑﺎﻟﻪ؟
ﺍﻟﻔﻨﺎﻥ : ﻟﻮ ﻋﻤﻠﺖ ﻓﻴﻬﻮ ﺯﺑﺎﻟﻪ ﺣﻴﺒﻘﻰ “كوز” ﺳﻴﺎﺩﺗﻚ.)) 
