اعظم انجاز رياضي في تاريخ السودان

تحروا الهلال…
محمد حسن شوربجي…

⚽⚽⚽⚽⚽⚽⚽⚽⚽⚽⚽⚽⚽⚽⚽
شكرا هلال السودان وقد صنعت للسودان اعظم انجاز رياضي في تاريخه …
نعم فما حدث هو اعظم انجاز رياضي لنادي لم يشهد العالم مثيله …
فما من نادي في هذا العالم قد حقق بطولة دوري في بلاد غير بلاده الا الهلال…
فشكرا هلال الملايين كل هذا الابداع وقد افرحت شعبنا الذي يعيش كل الاحزان …
فلك الحمد يا الله وقد نادي المنادي من بلاد ( أرض الألف تلة ) ان هلال السودان هو البطل المتوج بدوريها…
ولك الحمد يا الله ان الهلال قد مثل السودان خير تمثيل …
ولم لا وقد عكس في رواندا روح المحبة والاحترام وكل جماليات مثلنا السودانيه العريقه…
فنال بذلك اعجاب الكثير من شعب رواندا الذين ارتدي شبابهم قمصان الهلال حبا في الهلال وقد امتلأت ملاعبهم بالمشجعين للازرق السوداني …
نعم يا هو دا هلال التربيه الذي يعرفه الجميع …
واثق الخطوة يمشـي ملكـاً ظالم الحسن شهي الكبريـاء …
عبق السحر كأنفاس الربـى ساهم الطرف كأحلام المساء….
فحقا اخوتي هلالنا هو سيد الفرح…
فلك الحمد ربي حتي ترضي…ولك الحمد بعد الرضي…
وشكرا روندا سويسرا افريقيا واهلها الطيبين حسن تعاملكم مع الهلال وبكل هذا الكرم الفياض …
شكرا احتضانكم للهلال في ارضكم الطيبة …
وهذا جميل سيظل عالقا في اعناقنا حتي نرده لكم في بلادنا …
وشكرا رئيس رواندا المحترم بول كاغامه …
وشكرا فابريس شيما رئيس الاتحاد الرواندي لكرة القدم (FERWAFA) واركان حربه لما قدموه للهلال…
شكرا لكم جميعا بكل لغات رواندا الكينيارواندا و الإنجليزية و الفرنسية …
وشكرا لكم جميعا بكل لغاتنا السودانيه ولهجاتها …
وشكرا ريجكامب واركان حربه وكل اللاعبين …
وشكرا فريد ويدراوغو ،محمد المصطفى ،علي أبو عشرين ،محمد مدني ،مصطفى كرشوم ،عثماني ديوف ،محمد أحمد إرنق ،إرنست لوزولو ،استيفن إيبويلا ،فارس عبد الله ،الطيب عبد الرازق ،والي الدين خضر “بوغبا” ،أبروسيوس بيتروس ،غاسوما فوفانا ، صلاح عادل ، عبد الرؤوف يعقوب ،يوسف كابوري ، محمد عبد الرحمن، إيمانويل فلومو ،جان كلود جيروموجيشا ،موسى حسين “كانتي” ،ياسر مزمل ،مازن فضل والبقيه …
وافرحي ايتها الجماهير الهلالية الزرقاء بما تحقق من انجاز عظيم…
فكل ما انتصر الهلال راودتني قصة ذلك الهلالي الجميل الذي اختار اسم الهلال في جلسة مسائية لمؤسسيه…
فحينما أطل القمر في تلك الليلة…
وسطع وأنار في كبد السماء…
قال أحدهم فلنسميه القمر…
فرد عليه آخر ولماذا لا نسميه الهلال…
وتم الاتفاق على هذا المسمي الجميل (هلال السودان)…
كأول نادي يطلق عليه اسم الهلال في السودان…
وكأول نادي يطلق عليه اسم الهلال في افريقيا…
وكأول نادي يطلق عليه اسم الهلال في بلاد العرب…
فبعدها احبته كل افريقيا …
وبعدها عشقه كل العرب …
وها هو الهلال ومن جديد يسطر تاريخا لم يسبقه عليه أحد…
فالهلال هو حقا هو صاحب هذا الانجاز الرائع الجميل …
وهو الآن في مراتب المبدعين…
ولم لا فقد يقوم الكاف بتكريمه وتقوم الفيفا بتكريمه …
فهذا العمل فريد و لم يشهده العالم من قبل…
وامنياتي ان يضاف لموسوعة غينيس العالميه …
وعلي كل حال دعونا الآن نفرح ونزغرد ونزف الهلال عريسا في الوطن…
فشعبنا العظيم هو من يستحق كل هذه الافراح…
وان كانت أفراحنا تعذب آخرين شذوا وقد اصطف بعضهم وخصوم الهلال فتبا لهم …
فالليلة دا يوم السودان البلد الليلة هلالابى
النيل الأزرق نشوان والأبيض أبيض ياأحبابى
يامشرّف كل الأتيام فى يوم السعد الافريقى
يا مفرّح كبد الأيتام باللعب البعد الموسيقى
يا هلال فى جبيرة سودانك فى جبين الشعب الحبّوب
أبشر لاباشر وأقوانك ياعريس السمر المحبوب
تعجبنى الرمية الزنجية لى رأس الحربة النوبية
بى خفة لمسة بجاوية تتسامى الهامة العربية
وتتناول نسمة صعيديّة تسكن بى كلّ أريحيّة
ما بين الخصل البنيّة وزغريدة تبق سودانية
لى أروع دخلة على النية لى أروع دخلة هلالية
البحر الليلة هلالابى …
المطر..الحجر..الترّاب…
الشدر الشايل متكابى…
الساقى عروقو الحطابى…
الشوقو عنقريب هبّابى…
الشاقّى مروقو هلالابى…
الوسّار ذوقو هلالابى…
القمر البيتو قصاد بابى…
حبيتو لانو هلالابى…
وين تمشى الراضى على المابى…
بالشمش الفوقو هلالابى…
يا ليم يا الكورة وكت تبقى…
أخلاق موروثة مع الخلقة…
الغالب حاضنو المغلوب بمودة وحنية ورقة…
وجمهور بيشجع مصحوب…
بالنغم الطيب والصفقة…
الله ياشعب ياحبوب…
ما أحلى الدخلة على المرقة يا فريق بيطلع كم فرقة…
يامارق بينا من الزنقة وحدنا شبعنا من الفرقة…
جددنا عشان نبقى وتبقى ياريت الطالقة المنطلقة…
وعلى بعض طلقة ياريت يا أبونا يا ابو الحرقة…
لو تقرا بياضك والزرقة…
الف الف مبروك كل امة الهلال…
الف الف مبروك كل سوداني…
الف الف مبروك سوباط القيادة…
الف الف مبروك عليقي الريادة…
الف الف مبروك كل اعضاء مجلس الادارة…
وشفنا حبيب بنريدو غير عله اهلا بيهو الهلال هلا…
والحزن ولى كوكب الاحلام في السماء اتعلا اهلا بيهو الهلال هلا…
ودمت يا هلال موفور القيم
⚽⚽⚽⚽⚽⚽⚽⚽⚽⚽⚽⚽⚽⚽⚽
محمد حسن شوربجي