الهلال يفاوض نجما مريخيا بارزا ويقترب من زغبير ويؤمن ثلاثة لاعبين في الممتاز
تردد امس ان غرفة تسجيلات الهلال قد دخلت طرفا في مفاوضة نجم مريخي بارز مطلوق السراح في فترة تنقلات وتسجيلات اللاعبين المرتقبة لا يلعب في خط الهجوم حسبما افادت المعلومات وتحركت غرفة الهلال لمفاوضته بعد ان حصلت على معلومات كافية بانه سيكمل فترة قيده مع ناديه نهاية هذا الموسم.
الهلال يقترب من ايهاب زغبير
اقترب الهلال كثيرا من الحارس ايهاب زغبير بعد المفاوضات التي جرت امس مع اللاعب وناديه وقد حصلت غرفة تسجيلات الهلال علي موافقة اللاعب وادارة الاهلي وينتظر ان تكتمل بقية التفاصيل في الساعات القليلة القادمة على نحو ماحدث في صفقة اللاعبين نزار الحاج وصالح الامين مع الامل العطبراوي.
الهلال يؤمن ثلاثة لاعبين كبار في الممتاز
علمت «قوون» ان غرفة تسجيلات الهلال قد امنت امس ثلاثة لاعبين كبار في الدوري الممتاز يلعبون في اندية مختلفة في وظائف المحور والدفاع والطرف تم الاتفاق معهم مبدئيا أمس وستتواصل المفاوضات اليوم معهم وانديتهم لاكمال الصفقات.
قوون
كان فيها خير ما رماها الطير يا سعادة البرير و بلاش تتشبر خلي الخبز لخبازو
فريق الدلاقين ده ما فيهو لاعب يصلح للمشاركة إفريقياً و لو معولين على لعيبة
الممتاز في التسجيلات القادمة يبقى الكونفدرالية ما ح نحلم نشارك فيها الموسم
القادم الهلال بحاجة لخط دفاع كااااامل مش أشباه لاعبين عايزين لعيبة حقيقيين
و لو كنت بتحلم بأنه الهلال يواصل مشاركاته في الأبطال أتوجه لغرب إفريقيا
كل يوم نسمع ونقرأ الهلال يفاوض اللاعب الفلاني والهلال يحسم صفقة اللاعب العلاني
والهلال يفاوض نجم كبير والهلال يخطط لاحداث مفاجأة وبكرة نسمع الهلال يحسم صفقة ميسي وكاكا ويفاوض مورينيو
نتوقع اي حاجة في ظل تواجد هذه الادارة الفاشلة والاعلام الذي يجيد الكذب والتضليل لهذه الجماهير من أجل توزيع أكبر قدر من الصحف
لا ادارة بتهمها مصلحة الكورة ولا اعلام
اعلام كلوا سماسرة لاعبين وهمهم الاول الكسب المادي عشان كدا ما حنتقدم وحتتطور كورتنا ما لم تتغير طريقة اداراتنا المتخلفة هذه
هذا ::::الصفر::::الكبيييييييييييييييييييييييير::لا::يمكن::مغادرته::حتى يلج الجمل فى سم الخياط:::الم ترد خطيبة الهلالابى الذى طلب منها ان يكون اكمال مراسم زواجهما بعد نيل كاس الابطال بقولها قوووووول ما عايزنى عدييييييييييييييل كده؟
شرف ليكم لما لاعب من المريخ يلعب عندكم اقله عنده ثقافة البطولات وما بيقلبا في لفة ام مغد وما بيديها الطير بعد ما تلبن عمركم ماهتشيلو بطولة غير بمساعدة المريخ
هووووي يا تمهيدابي البطولات شفتوها وين بتغادرو من ال32
و الممتاز تحلمو بيهو ليكم سنتين
إن شا الله يا رب الهلال أصلو ما يشيل كاس و في قيوده لاعب
كان بلعب للدلاقين
هل فى المريخ لاعب يستحق ان يلعب فى الهلال ؟؟؟؟؟؟؟؟؟؟:D :D :D :D :D :D