مكتب النقابات المركزي : 3 ألف جنيه قيمة تكاليف المعيشة شهريا
كشفت دراسة أعدها مكتب النقابات التابع للحزب الشيوعي عن ارتفاع تكاليف المعيشة الضرورية للأسرة السودانية بنسبة 72% خلال عام واحد .
وبينت بالأرقام أن احتياجات الأسرة المتوسطة الشهرية في حدها الأدني تفوق مبلغ الثلاثة ألف جنيه ، بينما كانت تعادل 1.8 ألف جنيه خلال سبتمبر 2010 .
وعزا مصدر اقتصادي هذا الارتفاع إلي عدم قدرة النظام علي كبح جماح الغلاء المتصاعد مشيراً إلي السياسات الاقتصادية الفاشلة التي دمرت القطاعات الإنتاجية وعصفت بقيمة الجنيه السوداني مقابل العملات الأجنبية ، مشيراً إلي أن الحد الأدني للأجور الحكومي يعادل 147 جنيهاً فقط أي ما يساوي واحد علي عشرين من المبلغ المطلوب ? في حده الأدني ? لتغطية تكاليف المعيشة الضرورية شهرياً
الميدان
طبعا ال3 الف دي احتياجات الشعب الشيوعي مش السوداني .فيها الخمر والحفلات وهلم جرا .ياخي اتقوا الله. معنى كلامك دة 90 % من الشعب السوداني مش تحت خط الفقر دة ميت اساسا. الناس لو بتقول الحقيقة ,كان البلد دة اتصلح. مش تقول كلام كلو مكايدات سياسية, اتقوا الله في السودان. والله لو كان بتكلم كان اتبرا منكم كلكم. كيزان على امة على اتحادي على شيوعي .الله ينتقم منكم ,وبالنسبة لي اعضاء الاحزاب الاغبياء تكوركو وتتعبو وتموتو وهم راكبين تاتشرات وطيارات.
الاخ السودانى انا بعزرك لانو انت شكلك ما عايش فى السودان اديك مثال بسيط انا واعوز بلله من كلمة انا دخلى الشهرى 3000 جنية رب اسرة مكونة من 5 افراد مؤجر منزل بى 800 مدارس انسى مصروف مدرسة يومى انسى مصاريف علاج الوالد والوالدة انسى الاكل والشراب انسى كيلو اللحمة بقى بى 30 و باقة الزيت بى 45 وكيس اللبن بى 65 عالما باننى لست من المدخنين الو ناس المكيفات الانت بتقول عليها بس الحمد لله و و و و و و و و . ذى ما قلت الشعب السودانى ميت حقيقة ويفتقر للحياة الكريمة وحقيقة الناس بقت الفطور طعمية والغدا سخينة والعشاء بوش بى موية فول والله حرام ……. والله المستعان وحسبى الله ونعم الوكيل يا ربى تصلح الحال
–
–
–
–
–
–
–
اقترح انو الحد الادنى للاجور يكون 5000 جنية سودانى عشان المواطن السودانى يتحلى ببعض من الطمانينة وما امد ايدو على حق زول والله المستعان
الاخ السوداني انت أكيد ما سوداني الظاهر خليجي لانه لو سوداني و بتعول عائلة من