بدء محاكمة رجل ادعى أنه المسيح و(17) من أتباعه
الخرطوم: سلمى آدم:
بدأت محكمة جنايات الازهري امس الاول ، برئاسة القاضي الدكتور محمد الطيب سرور، اولى جلساتها لمحاكمة رجل ادعى انه المسيح عيسى بن مريم و (17) من اتباعه اغلبهم من الشباب بينهم اساتذة ثانوي ومهندس معماري.
وقال المتحري ملازم شرطة الحاج محمد، ان فريقا من شرطة الازهري تحرك لتمشيط المنطقة من عصابات النيقرز، ووجد مجموعة من الشباب بالميدان وبتفتيشهم عثر بحوزتهم على قطعة حشيش وتم اقتيادهم الى قسم الشرطة، وبالتحري معهم ذكروا أنهم يتبعون لعيسى المسيح، وارشدوا لمنزله ليتم القبض عليه وضبط بحوزته منشورات وباستجوابه بمحضر التحري قال ان اسمه سليمان ابو القاسم موسى، نزل من السماء روحا في رحم امرأة اسمها دارالسلام محمد، وهي من اهل بيت النبي الكريم محمد،ولكن بمرور الزمن اتضح له بأنه ليس لديه اب ولا جد وله ام وانه عيسى عليه ?لسلام، وان الله عز وجل في العام 1981م، قال له بلغ الناس وبدأ دعوته في سجن نيالا في نفس العام الذي بلغ فيه .
واضاف أن الرسول الكريم جاء اليه وجمع الاولياء والصالحين وامره ان يؤمهم لكنه وقف لأن النبي معهم ،
وقال مدعي المسيح انه جاء الى الخرطوم وعقدت له مناظرة مع الشيخ حسن عبدالجبار والشيخ حسن حامد، لكنهما لم يتوصلا معه إلى شيء، وذلك بأنه يصلي صلاة الجمعة بمنزله ولا يصلي خلف امام في المساجد وله موقع في الانترنت.
وذكر المتحري في اقواله أن جميع المتهمين عند استجوابهم قالوا بأنهم يؤمنون ايمانا قاطعا بأنه المسيح عليه السلام والمهدي المنتظر وخليفة الرسول صلى الله عليه وسلم، وان العلامات الموجودة به من ثقل في الكلام واسمرار اللون وانه من السودان، تؤكد صحة ما جاء به ، ولا يصلون الا خلفه..
اما المتهم السادس عشر، فقد ذكر بأنه سوف يؤدي دور خالد بن الوليد ويقود جيش المسيح عليه السلام ولديهم اتباع عددهم (480) شخصا، وان علماء الدين بالسودان علماء سلطة وانه التقى بأسامة بن لادن في منطقة سوبا.
وبتلاوة اقوالهم بمحضر التحري، اقروا بها ما عدا المتهم السابع عشرالذي انكر اتباعه له.وقدم المتحري (30) مستند اتهام عبارة عن سلسلة منشورات لعيسى المسيح بعناوين مختلفة ،منها ان شعب السودان سيقود العالم بالاسلام ،وان سليمان هو المهدي القادم، وحددت المحكمة الخميس لسماع شهود الاتهام.
الصحافة
يا مغبون هل تقصد أن هناك شطحات ومبالغات في كتب الامام المهدي و خليفته التعايشي؟
يا محمود لا تسخر من أطفال المايقوما …اللي فيهم مكفيهم
صباح الخير ياجماعة
الناس دي بتلقى السجارات العفنة دى وين !!!!!!!!!!!!!:lool:
:lool: :lool: :lool: :lool:
مالت عليهم وعلي والديهم وش ها السخافات هزي (؟) (؟) (؟) من صج شئ يضحك
يعني اي واحد يقوم ما يشوف ابوه قدامه او ماعندو أب وبالتالي ماعندو جد يكون مجهول النسب يقول انا عيسي ههههههههههه والله اكان كدي ياعيال المايقوما ليكم القومة
أوعي يكون المسيح لابس جلابية وعمة… والله ليهم حق اذا البلد كلها اصبحت شيوخ يفتون فى الابرة ويبلعون العتلة… قاتل الله الجهل…
ده شنو ده؟
شــــنووووووووووو …………………:confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused: :confused:
هولائي شواطين المسيح بريء منكم ربنا يحاسبكم يوم الحساب الدنيا فانيه لكن الحساب جاي الويل لكم قانون السماء اقوي من قانون الارض اعملوا حساب لهذا اليوم الله يهديكم . ويهدي كل مختل عقل……………………………؟
راجعوا حضرات المهدي وحضرات التعايشى وستقرأوون العجب،هذا الدجل ليس بجديد علينا
والله العظيم يا جماعة أنا عندي فكرة كبيرة جداً في الحاصل ده والله السودان 70% منه شعوذة ودجل ودجالين يلعبون على النساء باعتبارهن الأقرب صدقاً لهؤلاء المشعوذين وقد رأيت بأم عيني رجلاً معاه أكثر من 15 إمراة في منطقة اسمها الحضور ويقولوا رجل صالح فلما ذهبت إليه وجدته يتكلم مع الجن ولا يصلى وما شاء الله عنده أكثر من جهاز اتصال موبايل غير الثابت وكلامه كله مع الحريم وعن القروش وأقسم بالله خرجت منه وسألت إمام المسجد العتيق فقال لي هذا الرجل يشرب البنقو من المغرب حتى آخر الليل ولا يحضر لهذا المسجد على الإطلاق .. و .. فهل يوجد مشكلة أكبر من ذلك يا جماعة والله ربنا بحفظ البلد بالتوحيد والإيمان بالله وحده لا شريك له وما يمر به السودان من محن بسبب هؤلاء ومع الأسف نجد كثير من العلماء يتبعون لهؤلاء الدجالين حتى على مستوى حكومتنا فها هو الشيخ علي عثمان محمد طه ونافع لديهم علاقة وطيدة بشيخ يدعى المرين بمدينة الهلالية وزاره قبل عدة أشهر وهو لا شيخ ولا يحزنون ولا يصلي مع الجماعة ولا يصلي في المسجد . هذا هو حالنا في ا لسودان والله لو كان هؤلاء صالحون كان السودان يكون أغنى دولة في العالم.
يا مشغول بالجد تعليقك ظريف ;(((
صباح الخير ياجماعة
الناس دي بتلقى السجارات العفنة دى وين !!!!!!!!!!!!! )))
ههههههههههههههههههههههههههههههههههههههههههههه
قلت لي قوية …إمكن يكون وارد جوبا يا مشغوووول ….
والجماعة ديل صدقوا على طول !! والله حكاية نحير الواحد ….
واللي أنا عارفو : أن المسيخ الدجال هو الذي سوف يظهر ، وليس المسيح ولد دار السلام .
المهم الجماعة ديل قول ليهم قولوا بسم الله ،،، وودوهم على شاطئ البحر عشان تفك شوية … والله عجايب .
لو بحثتو فى اصل الراجل حتلقوه كان كوز. اصلوا مافى غير الكيزان بدعى هذه الاشياء لان ابراهيم السنوسى والى شمال كردفان فى غابر الزمان كان يسمى البشير بعمر بن الخطاب وكان ينعت الترابى بمجدد العصر وصديق الامه ،ومنهم من يلقَب بالامام مسلم والبخارى واسد الله وسيد الشهداء وابو دجانه وامير المجاهدين وسيف الله وغيرها من الالقاب
والله يا عمك سجارتك موش قويه ;) ;) ;) ( ) ( ) ( ) ( ) ( ) ( ) :rolleyes: :rolleyes: :rolleyes: :rolleyes: :lool: :lool:
الكترااااابة…..الكاموتة دي جبتوها من وين؟؟ دي إالا بواسطة وزير الداخلية لأنو الصنف ده نادر والناس ديل طولوا من اللحمة سطلتهم دي ما بفكها ليهم إلا (ضان بالصاج) باين الطحنية ما شغالة
من امارات الساعة و اشراطها خروج الدجالين الكذابين الذين يدعون النبوة و يثيرون الفتنة باباطيلهم و قد اخبر النبي صلى الله عليه وسلم ان عدد هؤلاء قريب من ثلاثين.
فقال صلى الله عليه وسلم >
وبما أنه المجال خاص بالتعاطى والممنوعات … والخيال الخصب ..
* عمك (تنقو) بياع ألبنقو ا تقدم لشابه .. سالوه شغال شنو؟ قال ليهم فنى ( تكـييف)
*واحد اشترى خروف عجبو شديد لدرجة إنو (حننو) ولبسو (هلال) قام جاب ضباح مسطول شاف الخروف ( محنن ولابس هلال) قام طـهـرو .. ومشـى ..
* مسطول سمع المدرس بقول المثابرة ( تُولّد ) النجاح قال مـتين المثابرة بقت ( دايـه )..
*مسطول سايق تاكسِ الراكب قاليهو: (لِـف) يمين.. قاليهو.. لفها انت ………أنا سايق ..
* مدرس بيدرس فى طلبة مساطيل قال ليهم: يعيش السمك فى الماء .. قالو ليهو: يعيش… يعيش..يعيش .. يعيش ..
* واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت
*مسطول عندو حجاب بلبسوا بالنهار وبالليل بختو فى المصحف سالوه ليه قال عشان يشحن
* واحد قال لرباطابيه بـريـدك قالت ليهو (ص .ب 125) أب حمد ..
* واحد بيغرق البحر ومافى جنبو الا شايقى قال للشايقى .. عليك الله انقذنى الشايقى قال ليهو يازول استغفر ربك ده يـومــك … مع الاعتذار
ولـلـنـكــات بـقـيـه …
الجــعـلى البــعدى يـومـو خنـق …
من مدينة الـدنـدر الطـيب أهـلـها … والــراقِ زولا …
يا جماعة ده عندو شيزوفرينيا …. لكن 16 زول دي كتيرة …. انتو ناس في السودان جنت و الا شنو ….
المؤتمرجية نفروا الناس وكرهوهم الاسلام :lool: ;)
من عام 1981م وأتباعك (17) وعمرك كم وستين … بالواضح كدة في كل سنتين بتقنع ليك شخص واحد … عشان تقنع (500) نفر عاوز ليك 1000 سنة .
ياعمك إنت ماقاري حساب ولا رياضيات .. كده أحسبها صاح ياود ابو القاسم موسي يمكن الحكاية حلم ساكت ((( الله ينعل الشيطان ))) .
ياراجل يادجال بالله عليك ورينا أنت منو بالضبط ( سليمان ) ولا ( عيسي ) ولا ( المهدي المنتظر ) لكن يبدو إنك واحد تافه وحقير عرست ليك جنية مسطوله أوهمتك فيما تدعيه. ألا لعنة الله عليك وعلي أمثالك وتابعيك بتاعين ( الحزام الاخضر ) والعجب العجيب أنهم في دائرة إختصاص الحزام الاخضر ( الازهري ) حاليا وذي ماقال أخونا الجعلي في تعليقة ونكاته الظريفة أنا بقترح أن يعرض هذا المسيح الدجال علي لجنة طبية ليتأكدوا فعلا هل هو ( مختون ) أم ( مجنون ) فإذا ثبت أنه غير مختون فنتمني من الدولة أن تخصص له يوم مفتوح في حدائق اشهداء لتتم له مراسم عرس الشهيد ……:lool: :o :o :o :o وأذا لم يكن مجنون فعلي اللجنة الطبية أن تعترف وقتها بأنها هي المجنونة …… نكرر ألا لعنة الله علي الدجالين والافاكين …… مع العلم أن سياسات الدولة هي من تنجب مثل هولاء الدجالين ….. وفي كل المجالات ربنا يستر:mad: :mad: :mad: :mad: :mad: :mad: