مصرع وإصابة 18 شخصاً إثر حادث مروري بالحصاحيصا
الحصاحيصا: مزمل يعقوب /مدني : سليمان سلمان
لقي أحد عشر شخصاً مصرعهم وأصيب ثمانية آخرون إثر حادث حركة بمنطقة أربجي بمحلية الحصاحيصا ظهر أمس الاول نتيجة تصادم بص سفري متوجه من الخرطوم إلى سنجة وحافلة ركاب قادمة من قرية العيكورة للحصاحيصا حيث حاول سائق البص تفادي عربة أخرى ليصطدم بالحافلة حيث توفي عشرة أشخاص في الحال بينما توفي طفل أثناء أسعافه للخرطوم وقد خف لمكان الحادث السيد معتمد محلية الحصاحيصا والعقيد أسامة الطيب – مدير إدارة المرور السريع – والعقيد هشام عبدالله دفع الله – مدير شرطة الحصاحيصا – والرائد آدم إبراهيم – مدير شرطة مرور الحصاحيصا – وأيضا العقيد جمال محمد صالح والملازم يسن إبراهيم بجانب كل قوات الشرطة بالمنطقة حيث عملوا على فتح الطريق وإخراج الجثامين وإسعاف المصابين كما قام أطباء مستشفى الحصاحيصا بدور فعال في معالجة المصابين. هذا ولم يصب أي شخص من ركاب البص بينما توفي سائق الحافلة عبدالله محمد بساطي«55» سنه من قرية الدوينيب بجانب عبدالباقي عبدالرحيم محمود – 60 سنة من العيكورة، سماح الشيخ عبدالله -30 سنة طالبة ماجستير من العيكورة ، أحمد محمد محمد محمد طه -40 سنة من العماره أمير ، عبدالباقي الطيب الأمين – 40 سنة الدوينيب ، حليمة إبراهيم الزين – 35 سنه العيكورة- سناء الشيخ عبدالله 30 سنه العيكورة ، نوال بابكر الطيب 28 سنة الدوينيب ، إدريس محمد علي إدريس -45 سنة إمام مسجد العيكورة، معاوية أحمد محمد عبدالله 45 سنة الدوينيب ، إيناس أبوعبيده الطيب 7 سنوات العيكورة.
الوطن
لاحولة ولاقوة الا بالله لهم الرحمة ولاهال قرية الدونيب والعيكوره الرحمة والمغفره انا لله وانا اليه راجعون
اتمنى يعملو ا حارة ظلط تانيه ويبقى الشارع شارعين ماشى وجاى النفوس دى اغلى من كيمان زفت وحصحاص يا ولاة امرنا انت مسؤلين لما لم تسوا لها الطريق
الاستاذ مزمل ارجو ان تكون صادقا" في كتابتك وذلك لانك لم تذكر السبب الرئيسي الذى ادى الي وقوع هذة الكارثة مع في هذة الايام المباركة والسبب كما يعلمة الجميع وقوف سيارة المرور السريع في منتصف الطريق . المهم انا لو كنت سائق الباص كان طلعت في المرور وكل من ينتسب الية
اناس المرور اقترح ليكم اقتراح اقترح اى عربيه جاية من جهة مدنى للخرطوم تجى بشارع شرق النيل الجديد الرابط مع مدنى يعنى اى بص جاى من كسلا والجهات ديك يجى بالشارع ده واى عربيه طالعه من الخرطوم ماشه جهة مدنى تمشى بشارع سوبا القديم وبالتالى الاتجاه يكون واحد وخففتوا مشكلة التخطى وحكاية المفاجاة بعربية جاى من الاتجاه الاخر وانو السواق غلطان دة تبرير باهت انتو سوو العليكم وامنعوا السواق من نفسوا الامارة وبالتالى نستفيد من الشارع ده .
هذه واحد مشكلة داخلية اخرى كبرى المك نمر وبحرى كبرى بحرى القديم من سنة 1906 يعنى مابتحمل بقة وكارثه وارده طيب ياجماعة الخير طلعوا قرار بانو اى عربية صغيرة اقلة من حافلة وتصنفوا العربات تمر بكبرى المك نمر وماتجى بحق بحرى اجباريا حتى لو ماشه الصناعات وتخلو كبرى بحرى للحافلات الركاب والعربات الاكبر وبالتالى نستفيد من كبرى المك نمر بل زحمة الصباح والساعة 2 المابتنتهى دى لانو اسى قاعد زينة ساكت.
ثالثا وده لناس التخطيط والطرق الملاحظ انو اى طائرة جاى من جهة الشرق جدة وبورسودان الخ بتقاصد شارع الطيار الكدرو او شارع الصناعات وكذالك اى طائرة جايه من جهة الجنوب بتقاصد الشوارع الارضيه الداخلة على جهة المطار طيب ياناس اى هبوط اطرارى فى شوارع ضيقه زى دى كارثه شى اعمدة قريبه للزلط واكشاك مع الشارع الضيق نفسوا طيب ليه ماتصمموا شوارع دى الكدرو الصناعات والشوارع الجايه من جهة الجنوب زى افريقيا بعرض يتوقع هبوط اطرارى وازالة الاعمدة وابعادها واى اكشاك واعلانات على الجانبين يعنى الشارع يكون مهبط اطرارى احتياطى بدل تحصل الكارثه ونجى نندب حظنا ولسه مافات شى ولا عاجبكم الانفس الغاليه البتموت دى اللهم هل بلغت اللهم فاشهد
وهذا مع امنياتى للجميع بوافر الصحة والسلامة
مهندس مساحة و تخطيط
الله يرحمهم و يارب تشفي الباقين
لهم الرحمة والمغفرة ادعوا لهم بالقبول في هذه الايام الطيبات ولاهلهم العزاء و ربنا يصبركم والتعزية موصولة للأهل بالعيكورة والدوينيب والكلام للمسؤلين عن الحادث لا يجدي نفعا لانهم ببساطة غير مسؤلين ولك الله يا بلدي