أخبار السودان

البشير ووداد بابكر في فاصل من الرقص – شاهد الفيديو –

نشر فيديو حديث لرئيس جمهورية السودان عمر البشير وهو يتراقص في حالة من النشوة والطرب العالي وسط مجموعة من الحسناوات برفقة سيدة السودان الاولى وداد بابكر على انغام ” من سحر الجنوب بسماتو ومن زهر الشمال نسماتو احبو واحب نوناتو نوناتو الفي وجناتو “..

تعليق واحد

  1. تعودنا عليه بهذا الرقيص الصاخب ؛فكلما ألقي خطاباً جماهيرياً إلا وكانت هنالك معه رقصة (سخنة) من نوع "حت النبق" ونراه يتمايل شمالاً ويميناً طرباً وإبتهاجاً ؛والآن يبدو لي ملّ الرقيص لوحده أتي بالحسناء الأولي وداد بابكر كي تشاركه هذا الطرب

  2. رقم اننى لا احب التعليق على خصوصيات الاخرين ,

    الى انه القصد من هذا الشريط الراقص للرئيس هو رفع شعبية البشير

    وسط العوام والرجرجة والدهماء .

    ويظهر البشير ومزاجه القريب من مزاج العوام .

    ( ( الرئيس دا واحد مننا وبيرقص معانا وهو كمان متواضع ))

  3. الرقاص الاكبر معتوه وشماشي حكمنا فى غفله من الزمن وبتاع جقق وهو زاتو جقه
    يجب اسقاط الراقص الاكبر :eek: :eek: :eek:

  4. مسخره ومهزله وعدم احترام الى النفس فى اى دوله تشاهدون رقيص يترقاص مثل الحمام مثل هذا الرئيس المجرم … ربنا يورينا فيك يوم يالبشير انت ومن حولك من انصاف الرجال

  5. بعييييييد عن السياسة ومع اختلاف وجهات النظر هي عادات الزواج السودانية المعروفة ومشاركة الرئيس وزوجته في هذا التراث يمثل تواضع كبييييييير جدا

  6. Yes He Have The Right To Dance With His Wife And Between the Beautiful Girles,Why? Becouse There Is No Problems In Sudan,Eductional,Health,Economic,And Security All Are Well And The People Very Happy. V I V A S U D A N :eek:

  7. ياااااااااااا سلااااااااااااام ياا بشبش وريهم انوا انت صعلوق زيهم ولو رجعنا للدين اللة اكبر بسم اللة صحابي كبير خاتم القران واحد وعشرين مرة وحاجي تلاتة وتلاتين مرة برة من الزيارات للسعودية بس الة يستر من اوكامبوا ماااااا يرقصك بعدين اجباري تقول ما بتعرف ترقص يشغل ليك الفيديو دة
    بعدين عليك اللة يا جربوع انت دة زمن برقصوا في انت كنت وين زمن البترول طلع.؟

  8. مالو ؟؟ ما يرقص واللا يعرض
    الرجل فرحان ومبسوط ,, يفرح ويهز ويعرض ويرقص فوق عديله
    فرح الرئيس او ضحكه او ابتسامته يعني لنا الامان والاطمئنان
    اللا مش كدا

  9. اذا لم تختشي كن رئيسا للسودان …!!
    في الوقت الذي ينشر فيه هذا المعتوه ( البشير ) الحرب والقتل والدمار في كل ركن من أركان البلاد نراه يتراقص ويتمايل ويتمايع مثل المراهق هو والسيدة النصابة الاولى ..!!
    هذا البشير لعمري مفطوم على الرقيص والهبل
    هذا البشير صدقوني حار بيه الدليل..
    لان بيمناه ..حبل وسلاسل لاهاي
    وبيسراه…..الحروب الطاحنة في كل شبر
    ومن امامه…الازمة الاقتصادية الطاحنة
    ومن خلفه…مصير القذافي ( الموت في العراء )
    ماذا يفعل غير ما انو يفكر في الرقيص عسى ولعل يخفف الstresses شخصيا بعترف لو كنت في مكانه لرقصت حتى الموت
    فالرجل حيران ..لا أرضا تحملها من غضب الشعب ولا سماء تقيه من سوء عمله غير أرجله الذي يستعمله في الرقيص ..
    الله يعينك يا شعب على الحظ العاثر والبهدلة امام العالم اجمع
    مرة واحد سالني انت سوداني ؟ قلت له نعم قال : هااا أنتوا جماعة الرقاص ..!!;) ;) ;) ;) ;)

  10. طيب يا العجب امو وقت اصلك صايع وبترقص مع الفتوات مضيقها علي خلق الله في شنو عايزين شريعة وتنتهي الحفلات الساعة 11 وما في اختلاط بالله شوفو الرجل الما بستحي كيف برقص مع الفتوات واخر لبس ومرته تكشف جنبه وشعبه مشرد في المعسكرات تفووووووووووووووووو عليك يا تعيس يا خايب الرجال

  11. واالله حاجة عجيبة صاحبنا يعمل في البروفات في اللقاءت الجماهيرية ويطبق في الحفلات الخاصة

  12. عادي الموضوع ايه الجديد فى كده كل أهل السودان بيرقصو شوفوا حاجه نستفيد منها وخلو الامور التافه ده

  13. ووووووووب علي لكن من امير المؤمنين واميرة المؤمنين …………
    هي لكن ما مبالغه … دا لقيتوووو وين ونكتووووووو من وين يا ناس الراكوبة شكيتكم على الله لكن ……….
    اللابسة احمر عسسسسسسسسسسسسسسسسسسسل
    واميرة المؤمنين كشفت صااااااااااااح وامير المؤمنين زاتووووووو ما قصر ونوناتو في وجناتو واحب نوناتو والفنان اوكامبو يا نااااااااااااااااس ………..
    ما عزمتونا الحفلة ليه يا امير المؤمنين ؟؟ والله بالغت وشذيت لكن ….
    بتحب الرقيص زي عيونك حتيتو حت السنين لكن مع الجكس …
    الحسناوات اللاتي يتراقصن بجانبك يا امير المؤمنين وماذا قال ابن تيمية في هذه المسألة ؟؟ أيحق لأمير المؤمنين ان يهز مؤخرته هكذا مع الجكس ولماذا لم تغير اميرة المؤمنين على بعلها ؟؟ وما هو موقف عبد الحي يوسف من هذه المسألة العويصة ؟ وكيف يرقص امير المؤمنين على انغام نوناتو في وجناتو مع جمهرة من الجكس العسسسسسل واميرة المؤمنين التي ما تورعت عن الكشف والحت ….!!!
    هي لله هي لله لا للسلطة ولا للجاه ………

  14. انتو فارغيييييييييين ده السودان واي واحد كبير صغير برقص في الحفل البخصو ده ما موضوع انا شخصيا ضد البشير الرئيس واذا لاقيتو في الحفلة دي ببشر ليهو يعني ده ما موضوع اذا لقيتو في بيت دعاره اكتبو ما شئتو

  15. والله ما اعترضنا انو الرئيس يشارك في الافراح لكن في برتكول بحكمو يا اخونا شيخ الحلة لية هيبة فما بالك برئيس ورئيس السودان كمان ……. هذا زمانك يا مهازل فمرحي ……… واذا كان دليل القوم غراب فما وصل القوم ولا وصل الغراب ……….. و البباري البشير بوديهو لي اوكامبو …… حتي البوس بتاع النقز (علي حد زعمهم) يقف مزهوا بنفسة في الحفلات فما بالك ببوس بلد قبل اليوم كان 1000000ميل

  16. بلاي يا جماعة واحد صعلوك بتاع Computer Application ينزل لينا الفيديو بدون صوت الفنان عشان نسمع الجكس دا بقول في شنو ؟؟؟ ووداد قالت شنو والشمارات شنو ؟
    شفتو ابو ريالة على شمال بشبش في الثانية 19 . 20 مبالغة لكن آخر اندماج .. تتلقي العمة كلها اتملت بزاق ؟؟
    مسكينة البت الاتدقت اربعين سوط على قفاها ……. وقال شنو بنطبق الشريعه ؟؟ هههههههههههه
    يا امير المؤمنين وانت ترقص على انغام نوناتو في وجناتو ؟؟؟ !!!!!!!!!!
    النفاق والبؤس والفساد والسرقة ……….
    بينما انت ترقص مع الحسان … اطفال دارفور في المعسكرات يبيتون القوى ,,, والشعب السوداني يكافح من اجل قوت يومه وانت ترقص ايها الكذاب ……….
    الثورة الثورة الثورة الثورة الثورة الثورة الثورة …..
    بينما انت ترقص … هنالك اجراءات بأمر قبض على وزير دفاعك ابو ريالة من المحكمة الجنائية الدولية في لاهاي ….

  17. طبعا هذا ليس احتفال رسمى —-
    انما حفلة زواج عائلية –
    واعتقد فى حفلات الزواج العائلية الكل يرقص ويطرب
    ومن مننا لم يفعل ذلك؟ا —
    اما مسالة فساد العائلة المالى وزواج المصالح فيما
    بينها فهذا حديث اخر مجاله ليس هنا ——–

  18. سؤال
    ياريس…. ناس قدو قدو ..جلدوا البنت ليه
    اذا انت كده
    دى حاجة غريبة..والمعاك دى نست راجلها المات واولادا وين
    انتو دا جنون ولا ممسوس الزول دا
    ;( ;( ;( ;( ;( ;( ;( ;( ;( ;( ;( ;( ;(

  19. (سبحانك لا علم لنا الا ما علمتنا إنك انت العليم الحكيم)
    ونحن اطفال كنا بنمشي مناسبات اهلنا وكنا بنرقص وبنطط ذي بقية الاطفال وعندما اصبحنا نميز اصبحنا لا نرقص في الحفلات لاننا سمعنا من اهلنا الكبار مقولة جدي عليه رحمه الله : الراجل اذا رقص نقص .
    ومن المقولات المتداولة لكل مقام مقال ولكل حدث حديث فاذا الشخص اراد ان يعيش على طبيعته فهذه هى حريته الشخصية ولكن اذا اصبح من الشخصيات العامة فهو لن يكون على طبيعته لانه اصبح رمز عام فعليه ان يتعفف من الصغائر وسوف يتتدخل كل العامة في هذه الحرية وعليه ان يكون قدوة ولو لمرحلة شغله الشأن العام .
    الانسان كلما كبر اصبح يميل الى الوقار والحكمة وبالتالى لابد أن يكون هنالك فرق بين لبس الرجل الشايب وبين لبس الرجل الشاب وبين كلمات الرجل الشايب وبين كلمات الرجل الشاب وبين مظهر الرجل الشايب وبين مظهر الرجل الشاب .
    هذه هى اخلاقنا التى تربينا عليها .
    بعيداً عن اقوال علماء السودان
    (سبحانك لا اله الا انت اني كنت من الظالمين)

  20. كتايب البشير لم تحتمل منظر امير واميرة المؤمنين وتم سحبه من اليوتيوب

    ــ
    لا مشكلة – الراكوبة ستقوم بانزال 100 نسخه منه

  21. مصطفي كونج تحياتي تعليقك مجنون جن وباين عليك ماكل السمكة ومقطع ديلها.
    لكن كشف نضيف!!! أرقد يا عيش أنا جرابك!!!!
    أين الفتية الذين آمنوا بربهم؟؟ أين الدولة الرسالية؟؟ أين هي لله لا للسلطة لا للجاه؟؟ أين دولة الشريعة والحكم الرشيد؟؟ أين معرفة الله؟؟ أنه الرقص على أعراض حرائر دارفور ، إنه الرقص على جماجم أطفال الشرق الذين أهلكتهم المجاعة إنه الرقص أمام مذابح الجنوب والعيلفون وتولوشي ومروي.
    طيب خليكم من ده كله شفتو يوم المرحوم القذافي أو بن علي (هرب) أو حسني مبارك أو علي عبدالله (أبو يمن) أو زرافة سوريا كشفوا وردحوا ورهزوا زي ده؟؟ وحكام السودان من شبكة وشبتاكا وبعانخي وترهاقاوناس عمارة دنقس وعبدالله جماع وحكام وأمراء المهدية ومرورا بالأزهري والمحجوب والصادق والجزولي دفع الله والنميري سمعتوا بيهم سووا زي ده؟؟
    هسع ينط ليكم واحد في حلقكم يقول ليكم الفيديو مفبرك وده ما هو ده شبيهه أو قرينه.

  22. احتراما للشعب الذي يحكمه كان عليه أن لا يرقص في مكان عام فاذا رقص داخل بيته فهذا شأن خاص ، بالاضافة الى أن عمره لا يتناسب مع الرقص وعلى الأقل كان عليه أن يكتفي بالتبشير بالعصا .. فكيف أجهزة الأمن يطلبون عدم اختلاط البنات مع الشباب ورئيسهم يتمايل طربا ويهز أردافه ضربا وجمعا وطرحا مع بنات حور عين .. غايتو ما نسمعه من وعظ وخطب فى المساجد ومنابر الاعلام من أمير المؤمنين وسدنته يتنافى مع حقيقة ما نشاهده فى هذه المقاطع .. خليك شيك بس رزين يا رئيس …

  23. يا قرَاء الراكوبة الفيديو دا … مؤشر خطير جدا وبثير تساؤلات كتيرة شديد واتوقع تداوله في قنوات اقليمية وعالمية في اليومين القادمين ؟؟
    واذناب الكيزان سوف يحاولون (هنا) نشر الاكاذيب والتبريرات الواهية لامتصاص الصدمة ؟!!
    نرجو ان ( تدوهم على قفاهم ) ولا تأخذكم بهم رأفة هؤلاء المأجورون التافهون ازيال ضار علي ضار وجهاز الأمن …….
    :::::::::::::::::::::::::::::::::::::::::::::::::::::::::::::::::::::::::::::::::::::::
    الرجاء ارسال الفيديو مع بعض المعلومات الخبرية بغرض تناولها اعلامياً في الميديا العالمية كال BBC CNN CNBC وممكن برضو الجزيرة (عشان قطر قلبت وشها ) وكذلك العربية العدو اللدود لنظام الانقاذ ……….
    على كل المناضلون الشرفاء التجاوب الجدي مع هذه الفيديو الفلته …

  24. يعنى الرقيص والإختلاط حلال على عمر بنقو وحرام على الشعب ؟ وين شيوخ الضلال ناس عبد الحى والكوده يفتوا لينا فى الفعل الفاحش من رأس الدوله وحرمه … وكان بدافع عن قدوقدو لمن جلد فتاة اليوتوب ؟ البدافعوا عن فعل عمر بنقو بنقول ليهم عمر بنقوا منع الإختلاط على الشعب وحلله لنفسه فى نفاق أكثر من كده ؟

  25. نطالب الحكم عليه هو ووداد بالجلد بتهمة الفعل الفاضح واللبس غير المحتشم وان ينفذ الحكم بواسطة بنات الجامعات ال يتجلدوا ظلم وتعرضوا للتشهير هم واسرهم
    اللهم ازل ملكهم واذلهم كما اذلوا حرائر السودان , هذا الفاجر التافه الحقير المنافق الكاذب الحقود المريض نفسيآ غير السوي مستر ازوسبيرميا وزوجته اول زوجه لرئيس سوداني حراميه

  26. ماتجى نرقص . هاهاهاهاهاهاهاهاهاهاهاهاهاهاهاها
    اذا كان رب البيت للدف ضارب فأهل البيت شيمتهم الرقص
    فما بالك اذا كان رب البيت راقصصصصصصصصص
    يا عبد الحى ما قلتا الغناء حرام .مفروض تقيم الحد على الزول دا

  27. اذا كان رب البيت بالدف ضارب فما شيمة اهل البيت الا الرقص والطرب

    الشعب السوداااااااااااااااااااااااااااااااااااااااني حلال عليكم الرقص والطرب!!!!!!!!!!!!!

    اتق الله يا ود البشير

  28. كل ما يفعله امير المؤمنين واميرة المؤمنين حلاااال .. لو قتل ولو عذب ولو شرد ولو سرق ولو عمل السبعه وذمتها برضو حلااال .. اما الرعية الزباله فلا يحق لها الخروج عن نصوص الشرع .. اسألوا مكتب الفتاوى التابع الذليل لسيادته .. واسألوا كبير الحاخامات وكبير الكهنه صاحب البرادو الحلال ورئيس مكتب الفتوى الشيخ ابو عبده .. اما المعلق منذر اكتب الايه صاح .. لا اله الا انت سبحانك انى كنت من الظالمين …

  29. علي الرغم من اختلافي معاهو الا الزول ده بشر ما ملك نازل من السماء من حقو يفرح ويشارك الاخرين افراحهم واتراحهم وكان ما شاركم تقولو مفتريء وشايف روحو ..سيبو حياتو بتخصو لحاله ….والله يالمعارضين بقيتو تعارضو في الفارغة والمليانة كرهتونا اسمك يا معارضة الناس شوية كده تبقي موضوعية…ما يرقص رقيصه جديد علي الناس……………………….:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:

  30. راجل سودانى فى مناسبة بتاعة عرس سودان و عمل زى ما كلنا بنعمل، ما نكون حساسين بالصورة الزايده دى، ده المكرهننا فى الكيزان فما ممكن نتعامل بنفس الاسلوب

  31. يمكن حاسبا نزول للناس ومقاسمتهم الفرح ؟
    لكن المطلوب منو النزول لحاجات الاحوج من الشعب
    وانا شخصيا لم اجده الا مقصرا في الاهم من الهموم الرئاسيه
    الا يخشي ان يشاهده القطريون وهو يتراقص
    ولا ما هاميهو نظرت العالم ليهو

    والله راجل جد جد….. لا يستحق الاحترام ابدا
    ويظن انه ينزل لمستويات الناس
    مع انو اصلا ما مرفوع بسبب
    اهتزازو الكتير ده

  32. عليكم الله يااخوانا ده حال ده .!!!!!!!!!!!!!!!!!!!!!

    ده واحد يحكم بلد 22 سنه؟؟؟؟؟؟
    ده حال واحد شعاره في الحكم هي لله هي لله…..؟؟؟؟؟؟
    ده واحد يحكم وقال كمان بهدد بتطبيق الشريعه…؟؟؟؟؟؟؟

    يااااخ والله ده لو في مراده يفتح الخرطوم دي كلها بارات ومراقص وصالات ديسكو الا ناس علي عثمان باقيين ليهو في حلقو…..

    الله يرحم ابراهيم شمس الدين قتلوه ورقصو وانفردو بمرتوو…..

    مسكينة فتاة الفيديو المفروض تجي الحفلة دي ومعاها سوط وتقع جلد من طرف لمن تصل الرقاصه الكبير عمر عبده أقصد فيفي عبده لا لا اقصد عمر البشير….(؟) (؟)

  33. لكل حمار بيدافع عن البشير
    نعم نحن سودانيين وبنرقص في الحفلات لكن رئيس الجمهورية لا يسمح له بذلك لانو هو شخصية اعتبارية و يحسب علي جميع السودانيين فاذا كان القاضي لايسمح له بمخالطة العامة حتي تطمئن الرعية علي حقوقها انها في يد انسان محترم وليس في ايد سفيه فكيف اذا كان السفيه هو الرئيس

  34. دي حاجات شخصية مايحق ليكم تنتقدوهو كدا ودا جرء من مداعبة الاهل…..وهو في النهاية انسان زينا …ممكن يغلط هو مانبي

  35. عميد راقصي القادة العرب وملك ملوك البذاءة
    والله اللي يشوفك يا بن سلول بتتكلم عن الإسلام والحدود وجلد فتاه اليوتوب يقول دا بن تيمية عصره

    نرجو من هيئة علماء السودان تفصيل فتوى جديدة وتطريزها حسب مقاس رقص السيد الرئيس وزوجته والحسناوات اللاتي يرقصن طرباً بجانبه
    لا أسكت الله لكم حساً يا أبواق السلطان وخلصائه المبجلين

  36. الموضوع لا يحتاج كل هذا الزخم..
    عادي ان يشارك الشخص في المناسبات العائلية ويخلع ثوب السلطة ولا غريب علي العادات السودانية
    في حجياة الانسان محطات خاصة لابد من ان يخلع فيها جلباب البروتوكولات ويمارس حياته العادية ولا يوجد قانون في الدنيا يمنع ذلك لا دينيا ولا عرفيا ولا دستوريا..
    الم يشاهد احدكم الرئيس اوباما يرقص علي خشبة المسرح مجاملا ويلعب مع الاطفال ويراقص زوجته ؟؟
    من فيكم من لم يشاهد الرئيس بيل كلنتون وهو يعرف الساكس في احدي زياراته لدور الشباب وهو رئيس..
    الثقافة السودانية السياسية تنقصها المعايير الاخلاقية والثقافة السودانية العامة لجمهور المواطنيني تنقصها المعرفة والتفريق بين المعقول واللامعقول..
    ماذا يحدث اذا رقص الرئيس ؟؟ كلكم رقصتو؟ في اعراسكم هل يمنع ذلك؟ واذا اصبح احدكم مسئول يعيير بهذا؟
    اليس فيكم رجل رشيد؟؟
    هذا الحديث وهذا العرض للشريط يعتبر انتهاك للخصوصية وتعريض مباشر ماذا لو رفع احد الحضور وليس الرئيس قضية علي الموقع ؟
    ماذا تقولون ايها الكرام؟؟

  37. تزوّج سعد زغلول من قتاة صغيرة في السن فأحدث هذا الخبر ضجة غير مسبوقة على مستوى المجتمع الثقافي و السياسي في مصر

    فكتب أحد الصحفيين عموداً ينتقد فيه إستهجان الناس لزواج الزعيم زغلول و قال أن هذا يندرج تحت بند الحرية الشخصية كما تفضلتما و أنّ هذه أسرار بيوت وما إلى ذلك

    فثار مثقفو مصر و أولهم عباس العقّاد على هذا المقال قائلين : بأنّ بند الحريات الشخصية متوفر للمواطن العادي و الشخصيات غير المؤثرة في الحراك السياسي و الثقافي و الفكري و الديني….و أنّ ما يفعله زعيم كزغلول قد يحرج الملايين من المصريين و قد يشرفهم أيضاً بحسب الفعل

    و كذلك نحن

    إن كان يود السيد الرئيس مجاملة أصحاب الزواج فيمكنه أن يذهب و يجلس بهدوء و حضوره فقط يعد تشريفاً و تكريماً له و لن يطالبوه بالمزيد

    الوقار و (ملي المركز) سيمنع عنه الكثير من الأقاويل و يبرز النقد الإيجابي إلى السطح

    من بين كل خمسة أشخاص ساخطين على حكومة البشير ستجد أربعة منهم يتحدثون عن الإحراج الذي يسببه لهم بسبب مصطلحات (لحسة الكوع) و (الدغمسة) و الرقص المبالغ فيه

    و ستجد شخص واحد فقط يركز على سلبيات حكومة الإنقاذ الحقيقية و التي تمثل أزمة الشعب

    ما كتبته هنا فقط لنخوض حرباً نزيهة ضد المؤتمر الوطني نستطيع أن نمنع الباحثين عن الفكاهة و أصحاب الأغراض من زج أنفسهم في صفوف المعارضة

    و حتى نركز على مشكلاتنا الحقيقية

    و يمكن للرئيس إقامة حفلة أسبوعية بإنصاف مدني أو ندى القلعة و ليفعل فيها ما يشاء من الرقص

    بعيداً عن أعين شعبه

    و أعين المتربصين بالوطن و المواطن

  38. بصراحة يابشبش رقيصك اشتر…مش كان اخير ليك مديحك…؟
    ومن هذا المنطلق اطالب بادخال الرئيس لمدرسة تعليم الرقص لمدة شهرين حتي يتسني لنا ان نفحر برئيسنا الرقاص وسط الامم الراقصة..ورقصني يا جدعععع….

  39. منصبه لا يسمح له بهكذا ممارسات …واحد
    الوضع في البلد كارثي وهو المسئول الأول عنه وعليه من غير المقبول للشعب ان يرى السيد عمر في حالة تبلد تجاه مصايبه تعبر عنها نشوته وهو يرقص طربان…اثنين
    اذا ما غضينا الطرف عن زعم التوجه الاسلامي للانقاذ وتحريمهم الغناء والموسيقى للحد الذي جعلهم يحرقون بعض تسجيلات الحقيبة في الاذاعة حين مقدمهم فقد جرى العرف السوداني أن الرقيص في المناسبات كما نراه في الفيديو اعلاه يلائم الشباب لا الشيوخ وهذا السيد شيخ وهذه حسب العرف تعد جهالة

  40. لكل متفلسف و مدعى بأن ما يفعله البشير شىء شخصى و خاص , هذا قمة النفاق, البشير رئيس دولة يجب ان يخضع للنقد لأنه يسن عقوبات و قوانين و يطالب شعبه اتباع سلوك معين بينما هو و زمرته و حاشيته مستثنون من ذلك , ليس هنالك شىء خاص عند وجود نظم و سلوك مفروض على الجميع, الحياة الخاصة بكل توابعها توجد فقط فى المجتمعات الديمقراطية التى لا تفرض قيودا على الحريات الشخصية وهذا شىءمعلوم للجميع و لا داعى للف و الدوران.

  41. مع إني غير مؤيد للنظام لكن زي ماقالو بعض الشباب الرئيس في النهايه بشر زينا بفرح وبجامل الناس وحكاية انو مامفروض يرقص ليه مامفروض يرقص يعني شتو لو جامل الناس وبعدين هو بمشي للعزاءات ليه مايمشي للأفراح كمان وأنا حسب رأيي المتواضع أجد هذا المقطع تدخلا في خصوصياته والبشير معروف دايما بتشيلو الهاشميه وبالله رجاءا البشير شخص بسيط لاتسيؤه في شخصة وإنما في طريقة قيادته للبد وبعدين كلنا عارفين الماسكين البلد منو . بالجد مافي داعي

  42. كتمة رئاسية
    مع وداد الاساسية
    خاف ربك من المعصية
    يا والي عديم المسئولية
    االوالي عشيق السمحة النحاسية
    اصبح مستشار البيت و الشؤون الرئاسية

  43. عمر البشير رجل خرف ومجنون ومعتوه هو وهذه الوداد الخرقاء الله يلعنهم ويدمرهم هذا الاخرق العسكري

  44. المجتمع السوداني معروف بان الكبير لاياتي الي الحفلات وحتي لو حضر حفلة يجلس بكل احترام ووقار حقيقة مافعلة هذا الرقاص المجرم اهانه لكبار السن بشكل فاضح فلايمكن ان يرقص وسط بنات ممكن ان يكن حفيداته وحتي لو فرضنا ان ذلك ممكن فلايمكن ان يكون بهذه الطريقة الماجنة والخليعه

    اف لهذا المنافق الافاك
    مسكينه لبني احمد حسين وفتاة الفيديو

  45. الكيزان و جماعتهم : عندما يرقص عمر البشير وسط النسوان يقولوا هذه بساطة و تلقائية ، و لذلك نحبك يا البشير ….. و عندما يرقص أحد خصومهم يقولون : هذا انحلال و فسق و العلمانيين و الشيوعيين الذين يريدون نشر الفسق و الانحلال و الشنو كده ما عارف …. كانوا قد خربوا حفلات بحجة منع الاختلاط . ده يذكّرني بالنكتة المشهورة البتقول : كان الكيزان خارجين في مظاهرة و الهتاف طاقي للسماء : لا تبديل لشرع الله ، لا ولاء لغير الله و هلمجرا ، واحد كوز قدامو كوزة من النوع إياه ما قدر يمسك نفسو ، أحست الكوزة بالموضوع فالتفتت إليه مستنكرة فغمز لها قائلا : أخوك في الله ، عندها هتفت : لا ولاء لغير الله !!!… أها عاد الشريعة ما عندكم ، جنس شريعة ، ارقص يا ريس و ما تنسى تقولنا كما قلت لقناة الجزيرة : نحن ما بنتحرج من الشريعة ، جلد بنجلد ، قطع بنقطع ، قطع من خلاف بنقطع ، إعدام مع الصلب بنصلب … ارقص ، ارقص ، ارقص ، ارقص ….. آخ من الكلام المغتغت خمج ، آه من المتخلفين و أشباه الرجال الذين يرقصون في عمر السبعين و يجلدون الشباب في عمر العشرين … ارقصوا رقص ياخدكم … حضروا العيدان يا شباب ، حضروا العيدان ، عيدان سنينة …

  46. سبحان الله
    العوير ما الا يكون بريالة ورقاصنا اثبت للناس انو عوير . من المفترض اخر حاجة يعملا قبل ما يخش القفص انو يشارك فى مهرجان الرقص العربى عشان يكون حقق امنيتو وما يموت بحسرتو:mad: :mad: :mad: :mad: :mad: :mad:

  47. الى ابوتاله عجبك الحت بتاع الراقص الاكبر تلقاك كنت بتحت معاه فى المرقص الرسالى على نغمات نوناتو فى وجناتو
    مرحبا بكم فى دولة مرقصتان التى يحييها الراقص الاكبر عمر بنقو ونائبته وداد عبده ,على الطبله ابورياله, على الكمان ابوالعفين, على الجيتار ابوالحصين, على السكسفون على عوران الكورس: قمبور وطرطور وكركور
    تنويه : توجد مواصلات بعد العرض الى لاهههههههههههههاىىىىىىىىى

  48. مات نصف الشعب تقتيلا وتجويعاً وتشريدا وسيموت النصف الآخر غضبًا وغيظاً وقهرًا من الرقصِ

  49. انتو البتعلقو حسنو اسلوبكم لانكم محاسبين في كلامكم قدام ربنا سبحانه وتعالي
    ماحنفرط فيك يا البشير

  50. Dear Mr. President
    I like to ask you some questions
    if we can speak
    honestly
    What do you feel when you see all the homeless on the street?
    Who do you pray for at night before you go to sleep?
    What do you feel when you look in the mirror?
    Are you proud?
    How do you sleep while the rest of us cry?
    How do you dream when a mother has no chance to say goodbye?
    How do you walk with your head held high?
    Can you even look me in the eye,
    and tell me why?
    I can only imagine what the first lady has to say!
    You’ve come a long way,
    from dance and joy!.

  51. كان نبحث لهذا الرجل كثير من الاعزار لما يقوم به ولكن مع مرور الايام بداء يتكشف ان هذا الرجل به صعف في عقله لا يمكنه من ادارة قرية ناهيك عن دولة ماذا يتنظر الجياع من امثال هذا الرجل و ماذا يتظر المرضى منه وماذا بنتظر الشعب منه الا الخزي والكذب
    والله لو ان في قلبه زرة ايمان مانام ليلة من هول المصائب والعوز الذي يعانبه هذا الشعب واذا اصر الاخوان المسلمون على حكم السودان فهل ذلك افضل رجل عندهم التغير ضروري

  52. عمليتك ما ظريفه وحركتك جبانه يا بشبش … بالنهار تسبح وبالليل تضبيح … وكمان بتجبجب مع وداد والقربموز … الفى مقامك ده يا بشبش كتيرو يبشر على الفنان والحضور … وكان باريت لى النسوان ديل كل يوم نسمع بيك فى حنه فلانه وخطوبه علانه ودقه ريحه الجعانه وسمايه فرتكانه … وظهرت على حقيقتك يا بشبوش ومن اليوم دا ولى غادى ما تطلع فى التلفزيون وتملانا فقر بى نقتك الكتيرة دى …

  53. ياجماعة روقو المنقة. دة شكلو عرس شهيد من بتاعنم والحسناوات ديلا ناس الحور العين بتاعِن كافوري. موتوا بغيظكم. عجبني ليكم. بالله يا وداد حِتّي كدي لامن توبِك دة يتشرّط. تنمو يكون خمسة مليون بس. وجععععععععع

  54. هناك أشياء أساسية بقت لينا في السودان
    الصيوان والساوند سيستم والمايك والفنان…. ورقيص عمر البشير
    نرجو من عبد الحي يوسف والأئمة الفلقوا راسنا بتصابي السر قدور وحرمة برنامج أغاني أغاني
    أن يبادروا غداً بتسجيل الإعتذار الرسمي للسر قدور
    وأوع أسمع منكم في رمضان الجاي، بغم

    والله يا كيزان السجم لو عمل العملية دي جارنا كنا زعلنا عليهو وبقى حديث مدينتنا لأنو الكبار عندنا ما بيخشوا من نص دائرة وبيرقصوا
    وحتى لو حضروا نحنا بنعتبرها ما سمحة في حقهم رغم إنهم بيكتفوا بإنو يبشروا من مكانهم بس
    هاك الرقص الرسالي دا
    وعقبال البارات والديسكوات الرسالية
    أصلكم حللتوا المساج وبقيتوه رسالي

  55. والله البشكير ده خلاص جن
    والله هسع تذكر بالم قصة لبنى الحسين وقصة البنت الجلدوها بالسوط
    دى الشريعة يا وسخ يا عفن . وتجلدوا فى بنات الناس وتشردوا فيهن وتشككوا فى ذمههم . ربنا ياخدك انت ونسوانك الحراميات ديل

  56. الرئيس رجل متواضع ومن اسره متواضعه ولا ننسى انه انسان له احاسيس وجوارح يغضب ويفرح وليس هو فظا غليظ القلب حتى ينفض الناس من حوله والكل يريد ان يجاريه فى حفله عرس وسط اهله وليس فى مكان عام. لماذا لا يرقص وجميع الرؤساء يرقصون وبالاخص الرئيس اوباما مع زوجته فى جميع وسائل الاعلام, ولماذا تعيبون عليه الرقص وهو ليس بفاحشه وليس بعيب ولا تنسوا بان جميع القبائل السودانيه لها فولكلور خاص بكل قبيله وان الرقص ياتى فى مقدمة هذا الفولكلور.

  57. الأخ خالد العرف المتبع المعروف يقول الشخصيه العامه ليس لها خصوصيات حتى إذا كان هذه المناسبه تخصه من قريب جدا.

    شاهدنا أو بالأحرى شاهدت شخصيات عامه على سبيل المثال الزعيم الأزهرى والسيد الصادق المهدى قاموا بأدا واجب المجامله ولم ينتطروا.

  58. صاحب تعليق (عدلت فنمت فرقصت)

    حرام عليك فساد ومحسوبيه فاحت رحتها النتنه عدل وين دا الشايفنوا في دارفور افترشوا الارض وربطوا بطونم من الجوع وله في جبال النوبه بلد كل يوم ماشه علي الهاويه فقر ومرض ورئسه برقص ……..اجزم في الحفل دا في اكتر من بنت لابسه بنطلون وين حدود الله العصروا فيها في قناة الجزيره ……..مهازل كيزان السجم تجار الدين….. الله اقلعكم ………… الله اقلعكم …….الله اقلعكم ……….

  59. شكرا ابو خليل والكوزة
    يجب ان نتعلم ايها الاخوة دائما النقد الهادف ونبتعد عن ان نورد ماءا عكرا فهذه الموقع عندما يطرح موضوع ويفتح باب التعليق ليس للسخرية والاتيان بكلام لا معني له وهو يتم تصفحة من عامة الشعب واسم الموقع يدل علي الطبقة السودانية الاصيلة التي تستظل بحلو ومفيد الحديث تحتها..يجب ان تكون راكوبتنا سودانية بثوبها الجاد لا ظلا لتبادل الاحاديث الغير هادفة.. ويمكن ان يكون النقد منطقيا وليس هزليا لدرجة الخروج عن الموضوع فاخواتنا وبناتنا لهن الحق ان يتصفحن معنا ما نعلق به ويجب ان يكون موزونا ولا غرو ان انتقد الشخص ولكن بدون تجريح والخروج عن السياق العام
    الاخ محمد عمر سامحه الله اساءته كانت بليغة واعتبر كل من علق حمارا وهذا خروج عن الادب..ولا اظن ان احد اساء لغيره يوما من الايام في سوداننا من تحت راكوية بل كانت ولا تزال عنوانا للضيافة والاصل السوداني الامثل
    يقول ان القاضي لا يجب عليه الاختلاط؟ فبالله عليك كيف يعرف انه عادل اذا انقطع عن مجتمعة وكيف يعيش انسان بدون الناس ومن اين اتيت بهذا الهراء نحن درسنا القانون ولم يمر نص فيه يقول ذلك اهذا قانونك الذي لقبت به الجميع بالحمير؟
    اخونا الحكيم يقول لا يوجد شيء اسمه خاص في حياة الانسان..من اين اتيت بهذه الفلسفة
    ارجو الجميع ان يكون نقدهم ونقضهم هادفا لان لهذا الموقع رواده الذين يتجاوزن عدد اي موقع غيره و ربما اكون مبالغا اذا قلت انه يفوق العشرة ملايين فيجب ان نحترمهم باحسن التعليق ومؤدبه حتي يعيروننا الاحترام حتي نحافظ علي وجه هذه الراكوبة الظلة المشرق

  60. .هذا الحفل الراقص هو في بيت أحد شركاء وداد وأخوان البشير في مشاريع كبيرة كبيرة منها مستشفى جديد للطبقة القادرة بالمنشية.

  61. عندما يحصل خلاف بين واحد مننا وواحد من شعب مجاور لينابيشتمو ويقول ليهو : يا ود الرقاصه
    اها هسع بالله عليكم هم يقولوا لينا شنو ؟!!!!!!!!!!!!

  62. من الفيديو نستقريء التالي واضعين في الاعتبار أن العرس هو زواج ابنة وداد من ابوها ابراهيم شمس الدين من ود الزبير :-
    1- البنات اللابسات احمر تومات وهن من اهل وداد .
    2- مرة الرئيس ( وداد) ما مصدقة انه بتها اتزوجت من ود الزبير .. ( نظام خلااااااااص يعني المستقبل المضمون والقروش والرعاية المؤتمرنجية متناسية ان بعلها صادر بحقه امر قبض دولي ومهدد بالتأبيدة في سجون لاهاي الباردة ).
    3- بشبش مفتون جدا بالرقيص وموضوع الرقيص دا كالآتي :-
    (i):- بحب الرقيص شديد .
    (ii):- لمَا يرقص بكون معجب بنفسو .
    (iii):- الموضوع نفسي بحت جداً بتعلق بعلم ال psychology والمطلوب من الأخوة المتخصصين في علم النفس موافاة قرًاء الراكوبة بال Case .
    (iv):- الشغلة عايزالها تحليل لعلوبة .
    (v):- ملاحظ ان بشبش يخلص جداً في الرقيص وباستماتة .. حتى أنه ( يسهي عندما يرقص ).
    3- ابو ريالة ما قدر يخش الدائرة بتاعة الرقيص من شدة الزحمة حول بشبش واتوقع انه في قرارة نفسه (عايز يخش بس ما لقى طريقة ) .
    4- وداد معجبة شديد ببعلها بشبش وآخر انتشاء ملاحظ فقد السيطرة على ال ( performance ) خاصة ابتداءً من الدقيقة 1:24 إلى الدقيقة 1:45 ربما ( مرة ابرهيم شمس الدين السابقة ) قد غارت من الكتاكيت اللاتي يتحاومنَ حول بشبش من دون احم ولا دستور .. ( من قبيل المحافظة على الكنز وكدا ).
    5- ملاحظ في الفيديو ان التومات اللابسات احمر قد امضينَ فترة لا بأس بها في احدى دول الخليج ومتأثرات بالرقص الخليجي … اظن انهما الآن قد فارقنَ الخليج واستقرينَ بالخرطوم …
    6- ابو ريالة حاضر على يسار بشبش في الدقيقة من 1:37 وما فوق ( زول طويل لابس عمة بظهر على حافة الفريم بتاع الفيديو على يمين المشاهد ) .
    6- بشبش ناسي نفسو خالص في الرقيص ومنغمس شديد في الرقيص وزي الما واعي … حالة نفسية بتذكرنا بالمخبولين المشهورين في الحفلات … ( اولئك المعروف عنهم العوارة وقلة الأدب ودائماً ما يُضربون ويصفعون لقلة أدبهم في الأعراس )..
    7- المرة اللابسة اسود البترقص مع بشبش في نص الدائرة من الثانية 7 يحدي الثانية 13 هي اخت وداد .
    8- النسوان والبنات البرقصوا وراء بشبش والمتلمين وبعاينوا وما قادرين يخشوا ( حتات بشبش ) هم اهل بشبش ..
    9_ وداد غارت من رقيص البت اللابسة اسودمع بشبش ( رقيص بتاع كشف ) في الثانية 30 يحدي الثانية 50 ووقفا جنب بشبش بعد ( الكشف ) وبعد داك حركت قوة الغيرة وداد وبدأت تكشف شديد جداً ( Too close ) مع بشبش .. نظام انا خاتاهو في جيبي …
    10- الزول القافل الكاميرا اللابس فل سوت بيجي ( الضحكت معاه وداد ) في الثانية 15 الى الثانية 25 هو العريس !!!
    11- اهل وداد مسيطرين على بشبش شديد جداً ولا حياة لمن تنادي لناس شندي ..

  63. سوال؟؟؟ هسسي لو قبضو واحد يرقص مع البنات …لو قلت ليهم دا انسان بسيط بخلو؟ انقو الله انتو محاسبين امام الله…مافي حاجة أسمها انسان بسيط…الشرىعة شريعة

  64. يا للاسف كل الاسف لعمري لم ارى رئيس دوله يرقص وكمان مع حسناوات المفروض يكون قدوه طيب كيف يقول شريعه ومن جهه تانيه يرقص وعلى ماذا يرقص هل فرحا ومرحا على قساوة الازمات والضائقه المعيشيه يا لفداحه المنظر

  65. كاورت البلد بي حالا ..
    ? ولا لقت اليقولها جر ..
    في ناس جيعانة ما قلبت حرف في صاج ..
    ? في ناس عريانة ما لفحت هدم في الزيفة ..
    ما طالت ايديها رغيفه ..
    والسبب المعكر كيفا ..
    دق بنوتا بالكرباج ..
    ناس غلبانة بس دغرية ..
    ما بتعرف تخت طاقية في طاقية ..
    والدين الحنيف في شرعها الحرية ..
    زدتها في الحرج احراج ..
    وزدتها في الدجل دجال ..
    عوج شفناهو ماسمعناهو في قول زول ..
    قال بنات دقوها دق العيش ..
    ولاد ما أندقوا في شبال ..
    بقت في غصة الأيام ..
    قيم غنيتا يا قدال ..
    قيم شلناها عمة وتاج ..
    رقيص الشامة بت حمدين ..
    وخت الحنة لي يات من حضور ضفرين ..
    ونمات العديل والذين ..
    ورقصة جون مع أوهاج ..
    مشينا نقدم البنوت على ضو الرتاين ..
    خفت وهج الغنا الوهاج ..
    ورحل صوت المغني حزين ..
    ورطن صوت العنج هراج ..
    سقط في غفلة نون النسوة ..
    أخوان البنات والنخوة ..
    ستار العيوب والرسوة ..
    شيال الحمول أبعاج ..
    .. فيا حجاج أكل نارك ..
    واتلفح بشاكيرك ..
    مع طلعة شهر زو الحجة ..
    وأحرم حاج ..
    وطوف فوق الجثث طاؤوس ..
    وشعبك لا أكل لا علاج ..
    وحاج في شنو؟ ..
    معاك كل البلد هاصت ..
    وفار نحل الجباية وهاج ..
    فيا فالق نواة الحبة يافراج ..
    ويا باسط عجايب الإسرا والمعراج ..
    ويا خالق الخلايا الحية .. أمشاج ابتلت أمشاج ..
    طحنتنا طاحونة الفقر ..
    طحنتنا سنواتا العجاف ..
    يا الله تلزمنا الصبر والسترة ..
    والعيش الكفاف ..
    وترحمنا من صرة وشي ..
    في وش وليداتنا الضعاف ..
    ????..
    غرقان بيرقص منتشي ..
    ووطنا مقطوع من خلاف ..
    وبأسم الله ما خلالنا شي ..
    وفصلنا في آخر المطاف ..
    يا ناسي أقدار الرجال ..
    ما تخشى غدر الله وتخاف ..
    كتر عوج الكلام والميل ..
    وتحت الجزمة مليون ميل ..
    تحت الأزمة طاحونة حوافر الخيل ..
    سقط تلت البلد عفوا ..
    سقط نص البلد لهوا ..
    سقط كل البلد سهوا ..
    فهل صحاك ضمير الأمة في هجعة هوايد الليل ..
    على زبد الغنا الممحوق؟ ..
    شنو الخلاك تنوم تحلم على على خرطة وطن مسروق؟ ..
    وطن في السوق .. وطن أشتر ..
    مرق من ذمة التاريخ على ذمة كلاب الحر ..
    ينوم في جبة الدرويش ..
    يقوم بي بدلة العسكر ..
    .. فيا ويلك في يوم الويل ..
    ويا ويلك .. تقوم تحتك قيامة الناس ..
    أفواج الضحايا ..
    ستات الكجيك والشاي ..
    والناس البعرفو شليل ..
    حشود الطلبة والعمال ..
    وبنوت الغياب والليل ..
    طفولة مشردة ونازحين ..
    وكم حجاج .. يجيك من ديل يجيك من وين ..
    أولاد الشوارع عووك .. المعدمة ومعدومة ..
    قطامة وقرضمة وراندوك ..
    لماضة وطرقت حلقوما ..
    من كل حتة يجوك .. يوم التسود يوما ..
    ناسات حكومة الجن .. وناس جنها الحيكومة ..
    ما طالا الشوارع في .. في ولاد بعرفوا القوما ..
    ولاد راقدين .. وأولاد اسمها المايقوما ..
    ديل أولاد شريعة قوش .. المستضعفين في الأرض ..
    يبنوا ويهدوا عروش ..
    لا بتخون البعض لابتشتريها قروش ..
    في كل حته وراك تمرق تلاقي جيوش ..
    أصدق لسان الحال من نضمك المهبوش ..
    نفس الولاد جايين من طينة حضارة كوش ..
    حافظين شعر حميد ..
    فاهمين قصايد الدوش ..
    ما تمشي يا محجوب دايرين نظبط بوش ..
    يا داب عرفنا الصاح ..
    دخل الكلام الحوش ..
    وشكرا .. شكرا سيدي الحجاج

  66. اريتا تكون واقفة على على الرقيص بس …….بس ياخوفى يابدران ….حت وسكسكة زى دى مابسويها راجل كبير فى عمر زى دا الا اذا كان سكران واللا ضارب الخضراء…الشياب رقصو اليليلة والدقون رجفو من شنات ده وده ..وقعت فى الحفرة يالله

  67. ياربى المزه الحضرتها ليك وداد عشان تحت الحت ده كلو كانت شنو..عفيت منها العريبية رقصتك على واحدة ونص

  68. كيزانو قالو البشير ده برقص صقرية ….اها الليلة رايهم شنو فى الحت ده …كيرى كيرى لافاشكرى حتى…. حتى… لافاشكرى …هزى ..هزى …لافاشكرى

  69. معزور البعير الذى لم يهنأ فى صباه بمثل هذه الايقاعات لعدم وجود راديو او تلفاز و حرمانه من مشاركة الاهل و الجيران افراحهم و اطراحهم و الحياة الصهبة التى نشأ فيها .
    ارقص و امرح و افرح هذا زمانك ايها البلوه التى بلينا بها ؟؟

  70. ياجماعة الراجل بيمر بازمة منتصف العمر ودى حاجة طبيعية ومن اعراضها تصابى الشيوخ وبكاهم فى الحسناوات الصغار …يعنى بشبش ده مابنى ادم وعندو مراحل تطور ونمو..حت يابشبش ولا يهمك

  71. يا اخوانا الزول دا بشر ذي الناس ولانو يفرح ولازم يشارك اهلو وكل الزملاء عشان كدا شوف ليكم موضوع تاني يا عالم

  72. شكرا لوداد ففد كشفت ………… فكشفت عن المشروع الحضارى الاصلى الموتقليد
    فى محاولة للدفاع عن لبنى بالبيان بى العمل و الماعاجبو من قبيلة عبد الحى وعصام البشير و الحبر و كرتى……………. فليلحس كوعو !!!!!!!!!!!!!!!!!!!!!!

  73. كل من ينبري من المعلقين ليبرر رقيص البشير فهو كوز معفن قميْ …
    حتى لو رقص نقد بهذه الطريقة المشينة والمهينة التي تسمى الحت فهي عيب في حقه ..
    حتى لو رقصها في أضيق دائرة بين أفراد أسرته فهو يعاب عليها وتقلل من مكانته حتى إن كان رجل من عوام الشعب فمابالك برجل يفترض أن يكون قدوة ل 30 مليون سوداني ..
    هذا الرجل وعصبته لا علاقة لهم البتة بالدين والشريعة هم شذاذ آفاق همهم السلب والنهب لا غير ..

  74. والله لكن كلام !! دولة وعلم وسلام جمهورى وحدود ومياه أقليمية,, ووزراء وناس لابسين كرفتات !! وبنوك ومكاتب وحكومة !! وحرس حدود وحرس صيد والأستقلال المجيد !! وفرق رياضية !! ودستووووووووور بى أسيادو ودستور عادى !!
    وده الرئيس !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
    شىء قضاة وشىء محاكم وبوليس ونيابة وكلاب بوليسية وبصمه وسجل مدنى والرقم الوطنى وتغيير العملة !!!!!!!!
    وده الرئيس !!!!!!!!!!!!!!!!!!!!
    والله الأنجليز ديل مساكين وأولاد ناس شديد !!!

  75. ارمى قدام ورى مؤمن !؟

    يا حليل الشهيد ابراهيم شمس الدين . ماذا يحل بشمس الدين اذا سمع بفعل الإسلاميين فى البلاد ….والعباد….

  76. انا كنت بسمع بكلمة الناس الوهم
    وما كنت عارف هم منو
    الحمد لله اليوم عرفتهم
    كما لا يفوتني ان استثني منهم الكيزان واصحاب المصالح

  77. من قانون النظام العام

    يجب على كل من منح تصديق إقامة حفل غنائي مراعاة الضوابط التالية:
    ج-عدم استخدام الاعيرة النارية.
    د-عدم اداء الاغاني الهابطة .
    ه- منع الرقص المختلط.
    2-يجوز للشرطة عند الاخلال بالضوابط الواردة في
    1- اتخاذ الاجراءات اللازمة لازالة المخالفة بما في ذلك ايقاف الحفل

  78. ياجماعة الامام القال سبب البلاوى والمصائب دى كلها ناس ندى القلعه , لو شاف بشبش بانقا ده حيكون رايه شنو ?
    اتمنى ارسال هذا المقطع لياسر عرمان فى واشنطن لكى يعرض نسخه للبيت الابيض ويرسل نسخه لاوكامبو.
    كان قلبك سدها وسع قدها

  79. ارجو منكم جميعا تنزيل هذا المقطع ونشره فى كل صفحات التواصل الاجتماعى وعبر البلوتوث فى الجولات

  80. كما ذكر المعلق أو النوم : لرئيس رجل متواضع ومن اسره متواضعه ولا ننسى انه انسان له احاسيس وجوارح يغضب ويفرح وليس هو فظا غليظ القلب حتى ينفض الناس من حوله والكل يريد ان يجاريه فى حفله عرس وسط اهله وليس فى مكان عام.

    لماذا تعيبون عليه الرقص والرقص فى الأعراس ينقل على قنوات التلفزة السودانية على الهواء ، وهذا عادة السودانيين فى الأعراس 90% منهم يحيون أعراسهم بالحفلات والرقص فى النوادى العامة ام داخل منازلهم

    أسأل سؤال لكل من علق على هذه الموضوع إن كان هذا الفيديو صحيح ولايوجد به تلاعب، فاليتحلى كل معلق بالشجاعة ويجيب عى التساؤل اللآتى: ألم يرقص اى منكم او احد من افراد اسرتك، أخوك أختك خالك أمك والدك فى حفل عرس لأحد أقربائه او اصدقائه

    هنا لا أبيح الرقص ولست من الؤيدين له هذا يفتى فيه علماء الدين

  81. الراجل اللابس سفاري وظاهر في مقدمة الصوره دا اسمه خليفه متزوج أخت البشير ويسكن أركويت 68 علي ما أعتقد وأشتري بيوت كتيره في المربع . أفو يا الجعلي أمانه ما أتهبلته

  82. حليلك يا شمس الدين النسوك وهجروك والله ما حارقنى شى الا رقيص وداد ده رقيص بنفس ..اما بخصوص البشير فما عمل جديد هو برقص فى اى مكان زمان والرقيص ما عيب ياجماعه ,,

  83. البشير قال أن الأمريكان يحاربونهم بسبب دينهم

    فهل أمريكا تحاربه بسبب رقصه وهز أردافه؟! أم بسبب أنه ديكتاتور يقتل أبناء شعبه، يضطهدهم، يحاربهم في قوتهم (قانون الصالح العام – الفصل التعسفي – )

  84. لو واحد لقوه مع واحدة فإن الحكم عليهما يكون كالآتي : لو كيزان سيقولون لك تواجدوا بكل براءة و كانوا في حالة ذكر و ابتهال و تقرب من الله . أما إذا كانوا غير كيزان سيقولون لنا : هؤلاء الذين يريدون أن يعم الانحلال و الفسوق و الفجور في مجتمعنا المسلم الطاهر و … و … أها تتذكروا قصة عثمان خالد مضوي أحد كبار الكيزان أيام الديمقراطية عندما ختف واحدة اسمها (ز . ع ) الساعة الواحدة صباحا و طاردته الشرطة التي لم تكن تعرف من هو و قبضت عليه و تضاربت أقواله مع أقوال ز . ع ، و عندما نشر المرحوم سيداحمد خليفة القصة في جريدة الوطن ، يومها أخرج الكيزان ملحق لجريدتهم الراية عصرا قالوا فيه فيما معناه : إذا تطوع فاعل خير و قام بتوصيل من يحتاج ، يسارع الذين في قلوبهم مرض باتهامه ….. أما الترابي الذي سئل في مؤتمر صحفي حوالي التاسعة صباحا في نفس يوم نشر الواقعة ( كان منعقدا في الهيلتون على ما أذكر) فقد تلعثم و رد بقوله : كل شاة معلقة من عصبتها … أها لو كان المقبوض واحد من خصومهم ماذا كانوا سيكتبون ؟ سيكتبون كلاما يشبه هذا : هؤلاء الداعرين الذين يبحثون عن الرزيلة و الليالي الحمراء بعد منتصف الليل و يجدونها عند الفاسقات من امثالهم و … شفتو لولوة الكيزان كيف ، و دونكم ما كتبه الفاجر اسحق فضل الله عن المعارضة عندما اصطنع حوارا من داخل نفسه الموبوءة و أجراه على لسان جماعة من المعارضة قال فيه : انتو ما قادرين تتفقوا على (شر…طة ) … و هي كلمة تليق بفمه ، فالقبيح هو الذي يتكلم بالقبيح … لذلك ليست غريبة أن يبرروا رقيص رئيسهم ، و في الحقيقة الغالبية ليست مستنكرة الرقيص في حد زاتو لكن مستنكرة الكذب و النفاق و ادعاء الطهرانية (من زمن رقصة العجكو في جامعة الخرطوم في الستينات) و جلد الآخرين إذا مارسوا نفس السلوك ، طبعا حسب مزاج شرطة النظام العام ، لأنها لديها خيار و فقوس …

  85. ولد الرئيس السوداني عمر حسن البشير عام 1944 في قرية حوش بانقا
    عمر البشير الآن 67 عاماً
    فهل يليق بهذا الشيخ أن يتصابى إلى هذا الحد

    اذهب إلى قريتك الآن واسأل الناس عن رأيهم في شيخ يفعل هذا الأمر؟!

    معلوم أن للحكومة أبواق وكلاب يدافعون عنها ولكن ليس بهذه الطريقة السمجة
    على الرجل أن يحترم عمره
    وعلى الرئيس أن يحترم شعبه، فهذا الأمر لا يليق بقاضي محكمة صغيرة دعك عن رئيس لدولة تدعي أن العالم يحاربها بسبب أنها تنفذ شرع الله
    أين شرع الله فيما يفعله الرقاص عمر البشير

  86. لا حول ولا قوة إلا بالله

    فعلا طبق الشريعة ، لكن طبقها و وضعها في جيبه و نساها

    اللهم ألطف بنا با رب العالمين

    السودان أصبح مزبلة العالم

    شركيات و قبور تعبد من دون الله ، فساد في البر و البحر ، تشدق بالقيم و المثل و نحن أبعد ما يكون عنها ، عطالة ، خراب ، شباب معدم و محطم ، عزابة و عوانس

    ولي أمر مسلمين رااااااااااااقص

    و لكن كما تكونوا يولى عليكم

  87. ااوله تعال نحل مشكلة حلايب يروح يتراصلي في الحج يوسف
    نقوله البلد خربت يروح يرقص في الحفلات الماجنة
    ما هذا الرئيس الذي أدمن الرقص : في برنامج في mbc مسابقة المليون دولار شباب الأمريكان بيرقصوا يروح يتسابق معاهم عشان يجيب دخل للخزينة بدل ما هو يرقص مجاني وممكن هذا الدخل الوحيد اليقدر يجيبو لينا هو غير ما دمر البلاد بحمقه وجهله وفرض الضرائب والجبايات واضطهد الشعب ومزق البلد ما افاد شيء في ربع قرن ( التركية كانت أرحم على حسب ما درسنا في مادة التاريخ)

  88. كل من سخر من الرئيس والحت بتاعه فهو عميل وخائن ومندس …..الاتعلمون ان المشروع الحضارى متجدد وخصوصا انو نحن الان فى الجمهورية الثانية فالرقص مع الحسناوات يرقى الاحساس ويطرب النفس ويقوى عضلات البطن … يازول حت ساكت ونحن جنودك فى الحت

  89. الشىء المجنن بوبى انو برقص على اغنية من مقاطعها == من سحر الجنوب بسماتو ومن زهر الشمال نسماتو احبو واحب نوناتو نوناتو الفي وجناتو==
    اهه طيب فاصل الجنوب ليه
    واقوليك بامانة عمليتك ماظريفة =مسخرة يا سودان زليتنا

  90. اين الاسلام من افعالك هذه يابشير هل اجاز الاسلام الرقيص المختلط وهز الوسط بين الحسان ، وفعلاً هذا النظام بورصة للاتجار بالدين

  91. انا زعلان زعلان زعلان جداً
    ما من بشبش
    ولا من الوداد
    ولا من البنات السمحات ديل
    ولا من الناس السارقة قروشنا وبتصفق دي
    انا زعلان من بتاع الاورغن
    ما جدع صولة جامدة زى تيتو تتيو تيو تيو
    اقلاها كان اتمتعنا بالكشف والفقس والقسم
    الجدعوا بشبش زمان ايام حملة التزوير في بورتسودان
    يابتاع الاورغن
    لازم تراجع الربع وغرزة عشان تجود الشغلة
    خربت الرصة الله يكسر اورغنك العاجبك ده

  92. كان الفنان الرائع عبدالكريم الكابلي يعمل موظفأ في محكمة مروي مع القاضي العادل مولانا المبارك عبدالعزيز والد دكتور عصام مبارك ودكتور نجم الدين مبارك ولما كانت المدينه صغيره فقد اشتهر الرائع الكابلي بصوته الآخاذ وصار المتخاصمين يسألون ==مش ده يا هو الفنان == فاستدعي مولانا الفنان المبدع وعرض عليه النقل للخرطوم قائلآ هيبة المحكمه في البلد الضيقه حتروح فما كان من المطرب العبقري الا وان قدم استقالته قائلآ هيبه القضاه يجب الاتمس

  93. سالني طفلي ما هذا ؟
    فقلت له هذه اخر صيحة في برامج دبلجة المقاطع الفيديو والصور تم تدشينه في تجربة علي هذا المقطع
    وسيحدث تحول كبير في عالم الفيديو وهو من انتاج اكبر الشركات الامريكية
    ما قدرت اقول ليهو انو دي حقيقة رئيسنا

  94. مامصدقه عيوني البرقص دا دحين عمر البشير ولا شبه بتمني يكون شبه لأنه صراحه الأغنيه زاتا مابتاعة حماس عشان نلقي مبرر للرئيس المسيخ زي الحنضل فاضحنا ومنزل راسنا قسم البلد حته حته عشان يرقص لكن وقسمآ بالله المال البتعرس بيه عرس الفشقره دا إنت والعربيه الجيعانه وداد يكون بتاع المساكين الببيعوا في سموم الحر ياهطله وحرام عليك البتعمل فيه دا أتقي الله يالبشير في الناس البتموت من الجوع إنت ووزراك شاحده الكريم قروشنا ماتنفعك وتبقي ليك بأربعاء وعقاب شهر إنت الرئيس ووزراك وكل البدافع ليك ولي جهنم ناس عبد الحي يوسف خلاص كرهاناكم بالواحد الأحد وماعاد فينا شي خلاص ملينا حثالة البشر الحاكمننا اليهود أخير لينا منكم حسنه واحده نزكركم بيها مافي غير شرتونا وجوعتونا (حسبي الله ونعمك الوكيل فيكم ياناس الفساد الوطني)

  95. عايره وأدوها سوط…. والعاجبو عاجبو والماعاجبو .. هنا تحت جرمتي…. والزارعنا يجي يقلعنا..:cool: :cool: :cool: :cool:

  96. حقو هيئة علماء السلطان تعتذر لندي القلعة لأن هذه الهيئة قالت في وقت سابق بأن غناء ندي القلعة هو سبب إرتفاع الأسعار وإزدياد الخلاعة في المجتمع…الآن عرف السبب وبطل العجب…هجيج وحت رئاسي…بالقانون. الله يرحم المشروع الحضاري

  97. وفــي روايتن أخـري !! إسـتيقظـت وداد بابكـر مـن نومـهـا مـزعـوره ، تتـصـبب عـرقا ? ميقظـة بـغـلهـا ، أقـصـد بـعـلهـا الرئأسـي الشـاخـر جـمبهـا ، ياراجــل قـــوم ، واللـه حـلمـت حــلمـه شــينه ، حــلمـت بناس شــايلـه ( عــيدان ) ليهـا أول مـا ليهـا آخـر !! ( ياوليه نومـي نومك ، خــلاص يازرقـاء اليمـامـه ، ديك شـافت شــجـر مـاشـي !! ( ياراجـل شــجـر شــنو البيمشي ، شــوف عــيني ألمـو قــول قــايل ، ( عــيدان ) غــلـيده ، ومـبربحـه مــن قــدام !! ) ياوليه إندمــسي نومـي نومـك ، فــال أللــه ولافــالك ، دا كــلام شــنو الـمـدغـمـس دا !!! أنا ناقـصـك ؟؟. وأدرك شـهـرزاد الصـباح ، وسـكتـت عـن الكـلام المباح .

  98. اليرقص مع البشير دا اسمه خليفة من اولاد حاتى مربع 68 اركويت متسلق منتفع هو تاجر المحاليل الوريدية كان مدير مكتب وزير الصحة بدل يحاكم نزلو ا بس لانو متزوج اخت البشير ومن كيزان اتحاد مصر اشترى نص المربع والمنطقة التى بجوار مسشتشفى القلب كان حق فطور المدرسة ماعندو من اين لك هزا يا ودست النفر

  99. أكثر ..مايسئ للسودان وشعبة أن هذا.. اليوتيوب ..يشاهد على مستوى العالم ..وهو محفوظ ومبرمج فى قسم الرقصات الخليعة للأسف ..لو كانت من لاعب كورة مافى مشكلة ..من قائد منتصر.. بين جنوده..كهز كافور الإخشيدى..لأردافة وهو على ظهر الحصان..لكنها رقصة خليعة لرئيس بين الحسان…طيب الشباب يعملوا إيه ؟؟ إذا كان رب البيت بالدف ضارب ؟ كان الله فى عون السودان..

  100. يا جماعه الرئيس ده بشر
    عادى حدا
    يحب الهجيج
    و يمةت فى الجكس
    و ياكل الطعام و يمشى فى الاسواق
    و حاجات كتيرة
    و احتمال كبير جدا و جايز جدا يشارك فى اغانى و اغانى من ذاخل الاستديو الموسى القادم
    لو ربنا مد فى الاجال
    و طبعا حتطلع فتوى من علماء السلطان
    و محبى الفتة و الفتات

  101. في حارتنا
    ديك سادي سفاح .
    ينتف ريش دجاج الحارة ،
    كل صباح .
    ينقرهن .
    يطاردهن .
    يضاجعهن .
    ويهجرهن .
    ولا يتذكر أسماء الصيصان!!

    2
    في حارتنا ..
    ديك يصرخ عند الفجر
    كشمشون الجبار .
    يطلق لحيته الحمراء
    ويقمعنا ليلاًَ ونهاراً .
    يخطب فينا ..
    ينشد فينا ..
    يزني فينا ..
    فهو الواحد . وهو الخالد
    وهو المقتدر الجبار .

    3
    في حارتنا ..
    ثمة ديك عدواني ، فاشيستي ،
    نازي الأفكار .
    سرق السلطة بالدبابة ..
    ألقى القبض على الحرية والأحرار .
    ألغى وطناً .
    ألغى شعباً .
    ألغى لغة .
    ألغى أحداث التاريخ ..
    وألغى ميلاد الأطفال ..
    و ألغى أسماء الأزهاء ..

    في حارتنا ..
    ديك يلبس في العيد القومي
    لباس الجنرالات ..
    يأكل جنساً ..
    يشرب جنساً ..
    يسكر جنساً..
    يركب سفناًَ من أجساد
    يهزم جيشاً من حلمات !!..

    5
    في حارتنا ..
    ديك من أصل عربي
    فتح الكون بآلاف الزوجات !!

    6
    في حارتنا …
    ثمة ديك أمي
    يرأس إحدى الميليشيات ..
    لم يتعلم ..
    إلا الغزو .. و إلا الفتك ..
    و إلا زرع حشيش الكيف ..
    وتزوير العملات .
    كان يبيع ثياب أبيه ..
    ويرهن خاتمه الزوجي ..
    ويسرق حتى أسنان الأموات ..

    7
    في حارتنا ..
    ديك . كل مواهبه
    أن يطلق نار مسدسه الحربي
    على رأس الكلمات ..

    8
    في حارتنا ..
    ديك عصبي مجنون .
    يخطب يوماً كالحجاج ..
    ويمشي زهواً كالمأمون ..
    ويصرخ من مئذنة الجامع :
    (( يا سبحاني .. يا سبحاني ..))
    ((فأنا الدولة ، والقانون ))!!.

    9
    كيف سيأتي الغيث إلينا ؟
    كيف سينمو القمح ؟
    وكيف يفيض علينا الخير ، وتغمرنا البركه ؟
    هذا وطن لا يحكمه الله ..
    ولكن .. تحكمه الديكه !!

    10
    في بلدتنا ..
    يذهب ديك .. يأتي ديك ..
    والطغيان هو الطغيان .
    يسقط حكم لينيني ..
    يهجم حكم أمريكي ..
    والمسحوق هو الإنسان ..

    11
    حين يمر الديك بسوق القرية
    مزهواً ، منفوش الريش ..
    وعلى كتفيه تضيء نياشين التحرير
    يصرخ كل دجاج القرية في إعجاب :
    (( يا سيدنا الديك )) .
    (( يا مولانا الديك )) .
    (( يا جنرال الجنس .. ويا فحل الميدان .. )) .
    (( أنت حبيب ملايين النسوان )) .
    (( هل تحتاج إلى جارية ؟ )) .
    (( هل تحتاج إلى خادمة ؟ )).
    (( هل تحتاج إلى تدليلك ؟ )).

    12
    حين الحاكم سمع القصة ..
    أصدر أمراً للسياف بذبح الديك .
    قال بصوت الغاضب :
    (( كيف تجرأ ديك من أولاد الحارة ))
    (( أن ينتزع السلطة مني .. ))
    (( كيف تجرأ هذا الديك )) ؟؟
    (( وأنا الواحد دون شريك ))!!.

  102. انت يا الاسمك حمادة اي زول مننا محاسب قدام ربنا علي افعاله هو البعمل كده احتمال يكون احسن منك في حاجات تانية في ذمتك كان عندك مناسبة داخل اسرتك ما بتعمل حاجات اكتر من كده
    ما البشير بشر عادي ذيك من حقو يفرح بالطريقة الدايرها

    وكلامك ده :

    (البتعملو فيهو دا حكمو شنو ولا انتو متعودين على الشذوذ الجنسي وكل حاجة بعده لها فتوى)

    ما كلام زول عاقل ونسال المولي ان يهديك انت وكل من كتب حرف اساء لشخص بجهل ودون علم

    ;)

  103. انت يابشبش كان ماقدر الشراب بتشرب لييييييه …..عاجبك الهبل الهبلتو لرقبتك ده…كلو من وداد …حسى كان ماعرست فوق فاطمة ده ماكان بقى عليك …فاطمة مره رزينة مابترضى لى راجلها بهدلة زى دى كان ضايرتك وسترت عليك ..الله يجازيك ياوداد هبلتى بالراجل وما احترمتى سنو ولا مركزو

  104. بينما كان ابو جهل يرقص ويحت النبق في ضواحي الخرتوم ..اتي اليه رجل وقد تملكه الغضب فقال : انت ترقص وتتسكع هنا وقد توفي لك والدك السودان في معركته ضد بني قريظة!!!
    فقال له ابو جهل : "توفي لك" ولكني اليوم مع الشوكلاتة "جلاكسي" ارقص ..فضحك الجميع وعم الفرح وبدل ان يذهبوا للعزاء ..راحو علي عفراء مول ليتفرجوا علي فيلم "بشبش ووداد " الجزء الثالث..

  105. من حق اى شخص فينا ان ينتقد الاداء السياسى للحكومة منذ 89 وحتى الان ,الحريات العداله والعيش الكريم هى القضايا الاساسيه التى يجب التطرق اليها ,ما نريده , الحريات , العداله , العيش الكريم , ومن بعد ذلك لايهمنا ان رقص الرئيس ام لا فهذا حقه .

  106. يا ناس علي عثمان وأبو العفين وود الجاز والطفل المعجزة مصطفى عثمان اسماعيل الشحاد الأكبر وكل الجاثمين على صدور السودانيين بإسم الحكام وجميع علماء السلطان وأساتذة الجامعات والقضاة والمحامين والأطباء والمهندسين وكبار ضباط الجيش والشرطة والسجون وحرس الصيد والجمارك وضباط الصحة وضباط الإيقاع وكل المحاسيب على هذا النظام والذين كانوا والذين ما زالوا وجميع زعماء المعارضة وجميع رعاة اشياه في الفلوات رأيكم في الرقيص والحت والكشفي ده شنو؟؟ أوعكم تقولوا لي نوع من أنواع الذكر .
    لكن ما غريبة بنفس المنطق والمفهوم الذي حللت به الكمنقة (العفنة) يمكن تحليل الرقيص.

  107. هذا اللئيم
    فاطمه خالد عند الله جزاءك
    السيده فاطمه خالد تمر بظرف صحي دقيق وادعو الله لها بالصحه والشفاء ولم اكن اود الخوض في هذا الا ان لؤم عمر جعل الامر لابد منه
    معلوم لكثيرين ان عمر يعاني من نوع من العقم يصعب علاجه وقد رضيت السيده فاطمه خالد ب =قسمتها = الا ان عمر لم يرضي وما ان اتته السلطه واقبلت عليه الدنيا وزين له اسامه سدود الزواج بوداد == زوجة من قمع الجميع وقتل دون ان يطرف له جفن ومكن للنظام بالعنف وما دري انه لن يحصد ما ظنه مكاسب سيحوذها ,مالآ وسلطه ومنعه , لم يتردد عمر متحججآ بخلافة الشهيد لكي لا يضيع الابناء ولا تعاني الزوجه
    مرض السيده فاطمه خالد لو كان عمر رجل شهم لكان جعله يفرح بزواج ابناء اصحابه وهو مهموم بمرض ==زوجته == الا ان احساس عمر وفاطمه ومن تعانيه معدوم معدوم يا شعبي
    من فقد الاحساس بهذا الشكل وتبع هواه ومال كل الميل لا خير يرجي منه

  108. يا كوزة ويا كيزان هو حلال على بشبش وصفوة المشروع الحضارى وحرام على عامة الشعب الاختلاط والرقص الذى مثل حق البشير ده بموجب قانون شرطة النظام العام وامن المجتمع فهل يستقيم ذلك لان واقع الشعب السودانى البسيط بتجربته مع الشرطة خلال ال22 سنة بتقول الحفلات الكانت تقام للمناسبات بدون ترخيص تلاشت وفرض عليها الكثير من القيود والاتوات والزمن الساعة 12 ومنع الاختلاط والقبض والمحاكمة فى اللبس للمحتفلات ودونكم قضية الاستاذة الصحفية والناشطة واخريات هن كثر طيلة هذه السنين

  109. اذا كان لدى هجوم فإننى اهاجم من انزل هذا المقطع, لانه ارتكب عده ذنوب وهو لا يدرى, لكل من اساء الى السيد الرئيس ( ولا تزر وازره وزر اخرى)
    يا صاحب المقطع الا ترى انك تتمسك بجانب واحد فقط وهو الرقص لو كان هذا اوباما لصفقتم له جميعكم وقلتم هذه هى الحضاره والتواضع من الرئيس, لماذا لم تذكر صلواته الخمسه فى المسجد وقراءته القران ورضاؤه لوالدته, لماذا لم تذكر طيبته وتواضعه, انت لاتعلم شئ عن السيد الرئيس المحترم
    ولا ارى اى حرج من رقصه يعنى بالدارجى عادى جدا"واننى اؤيد ابو النوم فى ما قاله

  110. ( حريات)
    نشر موقع (الراكوبة) نقلاً عن اليوتيوب مقاطع فيديو تظهر عمر البشير يرقص مع زوجته وداد بابكر ومجموعة من الشابات أمس 16 نوفمبر . وتظهر الصور عمر البشير وهو يرقص على طريقة (الحت) أو (الكبكبة) ، بصورة ربما تكون مقبولة من الشخص العادي لدى غالبية السودانيين ، ولكنها لا تليق برئيس جمهورية ، خصوصاً مع ادعائه انه (أمير المؤمنين) و (المجاهد الأكبر) !! ورأس نظام سن قانون النظام العام الذي يجرم الرقص المختلط !! وأثارت المقاطع صدى واسعا. وشكلت ، مثلها مثل حديث والدة عمر البشير عن ضربه لها في صغره ، ومقاطع دفعه للمرأة المستضعفة التي تقدمت نحوه في مسألة ، وحديثه الشائن في الكرمك عقب الاستيلاء عليها مؤخراً ، شكلت (موقفاً نوعياً) يلخص كامل الشخصية . حيث تشير الى شخصية أخرى غير شخصية (ود البلد الطيب) التي يحاول الاعلام الحكومي تسويقها عن عمر البشير ، وتظهره على حقيقته كبلطجي . وكانت المفارقة كامنة بين الصورة الدعائية لرئيس النظام وبين شخصيته الواقعية التي تؤكدها ممارسته السياسية الممتدة لـ (21) عاماً ، حيث قطع أرزاق مئات الالوف واعتقل الآلاف وعذب واستباح الدماء والأعراض . ورغم انه من البداهة استنتاج أن شخصية رئيس نظام القتل اليومي لابد أن تكون من طبيعة نظامه ، الا ان المشاهد (النوعية) التي نشرت مؤخراً قدمت الأدلة الدامغة على ذلك . وكانت دعاية المؤتمر الوطني ، مثل كل النظم الاستبدادية ، تريد ابقاء رأس النظام فوق النقد ، وترسخ بشتى الوسائل الفكرة الساذجة بأن عمر البشير (طيب) حتى ولو كان بعض الذين من حوله أشرار !! وتفيد هذه الكذبة كصمام أمان للنظام ، فحين يدخل في أزمته النهائية ، يمكنه التضحية بـالأشرار (غير النافعين) ، للابقاء على رئيسه الذي يتمركز حوله النظام! وشكل نشر مقاطع الفيديو الأخيرة صفعة قوية لصورة عمر البشير الدعائية ، وفي ذات الوقت نذيراً قوياً بقرب نهايته ، فمثل هذه المقاطع (النوعية) لم تكن لتنشر في فترات صعود النظام وفتوته ? حين كان لا يزال يحتفظ بهيبة أجهزته ومؤسساته ورئيسه ! والأهم والأخطر انها شكلت كذلك لطمة قوية لجهود عمر البشير تسويق نفسه كممثل للسلفية الجهادية التي صارت المستند الرئيسي لسلطته . ومهما بلغت التخريجات التبريرية لعبد الحي يوسف ومحمد عبد الكريم وكمال رزق ? أبرز وجوه حلفاء عمر البشير من السلفية الجهادية – لا يمكنهم بعد مقاطع الفيديو هذه (بيع) الدعاية عن عمر البشير كـ ( أمير) الدولة الرسالية الاسلامية ! وفق معاييرهم المعتمدة . واذا كانت هذه المجموعات تضمر أصلاً الانقلاب على عمر البشير باعتبار عدم كفايته في (المواجهة) ، وتريد التحالف معه الى حين استقوائها ، فان المقاطع النوعية المنشورة أحرجت هذه المجموعات السلفية الجهادية ، وربما تجعلها تعجل بتنفيذ مخططها النهائي رغم عدم اكتمال تدابيره !

  111. الراجل ما عاقل و شكلو مشعشع – والا كان احترم عمرو وقد تجاوز ال 60 سنة ?وهاهو اليوم يرقص مع نساء اجنبيات وبنات في حضور زوجته ومشاركتها – علما انه اخذ البيعة من الناس ? المطلوب من هئية علماء السودان ? وشورى المؤتمر ان يفتونا في تصرف الرئيس ? فالساكت عن الحق شيطان اخرس- هل البيعة لا زالت في الاعناق ? وهل يرجى من هذا تطبيق شرع الله – اللهم لا تؤاخذنا بما فعل السفهاء منا

  112. ياسلام عليك يا واحد

    قصه الكابلى دى بتعلم الناس كيف يحترموا مهنتهم فعلا

    لكن الشاذيين ديل مابحبوا الاخلاق ولا بحبو المبادئ ولعلك لاحظت انو واحد عندو مبادئ مابقدر يعيش معاهم

    الخوف كلو على الجيل النشاء فى عهد الانقاذ فهو جيل لم يعرف معنى المبادئ

    وانا والله بنصح الاباء يركزوا مع اولادهم فى الموضوع ده والا سوف نصبح شعب مشوه زيهم

  113. الظاهر بشبش ماكان سامع الأغنية كويس لانو مركز مع الجكس الحولوا لانو لوسمع الفنان بقول من سحر الجنوب بسماتو كان مفروض يختشي علي دمو ويدي نفسوا طلقة لانو هو من من فرط في جنوبنا الغالي

  114. الحمد لله طلعت اغنيه لفنان محترم…..والله خفت تكون اغنيه من اغانى عهد الانقاذ…..الجبنه حبشيه….قنبله…..اربنى بمسدسك……حرامى القلوب…..لانو كان حتحتاج مهارات خاصه للرقص……والله دا اكبر ديك يحكم البلد…..

  115. قلنا ليكم عرس بنت شمس الدين، وده موضوع عادي شنو يعني كان رقص،ما هو كل يوم بيرقص في الفاضية والمليانة، بعدين الناس البتتكلم عن النظام العام، في اعراس انا شفتها في السودان فيها لبس تحلف تقول عرض ازياء وتعري، وداد لابسة ثوب كامل وما كانت عريانة والبنات بتاعين الفرقة المصرية ديل مع الزفة، والرئيس شايف الفيديو بيصور وفي ناس بتصور بالتلفون، والعرس فيهو امن وحرس غير عادي وده كلو حاصل قدامهم ، يعني كان ممكن يمنعو بتاع الكميرا ما يصور. والله الناس تعبانة ساكت والرئيس راجل بحب الانبساط، ثم ثاني شنو يعني كفر،اي راجل بقرب للسبعين بيحن لأايام الشباب، عقله بيخف شوية وبيرجع ثاني، اجانب كثار حا يشوفو الشريط ويقولو والله الراجل ده متواضع وشوف الناس حوليه، اكيد ده راجل محبوب واكامبو ده محرشنو ناس اوباما،وبكرة لعلمكم الرئيس شعبيته بتزيد، اقعدو بارو لي ناس عرمان وفرتكان، لحد ما الرئيس يطلع لبهو رقصة جديدة مع ندى القلعة ويمكن كمان تسوقو معاها للشريف ولدي

  116. الذين تصيدوا هذه الصور لنشرهاابدو سذاجه واضحه لانهم خلطوا بين العام والخاص
    الامانة تقتضى عليك نشر ما قلت لابتره

  117. للاذكياء نقول .. هذا الفديو بثه مدروس ومقصود .. فيه اشاره للشباب وقود الثورات بان امير المؤمنين سابقا … فك درب الكهنوت الدينى الظلامى بقيادة المرتشى عبالحى وقبيله من تجار الدين .. وصدقونى ان البشير تهمه السلطه اكثرمن الدين واتضح له ان رجال الكهنوت بفكرهم الظلامى اصبحوا مهددين بزوال سلطته … الان اصبح البشير الرئيس الجديد المستنير الحداثى يعتنق فكرا اسلاميا غنوشيا .. منسوب للغنوشى التونسى . . وهو فكر اسلامى لا يعادى العلمانيه ويساير العصر وايقاع الزمن الحديث ولا يتدخل فى الشأن الخاص.. وللشباب نقول سترقصوا حتى الصباح وستكون شرطة النظام العام حارسا لكم من المتطرفين وتجار الدين المنبوذين الذين احيلوا للصالح العام وانهارت تجارتهم ..

  118. والله ما عجبني الا الجكسي ياربي ديل بنات السودان المشهورين بالشناة عند الدول العربية,,باقي لي عازلينهم عزل ,,ارقص ياريس بمؤخرتك ولا يهمك اصلو الدنيا اخرها كوم تراب ,,,

  119. أجزم بأن هذا الشريط تم تسريبه من أقر ب الأقربين لهذا الراقص الخايب وربما يكون من نائبه وزراعه اليمين الذي أدمن الغدر والخيانة في مربييه ومعلميه وأولياء نعمته خاصة وأن له سابق خبرةفي إقصاء الآخرين فعندما علم بأن الراقص إنقلب على الحزب واستعان واستقوى بالجيش في مواجهة خسساء الحزب الذين يتوقون للتخلص منه وعرف بأنه لامجال لإزاحته حتى بعد إكمال دورته الرئاسية بموجب إنتخابات الخج إذ أنه ربما تمسك بحقه في الترشح لفترة رئاسية ثانية وفي هذه الحالة طبعاً لايستطيع أي واحد من مخانيس الحزب أن يترشح منافساً أو ربما ينقلب على الدستور نفسه ويعين مجلس عسكري بعد أن يعفي مخانيس الحزب من المدنيين لذا فقد رأى هؤلاء أن يتغدوا به قبل أن يتعشى بهم وذلك بأن يحطوا من قدره ومكانته أمام القوات المسلحة التي يستقوى بها وكذلك أمام مناصريه من أعضاء التنظيم ومن ثم فهذه وسيلة قتل معنوي محكمة يستطيعون عبرها إزاحته دون أن يجد مناصراً في قواته أو أعضاء حزبه أو حتى من علماء الضلال والنفاق الذين لايستطيعون أصدار فتوى بأنه القوي الأمين تعينه في الإنتخابات القادمة بعد هذه المهزلة والخيابة التي لاتليق بصبي ناهيك عن رجل مسلم يتولى أمر المسلمين وفي هذه العمر ويتقلد أعلى رتبةعسكرية في الدولة ربما لانجد لها مثيل في جيوش أمريكا روسيا قد دنا عزابها فضلا عن أنه يشغل أعلى المناصب الدستورية
    فالمفروض أن يقوم بإصدار قرار جمهوري بتشكيل لجنة تحقيق لمعرفة من قام بتسريب هذا الشريط للنت ومن من مخانيسه الذي يقف وراء هذه المؤامرة التي مسحت بما تبقى له من كرامة الأرض وأهم حاجة يبعد دوسة عن هذه اللجنة لأن دوسة لو لقا ليه عملية تهريب عملة ممكن يبيع نفسه كما أهم حاجة إبعاد أبو العفين لأنه بيكون من الشمتانين خاصة بعد ما مرمطوكرامته بإلغاء الإتفاق الذي وقعه مع الحركة وطلعوه طفل ماعندو كلمة رجال وما عنده وزن في التنظيم أو الحكومة وطبعاً هذا العمل لابد من إشتراك عناصر أمنية فيه فربما يكونوا ناس حسب الله وجزار تقطيع أوصال الشعب السوداني بمعاونة خيش علي أبو تالولة أرادوا أن يردوا الصاع صاعين وينتقموا من أمام المفسدين

  120. زمان كان حتي المعلم بالمدرسه لايرقص في الحفلات وحتي القاضي والمحامي زكرا او انثي يعني بالعربي حتي القاضيه والمحامية دعك من الرئيس وزوجته لك الله ياوطن كان يفخر باخلاقه وموروثاته

  121. حسبنا الله ونعم الوكيل الواحد لو ما شاف ماكان يصدق ان يفعل هذا الشيخ الماجن هذه الفعلة . رجل فى السبعينيات من عمره يتراقص وسط صبايا وصبيان فى عمر احفاده فى حفل مختلط ( ذكور واناث ) تلك المراهقة الثانية مراهقة الشيوخ وهذه اخطر من مراهقة الشبان . يتراقص البشير وسط البنات بدون خجلا من الناس ولا خوف من الواحد الاحد والمصيبة انه يدعوا الى تحكيم شرع الله ألم نقل لكم ان هؤلاء هم الاخوان المنافقين ! وهذا فرعونهم الكبير انظروا اليه كيف يتراقص وسط الفتيات بطريقة ماجنة وفى نشوة كبيرة من الفرح ضاربا عرض الحائط بكل القيم والاخـــلاق وشرع الله الذى يدعيه . اين شيخ السلطان صاحب البرادو وقناة طيبة المدعو عبدالحى الذى يخاف السلطان ولا يخاف الحى نرجو منك يا شيخنا فتوى فى حكم رقصة هذا الرجل ( رقصة رئاسية ) هل حلال ام حرام كما أفتيتم من قبل فى حكم سفره للدوحة ! ! 1 هــل وصل بكم الحد من الاستخفاف والجبن باصدار مثل هذه الفتوات والتى هى اقرب للرشوات والتملق . بصرف النظر عن حكم الدين فى مثل هذا الرقص الا يستحى هذا الرجل وهو فى مثل هذه السن من نظرة المجتمع وهو يتمايل بهذه الرقص المختلط وسط الفتيات الكاسيات والعاريات 1 إذا لم تستح ولم تخش الله فافعل ما شئت . فليس بعد الكفر ذنب.
    كنت اتمنى ان ارى هذا الرجل ممسكا بعصاته ويستعرض وسطنا فى عرضة وصقريــة الجعليين المشهورة والحماسية كنا اول من صفق له وأثنى عليه قارنوا هذا العبث مع العرضة النجدية التى قام بها الملك عبدالله وسط رجاله وابناء شعبه متوشحا سيفه كفارس محارب يؤدى العرضة برجولة وفن اذهل الحاضرين فنعم رقص الملك وبئس رقص الرئيس

  122. ههههههههه مهما تفعل يابشير وترقص في حضنن البنات فانت مثلهم ياعقيم وربنا سيحانه عارف وشايف عمايلك عشان كدا مابيرزقك بي ولد صالح يدعو لك بعد مماتك فما في فايدة تعمل فيها الضكران في النهار وبليل تبقى ******

  123. يا اخونا المشكلة وين ؟؟؟ الرئيس دا طووووووووووووالي برقص , انتو ناس حاقدين دي مناسبة اجتماعية معرف في السودان انو في الاعراس كل الاسرة بتشارك من الجد والحبوبة الي اصغر واحد , يا خوانا ركزو في مشاكل السوان و خلوانا من رقص و عفص ………………

  124. اذا كان رب البيت ل الدف ضارب فما شئمت اهل البيت الا الرقص والطرب=======ويجب ان لال نخلط بين الخاص والعام–الاسان يجب ان يكون صادق مع اللة ومع نفسه— يرقص في الحفلات بهذه الصورة وفي نفس الوقت يقبضن بعض الفتيات ويجلدن امام الملا بقوة القانون بحجة اللبس الفاضح والاخلال بقانون النظام العام—هل الله غفور رحيم لبعض الناس وشديد العقاب لاخرىن؟ويقال ان مروان بن عيدالحكم الاموى عندما اتته الخلافة كان جالس يقرا في القران—وعندها قفل المصحف وقال هذا فراق بيني وبينك—-واهتم بامور الدولة كما يبغي—–كان علم الحديث وجمعه وتفسىر القران وكل امور الدين تزدهر في الحجاز——وكان مقره ارض الشام حيث كان يزدهر الشعر والغناء وغيرفم من امور الدنيا——–وكانت الجيوش تخرج من ارض العراق حيث فتحت اسيا الصغري والهند والصين في عهدهم—-وكان لهم الفضل جمع القران والفتوحات الاسلامىة—-عدا لالنهم كانوا صادقين مع الله اولا ومع انفسهم ثانيا–وانت يا عمر البشىر ماسك العصا من النص 00لا عارفنها شريعة اسلامية والا عارفنها عتمانية—–حتي السودان ارض المليون ميل انقسم النص وغير مبالين بامور المسنمين في الجنوب وماذا يصير لهم وهم اقلية –واكيد سوف تهضم حقوقهم—واستعدوا لسوال المولي عزوجل يوم القيامة-وكان افضل لنا ان نحارب العمر كله ولا ينفصل شبر واحد من السودان الحبيب

  125. أقترب موعد حساب الدنيا يا حكومة الحرامية و تجارة الدين. السودان وصل لي حتة ما ممكن تتصور موت أطفال من الجوع أسر كاملة تنتحر المرض في كل مكان مافي دوا علاج مافي طالبات يأكله في الكوشة و القائمة طويلة ..لكن يومكم ما جا ..يوم الرجال جا و شوفو ليكم قبور من هسة ..الحاصل لي القذافي شوية و الرقص ده حيكون من نوع تاني …ما محتاج حليفة لكن البينعمالو فيكم ما عين رات و لا أذن سمعت ..و الأيام بيننا ..

  126. هذا هو قدوة المشروع الحضاري !!!!!!

    امير المؤمنين عمر !!!!!!

    البلد آآآآآآآآآآآآآآمنة جدا و الامن مستتب و الناس شبعانه و متعلمة و صحته ممتازة و التعليم

    مجاني و العلاج مجاني و المواصلات متوفرة و الناس بتفطر و بتتغدا و بتتعشا و بنشرب شاي

    اللبن الصباح مع اللقيمات و شاي اللبن المغرب بالكيك المشكل و مبسوطيييييييييييين

    عشان كده بشبش يرقص و يجبجب و يحتو حت صاح و كشف ، خلوهو فهو غير مواخذ .

    يوسف برادو يوسف عبد الميت

    عصام احمد البشير الساكت عن قول الحق

    عبد الجليل النذير الكاروري فيلسوف زمانك يا علماء الشيطان اين انتم من ولي الامر بشبش و هل تجوز ولايته علينا ، تسكتون عن قول الحق في و جه السفيه الماجن ملك الرقص بشبش ، طز طز طز ، الي مزبلة مزابل التاريخ يا بني كوز يا كيزان السجم و الرماد .

  127. ردا للاخ دنقلاوي اخي العزيز اولا ارجو منك ان تراجع تعليقلك وحقو نتحر الدقة في التعليق بسم الله الرحمن الرحيم لله ملك السموات والارض يخلق ما يشاء يهب لمن يشاءانثا ويهب لمن يشاء الذكور اويزوجهم ذكرانا وانثا ويجعل من يشاء عقيما انه عليم قديرا وما كان لبشر ان يكلمه الله الا وحيا اومن ورآي حجاب اويرسل رسولا فيوحي باذنه مايشاء انه علي حكيم صدق الله العظيم . اخي الكريم طبعا حتقل دا كوز والله انا ما كوز بس حبيت التوعية ونتحرا الدقة في ما نكتب ونقول هذه اشياء حقت ربنا

  128. الاخ محمد حسن احمد: رجال الصوفية اهل الطهر والاصالة ومكارم الاخلاق لا يشرفهم اعطاء زولك ثوب انما هذه ثيابه المدنسة بالوهابية —–ايغير الثعبان طبعه؟ انما انتم اخوان الثعابين مهما تلونتم وادعوتم فأخلاق الثعابين.

  129. اما آن لنا أن نتحد ونصنع ثوره نٌسقط تجار الدين من أمثال عبد الحي يوسف و الكاروري وعلى رأسهم البشير ؟؟
    ما هذا التناقض ! بحر الدماء ,وجثثٌ افتكها الجوع , و اصبحت اصوات الرصاص قصصا للأطفال عند النوم,,في دارفور و النيل الأزرق و جبال النوبه و اخشى ان يكن قريبا في الخرطوم
    غلاء الاسعار بصوره مخيفه في ابسط السلع , والمرضى في المستشفيات يعانون الأمرَين الألم و نقص العلاج
    اصبح السودان على شفير الهاويه.
    لماذا ياعبداالحي يوسف و كاروري لم نسمع ضجه ولا حتى خطبه من خطبكم التي يمليها عليكم النظام في هذا الشأن !! اين انتم من هذه الفاجعه المريره ,اين انتم من قول الحق في وجه حاكم جائر , لماذا هذا التكاسل والبشير و علي عثمان و نافع يتمتعون بملاين الدولارات في حسابهم الشخصي في ببنوك ماليزيا و, قصور و مزارع وببيوت لا حصر لها و( وداد ) تملك مالانطيق حصره من بيوت و اموال !!!
    ام انكم تخشون السجن و القتل او انكم تتمتعون كامثالهم من النعيم الزائف ,
    لا عجب ان يتراقص البشير و اعوانه طربا اذ ان عبدالحي وكاروري في سباتِ عميق و قد اجازو كل ما لذَ و طاب للمؤتمر الوطني ,
    كان احرى ان يجلد البشير بدلا عن الفتاه (التي و ان اخطأت مع أنني لا ارى خطأها كان مع نفسها ) اماهؤلاء عصابه الوطني أخطؤوا في حق الملاين من ابناء الشعب االسوداني ,ماذا يعادل لبس االبنطلون امام القتل و التجويع والسلب و النهب ,
    فكم جلده (بنطلون ) يستحق هؤلاء , اهي بعدد الملايين من ابناء السودان , ام بعدد الملايين التي سٌرقت , ام الإثنين معا.
    الشعب يريد اسقاط النظام
    الشعب يريد اسقاط النظام
    الشعب يريد اسقاط النظام

  130. لكل الذين يريدون أن يغطوا الشمس بيدهم ، يقولون ما فعله البشير شيء عادي … كذب و أيم الله افتراء على الحق ، لماذا؟؟
    1- لو كنت وحدي في منزلي و ليس في حفل مختلط و عمري 67 عاما فإنني أخجل أن أرقص فذلك لا يناسب سني و هيبتي .
    2- لو كنت في حفل خاص يضم أفراد أسرتي و عددهم يتراوح بين عشرة و عشرين فسأكون أكثر خجلا من هز الوسط و (الحت)و لن أنسى سني و وقاري .
    2- لو كان حفلة العرس تخص بنتي فسأكون أكثر حرصا على الوقار و المهابة في هذا العمر .
    3- لو كنت معلما أو عمدة قرية أو موظفا كبيرا لكنت أكثر خجلا من الرقص و هز الوسط بين أفراد عائلتي .
    4- لو كنت داعية أخلاق و فضيلة لازداد خجلي من هز الوسط و (حت النبق)
    5- أما إذا كنت داعية ديني و رئيس جمهورية و عمري قارب السبعين و سنيت قانونا يعاقب بالجلد من يمارسون الرقص الختلط و ادعي أنني أريد شريعة غير مجغمسة و أكلم الناس عبر القنوات الفضائية بقولي (لن نتحرج من الجلد و القطع و القطع من خلاف و … و..) و في حفل يحضره مئات الأشخاص و وسط بنات شابات في عمر أحفادي و حين أرقص قد تلامسني مؤخرة أو مقدمة إحداهن ، حينها لو رقصت فسأكون تيساً كبير ، تيساً و لا شيء غيره … ناهيك عن الجوع الذي يعانيه الملايين و القتلى و الجرحى و الآلام التي لا حصر لها التي يعانيها شعبي فهذه ستملأني بالهموم و لن تترك لي مزاجا للرقص و هز الوسط و الحت …
    الذين يبررون عُميٌ و لن يعدموا أن يتحفوننا بتبرير لكل فعل لمحبيهم ، فإن فعلوا أي منكر يكون في حقهم معروفا ، أما خصومهم فلو رقص الرجل و زوجته داخل بيتهم لاتهموهم بالانحلال ، و لدينا تجارب لما قاموا به من قبض على عدد من الأزواج لأنهم لم يكونوا يحملون معهم قسيمة الزواج في بدايات أيام تطبيق قوانين سبتمبر ، و لم يعتذروا عن ذلك حتى اليوم ، غدا لو تواجد أحد منسوبيهم مع فتاة عارية في خلوة لقالوا لنا ــ كما قال أحد المعلقين ــ : " يا لكم من بؤساء سيئي الظن فهما كانا في حالة عبادة و ذكر و تبتل ." لكن ستنقشع الغشاوة من العيون قليلا قليلا و لن يصدق الناس حكاية (مثله مثل أي سوداني يشارك عائلته أفراحها ، و متواضع و … من نوع ذر الرماد في العيون) و كأن من جلدوا و أهينو و تم التبشيع بهم لم يكونوا سودانيين و ليست لهم أسر … الفساد كوم و هز وسط أمير المؤمنين كوم .

  131. 1\من يكتب عنى هذا المقال (ما بين بنو الاسلام وبنو علمان والشارع العام)
    2\حقيقة المادة تنفع تقديمة لبرنامج افراح افراح .
    3\لكن التوقيت لبث هذه المادة التى يقال لها شهرين مع الاعلان عن تكوين حكومة جديدة ما بدل على ان من بثها زول متضرر من الاقالة والازاحة اذا اختلف الدجالان ظهر الدجل

  132. For those who are very proud of the president being a traditional Sudanese, we all love this but what the Islamic government used to call its regime (Islamic) is not true. I am one of many who had been to one of the president’s family parties invited by a friend, i saw girls clothing in a style that i had never seen in any other party and women showing kgs of gold on their necks and arms.
    We love our traditions and we would like our president to be one of us, dance when we dance, and cry when one of us cries.
    but when he is dancing and all his people are crying, this is what we don’t want to see, and so starting from here i would like to call all the Sudanese brave men and women to start the revolution and get their freedom and the life they deserve.

    the video has already been uploaded in CNN ireport, so every one can see the dancer

    http://ireport.cnn.com/docs/DOC-705975.

  133. ارقص يابشبش ارقص يابشبش والان اخر الاخباراعلن منتخب السودان نريد ان نبيع الاعب بشبش الي محكمة العدل الدولية لي الاسباب الاتية بانه غير موهل لقيادة الفريق السوداني وافرط في الاساة لي المنتخب السوداني

  134. ياجماعة والله ما فيها اى حاجة مناسبة عادية وجميعنا بنشارك اهلنا المناسبات السعيدة ودى حرية شخصية .بل المفروض نفتخر بانو رئيسنا متواضع وبشارك اهل بيته وفى النهاية بشر ليهو الحق فى ممارسة حياتة .

  135. قد كان يا ما كان
    كان هنا سودان
    من خيرة البلدان
    خضرة وجمال وجنان
    شعب من الشجعان
    سمح هو السودان
    حلو بلا كيزان
    الحطمو الانسان
    الهدمو الاركان
    للدين والاوطان
    الهجرو الحبان
    وشردو الاخوان
    لا ونسة لا جيران
    لا جبنة لا فنجان
    سودان مع الكيزان
    رجس من الشيطان
    لا شكل لا الوان
    لا طعم لا ريحان
    سجمان كمان رمدان
    لا اسم لا عنوان
    كم نام هناك جعان
    والنيل كمان عطشان
    الزارع الحيران
    الطالب العدمان
    العامل التعبان
    المصنع العطلان
    النازح العريان
    الخايف الهربان
    من قذفة النيران
    والراقص الخيبان
    يرقص وسط نسوان
    لا هام ولا دريان
    كم كم أهان نسوان
    بالجلد بالسيطان

    أخخخخخخخخخخخ

  136. بمناسبة الرقص المؤمن جادت قريحتي بقصيدة بعنوان (عندما يهز أمير المؤمنين وسطه) و هي على وزن شعر ود العيلفون الذي لا وزن له و لا قافية مثل قوله : بيتكم في العالي و بيتنا في الحداره … يا الحبك رماني من الحماره … مالك ما بتجي تشيل النار من عندنا ….. أو كما قال ، و الآن إلى القصيدة :

    عندما يهز الأمير وسطه
    يطقش صلب فلانة
    و يلامس نهد علانة
    فاعلموا أن الأمر أبوي من زول سوداني يشارك أسرته فرحها حتى لا تبقى زهجانه
    و عندما يحت الرئيس فبشرى لكل الراقصين و حتى لمن ترقص هيمانه
    غدا ترقصون و لن يسألكم زعيط أو معيط ففي الأمر فسحة و بهبانه
    أما حكاية الشريعة فهي كما تعلمون إشاعة من المعارضة الخربانه
    نحن نرقص و نرقص كيه للحاسدين
    موتوا بغيظكم يا موجعكم دهب حريمنا الــ بالملايين
    و موجعاكم قصورنا و كاواكم في قلوبكم يا ملاعين
    هي لله و في ذلك فليتنافس الراقصات و الراقصين
    سنرقص حتى ترق منهم دماء أو ترق منهن الدماء أو فلترق كل الدماء …
    تهليل … تكبير … ترقيص … حت و تحتيت .. نبق و تنبيق …

  137. إلى المعلق (moonshussien) إنت صوفي من برطانيا ولا شنو ماتكتب إسمك بالعربي بلغة القرآن عشان نشوف بركات صوفية إسمك
    ألم يكن هذا الراقص الذي لامثيل له إلا فيفي عبدو المصرية هو من ألبسه أبناء الشيخ البرعي ثوي والدهم وبايعوه هم ومريديهم أيام إنتخابات الخج هل كان الشيخ البرعي وهابي ألم يحتشد كل رجال الطرق الصوفية في حشد كبير بمنطقة الكباشي لمبايعة هذا الفاسق هل هذه هي صوفية الطهر والأخلاق التي تعنيها هذه صوفية الضلال والنفاق والرياء هذه صوفية الكذب والخداع وتجارة الدين هذه صوفية الإسلام السياسي فهي متخصصة في مبايعة ومناصرة السفاحين والقتلة والمجرمين والمفسدين فمن قبله بايعت السفاح نميري والآن بايعت أكبر المفسدين في الأرض مايع رقاص أكبر مجرم إبادة لشعبه فهل هذه صوفية الطهر هذه أوسخ وأعفن وأقذر صوفية عرفها تاريخ السودان قادتها يسعون لكسب رضاء السلطان قبل رضاء الرحمن إبتغاء لنعيم الدنيا وعطاياه من الأموال والهدايا التي يغدق بها عليهم لقاء توجيه تابعيهم من السذج والدراويش لمناصرته والوقوف معه سواء في الإنتخابات أو لحشد التأييد الصوري أمام كميرات الفضائيات حسب الطلب كم حدث في إنتخابات الخج ومبايعة الكباشي المشهور أهلها بالجري وراء القطارات واستجداء المسافرين للتصدق عليهم بإسم كرامة الكباشي فاليوم صارت منطقة مبايعة لإمام المفسدين في السودان

  138. واحد من مرتزقة الحكومة في سودانيزاونلاين قال ده زواج بنت وداد بابكر وفي رسالة من الاخت جميلة صلاح محجوب (قريبة عمر البشير) ذكرت الآتي:

    هذا الزواج ليس في هذه الايام إنه قبل سنتين أو أكثر وهو زواج سارة محمد حسن أحمد البشير وقد كنت حضوراً فيه وقد أتحفنا الفنان عاصم البنا بروائع الدرر من الاغاني وكان الحضور جميلاً وكما عهدنا وجود الرئيس في كل الافراح والاتراح التي تخص العائلة مشاركاً فيها فما بال هؤلاء بفرح سارة سارة هي الان أم للطفل الجميل عبدالملك أحمد عبدالملك الدعاك ومن يرقصن مرتديات الزي الابيض بالاحمر هم شقيقات العروس وهذا عمهم قبل ان يكون رئيساً: العروس الآن في لندن.

    أها يا مرتزق بتاع الحكومة جبت الكلام ده من وين ولا انت تعودت تنفي عن رئيسك المجرم كل جرم وهبالة يقوم بيها
    الله ينعلكم دنيا وآخرة

  139. الي صاحب التعليق (محمد حسن احمد) من العار ان تقول مالا تعلم ….وتعلم قبل ان تتعلم ….واذا اثمت لا تندم.. كنت مش عايز ارد عليك لان امثالك لا يستحق الرد عليهم بدليل قوله تعالي واعرض عن الجاهلين….. واذا خاطبهم الجاهلون قالو سلاما … الموضوع عن مشاركة الرئيس لفرح احد اقاربه ….ايه دخل الشيخ البرعي والشيخ الكباشي وغيرهم ..ومين انت اصلا حتي تفتي وتقيم الناس هذا حسن وذاك دون ذلك …

  140. بالتأكيد ؛؛ _ومجرد رأي ببساااااطة فهم_:
    كان "الأولي" إنو ماااا يعملو حفلة وغني بهذا الصخب_لحدٍ ما_ وهو واهل بيته باعتبارم قدوة .. الأَوْلي !
    لكن وقد حدث ؛ وبعيدا عن احكام الموسيقي والاختلاط _حتي علي مستوي أولي الأرحام من غير المحارم_ بعيدا عن تفاصييييييل حكم الكلام دا؛ وبعييييييدا عن ما يعانيه الوطن والاهل من جراح .. للحظة ؛ وفقط مجرد اخد الحاجة دي باعتبارا عادة وعرف مجتمع في الزواج ؛ فانا احترمت فيو شخصية التواضع والصدق مع النفس وعدم الكضب والنفخة الفارغة و "إدّعاء المثالية" .. ودي تفصيلة حياة خاصة ؛ في البيت ؛؛ وليت كلللل الحفلات_إن كان لا بد_ليتها تتم بهذه الرزانة والاحتشام ..حتي "زوجة الرئيس" ..ليس دفاعا عن احد ؛؛ بل بالعكس : من استحسن فقد شرّع واعوذ بالله من ذلك ؛؛ لكين بس ما حسيت بي غير كدا ..
    وصدقاً قالت العرب :
    ومن الذي تُرضَي سجاياه كلها؟؟؟ .. كفي المرءَ نُبلاً أن تُعدَّ معايبُهْ !!
    وياريت لو كل رؤسائنا علي مستوي العالم العربي والاسلامي؛ السابقين والمعاصرين واللاحقين ؛ليتهم تكون دي _فقط_ هي نوع الكبوات البتُحسب عليهم .. إذاً لنعمنا وعانقنا الثريا !.. ولكين أخطاءهم أنكأ من ذلك .. بكثير ..وحالنا بين الامم خير شاهد..
    سمع رجل سيدنا عمر بن الخطاب رضي الله عنه وهو ينشد شعرا , فلما دخل عليه قال له عمر : أسمعت ما قلت فقال : نعم قال عمر : (((( إنا إذا خلونا في بيوتنا قلنا ما يقوله الناس في بيوتهم ))))!!
    وكم اعجبني هذا المقال الذي يهاجم المثالية الزائفة:

    http://www.ararnews.net/articles-action-show-id-1683.htm

    واخيرا حاجتين :
    الاولي : دا مجرد راي ليس فتوي ولا استحسان لحفلات الزواج بشكلها الحالي..
    التانية : الاخ والابن أسامة : انا ما عارف رايك في الموضوع شنو وما قصدت ارد عليك انت ف شخصك ولااااااا أيي زول تاني .. فقط هو ماجال بخاطري .. وسلمت يداك ..
    وخاتمة الختام عفوا اذا التعليق "جادّي" اكتر من اللازم ؛ فربما الموضوع ما اكتر من مجرد ضحكة علي رقيص ال "رئيس" .. !!
    وعقبال كللللل العنقالة !! والعنقاليات ..
    صباحاتكم .. وسلاماتي ..

  141. المعلق بإسم (عدم الفهم مشكلة )
    حقيقة أتفق معك عدم الفهم مشكلة لأن أمثالك لايفهمون وليس لهم إستعداد للفهم وإنه من العار أن يكون أمثالك وأمثال صوفية النفاق السياسي موجود وسط أمة كان يشار لها بالبنان ولولا وجود العديد من المتخلفين دينين من أمثالكم أصحاب الجلاليب المرقعةوالشالات الخضراء لما إستمر مثل هذاالمتخلف الراقص المايع ومن قبله نميري في حكم هذا البلد
    أما ماذكرته أنا في حق صوفية الضلال والنفاق فهو لايخرج عن كونه سرد لوقائع جرت ونقلتها زبالات السودان الفضائية فقد شهد العالم كله ما قام به أولاد البرعي لدعم هذا الراقص في مهزلته الإنتخابية وذلك بإلباسه ثوب والدهم البرعي أيذاناً وتجيهاً لكل تابعيهم بالوقوف معه وتأييده تأيد رجل أياديه ملطخة بدماء النساء والأطفال والشيوخ من مسلمي دارفور التي كانت تكسو الكعبة الشريفة ألا يبدل ذلك على مستوى نفاق هذا النوع من الصوفية
    أيضاً لقد شهد العالم كله وعبر زبالات فضائيات السودان حشد رجال الطرق الصوفية في منطقة الكباشي لمبايعة هذا السفاح الفاسد الحرامي الراقص الذي أزكم فساده أنوف العالم أجمع ولايمضي يوم حتى تطالعنا أجهزة الإعلام المحلبية والعالمية بفضيحة فساد من حاشيته وبطانته وأهل بيته ومع ذلك أحتشدت صوفية الرقيص والنوبات لتبايعه ولاندري على ماذا تبايعه اللهم إلا إذا كانت بيعتها له على الرقيص
    أما إن كان قد أثار سخطك مارويته عن منطقة الكباشي وجري أهلها خلف قطارات السكة حديد فهذه حقيقة يعرفها كل من عاصر العصر الذهبي لسكك حديد السودان قبل أن يطالها الدمار والخراب كبقية مرافق الدولة بفضل هذا راقص الإسلام السياسي ورفاقه من مخانيس الجبهة النفاقية بشقيها وثني وشغبي
    أهذا يحتاج لفهم يامتخلف ولكن يبدو أنك من محبي النوبة والفتة في ديار صوفية النفاق السياسي
    الإسلام دين محترم دين ورع وليس دين رقيص وطرب ومياعة ولم ينتشر عبر الطارات والنوبة والمزامير والرقيص وإنما إنتشر عن طريق رجال شكلوا قدوة صالحة لغيرهم في سلوكهم في أخلاقهم في تعاملاتهم في صدقهم في وفائهم بعهودهم في أمانتهم في الوقوف إلى جانب الحق في من أجل إبتغاء مرضاة الرحمن وليس رضاء السلطان كما تفعل صوفية النفاق والضلال اليوم

  142. يا شباب رقصة البشير دى ما فيها حرج, بعدين فيها شنو لما الرئيس يتواضع و يجامل فى افراح زيو و زى عامة الشعب… وبعدين كنتو وين انتو لما الرئيس عرض عرضة الجعليين في الكرمك…. وانتو منو عشان تحاسبو الرئيس؟؟؟ الله يحفظك سيدى الرئيس

  143. عادي يرقص ما هو زول سوداني و ليس بإسلامي .فالمعيار اليوم أصبح (سوداني) و اتفكينا من حكاية

    شرع الله .. اتفكينا من حكاية : شريعة قبل القوت … شريعة شريعة و للا نموت….

    عادي يرقص و يحت و يداقش و الرقيص مختلط ، فالمادة التي تمنع الرقيص المختلط وردت في قانون

    النظام العام لدولة كوستاريكا …

    عادي يرقص فالرقيص و الحت يناسب عمر السبعين خاصة إذا كان وسط الصبايا …

    عادي يرقص و يحت النبق و ممكن كمان ياخد ليه كاس عرقي ، ما هو أصلو زول سوداني متواضع …

    عادي يرقص لأن في الرقيص حسنات أكثر من الذكر خاصة لمن كان متواضعا و هو أمير المؤمنين …

    أم غير العادي فهو :

    أن يتواجد شبانا في العشرينات يرقصون رقصا مختلطا ، أولئك يكون المعيار (الشريعة البشكيرية) و

    يومها يدقوهم دق العيش و تظهر حكاية الشريعة المجغمسة في قانون النظام العام .

    أن يرقص أحد المعارضين في عمر السبعين يومها سنقول له : يا راجل ما تختشي ، إنت قايل نفسك أمير المؤمنين …

    الحمد لله الذين ملأ خشوم و جضوم أهل المشروع الحضاري بحجج و دلائل تحسين الرقص و تقبيح

    معارضته فقد أثبتوا أن الرقص كله حلاااال خاصة إذا كان مختلطا و يسمي بالرقص الأبوي …. من

    يدافعون عن أمير المؤمنين أكدوا أنه زول سوداني ، يعني ما إسلامي ، طيب من زمان ليه هاوسننا

    بحكاية شرع الله و لا ولاء لغير الله و موةش عارف إيه ما ترقصوا رقيصكم و كان الله يحب المحسنين

    و تقولوا نحن سودانيين أحفاد من يكرمون الضيف بكاس العرقي و حبوباتنا كن يلبسن الرحاطا …

    قرضوا على زول سوداني و لبس سوداني و رقيص سوداني و كده … بلا نفاق بلا لمه

  144. ياجماعة ماتصعبو المواضيع يعنى فيها شنو كان شارك بت الشهيد شمس الدين اهو يخفف و يكفر عن نفسو شويه

  145. أحمدوا الله أن رئيسكم يشارككم الأفراح ووسط أسرته وشعبه من حوله والمشاركة أسرية وخاصة لكن الأعداء يبحثوا عن مدخل ؟؟؟؟؟

  146. الايام دى كان ما المنافق على احمد الامام ممكون بالجلطة الجاتو. كان نجر ليهو فتوى طويلة تمجد امير المؤمنين البشكير وتحلل الرقص الرئاسى. تمهل ولا تهمل . يورينا فيكم يوم. مرة جلطة ومرة فضيحة .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..