البدرى يتفق مع الوالي علي إنهاء مهمته مع المريخ السوداني.

كووورة

صرح حسام البدري المدير الفني لفريق المريخ الفائز بلقب دوري السودان للموسم الحالي , بأنه أتفق مع جمال الوالي رئيس النادي علي إنهاء مهمته مع الفريق السوداني خلال الإجتماع الذي جمعه به اليوم .

وأوضح البدري في تصريحات تليفزيونية أنه بعد أن ترك النادي الأهلي قرر خوض تجربة خارج مصر لمدة موسم علي أن يعود بعده للقاهرة لمواصلة مشواره التدريبي .

وكشف البدري عن عزم إدارة المريخ لاقامة حفل بمناسبة فوز الفريق ببطولة الدوري ، وتركت له حرية دعوة وسائل الاعلام المصرية التى يرغب في وجودها لتغطية الحفل .

يذكر أن البدري سبق له الفوز مع الأهلي ببطولة الدوري كمديراً فنياً الموسم قبل الماضي .

تعليق واحد

  1. عليك يسهل و علينا يمهل قشة ما تعتر ليك و انشاء اللة اخر عربي مدرب و لا لاعب نشوفوا في المريخ و بلا هم بلا غم والمريخ كان قادر علي الفوز بالدوري الممتاز حتي بدون مدرب و السي بدري لم يضيف للمريخ اي شي و كان سبب مباشر في الخروج الافريقي وارجوا من ادارة المريخ الرجوع الي المدرسة الالمانية في التدريب و البحث علي المحترفين الافارقة لانهم الافضل

  2. كان محظوظا ولم يضف اى شى للمريخ
    ارجو ايضا شطب الدافى الذى ظل جالسا على دكة البدلاء وحينما يشترك لا يبذل جهدا ولا يهدد خصما غايتو رزق الهبل على المجانين
    الافارقة افضل وبعدهم الاسيويين

  3. والله ده اسعد خبر الواحد سمعو من الصباح وقشة ما تعتر ليك يابدري يا بتاع الخروج البدري غايتو ربنا حكمته بالغة كان عندك رزق في السودان واكلته لكن بسببك انا قربت اخلي تشجيع المريخ مع اني مريخابي متعصب جدا … وعليك يسهل ونحن والله ان مسكنا فيصل العجب بكون احسن شيء …

  4. اولا مبرووووووووووك للصفوة الممتاز
    ثانيا شكرا يا كابتن حسام ما قصرت
    ثالثا اتمنى ثم اتمنى ان تستعين ادارة المريخ بمدرب الاحمال الالمانى ويلى كونهارت كمدير فنى للفريق لان هذا الكابتن هو اصلا وكما سمعنا مدرب وله شهادة تدريب ، وما يميزه اكثر انه يعرف كل صغيرة وكبيرة عن المريخ ولاعبى المريخ بس يكون معه جبرة مدرب عام ويستمر اللواء مدنى الحارث مدير كرة .

  5. هو يا اخي المدربين واللاعبين الافارقة كانوا نافعين الا القليل
    والبدري بفعله هذا يؤكد أنه مدرب محترم ……………………

  6. و انا برضو بطالب بشطبي و شطب منزلي من كشوفات المريخ
    ده لو كان منزلي موجود ضمن الكشوفات
    عشان مجلس المريخ متعسر في دفع الايجار لمدة ستة شهور حتى تاريخه
    قريش اداني نمرة تلفون قال عشان لو عبد الحي احمد العاقب ما دفع لي الايجار في مواعيدو اتصل بيهو و قام جدع الشريحة لان الرقم الاداني ليهو غير موجود بالخدمة
    متوكل احمد علي قال داير يشتري البيت تصورو نصب و احتيال و كمان جابت ليها همبته
    و جمال الوالي عارف كل الامور دي و هو برضو رمى نمرة التلفون الادوني ليها
    فيا جماعة لو فيكم زول ممكن يطلب من نادي المريخ يشطب منزلي الكائن بالخرطوم و المستعمل مكتب من مكاتب النادي بالخرطوم عليكم الله يساعدني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..