الوالي يقدم الدعوة لعدد من نجوم الكرة العربية والمصرية..المريخ يحتفل بالتتويج ببطولة الممتاز بالاثنين.. البدري يفتح قلبه قبل الاقلاع : شكراً انصار الشفق الاحمر وادعو نجوم الكرة المصرية للاحتفال بالدوري
كتب: هيثم محمد علي
قدم رئيس المريخ سعادة الدكتور جمال الوالي الدعوة لعدد من نجوم الكرة العربية والمصرية للمشاركة في مهرجان تتويج الفريق ببطولة الدوري الممتاز والذي تقرر له مساء الاثنين القادم بملعب استاد المريخ حيث اكد عدد كبير من المع نجوم الكرة العربية بقيادة الاعلامي الكبير احمد شوبير عن حضورهم للخرطوم والمشاركة وتغطية هذا المهرجان والحدث الكبير،
البدري صحح اخطاء الاهلي المريخ يستأنف تحضيراته للهلال امس
استأنف فريق الكرة بالمريخ في الخامسة من عصر امس بملعبه بامدرمان تدريباته الاعدادية الجادة استعدادا لمواجهة الهلال غدا في ديربي الممتاز تحت اشراف الكابتن حسام البدري في غياب مساعده فاروق جبرة وركز البدري علي تصحيح اخطاء مباراة الاهلي واراحة المجموعة التي شاركت في المباراة كاملة فيما اشرف ويلي علي بقية المجموعة
والي المريخ يحفز نجوم الفريق
قام رئيس المريخ جمال الوالي بتسليم لاعبي الفريق حافز الفوز ببطولة الممتاز مساء امس الاول والذي بلغ 15 مليون لكل لاعب.
ضوابط مشددة لمعسكر المريخ
شهد معسكر المريخ بفندق كنون والذي تواصل عقب تتويج الفريق ببطولة الممتاز ضوابط مشددة من مدير الكرة سعادة اللواء مدني الحارث.
ردود فعل واسعة لتصريحات الطيب الجزار
وجدت التصريحات المسئولة والنارية التي ادلي بها قطب المريخ الكبير المستشار الطيب احمد الجزار بخصوص احداث غربلة كاملة في صفوف الفريق رغم التتويج ببطولة الممتاز ردود افعال واسعة وعريضة وسط القاعدة المريخية التي اشادت بالتصريحات المسئولة وغير العاطفية لرجل المريخ القوي الطيب الجزار والتي اصابت عين الحقيقة مطالبة باحداث تغيير كامل في صفوف الفريق.
عبر فاكس رسمي امس الزمالك المصري يهنئ المريخ بالممتاز
بعث مجلس ادارة نادي الزمالك المصري بقيادة المستشار جلال ابراهيم بفاكس عاجل ظهر امس لنظيره مجلس المريخ ورئيس النادي الدكتور جمال الوالي يعلن من خلاله عن تهاني القلعة البيضاء الحارة بشمال الوادي بتتويج المريخ توأم الزمالك بلقب البطولة متمنيا دوام الانتصارات والبطولات للفرقة الحمراء
المريخ يختتم تحضيراته اليوم للهلال
يختتم فريق الكرة بنادي المريخ في الخامسة من عصر اليوم بملعبه بامدرمان تحضيراته الجادة استعدادا لمنازلة غريمه الهلال غدا الاربعاء في نهائي بطولة الممتاز
[COLOR=blue]البدري يرحل قبل القمة والمريخ يدعو نجوم الكرة المصرية للاحتفال بالدوري[/COLOR]كتب: هيثم محمد علي
ادلى المدير الفني للفرقة الحمراء الكابتن حسام البدري بتصريحات خاصة لقوون مساء امس اعلن من خلالها عن انهائه لمشواره مع الفرقة الحمراء رسميا امس عقب اجتماع ناجح جمعه مع رئيس المريخ الدكتور جمال الوالي تاكيدا لما انفردت وتميزت به قوون في اعدادها السابقة واكد البدري علي التعامل الراقي الذي وجده من رئيس المريخ وكل الاسرة والقاعدة المريخية من خلال مشواره مع الفريق والذي كلل بالتتويج ببطولة الممتاز والتي جاءت بفضل تضافر ووقفة الجميع وانا سعيد بالتتويج مع المريخ في هذه البطولة الكبري واكد البدري عدم اشرافه علي الفريق في مباراة الديربي غدا امام الهلال واسناد المهمة لمساعده فاروق جبرة لقيادة هذه المباراة مؤكدا بان فريقه قد حقق الاهم وهو التتويج بلقب البطولة وتبقى مباراة الغد تحصيل حاصل رغم انها لها حسابات خاصة لدي انصار الفريقين. مؤكدا بان الامر اكثر من عادي في ظل الاحترافية التي تسيطر علي العالم حيث كشف البدري بانه وطوال مشواره مع الاهلي عندما كنا نحسم لقب الدوري مبكرا كان المدير الفني للفريق البرتغالي جوزيه يغادر للبرتغال عقب حسم البطولة وكنت اشرف علي بقية المباريات بما فيها مباراة الديربي امام غريمنا الزمالك مطالبا بعدم تضخيم الامور وتمني البدري التوفيق للفريق في مباراة الغد واتاحة الفرصة لعدد من عناصر الشباب للمشاركة في هذه النهاية.
وكشف البدري عن عودته للخرطوم من جديد بدعوة من الرئيس للمشاركة في مهرجان التتويج ببطولة الممتاز وتكريمه بجانب اعضاء الجهاز الفني واللاعبين مؤكدا بان الوالي قدم الدعوة لعدد من الاعلاميين المصريين علي راسهم الكابتن احمد شوبير والذي سيصل برفقته وسيقدم حلقة كاملة عبر برنامجه الناجح بقناة مودرن سبورت (كوورة النهار ده) بتتويج المريخ ببطولة الممتاز بجانب عدد من الاعلاميين المصريين ونجوم الكرة المصرية
قوون
ارقدو للمصرين ديل كويس يا مريخاب …. الله يرحم المريخ وقع فى قبضة الاغبياء و الناقصين و المعقدين من اللون حال المريخ من حال الحكومة السودانية ؟؟؟؟؟؟؟؟؟؟؟؟؟؟؟؟؟؟؟؟؟
يا ناس اهم من ده مش احسن يبرئ ذمتة من الاموال التي في ذمته
انا ما لي شغلة في ما عنده منها
لكن انا عندي حقوق عند ناس المريخ زي ما قال لي الموظف بالنادي عبد الحي احمد العاقب "قروشك عند ناس المريخ" و للعلم فان المريخ متعسر في دفع الايجار لمدة ستة شهور حتى هذا التاريخ
تصورو افك و احتيال زي ده
و المساكين من الطبالة و الرعاع قيلين القبة تحتها فكي
هههههه البدري عارف ان الوصيف المريخ ما يقدر على سيد البلد الهلال عشان كده ترك المريخ لفاروق جبرة المسكين في وجه المدفع هههه
يا يوم بكرة ما تسرع تخفف لي عذابي يا ناس المريخ ساساساساساس جاكم كاسكم موصوه شربه هههههه رقصني يا حضري
على الاقل راجل مشة وراسو مرفوع فوق وشايل معاهو كاس مش زي ناس ميشو والنقر غير الذل والاهانة ماشالو حاجة
وانت ياحمدو الموضوع حق قروشك دا بتكتبو فوق كل خبر كرهتنا زاتو لو داير قروش انا بديك
بدعه جديده هل سمعتم بفريق فى كل الدول العربيه فاز بالدورى فى بلاده 0 دعا نجوم عرب للاحتفال واقام الدنيا 0 الهلال فاز بالبطوله اكثر من مره ما عمل زيطه والاوهام دى الا تعطش الوالى للانجازات بعد صرف كل تلك الملايين من الدولارات :lool: ;) ;) ;) :o :o
يعنى ده لو شال كاس العالم للانديه كان عمل شنو
الناس زمان بقولوا مبروك للمريخ هسع بقى بقولوا مبروك للوالى والوالى رئيس طوالى
انتو زعلانيين لية الوالي ريسنا طوالي والكاس حقنا والاستاد حقنا والحفلة حقتنا موتو بقيظكم ماتخلو الحقد دة
المريخ اول فريق ياخد كاس الدورى المريخ فاز على الهلال ثمانية لقاءات ورا بعض لمن جاء قون جكسا بتاع المولد و ده تاريخ الهلالاب ما بينسوه طول حياتهم بعد ما ضاقوا المر من المريخ المريخ اول فريق وآخر فريق ياخد كاس الدورى الما خمج بتاع الخرطوم بدون هزيمة ولا تعادل و المرة البعدها بتعادل واحد و مع التحرير المريخ شال كاس سيكافا من خارج ارضه وكذلك كاس الكؤوس الافريقية(مانديلا)!! كاس الدوق هرر و كاس جامعة جوبا بعد ما طالعنا الهلال فى الغابة و فى جوبا هذا غيض من فيض و كلها قبل ما تجى هذه الكارثة الاسمها الانقاذ و كان بالاحرى ان يسموها الخراب و المريخ كان صعب و شرس و صاحب بطولات بدون قروش الوالى او الرد كاسل او المحترفين الاجانب!! ما تتكلموا ساكت فى المريخ مش لو وصلتوا نهائى الابطال مرتين او دور الاربعة لمن يخش كاس اقليمى(سيكافا البتقولوا ضعيف ده) او قارى( ابطال او كؤوس) فى دولابكم او تحققوا الحققه المريخ معاكم من المتواليات التمانية او اخد الدورى بدون هزيمة او تعادل و الكتوف تتلاحق بعدين تعالوا اتكلموا و قارنوا نفسكم معانا!! ياخى فكونا يفككم جن انتوا ما قدرنا ولا مستوانا انتوا اعظم انجاز ليكم لمن تغلبوا المريخ لانكم عارفنه فريق كبير!! المريخ فى هذا العهد الانقاذى الكالح ما عاجبنى ابدا مع انه احتكر تقريبا كاس عموم السودان و اخد كاس الممتاز مرات كثيرة لكن اقل من الهلال!!انتوا بلاعبين وطنيين او محترفين ما شميتوا ليكم كاس واحد و لو قلتوا كاس الشارقة نقول ليكم كاس دبى مع انه الاتنين ما كؤوس اقليمية او قارية من قارتنا العظيمة افريقيا!!!!و الحساب ولد و ما يكون الكلام ساكت ما عندو معنى!! هو حساب و حقائق و ارقام و لا غلاط ساكت؟؟؟!!!
هههههههه هاااااي
انتو يا جماعة الوالى ده جنا ولا فكت منو ؟؟
هسه عليكم الله القروش الجايب بيها العالم دي مش احسن كان يجيب بيها ماسورة جديدة بدل المواسير المتهالكة دي ..
اليس في المريخ رجل رشيد ؟
والله زي ما قال الاخ الكردفاني اول مرة اشوف لي فريق يفوز بدوري يقوم يعزم نجوم عرب للاحتفال والتحدث عبر الفضائيات ، فضحتونا وشرطوا عينا الله يفضحكم ……..
طبعن الجماعة حيجو وحيتغنوا بالمريخ وانجازاته وتحديدا انجازات الوالى حرامي طوالي وطبعن الهدف ( الظروف )الحيستلموها بعد نهاية الزيطة والزمبريطة .
لكن المحيرني الجماعة ديل حيقولوا شنو بعدين في ظل تصنيف المريخ الدولى ابو 200 وكسر ده وهروب المريخ من نهائي كاس السودان !!!
يا ربي البدري معزوم ولا لا …
يا الوالي حركتك جبانة وملعوبة لكن البفهم العالم دي منو ؟؟
مجنون ليلى والهلال