به (35) طلقة…القبض على نظامي حاول ارهاب سيدة بـ (كلاشنكوف)

01- الطلقة بتاعة الكلاشنكوف دي عشان ست الشاي قالت دايرة حق الشاي ؟؟؟

02- الطلقة بتاعة الكلاشنكوف دي عشان ست الشاي قالت ما بتبيع حاجة غير الشاي ؟؟؟

03- الطلقة بتاعة الكلاشنكوف دي بنضرب في الهواء عشان النظاميّيين ما ضاربين عليها طوريّة ؟؟؟

04- النظاميّين ديل في زمن ( ثورة مايو الأغر الشيوعيّة رحمها الله وغفر لها وتولّى أمرها ) ما وصلوا إلي مرحلة أكل أموال النّاس بالباطل النظامي … أو هتك أعراض الناس بالباطل النظامي ….. عن طريق تهديدهم بطلقات الكلاشنكوفات النظاميّة ، كما يحدث الآن في عهد ( يونيو الإنقاذ الإخوانيّة أطال الله في عمرها ورضي الله عنها ) …. إنّما كانوا يفعلون ذلك عن طريق تهديد النّاس بالبطاقات الأمنيّة المايويّة … … والعياذ بالله من الفلسفة المايويّة الشيوعيّة ، ومن الفلسفة الإنقاذيّة الإخوانيّة ؟؟؟

05- البشير يا أوي والله ما في ليك طريقة إلاّ تقول أنا ما عايز جيش ولا شرطة ولا أمن ولا مجاهدين ولا دبّابين ولا دفاع شعبي ولا طلاّب مسلّحين ولا لجان شعبيّة مسلّحة ولا شرطة شعبيّة مسلّحة ولا قياديّيين مسلّحين ولا حرذاسين مسلّحين ولا محلّيات مسلّحة …… ديل كلّهم طلعوا حراميّة ساكت ….. تماماص مثل مُنظّمات مايو الشبابيّة والنسائيّة والفئويّة والأمنيّة والشرطيّة والعسكريّة الحراميّة ساكت …… ؟؟؟

06- هؤلاء الحراميّة ينبغي الإستغناء عنهم أجمعين ……. وجمع الكلاشنكوفات والمسدّسات والرصّاصات وغيرها ، بالإضافة إلى الدبّابات والطائرات والعربات العسكريّة وغيرها …… ثمّ بيعها في سوق الله وأكبر …… وإرجاع الأموال إلى خزينة الدولة … إنت يا عمر يا أخوي الحالة دي دحين ما بتستدعي إعلان حالة الطوارئ في البلاد ..وتعليق دستور الإخوان بتاعين ستّات الشاي … عاجبك كِدة يعني الكلاشنكوف العسكري بتاعك يُستخدم في إنتزاع النظاميّين لحقوقهم الدستوريّة من ستّات الشاي …. في حين أنّ الكلاشنكوفات المصريّة محتلّة ومسيطرة على حلايب …. طيّب حلايب دي ما جزء من الوطن معرّض للخطر …… ولاّ المصريّين المحتلّين لحلايب ديل ما عساكر ، ديل إخوان مُسلمين ساكت ….. يعني إخوانكم في الدين وكِدة ….. طيّب بتاعين جيش الرب والفشقة وأليمي برضهم إخوان مسلمين ساكت ….. يا أخوي البشير من فضلك إتلحلح شويّة ما تنوم لينا سااااكت كدِي …. وإخوانك يقولوا لينا تكامل في حلايب وفي أبيي ….. والتانين ديلك يقولوا لينا توأمة بين الدولتين …… يا أخوي واتلله أنحنا لا بنعرف توأمة …. ولا بنعرف سياحة حرّة …… بنعرف سودان واحد …. وبنتطلع لوحدة بين دول وادي النيل …. وأهمّ شئ إعادة هندسة الخدمة المدنيّة والعسكريّة والحرّة ….. والإتّفاق على أحزاب صالحة تخدم قضيّة التحوّلات الديمقراطيّة وعدم الإنقلاب عليها…… كان ما بتقدر تسوّي الحاجات دي أحسن تستقيل ؟؟؟

07- التحيّة للجميع ….. ونسأل الله العفو والعافية ؟؟؟

إنتزاع الحقوق الدستوريّة

من ست الشاي السودانيّة

عبر الكلاشنكوف النظاميّة

عوضاً عن دراسة إجتماعيّة

لحالة ست الشاي السودانيّة

و حالة ست الكسرة السودانيّة

وحالة البنت النوباويّة السودانيّة

وحالة البنت الخاساويّة السودانيّة

و حالة البنت الغرباويّة السودانيّة

وحالة كلّ خادم في البيوت السودانيّة

وإن كان العمل ليس عيباً ولا جنيّة

وهو أفضل من التسوّل والحراميّة

لكنّ المعيبة هي سياستنا الإجتماعيّة

المبنيّة على الفلسفة التمكينيّة الغبيّة

المؤدلجة دينياً وجعليّاً وشايقيّاً بديرياً

شموليّة عسكريّة أمنيّة نتنة نتانة الجاهليّة

ولايات جبائيّة شرطة تغريميّة محليّات حراميّة

الله يكفيكي شرّ هؤلاء المُجرمين الأونطجيّة

يا بت ملوك النيل يا نوبيّة يا أعظم سودانيّة