اصبح خطر!!

عاشقك مطر
ومن حبو ليك اصبح خطر
حتى المطر عشقك دموع
اتمادى فيك ريدة وحنين وغلبوا التوقف والتمهل
والرجوع
اتوسدك اتنسمك
اتحسسك اتشربك حتى النخاع
شوق واندفاع
واتمايلت فيك الفروع
حضنك خريف
والعشق ما بعرف يقيف
جرف الارض دك المدن هد القلاع
غرقت سفن من غير شراع
ومن عشقو ليك كسر الضلوع
مزج الحوارى مع الضفاف
عاشقك ولـــوع
ما يتركك يــــوم للجفاف
داير يذوب فيك ويغيب
داير يشيل فيك ويجيب
سيد الفصول داير يقول
رغم الكوارث والهطول
انا صحوتك انا ضحكتك
انا خضرتك لمن تغيب
رغم الخطر يانى المطر
رغم الالم يانى الحبيب
وعاشقك مطر
ومن حبو ليك اصبح خطر

منتصر نابلسى
[email][email protected][/email]