البرير يكشف تفاصيل القرار ويقول: مهند الطاهر ساوم الهلال
كتب: ابراهيم الجيلي
اكد الامين محمد احمد البرير رئيس مجلس ادارة نادي الهلال في تصريحات لقوون ان غرفة تسجيلات النادي قد حددت سقفا ماليا للاعبين الجدد والمحاربين القدامي الذين يرغب الهلال في اعادة قيدهم تقديرا لعطائهم خلال الفترة السابقة وتكريما لهم وقال البرير انهم اصطدموا بمغالاة اللاعب مهند الطاهر الذي منحه الهلال مبلغ 400 ألف جنيه وضاعفه السيد اشرف الكاردينال قطب النادي لتبلغ صفقة اعادة مهند الطاهر 800 ألف جنيه ورغم ذلك رفض مهند اعادة تسجيله لشئ يراه هو ضاربا وفاءه وتقديره للهلال والمسئولين وقال البرير ان الهلال له قيم وموروثات والسقف الذي وضعناه لا نتنازل عنه مهما كان مستوى اللاعب ومسيرة الهلال ستكون ماضية ولاتتوقف بذهاب لاعب او اداري وقال البرير ان حرصنا وتقديرنا على بقاء مهند الطاهر في الكشوفات الزرقاء ضمن احد اللاعبين الذين صنعوا انتصاراته السابقة هو جعلنا نجلس معه لاعادة قيده لكنه لم يتجاوب معنا. لذلك صرفنا النظر عن اعادة قيد اي لاعب في فترة التسجيلات الرسمية واجلنا هذا الملف ليونيو القادم..
غضب هلالي على مهند الطاهر
شهد الشارع الهلالي غضبا جماهيريا على عدم تجاوب نجم الفريق الدولي مهند الطاهر مع المسئولين بالنادي لاعادة تسجيله بعد ان عرضت عليه غرفة التسجيلات مبلغ 400 مليون ضاعفها قطب النادي اشرف الكاردينال الى 800 مليون ورفعها الاقطاب الى مليار جنيه ورغم ذلك ادار مهند الطاهر ظهره للهلال ورفض التجاوب الذي اثار غضب الجماهير عليه بصورة كبيرة وطالب بعدها بشطبه من كشوفات الفريق لان باله لم يكن مع الفريق وتحدثت فئة كبيرة من جماهير الهلال مؤكدة ان المبلغ الذي تم دفعه لمهند الطاهر اكبر من امكانياته..
قوون
إعلام الهلال يدير ظهره للغزال ;( :mad: قووون تكتب (وتحدثت فئة كبيرة من جماهير الهلال مؤكدة أن المبلغ الذي تم دفعه لمهند أكبر من امكانياته..) معقول جماهير الهلال تقول كدا على الغزال ;( ;( ;( ما بصدقكم .. ما بصدقكم ;( ;(
صراحة مهند الطاهر ده مايستاهل انو الهلال يعيد تسجيلو تاني لانو تاني ماحايقدم شي يفيد الهلال وبعدين الراجل تعبان ولياقة ماعندو وح يكون من اكبر المواسير الموجودة في الهلال
اشطبووووووووه واستفيدوا من خانته فيعد اليوم لن يقدم شيئا مهند سيفه مع معاويه وقلبه مع على
مليار في شنوا في باصات كلها غلط ولعب مرخرخ ، حتى التهديف بقى تعبان فيهوا ، الجماهير عندها حق ومطلبها شعبي ويجب على ادارة الهلال العمل على عدم التجديد له او خليه يمشي المريخ ولا اي فريق اخر بيدفع ليهوا اكثر من الهلال او ميشوا عنده حق يوم ختاهوا في الاحتياطي
الكابتن مهند الطاهر اعلم ان الهلال يعلو ولا يعلي عليه والناس ذاهبون والهلال باقي شامخ في عزة وآباء مدرسة عباقرة الكرة السودانية منزول وجكسا وقاقرين وطارق وبقية الكوكبة ونرجوا ان لا يخلد اسمك مع هؤلاء ويفوتك هذا الشرف والذين كانوا يصفقون لك بالأمس سينفرون منك غداً ان تركت الهلال كما قال حكيم العرب زايد بن لأيخلدكم أموالكم بل يخلد كم أعمالكم
حد يشعر بالسعادة ويمشى يختار السندوتشات، موتوا بغيظكم
:confused: :crazy: :confused: :crazy: :confused: :crazy: :confused: :crazy: :confused: :crazy: :confused: :crazy: :confused: :crazy: :confused: :crazy: :confused: :crazy: :lool: (؟) :lool: (؟) :lool: (؟) :lool: (؟)
غزالى القلابات
القشة ما تعتر ليك يا مهند إذا إخترت المريخ و هي فرصة كويسة تخمش من القروش السايبة البيوزعو فيها يمين و شمال للمصريين و الأفارقة و إنت أولى و أنا شخصياً رغم هلاليتي من ناحية كورتك عندي فيك راي كبير. مسألة الكورة مع المريخ أنساها لأنو المدرب هناك ريكاردو اللي كان خاتيك في الكنبة لما كان بيدرب الهلال.
هو عليك الله فى لاعب فى السودان دا كلو يستاهل مليار جنيه-والله احسن لاعب فى السودان سعروا ما يفوت 50جنيه للناس البيعرفو الكورة-بعدين مهند دا بالذات-لاعب تعبان واى مدرب كويس والله معاه ما يفارق الكنبه-كفايه الفرص السهله البيضيعها وفى الاوقات الحرجه-وباصاتو كلها غلط-والله انا لو مدرب اطلب شطبو-وشوفو المدربين الاجانب كلهم كانو بيركنو فى الكنبه لانو لعبو كلو سلبى ولا يفيد الفريق-خلوهو لى مازدا لانو مدرب فاشل بيختار لاعبين فاشلين امثال مهند-جاتكم الارف على راى المصاروة
في ستين داهية……
ياادارة الفرق خلو البزار مافى لاعب يستاهل مبالغ كبيره وبدون انجازات خارجيه ;( مهند ده بقي ماسورة كبيره حقو يراجع نفسو والمريخ ما محتاج ليه
رضاءا لوالده الطاهر سجل مهند المريخي بالميلاد—-للهلال
وعايز عشقه الزعيم —
ما قال مزمل مهند ولدنا—- مزمل صادق
مازال مسلسل تعليقات المريخاب تتواصل للنيل من الهلال.ومن الجوهره السمراء الغزال مهند الطاهر .الذى لم تنجب حواء السودانيه لاعب بمواصفاته فى هذا الزمان الاغبر .والله لو كان فى السودان ثلاث لعيبه فقط بمواصفات مهند الطاهر لكنا احرزنا بطولة الامم الافريقيه عدة مرات ولكان لنا شان بين الاخرين ولما هزمتنا فلسطين .
والله انا استغرب نجيب لعيبه محترفين بالدولار بمبالغ تساوى عشرات المرات مما قدم لمهند الطاهر اللاعب الوطنى ومع ذلك المحصله صفر على الشمال وخروج مبكر من التصفيات .ياعالم والله القروش البندفع فيها للمحترفين ديل لو اديناها للعيبه السودانيين زى مهند الطاهر وكاريكا وبقيه العقد الفريد لتغير حال الرياضه فى السودان لكن احباط اللعيبه هو اس الداء وليس هناك دواء .وشكرا
تاني جابو سيرة القيم والمورثات والاخلاص الم تسمعوا بالوالي الكاشي و اخضر الليموني يا البرير ده زمن الاحتراف يا السادة وين المشكلة إذا الواحد عدل في طريقو اصحو يا النائمين :eek: