خطة لايقاف انهيار الجنيه أمام الدولار..السودان يطلب رسمياً من بكين التعامل تجارياً باليوان الصينى

اليوان الصينى له قيمة ثابته تجاه كل العملات العالميه والذهب والبترول والسلع الاساسيه .. من اين لحكومة الجوعى واللصوص وتجار الدين ان يقارنوا ورقتهم المطبوعه بلا انتاج فى مطبعة العمله بشارع الغابه بعملة الصين الناتجه من شقاء حقيقى ومجهود حقيقى .. ثم الصين دوله كافره وليس فى عملتها بركه . لماذا لا تتحالف عملتكم مع عملة الصومال الاسلاميه ؟

هذا قرار سياسي وليس اقتصادى طالما اننا نستورد كل شى من الخارج دون ان ننتج ونصدر فسوف تنخفض العمله الوطنيه هل تراجع الجنيه فى الفتره الماضيه امام الدولار فقط ام امام كل العملات

قبل 3 سنوات اعلنوا التعامل باليورو ومع ذلك تواصل تراجع الجنيه السودانى

هذا القرار لا يصدر الا من البصيره ام حمد

الانتاج الانتاج ثم الانتاج هو الحل

في سبعينات القرن الماضي كنت اخشى ان يراني من يعرفني وانا ادلف الي السفارة الصينية التي كانت منزوية وخجلة والان ارى اصحاب اللحى و والممائم المطرزة يتبخترون وهم دخول في باهة السسفارة التي تزينت وتجملت بلونها الحمراء شرق شارع الستين في ارقى حي في عاصمتنا حي المنشية التي يقطنها اخواننا الكبار حامي الدين والديار في بلادنا وسوالي اما زالت جمهورية ماو تسي تونغ شيوعية انم انها ايضا راسمالية شيوعية

مافي فايدة الايوان له قيمة بالدولار ولكن الكيزن عاوزين عامل نفسي زي حكاية الالف جنيه سوداني بقي جنيه واحد

يا اخوانى الزول دا قرا وين لا حول ولاقوة الا بالله طيش اقتصاد مابقول الكلام دا وكمان خطه

السؤال . هل الحكومه الصينية حتقبل ؟
اول سؤال ح يخطر في بال الاقتصادين الصينين (انحنا حن نبدل عملتنا مباشرة بالعمله السودانيه .اها وبعد داك حنودي العمله السودانيه دي ويييييين؟؟؟؟)
الصين وصلت للتطور القتصادي الكبير ده عن طريق وارد الدولار نتيجه للتصدير .
ابقى مافي سسب يخلي الصينين يوافقو لانهم ما حيستفيدو من جنيهنا المريض ده حاجه .
الحل في ايجاد بدائل انتاج وتصدير المنتجات دي عشان يكون عندنا وارد عملات اجنبيه بقض النظر عن نوع العمله دولار ايوان صيني او خلافه.
والناس ما تتخيل انو الصين حليف استراتيجي للسودان ح تقيف معاهو في الحاره والبارده
الصين شعباً وحكومة حلفاء لمصالحهم . الشعار الاول في الصين (اين ما وجدت المصلحة وجدت الصداقة)
وشعار كل الشركات والمحلات التجاريه (الزبون هو الاله) اسغفر الله العظيم .
لو طبقنا بصدق شعار ناكل من ما نزرع ونلبس من ما نصنع . ونصدر من ما ننتج ما حنحتاج لصين ولا لطين .
(عايش في الصين من 2006)

01- إيقاف إنهيار الجنيه السوداني أمام الدولار الأمريكي …. عبر عرض الجنيه السوداني في سوق العملة الصينيّة فقط ….. ؟؟؟

02- يا أخي لو قلنا الجنيه السوداني دا حمار سوداني عاوزين نبيعو …. ما أحسن لينا نبيعو في سوق الله وأكبر …. الواسع دا ؟؟؟

03- هو الدين البيضيّق الواسع دا ياتو دين ….. ما سمعنا بيهو ؟؟؟

04- بعدين يا أخي لو سألت نعجة سودانيّة ماشّة في الشارع السوداني دا … قلت ليها ما هي أسباب إنهيار الجنيه السوداني ……. حتقول ليك : السودان دا لمّا كان فيهو حكومة واحدة كانت عملته تساوي ثلاث إلى خمس دولارات …… وحبّويتي النعجة السودانيّة الكانت حاضرة المهديّة قالت لي : يا نعجة الزمن دا يا بنيتي ، في عهد المهديّة ما كان في نفط ولا كان في قطن ….. كانوا بيصدّرونا أنحنا النعاج والخرفان ديل …. مع أهلنا الأنعام التانين ….. وكان الريال السوداني مصنوع من الذهب الخالص ….. يعني ما كان ورق مطبوع ساااااكت في المطبعة البي هناااااك ديك……… أسكتي ساكت ما تجيبي إسمها …… كان جبتي إسمها ….. الهوى بيقسمها ؟؟؟

05- البشير يا أخوي والله تدابير ناسك الحمير الديراويّين ديل …لا بتنفع ولا حاجة …… والله أنا عندي الحمير الديراويّة دي كُلّها أحسن تشحنها في أيّ شاحنات كبيرة كِدة ….. عشان هم كتار …..وتفكّها في سهول البطانة بين كسلا وحلفا ….. عشان تعيش مع إخوانها الحمير المطلوقين هناك من زمااااان ….. بقايا الحرب العالميّة ….. بتاعين طلعت فريد رحمه الله وطيّب ثراه … الما زالوا موجودين وعايشين هناك ديل …. وبعدين تشوف ليك ناس إقتصاديّين عديييل كِدة ….. عشان يشيلوا الحمل الإقتصادي دا في رؤوسهم ….. مُش ناس مدبّرين ساااكت …. دبرة الحمار الفي الضهر الكبييييرة ديك …… ومكرّشين سااااكت كرشة الحمار التخماااااان داك ….. وما بيشيلوا أيّ حمل ….. ؟؟؟

06- الحاجة التانية يا البشير يا أخوي …القيادات الكتييييرة …… والحكومات الكتييييرة دي …… الدايرها منو…..إنت ما قلت إنّك دائماً بتجس نبض الشارع ….. أها الشارع دا يوم واحد قال ليك أنا داير قيادات وحكومات بالهبل دا … يا أخوي أحكمنا إنت كعسكري وشوف ليك واحد إقتصادي ….. والتاي قانوني …. و تشكيلة من المهنيّين في المجالات المُختلفة …. الخليج دا كلّو شغّال بالطريقة دي ..من زمااااان … مالو ما ماشّي كوييييييييس ….. بدون أحزاب ….. وبدون قيادات ….. وبدون أمن القيادات والأحزاب ؟؟؟

07- الحاجة التالتة يا البشير يا أخوي …حكاية الغلّوتيّة بتاعة الديمقراطيّة والفنطازيّة الإخوانيّة أو الشيوعيّة ….ثمّ الإنقلابات العسكريّة دي ….والله شرطت عيننا عديييييل كِدة …. ثم ثانياً شرطت السودان ….. ثمّ ثالثاً شرطت الجنيه السوداني …. ثمّ رابعاً شرطت أيّ حاجة لها علاقة بمستقبل الأجيال السودانيّة ….. دحين يا أخوي إتلحلح شويّة …. ناقش الأمور دي مع ناس الشارع السوداني …القلت بتجس نبضو دا ….. ونفّذ توصياتهم وآرائهم المُشرقة … خلّيك من ناس الحزب بتاع الكدّة اللحظيّة ديل ….. بتاعين النميري ، رحمه الله …. وحسني مبارك ، شفاه الله …. وبتاعين القذّافي ، رحمه الله …. وبتاعين سعادة البشير ، اطال الله عمره وهداه ؟؟؟

08- التحيّة للجميع …. أينما كانوا ؟؟؟

جيبوا لينا قعوي صيني بجنيهنا الميت دا لانو الجوع كتلنا وممكن ناكل اي شي :mad:

if you don’t find the way to solve the econemy crisis don’t cry like a nuersery child , you know china needs 200 years to be level with USA and two thousand years to be number one super power

طيب إذا وافقت الصين على هذا الطلب المستحيل والأبله (أقصد الذي يدل على خبل من تقدموا به لجهلهم بأبسط قواعد التبادل التجاري الدولي) أين ستحول الصين الجنيه السوداني إلى عملة صعبة ومع من ستتبادل بهذه العملة التي لا تساوي القيمة التي طبعت بها؟ الحل الوحيد هو أن تصبح الصين والسودان دولة واحدة، هذا إذا وافقت بكين على ذلك، والله رايكم شنو يا قراء يا فالحين.
حلم الجيعان عيش يا جهلة يا فاسدين، غلبتكم الحيلة، غوروا وريحونا من هذا الهبل والعبط أيها الجهلاء.

الى محمد خير الزبير :
مع كل التقدير الذى كنا نكنه لك فى السابق وزال الان بعد انضمامك الى العصبة اللصية اعتقد انه من الافضل لك ان تنفد بجلدك من براثن هذة العصابة فى هذة اللحظة وخاصة انه من خلال ما يخرج منك يبدوانك فقدت الجوانب المهنية والفنية التى كنت تتميز بها وبدلا من تقعد تجلط وتهرف بالكلام الفاضى احسن تقدم استقالتك اليوم قبل الغد وتتخارج بدلا عن ان تذيد مأسيناوالآمنا وانهيارنا الاقتصادى والاجتماعى بهذة الخزعبلات التى تطرحها والتى ليس لها مكان فى عالم الاقتصاد الحديث ، هذا بجانب اما الجانب الاخر والذى يفترض بك ان تدركه وتعلمه حق العلم ان حال الاقتصاد السودانى لن ينصلح الا بزوال هذة العصابة التى تعرفها انت حق المعرفة من خلال الملفات والتقارير التى بطرفك والتى تكفى ان تزج بهم فى السجون ، لن ينصلح الحال السياسى والاقتصادى الا بزوال هذا النظام واسقاطه وبدلا من ان الف والدوران حول هذة المواضيع احسن تتخارج بنفسك والا تعتبر شريك مباشر فى مايحدث لنا ولاقتصادنا ولبلدنا ، اللهم

يا اخوانا ما تفهموا الوزير غلط الراجل بفهم في الاقتصاد زي ما انتو بتفهموا الدولار حق الامريكان واليور عملة الاوربيين – لكن هو يقصد ان حكومة المؤتمر العريضة القديمة الجديدة (المستشارين والمساعدين الكبار ومساعدي الحلة والوزراء وزراء الدولة من الحريم واشباه الحريم ولكثرتهم لا يعرفون بعض ) وبما ان مرتباتهم ومخصصاتهم فوق لطاقة الخزينة طلبوا من الصين ان يكون البلد ولاية صينية ولهذا وزير الدولة يريد ان يرتب لتوحيد العملتين – (عملة الاسلامين وعملة الشيوعين) – في حب ياناس اكتر من كدا

هو اى واحد من الناس ديل تجيهوا فكرة فى قعدة مزاج طوالى ينفزها ؟؟؟؟
ده كلام شنو ده كرهتونا السودان يا جهلة.