بسم الله ..ما شاء الله

بسم الله…ما شاء الله

بسم الله ما شاء الله…. يا بختنا …. الحكومة سترفع الدعم … والاحزاب كلها مبسوطة… والشباب مبسوطين من كلام البشير ومتأثرين جدا من حديث الرئيس البشير!! ياسلاااام
اين نحن يا احزاب النكد من رأيكم في القتل والسحل الذي يكلف الشئ الفلاني اذا ما قارناه مع تكلفة الامن والجيوش الجرارة التي تأتي على اليابس واللين من ميزانية محمد احمد المسكين واين نحن من الصراصير التي تأكل كل مشروع ذكرتموه في كتاب محاسنكم ابتدا من اموال مشروع الانقاذ الغربي ومرورا بالاقطان وسودان اير ووقوفا عند المدينة الرياضية وصقر قريش هذا غير اللهف الجانبي وصدقات الرئيس لحاشيته المقربة ولهفات الوزراء الخاصة في كل (ويك اند) ايمانا منهم ان دخول السينما والترفيه يوم الخميس هو شئ هام منذ ايام الجامعة والبيرسري.
العجيب في هذا الامر ان ان هذه الدولة لا بتخاف ولا بتختشي …. تعمل العملة وتحمر للشعب السوداني وتقول ليه جيب الفي جيبك عشان اداري بيه سؤاتي… وكمان تقابض في الجيوب.
خلااااااااص …. الناس روحها مرقت وانتوا ياكم انتوا …لا غيرتكم الظروف ولا شدتكم محنة لا زلتم في غيكم تعمهون …. لاتنظرون الى كم روح تزهق يوميا وبتكلفة كم من المال تزهق هذه كل روح وهل اذا ما جئتم الى حالة من التعقل واعطيتم كل ذي حق حقه ?هل- سنضطر الى رفع الدعم ام الى نفك الحزام الذى ادمى شده خاصرة الشعب المكلوم الذي شحب وجهه جوعا فقد تبرع لكم بدمه حتى ما عاد يملك وريدا ظاهرا لابرة التبرع
الغريب في كل هذا الامر قوة العين جماعة هيثرو بيتحدوا لجان التحقيق وناس الاقطان بيعترفوا على عينك يا تاجر…. ياربي دة بيكون من شنو … ااااه الضهر مسنود وتقسيم الملهوف كل واحد ياخد عود
…. وشوف قوة العين الما سمعنا بيها وصلت وين كمان… عايزين يمشوا امريكا… يكون الراجل عايز يعمل لجوء من جماعة لاهاي عشان امريكا ما وقعت في المحكمة الجنائية!!.
كما يقول اهلنا في دارفور…..عجب!!؟
هاشم ابورنات
القاهرة 18سبتمبر2013
[email][email protected][/email]