الصادق المهدي لا يستبعد ضلوع أطراف دولية في اغتيال د.خليل
لم يستبعد الإمام الصادق المهدي ضلوع أطراف دولية في اغتيال الدكتور خليل إبراهيم زعيم حركة العدل والمساواة، كما أشارت لذلك بعض قيادات الحركة، مبيناً أنّ ضلوع الأطراف الدولية في الشأن الوطني الداخلي أصبح أمر معتاداً؛ لأنّ اتفاقية نيفاشا قد دوَّلت الشأن السوداني ومن بعدها تمّت كل الاتفاقيات بضمانات دولية، وتنامي الوجود الدولي في البلاد عسكرياً ودبلوماسياً بصورة غير مسبوقة؛ لهذا لا يمكن نفي أيِّ اتّهام يتعلق بتدخل أطراف دولية في الشأن الوطني الداخلي. ومضى إلى القول أنّ هنالك اتّهامات مماثلة لحكومة الجنوب باغتيال جورج أتور على أيدي إقليمية.. وقال (أنا لا أملك دليلاً على أنّ عملية الاغتيال تمّت بأيدي دولية، ولكن القرائن كلها تشير إلى تدويل الشأن الوطني، وهذا يجعلنا لا نستبعد أيِّ احتمال).
التيار
الكهل قام يخرف فينا تانى، هو فى زول سألك عن مقتل خليل؟؟ ياامام انت لوبتعرف تحلل وتتوقع ما كان العسكر قلعوا منك الحكومة!
غايتو جنس هضربة……
اقتباس (انا لا املك دليلا على ان عملية الاغتيال تمت بايدى دولية ولكن القرلئن كلها تشير الى تدويل الشان الوطنى وهذا يجعلنا لا نستبعد اى احتمال ) طيب ياكبير الانصار وامامهم اين الحكمة والحنكة التى يصفونك بها لو ما عندك دليل على ما تقول فلماذا التصريح من اساسو ولا بس تصريح وخلاص والله العظيم ما فى شئ كرهنا فيك غير كلامك الكثير والبدون فايدة من 46 سنة تنظر وتصرح والنتيجة صفر مرفوع بالقوة مليار موش حلاص ورث ابنائك وبناتك فى الصحف والندوات وحتى السهرات التلفزيونية استلمتموها الله يرضى عليكم ارحمونا يرحمك الله الشعب يريد اعتزالك فهل فغلت اتمنى ذلك
76 عاما انت تعيش في 13 سنة اضافيةفوق العمر النبوي ومازلت تبحث عن وطن ارجوان تفسح الطريق لمن يعرف صراع هؤلاء الاوغاد غيرك ………..زززز بوصول فلذة كبدك الى القصر تم اغتيال خليل وعندما يخرج في اول رحلة في ملفه لجديدسيتم اغتيال الترابي نسيبك وستكونهناك محاولة اغتيال فاشلة للحلو يتهم فيها الامير مما يعني سفره الى لاهاي
01- يا سيّد الصادق سلام عليك ….. يا أخوي إذا مشيت …بي كرعيك ديل …… الله يديك العافية……. إلى أحياء العاصمة الذكيّة ….. وليست الطرفيّة ….. كما يقول الطربنشيّة ….مثل مدينة أمبدّة وهي ذكيّة لأنّها مدينة الحرفيّين والصناعيّين وكلّ الطاقات البشريّة …. التي تعتمد عليها المنطقة الصناعيّة الجديدة …. والقديمة …. والسوق الشعبي وغير ذلك ……. ومثلها مدينة الحاج يوسف بالنسبة للمنطقة الصناعيّة بحري ….. والعاصمة كلّها ينبغي أن تكون أحياء ذكيّة …… وعلى الحكومات أن تقف على مسافة واحدة من أحياء العاصمة القوميّة ……. نرجع لي حكاية قدلتك بي كرعيك الكريمتين … على أحياء الخرطوم الذكيّة …لكنّها مهمّشة بالتعريف …… ثمّ سألت ليك واحد شبعاااان عيش …… وقاعد يتعترش ويغنّى يقول : يالعيش السمح …. عليك الله ما تدفّرني ….. أنا براي بمش ….ولمّا يتعثّر بدون متاريس بيقول : هيق..هيق … هيق…. يا لطيف … وقلت ليهو : يا أخي عندك فكرة من الذي قتل جورج أتورك …. ومن الذي قتل خليل ……. حيقول ليك ….. صُحبان ديل كتلوا واحد …. وصُحبان التانين كتلوا التاني …… كان قلت ليهو طيّب الصحبة دي ما لها قويّة كِدة ….. حيقول ليك : ما قويّة الصحبة …… لاكين كبيرة المسكة….. كان قلت ليهو طيّب المسكة دي ما لها كبيرة كدة …… حيقول ليك : عشان باعوا بترول كتيييييييير ….. وعشان الديون بقت كتيييييييرة …….. وعشان الميزانيّات الدولاريّة كتيييييرة …. وعشان الجبايات كتييييرة ….. وعشان الغرامات كتييييرة …….. وعشان الجيوش بتسرق مواشي كتيييرة ؟؟؟
02- المهم يا سيّد الصادق كان ما عرفتوا أين ذهبت السبعين مليار دولار بتاعة بيع البترول …. والأربعين مليار دولار بتاعة الديون …. والثلاثين مليار دولار بتاعة إعادة بناء الجنوب ….. وبقيتوا نايمين علي حكاية التوأمة دي ……. ياهو دا جنس البيحصل … يعني الناس ديل بيأجّروا بيها كتّالين الكُتلة الأجنبيّين…… عشان يكتلوا ليهم السودانيّين …… من أجل أن يظلّوا حاكمين للدولتين التوأمتين …. وقاتلين للسودانيّين أجمعين…….. إلى أن ينقرض نسل السودانيّين ؟؟؟
03- بعدين يا أخي إنت وصاحبك البشير بتطلّقوا الحركة الإخوانيّة الإجراميّة الحراميّة التزويريّة التعويضيّة الإغتياليّة دي متين …. ……. وإنت وصاحبك سلفاكير بتطلّقوا الحركة الشيوعيّة الفاشيّة الإقتساميّة الحراميّة التزويريّة الإغتياليّة دي بتين ؟؟؟
04- الأهمّ من ذلك كلّه : الحر الحفرتوه دا بتملوه موية بتين ……. يعني السودان القسّمتوه دا بتوحّدوه بتين ……. الإقتصاد الدمّرتوه دا بتعمّروه بتين …… أنحنا الخرّيجين ديل ……والله حكاية التوأمة بين الإغتياليّين دي ما راكبة في راسنا …… ولا حاجتين ؟؟؟
05- دحين يا أخوي إتصرّفوا مع أولادكم ناس البشير وسلفاكير والواروير وحجر الطير ولسان الطير في الباقير ديل ….وناس صاحبك نقد البكّاي …وصاحبك الترابي العزّاي …الله يرحم خليل ويتولّى أتور ….. ما تنوموا لينا سااااكت كدي ….. وتقولوا لينا أنحنا عجّزنا ….بعدما أنجزنا …. أنحنا بنينا أمجادنا ….. أنحنا فكّرنا وخطبنا و ألّفنا ونشرنا …وما شاركنا في حكومة غير مُنتخبة …..هو إنتو عندكم حكومات ……وديلاك ما يقولوا لينا : أنحنا أنجزنا ميلاد دولة الجنوب ….والتانين ما يقولوا لينا : أنحنا ناس الإنقاذ والإنجاز والإعجاز …. الباعوا الجاز …… بارك الله لكم في أعماركم ….وأصلح بينكم …. وأسعد أيّامكم …… لكن المطلوب منكم جميعاً هو توحيد السودان …. وإسعاد المواطن السوداني الحالي وليس إغتياله من أجل الخلود في السلطة المسروقة والمزوّرة … … ثمّ المحافظ على ثروات الأجيال السودانيّة ……….. أيّ كلام غير دا قولوه لأنفسكم …. في جلساتكم السياسيّة ….. أنحنا …الخرّيجين ديل ….والله لا بنعرف الإحزاب السودانيّة الفنطازيّة …… لا بنعرف الشريكين الإغتياليّين الحراميّين … ولا الأمم المُّحدة… ولا الولايات المُتّحدة …ولا الإتّحاد الأوروبّي … ولا الإتّحاد الإفريقي ….ولا غير ذلك …… بنعرف السودان والمواطن السوداني …… المطلوب من الذين قسّموا السودان …. أن يُعيدوا توحيد السودان ……. ويشوفوا طريقتهم مع الأمم المُتّحدة والولايات المُتّحدة وقطر …… هذا شأنهم ….. وليس شأن الخرّيجين السودانيّين ؟؟؟
06- التحيّة للجميع …… ؟؟؟
على ضلوع ديل في الإغتيال
أنا ما عندي آية سوى الخيال
لكن خلود السلطة من المُحال
والدليل الشاهد أنا حالي حال
ندمان على منبع الماء الزلال
الذي آل للضالعين في إغتيال
أطور ثمّ خليل لكّنها الآجال
بس خايفك يا صاحب الآمال
يا مقاسمني السلطة والأموال
خايفك يا غالي تقرض أجيال
وأنا هِنا كمان أقرض أجيال
ثمّ تبقى عيشتنا من المُحال
أنا عندي ليك يا واسع الخيال
فكرة تجمعنا يا سيد الجمال
أنا والله بحبّك الحب الحلال
ما إنت حبيبي يا سيد الجمال
أنا عندي ليك بترول حلال
نصدّر بترولنا والماء الزلال
لضالعين بالتأكيد في الإغتيال
ثمّ يورانيومنا لأهل الإحتلال
عشان ما نبني بلد هذا الجمال
من أقصى جنوب إلى الشمال
الى ميمو و ابو سامي.. متى كان عمر الانسان شتيمة… انتو ضامنين تعيشوا يوم واحد زيادة!!… سبحان الله