انتقد الحكومة وقال: (طين في الكرعين ما ببقى نعلين)..المهدي: الشعبي ينتظر عاصفة ويردد: (النمر..النمر) قوى الإجماع (ما مجمعة على أية حاجة) وحزب الترابي لن يعلمنا الديمقراطية

خلاص المهدي حدد فريقو عديل تاني مافي زول يلومو علي مدافعته عن النظام

يا راجل اختشى تغيير ناعم يا ناعم هم اصحابك الابالسه ديل فى معاهم نعومه ربنا يشيل منك النعمه ستين سنه وانت كما انت بدون عقل يميز الصاح والغلط

اسمع كلامك اصدقك .. اشوف فعايلك اتعجب

الصادق المهدي اصبح مثبط حقيقي للثورة
واتمني ان تتم محاكمته عقب الثورة بتهمة تثبيط الثورة

( الشعبي يلقط النبق) دي اخر المصطلحات ، والله حيرتونا عاملين زي توم وجيري ، الله يريح البلد دي منكم ، واحد يعمل انقلاب والتاني يشارك في الحكومه القلبيته تحت تحت ، وبعدها تستمر الانفلابات بينهم والمكايدات ، والشعب المسكين دا ضايع فيها

سياسي فاشل تصرياحات لا تغني و لاتسمن هو الشعب السوداني واقف علي فكرك
الترابي رغم انقلابه علي الدمقراطيه مع العسكر الا انه واضح

انت كان المفروض يسموك الكازب الضليل وليس الصادق المهدى على راى الرحوم امام وخطيب مسجدكم صديق احمد محمد العجب له الرحمة والمغفرة

الزول دا عجيب ياخوي انت الظاهر عامل فيها بتشوف بعيد انت ولدك الدخلو الحكومة دي شنو والله انا متاكد كن كان برا كان وافقتهم علي الانقلاب المزعوم ده…انت واحد طالب سلطة انت والميرغني وولدو الاهبل الادهل ده وطبعا الكيزان متصدرين …المصريين زحفوا جنوب مثلث حلايب ولا نسمع بغم من زول واحد ياسبحان الله….ياسبحان الله الشعب السوداني شعب ارتضي المذلة والمهانة فاهانوه الله…لقد نسي الشعب السوداني ان الله لايغير مابقوم حتي يغيروا ما بانفسهم……….قائمة المناطق المحتلة من السوادن

1 -مثلث حلايب 2-الفشقة3-قريبا طبعا(ابيي)4-كافيا كنجي والردوم وحفرة النحاس(قريبا طبعا ايضا) مع سياسة الانبطاح التي تمارسها الحكومة الجبانة الكيزانية…قال منطقة تكامل قال الكيزان جبناءءء…اتحدي هذه الحكومة التافهة الجبانة ان تفعل شيئا لارجاع حلايب والفشقة…الظاهر الكيزان ديل ماخدين الجنسية المصرية والاثيوبية وجنسية جنوب السودان لذلك يتنازلون بهذه البساطة عن الاراضي السودانية…يا خونةة

الصادق بتكلم عن الديمقراطية والشفافية لو بحترم هذه المعانى كان يكشف عن حقيقة مادار فى المفاوضات بينه وبين الحكومة حول دخول الحكومة الجديدة بس هو بيخفى كل شى ولايحترم حتى عضوية حزبو زى ماقالت فاطمة وبنقوله تانى الصادق مابشمة الصادق مابشمة والايام بيننا

يامحيرنى ومتحير ايام نميرى جيت من ليبيا عاوز تحتل الخرطوم وقبل كم يوم قلت ولدك كان عاوز يفجر الخرطوم-لكن بصراحه كده ناس المؤتمر ديل ماسكين عليك زله -يعنى بالبساطه ديه يجوا ناس الشعبى يقولو ليك عاوزين نعمل اقلاب عسكرى وانت معروف من كل الشعب انك غواصه كبير يعنى غواصه نوويه -مش زى حقت ايران ابتشتغل بالجاز- ولد فى الجيش وبقى مساعد ياى وعمرو مساعد الياى مابيبقى ياى وياى زى مابتقول المصريات – وابنك التانى فى الامن ياربى يكونوا ما اولادك ولا شنو-

خلاص الموضوع الراجل شهد على الشعبى بالاعداد لانقلاب بل ووبانهم دعوه للمشاركة.ومن كلامه يكون هو الذى بلغ ولده ومن ثم الحكومة قامت بالاعتقالات التى لم تكتمل هههههههههههههههههه

قلبى على ولدى ترس طاحونة الانقاذ قلب ولدى على البشير الفيك اتعرف

كل ما اسمع الزول دة يتكلم تحضرني مقولة جوبلزعنما يسمع كلمة ثقافة فيتحسس مسدسه
فاتحسس نعالي :mad: :mad: :mad: :mad:

الموضوع ليس بين الشعب السوداني والمؤتمر الوطني أو الشعبي بل بين الصادق رئيس الوزراء والترابي الاسلامي الإنقلابي الذي لا يراعي الرحم والمصاهرة وهذا شأن عائلي مغلف بالغبن السياسي وبالسوداني (التسوي كريت نلقاه في جلدها).
الثورة القادمة التي يراها الصادق قريبة وسلمية هي حلم يريده أن يتحقق لأنه يتخيل أن ثورة الشعب ستأتي بمن يهتف له (الصادق أمل الأمة) فيشفي غليله من كل الاسلاميين الذين قلعوا منه السلطة قلعاً!! وهو ببساطة يريد أن يقلعها ويشفي غليله منهم مذكراً على عثمان والترابي بالمعارضة السافرة الغليظة له إبان حكمه.
الحكومة من جانبها كانت تريد أن تكسب أحد السيدين إلى جانبها لتأمن كيد من كانوا معها في سرج واحد ويعلمون ببواطن الأمور وكيفية معالجتها وتدثيرها وقولبتها بقوالب الوطنية والمصالح العليا. الموضوع كله غبن في غبن وتوريط في توريط وشأن ظاهره الوطنية وباطنه المكايدات إياها.
اللعبة مكشوفة وأجيال القرن الواحد والعشرين تختلف عن أجيال القرن العشرين حيث قلة السكان وكثرة الأمية. هذا جيل متقنح ومنفتح يقرأ الانترنت ويتلاقح مع كل حضارات العالم في ثوان. في ذلك الزمان القديم كانت الجريدة لا تصل إلى كردفان ودارفور والجنوب والشرق والشمال إلا بعد أيام !! وكان الراديو يصل إلى من ييسر له الأثير ويحنو عليه بخبر أو خبرين. اليوم ليس البارحة؟!! والفرق كبير. الصادق والترابي والميرغني وغيرهم من المعارضين لا يعلمون رغم العلماء من حولهم بأن الثورة تعنى الدمار ونهاية السودان تماماً.كيف؟إإ ويعلم الجيل الحالي بأن ما تأتي به الثورة التونسية الشبه لا تشبه السودان في شيء لأن تونس دولة سياحية يدخلها ملايين السياح الغربيين كل عام يشكل ما ينفقوه هناك عصب الاقتصاد التونسي. أما الثورة التي تأتي على يد الشباب مثل اكتوبر وأبريل فهي لن تأتي إلا حينما يقنع الصادق والترابي وغيرهم من الشياب شباب هذا اليوم من خلال اليوتيوب والتويتر والبلوق ولا اعتقد أن هذا الجيل يمكن تحريشه باسم الدين أو بغبن الأولين أو الآخرين فهكو جيل يعرف أن توقف الاقتصاد يوماً واحداً بسبب الأزمات سينحدر بالاقتصاد سنوات وسنوات. ويعلم بأن دولاً لم تكن تحلم بأن تعلب السودان أصبحت تغلبه بالدستة في كرة القدم بفضل استقراراها ونمائها. إنه جيل العلماء مقارنة بجيل البسطاء الذين كانوا يعتقدون بطهرهم ويتبعونهم لحد الموت في سبيلهم. لا أعتقد بأن الثورة إذا أتت ستكون بفعل الترابي أو الصادف أو من لف لفهم من الشياب. أما ما أتمناه فهو أن تكون الثورة هي ثورة العلماء الذين يكتسحون صناديق الاقتراع بفكرهم وإيمان الناس بهم ووبرامجهم التي تصعد بالاقتصاد وتفتح الأبواب لإلفة السودانيين تفتح الأبواب لطاقاتهم وابداعاتهم في كل مجال. تمسكوا برجوع الإسلاميين إلى الديموقراطية دون ترجعوا بنا عشرات السنين إلى الوراء!! ولعل الاسلاميين أنفسهم هم الآن في حيرة من أمرهم كيف يفرشون لكم المطارف والحشايا فتعافونها وتطلبوا عظامهم. لا نريد الرجوع للوراء فمن لديه الحنكة السياسية في مقارعة الاسلاميين وامتلاك نواصي الأمور بالعلم والطهر ومصلحة البرية سيملك الأمر وتسكن الدبابات والمدافع والأبواق فشعب اليوم لن يأت بالثورات السلمية لمجرد أن شايباً هنا زعلان من شايب هناك. كفى اتركوا لأولادنا جنيهاً ينمو كل يوم وتخلصوا من ثارات الماضي أو موتوا يرحمكم الله.

السبد الصادق انت ماعرفت تقنع ابنك بلافكا
ر بتاعتك عاوز تقنع الشعب السوداني بها…………او انت وابنك بتديرو مآمره علي الشعب السوداني ان تكون انت معارض وابنك حكومة………اصلح واجمع بيتك علي كلمة واحدة بعدين فكر في انك تقدم حلول ووحدة لي مشاكل السودان…………….السيد الامام التنظير الكتير الذي لايفضى الى تطبيق ناجح افضل منه الصمت او الاعتزال………(صلاح الفرد ثم الاسرة ثم المجتمع ثم الدوله ) ؟؟؟؟؟؟؟؟؟؟

هذا كذب اعلامي وتحريف من الصحافة والرأي العام انا قرأت نص الخطاب ولم يرد فيه هذا الكلام عن تقدم احد من الشعبي اليه بغرض المشاركة في انقلاب على الانقاذ. جرام عليكم يا كيزان الصحافة والرأي العام وبمشاركة مركز البشير للاعلام الله في. اقرأوا نص الخطاب على موقع سودانيس اون لاين او شاهدوه على موقع يو تيوب umma media12.mpg

دي مؤامرة بين الزعيمين يعملوا متقاتلين ومتشاكلين وفجأة عينك ما تشوف إلا النووور و (بيان رقم واحد يقول بمباركة الإمام والشيخ قام أبناؤكم (الشرفاء البواسل) في القوات المسلحة بحركة تصحيحية (اسم الدلع بتاع الانقلاب) :cool: :rolleyes: :cool: :cool: :cool: :cool: هذا وتمت ترقية عبد الرحمن الصادق الى رتبة المشير قائدا عاما للقوات المسلحة نظير (تقويضه النظام من الداخل حسب الاتفاق المبرم بينه وبين الإمام):cool: :cool: :cool: :cool: والله العظيم ما شارب أي حاجةمن الصباح غير ليمون بالزنجبيل وقهوة بالحليب:cool: :cool: :cool: