السعودية هل تلغي التعامل مع السودانيين بالجواز القديم ؟

دى من سياسات حكومة الخرطوم بإلزام الناس أستخراج جواز وداد بابكر الجديد بالقوة لتحصيل رسوم جبايات لحل مشكلة الضائقة المالية واللغف بالحلب من ضرع المغتربين الغور اصلا لك الله يا وطن . أمرحى يا زمن مرة جواز جديد مرة كرت ضرائب ومرة ضريبة قدوم ضريبة مغادرة ليكم يوم يا حرامية بعد ده الواحد يفكر جديا ترك الجنسية السودانية والبحث عن جنسية أمينة ومحترمة من دول تقدر الانسان وإنسانيته ككائن حى فى هذه البسيطة…

ياحسرتي ويالمي ويافرحي

اصبح في السودان كل شئ فيه 2

دينار — جنيه

الف تساوي مليون

جواز جديد — جواز قديم

رئيس في الشمال — رئيس في الجنوب

انه عهد الاذدواجية

تحياتي

والله ياابوسفروق وابو عبد الكريم مادي المحرية فيكم تسيبو جنسيتكم عشان شوية حرامية وبلطجية اتحكمو فينا شمال ويمين
:mad:
والله لو بقا السودان ده اسواء بلد في الدنيا مابخليهو ياني سوداني كسر رقبة سوداني لاقاك زول قبل كدي غير ابوهو حتي لو غيرو برضو هو في الاصل ولدووووووووو
وزي مابقول ود اليمني زمان لي قرن
لو ادوك بطاقة جيم أكيد يامتر غاشنك
لانو الناس هناك درجات وكل زول حسب لونو
ولا الراي شنو ؟
سوداننا سوداننا ارض الجدودي والابي;) :cool: :cool: :cool: :cool: ;) ;)

ماسوف اقوله لكم انا رايته بام عينى هذا الصباح وكل يوم والماعندو كبير يشوف ليهو كبير ا قتبس(وقال مدير الإدارة العامة للجوازات والهجرة اللواء شرطة أحمد عطا المنان في حديث لـ(السوداني) ان العمل بدأ، وأن جميع الإدارات بـ(الخرطوم، والبينية، والمغتربين، وغيرها) ظلت عاملة طوال ساعات اليوم بما في ذلك الجمعة) انتهى حديث اللواء
ومنذ بداية شهر ديسمبر السنه الماضيه حتى توقفت الشبكة يوم 13 ديسمبر صرحوا بان الشبكة سوف تتعالج بعد كذا يوم تابعونا وظلنا نتابع يوميا الى ان جا قبل اسبوع اشتغلت الشبكة كم ساعة كده وتوقفت بعض المواطنين سحبوا استمارات ووردوا القيمة ولم تكتمل الاجراءات ذكروا لهم العوده بعد اسبوع وهكذا الى ان جاء يوم الخميس الماضى 5 يناير قال العسكرى العمل فقط للذين لديهم استمارات ونحن مابنشتغل اكثر من 40 الى 50 جوازفقط فى اليوم امشوا وتعالو الاحد السبت عطلة كما الجمعه جئنا الاحد…………

اليوم الاحد الساعه 1ونص 8 يناير عدته من جوازات الخرطوم للمنزل ولاشى ولايحزنون ولاجواز ولا اى كلام من البقول فيهو سيادة اللواء ده حصل وكنت قد ذهبت اليها الساعه الخامسه صباحا وجدة امامى 97 شخص اظنهم بايتين هناك وجاء بعدى ضعف هذا العدد مضاعفا ثلاث مرات
وتم تسجيلهم عبر احد المواطنين لحفظ الدور والتريب للدخول حسب طلب العسكرى النبطشى
جاءت مواعيد العمل طردو نا بحجة انو الشغل واقف يلا مافى شغل انتوا مابتفهموا قلنا ليكم الشغل واقف افتحوا الدرب للموظفين هذا حديث احد العساكر وللعلم الموظفين الداخلين للمركز اضعاف اضعاف المواطنين المنتظرين وكل موظف يقف امام الباب ويأشر لاحد معارفه بالدخول لاتمام اجراءاته وكل واحد يدخل يكون جارى وراهو اتنين من البيت طيب ياجنابو نحن منظرنا شنو قلنا ليك الشغل واقف طيب البدخلو ا فيهم ديل شنو يحمر ليك العسكرى ديل عندهم جوازات قديمه للتجديد لكن فى ناس تانى دخلوا وماعندهم قديم ويحتج المواطنين يازول اتخارج احسن ليك امشوا امدرمان او المغتربين تعالوا بعد اسبوع او اتنين مشينا المغتربين قالوا جيبوا صورة من الاقامه او تفويض من صاحب الوكالة بنستخرج ليكم لكن استخراج جواز ساااكت كده مافى امشوا تعالو بعد عشرة يوم واسقطنا فى يدنا هذا بلدنا السودان والماعندوا انشاء الله ملازم ولا وكيل عريف فى الجوازات مابطلعوا ليهو والان السيد اللواء يقول شغالين حتى العطل اصدقك ولا اصدق نفسى وعيونى
اخيرا كل الواقفين شباب اعمارهم تتراوح مابين 40 الى 20

when Iread how diffcult to obtain the passort in sudan ..Ifeel sorry for a country that offered nothing but trouble
In usa seconds at the post office …take a number …and your documents all the staff of the postal office are proffesionals …they spent the 7 hours working save the 30 hours lunch break plus the 15 min…to streach …when you done the the procedures .you will get it at your mail box ….

:cool:

الله المستعان عليكم ياحكومة السودان الظالمة …. حسبى الله ونعم الوكيل

جواز اخضر وجواز ازرق نحن عايزين نغير الحكومه وبعدين الجواز عشان يكون في زواج بي الجواز ههههههههههههههههه في ساحة الراكوبة

الشعب السوداني اصبح ذليل بسبب هؤلاء الافاكين المنافقين حثالة الشعب.
الجواز الالكتروني دا العملوا منو مش عملتوا انتو ؟
الناس المشوا اوروبا وامريكا بشتكوا من الجواز الجديد معناها في دغمسه واستهتار
المفروض تشتغل الجواز الالكتروني شركات عالميه لها باع في هذا المجال عشان يكون مطابق للمواصفات العالميه.
توقف الجواز الجديد لشهر وشهرين بسبب الاخطاءوالاستهتار بالمواطن الغلبان عشان يجي يدفع تاني ويضيعوا ليهو زمنو بالانتظار.
الساده رجالات الشرطه افراد وضباط يضيقون ذرعا بالمواطنين ويعطللوا الشغل ويتذمروا ويقولوا الشبكه ما شغاله عشان الشغل كتر عليهم علما بان مرتباتهم هم ووزيرهم بيدفعها نفس المواطن البطردوهواويذلوهوا دا بدل ما يشيلوا في رأسهم .
الاخوه الكرام كل مؤؤسسات الخدمه المدنيه فيها استهتار واضح لانو مافيها زول بديرها والبلد اصبحت سايبه وكل زول شغال علي كيفو ومافي محاسبه
هذا نتاج سياسة التمكين التي زجت بالمستهترين والنفعيين في دوواين الحكومه
ياخوانا البلد دي دايره تتنظف من هؤلاء …………………………..