أخبار السودان
تقليص مبالغ المسافرين لمصر وأثيوبيا وأريتريا
الخرطوم: سنهوري عيسى
أصدر اتحاد الصرافات أمس، قراراً قَلّص بموجبه حجم المبلغ الممنوح للمسافرين إلى مصر وأثيوبيا وأريتريا بنسبة (50%) من ألف دولار إلى (500) دولار. وأكد مصدر مسؤول باتحاد الصرافات، أن القرار جاء نتاجاً لاكتشاف ممارسات لمجموعة من السماسرة يقومون بتفويج منظم للمسافرين إلى مصر وأثيوبيا وأريتريا بغرض الاستفادة من حجم المبلغ الممنوح للمسافرين وفرق سعر الدولار في السوقين الرسمي والموازي، وأضاف المصدر لـ (الرأي العام) أمس أن القرار سيتم تطبيقه اعتباراً من اليوم.
والله نحنا احترنا في قرارات كل يوم دي , هل يعقل ان تكفي 500 دولار للاقامة اسبوع في اي من الدول المذكورة ؟ وفي النهاية يعني انتو قايلين روحكم حاربتو السماسرة انتو كده بتساعدو فيهم لانو الناس ح يمشو يشترو من بره والله يستر الدولار مايصل 10 جنية
اللهم ارنا فيهم عجائب قدرتك واصرفهم عنا وابدلنا خيرا منهم يارب العالمين
سندعو الله الملك القدوس الواحد الاحد فى كل لمحة وكل نفس ان نرى مصير القذافى في كل من شارك هذا الحكم الظالم الجائر المستبد قريبا وقريبا جدا باذن العلى القدير
هوا البعمل كده منو غير سماسرة المؤتمر الوطنى
اها قالوا ليكم جمال الوالى قال تانى مافى ريال من السعو دية بخش السودان عن طريق البنك
رفع سعروا وجند ناس يستلموا وهوا بسلم بهناك ومن السعودية يتم التحويل الى الصين ودبى ولندن ……………..الخ
اكسح وامسح هم ذاتم العملوا الشغلانية دى انتهزو فرصة الاعياد وعملو العمليات دى وسفرو الناس بالالاف. بعدين الدولار دا بدو كل 3 شهور طيب ما يعملوا مرة واحدة فى العمر
وكت قلبهم يوفرو ياناس الحلول البتنزل علي ضهر المواطن دي بتلحقكم الغطس امشوا علي المخصصات الدستورية والفاتح بتين احسن يقفل واحد