أقر بوجود مذكرة تصحيحية داخل الحزب ..قطبي المهدي : العملة الصعبة التي سرقت من منزلي لا تخصني ..أنا مطلوب 135 مليون ما زلت اسددها.
أقر د. قطبي المهدي أمين القطاع السياسي بالمؤتمر الوطني، بوجود مذكرة تصحيحية داخل الحزب، ونفى علمه بالقيادات التي تقف وراءها والشخصيات التي وجهت لها المذكرة. وقال د. قطبي في صالون الراحل سيد أحمد خليفة أمس، إن المذكرة (لو مرّت عليه لوقع عليها)، وأوضح أن بها قضايا جوهرية طرحت جميعها في المؤتمر العام مثل محاربة الفساد وإصلاح الخدمة المدنية والتعليم، بجانب مراجعة النظام الفيدرالي. ووصف ما طرح في المذكرة بأنه لا يعبر عن قضايا خلافية، وأردف: المواضيع المذكورة يمكن أن تجد طريقها للتنفيذ إذا كانت هنالك جدية في متابعتها، وأبان أن دوافع تقديم المذكرة تبدو عادية إذا تمت مقارنتها بمذكرة العشرة التي أحدثت تحولاً في صفوف الحزب، وقال إن المذكرة الأخيرة بشكلها الذي خرجت به لا تحدث ذات الاثر الذي أحدثته الأولى. وبشأن الأموال التي سُرقت من منزله في وقت سابق، قال د. قطبي إن الحدث صادف وقت تبديل العملة، وإنه كان مطالباً بسداد مبلغ (135) مليون جنيه لم تكن كلها شخصية، توافر لديه منها مبلغ (91) مليوناً كان بصدد سدادها لأصحابها، ولما تزامن ذلك مع سفره للعُمرة لم يسعفه الوقت وتركها في منزله بالمكتب في (دواليب) مُؤمّنة، وقال إن المنزل محروس بحراس، وأشار إلى أن اللصوص جاءوا فجر العيد وجمعوا معلومات كافية عن الوضع ثم نَفّذوا سرقتهم وتسلقوا الجدران وربطوا الحارس الموجود تحت تهديد السلاح، وأخذوا منه المفتاح الوحيد الموجود معه ثم كسروا (الدواليب) وأخذوا الأموال، وزاد: من نَفّذوا الجريمة هم حراس وسائقون سابقون عملوا معي، وكشف أن العملة الصعبة التي سُرقت مع العملة السودانية كانت تخص أحد أقاربه بخارج السودان وهي عبارة عن إيجارات عقارات يستلمها ويرسلها له، وأكد أن الأموال المسروقة لم تعد إليه حتى الآن، وأن الحكم النهائي على الجناة لم يصدر، وأوضح أنه مازال يقوم بسداد تلك الديون.
الراي العام
المبالغ المسروقة هي (91) ألف جنيه سوداني – [COLOR=blue]والمبالغ الخاصة بالايجارات[/COLOR] كما قال القيادي بحزب البشير هي : و(13.140) يورو و(11.360) فرنك سويسري و(645) ألف ليرة لبنانية و(420) ألف ليرة سو?ية و(20) ألف جنيه مصري و(9) آلاف ريال سعودي و(5) آلاف جنيه استرليني و(26) ألف دولار، وتعادل العملات المسروقة قرابة (300) ألف جنيه سوداني.
وماذا كنا ننتظر منه – ارجو من (قضبي المضل ) مراجعة صفحات كتاب عباقرة الكذب !!!!
وكشف أن العملة الصعبة التي سُرقت مع العملة السودانية كانت تخص أحد أقاربه بخارج السودان وهي عبارة عن إيجارات عقارات يستلمها ويرسلها له، وأكد أن الأموال المسروقة لم تعد إليه حتى الآن، وأن الحكم النهائي على الجناة لم يصدر، وأوضح أنه مازال يقوم بسداد تلك الديون.
يا جماعة لو اقتنعنا ان العملة الصعبة لاحد اقاربه .. كيف نقتنع أن قربوا ما تاجر عملة والرجال شغال معاهو … بالله عليكم دي ايجارات ولا صرافة كل انواع العملة موجودة فيها وكمان ما بخجل ماشي عمرة قال … ( رب اشعث اغبر …. الخ ) .
لماذا العجلة ليس بينك وبين كشف المستور الا دخول القبر .
😡 😡 😡 😡
كويس ياقطبي نحنه قنابريرنا حلقناها وحنركب قنابير صناعيه عشان خاطرك!!قال ايجار بي تلتميه مليون ليه!!ات ماجر الخرطوم كلها!!لكن ماتخاف الحبه مابتجيك!!كلو شغال دولار وات عارف!! حته الحريم شغالات علي قفه من يشيل عشان تاميين حق الوليدات !!هن عارفين امر الله مابترد!! وكضبتكم هم مامصدقنه!!بس ات تقست شويه اصلو الجماعه بشتروا عقار علي طول مابخلو ناشف للمطر!!!
!للمطر !!
للمطر اللي رعوودو هزت وايقن بالخبر!!
بابسمعها الفي اضانو وقر!!
ولو لارب البشر!!
اكن امرنا اتوكل لمتل ههالبشر!!
البيكذب ووهو عايد لسه من السفر!!
السفر السفر!!
السفر لي بيت رب البشر!!
للمغفر والتمسحو ..للاعتراف بما في الصدر!!
كذاب ومنافق وحرامى …. اها تانى شنو؟
نفهم من كدا
1/ ان قطبى المهدى لديه من الوقت ما يمكنه من ادارة عقارات اقربائه
2/ اقرباء قطبى يتعاملوا مع ايجاراتهم بكل العملات عدا الجنيه السودانى
3/ مسألة العقارات ذات دخل ممتاز والدليل الصرافه الموجوده فى بيت قطبى
4/ قطبى مصدر ثقه وسط اهله
هل صدقتم شى من هذه النقاط
ليه قريبك دا مؤجر للامم المتحدة؟ صمت دهراً ونطق كفراً ، من الآخر ليكم يوم نتمنى أن نشهده
نصدقك في حالة واحدة أيها اليهودي الصهيوني أن تأتي وأمام الأجهزة الاعلامية وبعيداً عن (فقه السترة)أن تضع يدك علي كتاب الله وتقسم بأن كل ماقلته صحيح وتقول يوماً لم أستغل نفوزي ومنصبي بالاعتداء وسرقة ونهب أموال الشعب السوداني بطريقة غير مشروعة وهذا الحل طبقه الحزب اليهودي السوداني الحاكم علي شريحة السودانيين العاملين يالخارج حيث كان يؤمر المغترب بوضع يده علي كتاب الله للحصول علي الأموال الولد اليهودي الصهيوني قطبي المهدي في محاولة لالغاء واغتيال العقل السوداني
يا جماعة مبالغ بالتنوع ه،ما بتكون الا عند اجدع رقاصة في شارع الهرم،والله كان اخير ليك تسكت ساكت،سويتها شينة
ما الفائدة التي سيجنيها الشعب من اقرار قطبي المهدي بالمذكرة .. بل وان اقر بها البشير شخصيا .. وكليهما من اكبر حرامية البلد .. الشعب الان في حاجة ماسة لمذكرة قوية .. تنادي بساعة الصفر .. ساعة الانطلاقة القوية .. ساعة خروج الشعب بكهوله واطفاله قبل نسائه ورجاله وشبابه وشاباته .. فالشعب الان ينظر وينتظر .. يراقب ويرغب .. والشعب يعلم جيدا .. ان لابديل لاعادة امواله المنهوبة امام اعينهم .. الا بخروجه للشارع .. فاتحا صدره للموت والتضحية من اجل السودان .. ومن ثم يرد الشعب لنافع كيف يلحس الشعب كوعه .. وايضا يحذر الشعب كلاب الامن .. بان يلقوا سلاحهم ارضا .. فالسلاح لا يعصمهم من غضب الشعب .. عندما يثور ويغضب ..
يا جماعة والله العظيم تلاتة الجماعة ديل بقوا يسجلوا املاكهم باسماء اولادهم
هل تصدقوا انو احمد سليمان محمد سليمان يملك بيت فى المنشية ومعروض الان للبيع بى اربعة مليار ونص …… شوفوا اللغف دا هى لله
يا جماعة ما تتهموا الراجل ساي الفلوس فعلا ما حقته فهي حقت تجار مخدرات و عاملين في تجارة الرقيق الابيض و الدعارة ادوها ليهو ليقوم بغسلها ثم يرجعها ليهم
قال المبالغ لا تخصه !!!!!
جاء يكحِّلها عماها !!
يا لها من مهزلة رجل نافذ في الدولة يعمل في تجارة العملة السؤال كيف ينهض الاقتصاد السوداني وهؤلاء موجدين علي راس الدول ؟ الاجابة حاميها حراميه
حقيقه لا اود ان اعلق على موضوع السرقه والتضارب فى المبالغ وروايه قطبى ولكنى اتعجب من زكره قبول المزكره التصحيحيه واستعداده للتوقيع عليها ومحاربه الفساد
باختصار لو اتينا بكل قيادات المؤتمر الوطنى كل على حدى سوف يقول انه مع محاربه الفساد
وانه مديون ولا ندرى ماهذا الفساد اهو شيطان يجب ان يتم رجمه ام هم جميعهم المفسدين ويجب ان يرجمو
قال د. قطبي إن الحدث صادف وقت تبديل العملة
يا دكتور ما علاقة العملات الأجنبية بتبديل العملة ؟؟
نعلم جيداً بأن العملة المستبدلة هى عملات محلية وورد فى البلاغ مجموعة من العملات الأجنبية المختلفة وهناك عملات منها غير رسمية ممنوع الدخول بها الى البلاد منها
عملات سورية وعملات لبنانية وعملات مصرية ويقع حاملها تحت طائلة (مخالفة لائحة التعامل بالنقد الأجنبى ) .
ثم ما علاقة 135 مليون مع 300 مليون ؟؟؟
حديثك هذا يناقض نفسه
راجين مدنا بمعلومات صحيحة .
شيخ قطبي : عاد الكضب مو عندكم …
نقول للمجاهد الكبير قطبي المهدي – العمرة مباركة – ربنا يتقبل منا ومنك صالح الأعمال – ونحن مصدقين انك مديون و الأموال التي سرقت تخص قريبك – لكن دعنا نستخلص الآتي أن الناس المستأجرين غير سودانيين الغلابة وإنما أجانب من جنسيات مختلفة (9) جنسيات اقل تقدير لأن اليورو – عملة لدول الاتحاد الأوربي–و بحسب لائحة العملات الواردة في الدعوى المرفوعة – وهم بالطبع ليس عمال عاديين – وإنما من المافيا ورجال الأعمال والسلك الدبلوماسي من رتبة قنصل وسفير وما فوق
السؤال برئ قريبك المؤجر عقاراته بالعملة الحرة جالس خارج السودان يعمل إيه ؟
وهل آنت يا مجاهد وتخشى الله متفرغ لجمع هذه الإيجارات بالعملة الصعبة أم متفرغ في وظيفتك الحزبية أمينا للقطاع السياسي بالمؤتمر الوطني؟
وهل بيتك المحروس بحراسة خاصة هذه الحراسة مخصصة لك من الحزب؟ ام الحكومة وأنت لا تتولى منصب فيها ؟ ام من قريبك الملياردير الذي يؤجر عقاراته لسفراء الدول العربية و الأوربية
لن أسال عقارات قريبك المؤجرة للأجانب وين ؟ وإنما نخشى على هؤلاء المستأجرين أن يكونوا هدفا للاغتيال من طرف المتشددين ويكون مصيرهم مصير غرانفيل – السؤال الأخير والمهم ؟ هل وفرت لهؤلاء الأجانب حراسة أمنية كافية ؟
شيكيناك على الله يا قطبى
شديناك فوق المابنوم الليل
خليناك لحى ……… لابموت ………….لا بفوت
ياخذ حق العراة الحفاة منك عـــــــــــــــــــــــاجلا غير آجل
من صحتك وعافيتك
ما دعّيناك خاتين عليك
يا مسلمين قولوا آآآآآآآميــــــــــــــــــــــــــــــــــــن
يا راجل إتقي الله دا بيت ولاصرافه الله يرحمك يامجدي
ياشيخنا بعد مرافعتك ديوضح جلياًانك رامي وكمان عينك قـــــــــــوية
خيتو ما في مستحيل في السودان لكن ياجماعة ايجار البيوت ما بالعملة الاجنبية والقروش كلها ملقطة من دول تانية ياخوي انت مؤجر صرافة ولابيوت لناس كمان تسدد ياللعجب والمساكين المتهمين في السجن وكانو سواقين ومساعدين وحراس وشيالين وشماشة نشالين خيتو البسمعك بقول الكلام ده صح ياخوي الانقاذ مافيهو فضيحة زي التعامل مع اسرائيل يعلن حربة ويحرم ضربة نحن عارفين البحصل ده كلو الانقاذ جاء ولقانا كبار بالله انصحك الجيل الجاي ماتعلمو الكدب ماكويس تمرقو من ابن صالج يدعو لكم وشكر
لو اقنعتنا انها ايجارات هل تدفع الايجارات بالعمله الصعبه يا منافق في بلد فاضي حتى من دولار واحد في السوق ربنا ينتقم منكم القزافي لماها دهب بالاطنان ومشى خلاها تحت التراب وا اسفاي علي وطني من اين جاء هؤلاء كما قال الطيب صالح
ده اسمو(بنك قطب الوطني)
ماشاءالله ما كنا عارفين انو بنك السودان المركزي عامل نماذج له في بيوت الحزبين بالله عليك عندك كل العملات وتقول لي ايجارات قريبي والناس بتسافر علاج ودراسة وغيره والحكومة الزفدة دي مقرضاها عليهم انتو حتمشو وين من ربكم وياريت تتركو قصوركم وتتذكوروا قبوركم حسبي الله عليكم والله انتتدعاوي المظاليمعليكم بتقطس حجركم وزي ما قالتاالحكمة ليس المهم ان تضحك كثيرا ولكن المهم ان تضحك اخيرا ولابد ان تكون ثوره السودانين الاخيرة والمفرحة لكل الشعوب العربية .
يا جماعة الخير … الرجاء عمل شيرنق سريع جدا لدعم قطبي المهدي لأنه مديون ملايين لقريبو …
الرجل في ازمة مالية خانقة والقروش دي ما حقته …
مسكين يا قطبي المهدي .. تاكل البوش بموية الفول عشان تسدد ديونك اهيء اهيء اهيء اهيء .. دقيقة اقش دموعي …………..
بنك السودان ما عندة الكوكتيل دا كلوا من العملات
يا راجل اختشى
قال ايجارات قال
ديل بياجروا خطوط طيران عالمي ولا شنو جامعين كلوا عملات الدنيا الصعبه؟؟؟؟
قنابيرنا طالت
حرامي سرق حرامي بس انت حرامي وعينك قويه وكذاب من كلامك
مافى تانى حرامى ( ود بلد ) يتلب على احد التماسيح عشان يسرق الايجارات ويكشف المستور —– ديل ما حراميه العملو العمله – – ديل موظفى مكافحة الفساد على ما أظن
سؤال ؟؟؟؟؟؟؟؟ ليه ما حفظت الاموال دى فى البنك يا قطبى — وخفت عليهن – وعامل حراسه – وبتدعو ليهن فى الاراضى المقدسه — وبرضو حصل الحصل — نرجو التوضيح
شفيق ياراجل …. التحية للكوميدي
ما بصدقك ياقطبي لو قلبت الهوبة لكن صدقني بصدقك بشدة في هذه الحالات
1- لمن اشوفك شايل جك في البقالة وتطلب موية فول لك ولعيالك
2- لمن اشوف لجنة جودية معها كشف المساعدة لك
3- لمن أشوفك تبحث عن منزل ايجار ضاحية شرق النيل الدروشاب الكدرو الشقلة بعد بيع منزلك لصالح الدائنين .
4- لمن أشوف أمر القبض عليك من قبل الدائنين
5-لمن أشوف لوري كبير تلملم فيه عيالك وعفشك وانت باتجاه ولاية نهر النيل ريفي الدامر راجع حيث ما أتيت
صدقني في اللحظة ديك بتعطف معك وبذرف الدموع الغزار وبشكل لجنة أو مجموعة نسميها ( قطبي في القلب )
هي المذكرة مستهدفة مثل نوعك دة يا الحرامي …..
قال لو مرت علي لوقعت عليها …. بلا خجل كمان …سبحان الله
ما باقي ليك حرباشات كدة من الين والايوان و عشان تديها للحارس
لوته سكت !!!!
لماذا ميظفين سااااااااااااااااااااااااااااااااااااااااااااااابقين يفكرين في سرقة مكان تركيه ان لم يكيني وعلمين علم الوقون ان بالبوت مالم وعدميه متى ما جائي للسرقة
———————————————————————————————
كلامك لف لي راسي لامن فلبت الياء واوا والواو ياءا
ياراجل اختشي:mad: 😡 😡 😡 😡 😡 😡 😡 😡 😡 😡 😡
العيدان جاااااااهزة، بس أبقى مارق!!!
سامع تحت تحت إنو بيعتقلوا أىّ زول داخل العاصمة و شايل ليهو عود ولا عكاز!! يا أخوانا الكلام دا صحيح؟؟
مروق العناقريب ما بتفى بالواجب دا؟؟