هل نحن أفضل شعب أم أننا نبيع الوهم لأنفسنا؟

كنا شعبا طيبا يتسم بالأمانة والنزاهة لعشرات السنين منذ دخول الانجليز وهجرة الأيدي العاملة وخصوصا من منطقة المحس فى شمال السودان الى مصر وأوروبا وأمريكا فى وقت كان يجهل فيه السودانيون عن وجود دول اخرى ان صح التعبير ، وبحكم أن القادمين من شمال السودان هم أهل ريف وقرى لهم خصوصية خاصة فى الأمانة والنزاهة واحترام الغير والأهم عفة اللسان واللين عند التعامل كنوع من الخجل والاحترام ومن المعروف فمنطقة المحس هي المنطقة الوحيدة فى السودان حتى تاريخ اليوم يتنقل فيها الناس دون حمل سلاح أو عصا أو سكين فهم مسالمون بارثهم الثقافي ولا يلجأوون للعنف مهما اضطرتهم الظروف . هاجر النوبيون لدول الخليج بعد مصر منذ الحرب العالمية الثانية وأثبتوا جدارتهم فى العمل داخل قصور الامراء وتميزوا بالأمانة والشرف وحافظوا على المال والعرض مما أكسبهم الاحترام والسمعة الطيبة لدى شعوب الخليج بصفة عامة ومع تدفق السودانيين من مناطق وقبائل اخرى الى الخليج فى ثمانينيات القرن الماضي تلطخت سمعة السودانيين شيئا فشيئا مما أفقدنا الاحترام والسمعة الطيبة والاشادات التى كنا نسمعها منذ سنوات مع ضلوع بعض السودانيين فى الترويج عن الخمور والمخدرات والدعارة وما يتنافى مع عاداتنا من سلوك .
السودانيون قلبهم أبيض كما يقول المصريون وبقليل من الكلام المعسل تستطيع أن تذيب جبلا من غضب السودانيين كما أن السودانيون أعطوا تقديرا خاطئا عن تقييمهم لأنفسهم بأنهم مثقفون ومتمدنون ولا أدري من أين جاء هذا الثناء هل من غيرهم كنوع من المجاملة أم أنهم أصلا لم يحتكوا بالشعوب الاخرى ليعرفوا قدرهم . السودانيون أقل الشعوب العربية اناقة وهنداما ولا يجيدون اختيار اللبس المناسب وتمازج الألوان الا فيما ندر وبخجل حتى استخدام العطور وبعض الكريمات لتزيين الشعر يرونها نوعا من الانوثة والدلع ، وفى جميع المعاينات والمقابلات تجد السوداني أقل اهتماما بنفسه وبدنه وملبسه وحتى مواعيده وحسب تقديري أن الشعب السوداني وبدون تعاطف ليسوا على مستوى التقدير الذي يشاع عنهم والوهم الذي نعيش فيه ..

اسواء ما فينا هو عدم الاهتمام بالنظافه والبدائيه فى تعاملنا … يا اهلنا الطيبين النظافه ثم النظافه ثم النظافه ثم النظافه…………………..

نبدأ ببند الشياكة .
نحن الطيش بدون منازع .
يكفيك تشوف القنوات السودانية و سوف تري العجب العجاب .
اذا استثنيت مقدمات البرامج في قناة النيل الازق فالباقي اكنس و ودي الزبالة .
وكذلك الضيوف في كل البرامج الحوارية و حتي الفنية منها اذا استثنيت قبيلة الاطباء ضيوف صحة و عافية و حديث الاطباء . ربما لاختلاطهم مع اقوام اخرين ، و ان كان هناك بعض منهم برضو مشلهتين و مبشتنيين زي باقي الجماعة .
اما البقية فحدث و لا حرج .
حتي الدستورين و قادة الخدمة المدنية فحدث و لا حرج ، بالله ركزوا علي الكميرا في تغطية جلسات مجلس الوزراء او المجلس الوطني الكل منتكل علي الكرسي يا كاسر رقبتوا يا نائم علي الكرسي يا مرخم علي الطاولة يا ماد كرشو حتي و لو كان بوزن الريشة لازم ينفزر و يطلع ليهو كريشة من مافي ، ياخي ديل ما عندهم ا ستعداد حتي يصبروا الخمسة دقائق بتاعة التصوير دي يشدوا فيها حيلهم شوية و يجلسوا عديل بعد تغور الكميرا انشاء الله بعدها ينبطحوا و لا يبقي صارقيلة و لا دودة من التلولو و البهدلة .
وما تقولوا لي انو الناس ديل زاهدين و لا غيرها لانو كل الناس عارفنهم ما زاهدين بس مبشتنين و ما بعرفوا يلبسو و ما بعرفو يقعدوا عديل ، يمكن ماكلين لحم حمير و لاحاجة .
فقط اعجبني وزير القوي البشرية او حاجة تتعلق بالقوي البشري لا اعرف اسمه ولكن وجدته صدفة في برنامج تفلزيوني يتعلق بتطوير القوي البشرية فالراجل علي الرقم من سنه و شيب شعره الا انه لابس محترم خالص وبدلة جميلة و ربطة عنقه جميلة و مربوطة حلو خالص و ما نام بجنب علي الكرسي و لا اتلولو مثل الدودة حتي خلصت ضيافته في البرنامج .
والله في واحدين بعملوا في الكرفتات دي عمائل احسن يجوا بسروال و عراقي احسن من طريقة ربطتهم او شكلها .

ام بند الامانة دا ربما هم الاوائل في الامانة بكل صدق ، وكذلك في الاعمال المهنية و الادارية و الفنية فهم كذلك الاوائل في كل الاعمال و ربما رجال المهام الصعبة في العمل ، ربما عيبهم الوحيد ما بعرفوا يمثلوا ويطبلوا لكنهم الاجدر ، يعني مستحيل يضحك علي نكتة بايخة من مديره الاول ربما يبتسم مجاملا له ولكن لا ينافقه .

يا نهي ولا حتى مقدمات قناة النيا الازرق لاننا رايحين نقارن بينهن وبين مزيعات اخريات لان مزيعاتنا ما يعرفن اللبس بقدر اهتمامهن بالالوان عموما موضوع الشياكه صفر من غير استثناء . اما الكسل فهذا مؤكد 100 ب100 لان اذكر مره كان عندي لقاء مع قناه مشهوره في الخليج و بحكم اني مهندس مستشار لاحدى الشركات النفطيه الخليجية بعثت لي القناه مندوب سوداني علشان نكمل اجراءات اللقاء فكان عندي شويه شغل قلت ليه انتظر شوي و رجعت له بعد 20 دقيقه وجدته نائم والله و كان ذلك في تمام الساعه ال 9 صباحا و يوم لمته قال لي و الله ياخ تعبان و مدني شغل كتير و من الصباح لافي بالسياره …. شنو رايكم

يا ياسر اذا كنت سودانى فهذا يعنى ان كل هذه الاوصاف تنطبق عليك وعلى كل من تعرفه من اهل وعائلة واصدقاء وزملاء ولكنى اقول لك ان تعميمك مخل وحكمك يجافى المنطق فمن المعلوم ان فى كل مجتمع السىء والجيد فارجو تصحيح كلامك هذا لان السودانيين يملكون من الصفات الجميلة والرائعة ما شهد بها القاصى والدانى والحبيب والعدو والقريب والبعيد واذكرك انه ليس كل من زهج من الحكومة ذهب يسب فى المجتمع السودانى واهله ودمت بالف خير

إلي كوزمو—يبدو انك انسان طيب وغلبان-كلمة طيب اكثر شيوعاً عند المصريين لمّا تشاهد مسلسل مصري تعرف متي ولمن تطلق -واصبحت اصطلاحا عند العرب بالبلاهة والسزاجة–لايمكن ان يطلق علي مواطن مصري او سعودي بانة طيب فقط تطلق للسودانيين للاسف -لان السوداني يتسامح في حقة انا لا اقبل بزلك هزة اهانة للشعب السوداني–كلمة زول اصبح العرب يطلقونها بكثرة وباستفزاز رايت مواطن عربي راي شخص لابس عمامة فاصبح يكرر لة يازول والسوداني يبتسم-يجب ان تمسح من القاموس السوداني-وهي قريبة من كلمة مدموزيل الفرنسية التي حزفت من القاموس الفرنسي -زول لاتتناسب مع العصر انتهي زمنها-:lool: إلي كوزمو—يبدو انك انسان طيب وغلبان-كلمة طيب اكثر شيوعاً عند المصريين لمّا تشاهد مسلسل مصري تعرف متي ولمن تطلق -واصبحت اصطلاحا عند العرب بالبلاهة والسزاجة–لايمكن ان يطلق علي مواطن مصري او سعودي بانة طيب فقط تطلق للسودانيين للاسف -لان السوداني يتسامح في حقة انا لا اقبل بزلك هزة اهانة للشعب السوداني–كلمة زول اصبح العرب يطلقونها بكثرة وباستفزاز رايت مواطن عربي راي شخص لابس عمامة فاصبح يكرر لة يازول والسوداني يبتسم-يجب ان تمسح من القاموس السوداني-وهي قريبة من كلمة مدموزيل الفرنسية التي حزفت من القاموس الفرنسي -زول لاتتناسب مع العصر انتهي زمنها-

Do you remember when sudan was sudan the spear head of the nations .the most educated people in the arab world ..
what happen is the ex president Gafaar Neimiri when he disrespect the diversity of the sudanese people /.and omer albasheer..he completed what Neimiri started still there is hope when those morons are gone

الله يرحم السودانين فعلأ لقد كنا احسن الشعوب فى العالم صدق وامانة واحترام وعفه وخجل وتكاتف وشهامة وكل الصفات النبيلة لكن اليوم للاسف صفر خيانة امانة سرقة مال عام ومال خاص وسرقة نساء من ازواجهم وكزب واحتيال ورشوة ومخدرات وتجارة اعضاء واغتصاب اطفال وقتل الانسان السودانى بقى اهون من قتل البعوضة وتعامل الاخوة بعضهم البعض مثل الاعداء وكل واحد منتظر فرصةفى الثانى وانعدمت المحنة من قلوب الناس واصبحت فى جفوة كبيرة بين الاسر وتحالفات حتى بين الاشقاء فى المنزل الواحد كيمان كيمان والمادة بقت هى الشئ الوحيد المسيطر على كل الناس عندك مادة انت الامر والناهى ولا يهم ان كانت حلال ام حرام وبعدين فى بعض السودانين وصلو مرحلة فى الاجرام خطيرة جدأ خصوصأ فى مصر شعوزاء ودجل وتنزيل اموال وتجارة مخدرات واعضاء والمصيبة تجارة الاعضاء السمسارى سودانى والضحية سودانى والشارى عربى وكلامى ده كله حقيقة ما يطلع لى واحد يعمل فيها سودانى اكثر منى دايمأ الحقيقة مؤلمة كما اتآلم انا حاليأ اسال الله العلى القدير صاحب العرش العظيم ان يرحمنا برحمتة وان يطهر نفوسنا وينقى قلوبنا ونرجع كما كنا افضل شعب بالفعل وليس ببيع الوهم

والله ياامير الشرق كلامك تمام. سيبك من الكلام المعسول البنقولو فى الشجاعه والطيبه والكرم النحن بنقوى بيهو صفاتنا من دون فايده والما بتخدم اى غرض. بالرغم من دينا الحنيف الذى وصانا بالنضافه والوضوء خمسه مرات فى اليوم الا اننا اوسخ الشعوب فى هندامنا وبنسف التمباك وبنلوث بيهو خشومنا وما عندنا ضبط وربط فى مواعيدنا وبنتبول وبنتبرز فى اى خرابه مهدمه تقابلنا فى الشوارع ونحن لما نعاين للشعوب التانيه نتشهى فيها النضافه من مظهرهم الخارجى بصرف النظر عن عدم استحمامهم.