في رثاء شهيد الوطن علم الدين هارون

يا مواكب العزه أهلاً

في شوارعنا النضيفة

يا هتافات الشباب

تفضح الإنقاذ و زيفه

مطلب الحرية أول

ثم بعدين الرغيفة

بالصدور العارية مرقو

قالوا تتقد الرهيفة

فاح دم الشهداء عطر

مركز الخرطوم و ريفها

يا علم الدين حبابك

و إنت في الجنة الوريفة

إنت خالد في قلوبنا

في أغانينا الشريفة

لا مؤجر لا محرش

لا بتبحث عن وظيفة

إنت وردة ما بتذبل

نايره في صيفه و خريفه

فينا عايش يا بطل

في أهازيج الأغاني

في ترانيم المساجد

في دساتير المبادئ

إنت في أبطالنا باقي

كلما نادي المنادي

إنت في صفحات نضالنا

و وصمة في خد الأعادي

بي شجاعتك نفتخر

و يفتخر تاريخ بلادي

إنت عايش إنت فارس

إنت حاشاك ما فريسة

إنت عزنا إنت كنزنا

إنت درتنا النفيسة

يمين نعاهدك يا بطل

نهزم الشلة الخسيسة

[email][email protected][/email]