أخبار السودان
المغربية غزلان تخطف قلب كابتن المريخ السابق محمد موسى..
عقد كابتن المريخ والمنتخب السوداني السابق محمد موسى قرانه على الحسناء المغربية غزلان أبوشعيب المحفوظي في العاصمة المغربية الرباط، ويستعد لإكمال مراسم زواجه بالخرطوم في نوفمبر القادم.
وأوضح كابتن محمد موسى في حديث لـ"صحيفة فنون" أن علاقته بزوجته المغربية غزلان تمتد إلى ست سنوات مضت، مشيراً إلى أن أسرته تتفهم تماماً ارتباطه من خارج البلاد، وقال أن الشخص دائماً يبحث عمن تستطيع فهمه ومشاركته الحياة ومشوار العمر الطويل بغض النظر عن جنسيتها.
وقال المهندس محمد موسى الذي قضى فترة احتراف ناجحة بنادي الوداد المغربي في وقت سابق، قال إن ما يجمعنا بالمغرب ليس الإسلام والعروبة والعادات المشتركة فحسب بل هي علاقات حب ومعاشرة طويلة لشعب وصفه وصفه بالكرم الشديد، بالإضافة لإشتراك الشعبين في الحب الشديد للطرق الصوفية.
صحيفة فنون
اللهم اجمع بينهما على خير
سلامااااات يا ود موسي لانك برقاوي اصيل عرفت تتعامل مع الاجانب حتي تعمل علي تحسين النسل سيروا يا برقو وعين الله ترعاكم
والله ليك وحشه ياصديقي وربنا يتمم ليك علي خير بس ماتنسي تعزمنا
مليارات التهانى للمهندس محمد موسى اللاعب الخلوق والذى فقدته الكرة السودانية ثم المريخ باحترافه بالمغرب ولكن العزاء فى زواجه من هناك\وجعلناكم شعوبا وقبائل لتعارفوا
يحكى أن كثير من القبائل خصوصا غرب السودان تلجا للزواج من اجنبيات من مصر والمغرب وغيرها وذلك لشي في نفس يعقوب.
انا عن نفسي لن ارضى بغير سودانية اصيلة تفهمني من بني جنسي
وزي ما قال المعلق رقم واحد تحسين نسل وبس وماداراك ما اللون الأبيض
تقبلوا تحياتي
الجعلي
والقبيل راجينو نحنا يوم تبشر بيهو غيمة لما تمطر يوم علينا والفرح يملا والبويتات الحزنينة الله يهنيك بغزلان ويهني غزلان بمحمد موسي والله الف مبروك ورسولنا الكريم (ص) قال شرقو وغربو في الزواج
مبروك يامحمد
يا خي برقاور ولا روسي انت مالك ومالو والله انتزول حاقد وعنصري انتو الخربتو البلد دي ..
يعني شنو برقاوي يا الجعلي وجرجرة انتو فاكرين انكم احسن منو في شنو ؟
ولما عايشين في المملكة كان قلتو شنو ؟
وانا معاكم فيها والله الواحد بعد ما جاء هنا مفترض نظرته تتغير تمام
وللمعلومية انا جعلي من صلب جعلى وبلا فخر
ألف مبروك يا محمد موسى ….ونتمنى لك السعادة والتوفيق ويا الجعلي وجرجرة لا
داعي لهذه العنصرية فهي لن تقدم ولا فضل لعربي على أعجمي ولا لأبيض على أسود
الا بالتقوى كما قال الرسول صلى الله عليه وسلم …مبروك للمرة الثانية والمليون يا محمد وعقبال كل الشباب …
والله الف الف الف مليون مبروك وربنا يهنيهو … ويا الجعلى انت حسدتة الراجل بس ولعلمك.. المغربيات احسن من ………مليون مره على الاقل بتعيش معاك بالكتير وبالشوية و بتمتعك فى الحياة و بتقوم بواجبة تجاهك و بيتا على اكمل وجة والله انا بعرف واحد متزوج مغربية وساكنين فى السعودية كمان عمرها ماقلت ليك اشترى ولا اعملى ولا فلانة عملو ليها …اخد ليك ….. عشان تفهًمك ما تفهمك……وبعدين شوف الطلاقات اليوم العرس دى ما :mad: :mad: ….وانا جعلى اصلى لو لقيت مغربية بعرسا;) ;)
ايه الي غرب السودان وشرق وشمال السودان نحنا كلنا في نظر العرب والخواجات عبييييييييييييييييييييييييييد انا شخصيا عشتا في البانيا وجورجيا وكنت كلمة عبد دي باكلها زي المافي حاجة …ازكر سمعت طبيبات معي في القسم بيقطعن ..واحدة قالت للتانية العبد الزي القرد ده جاي يعمل علينا شاطر …عشان كده يا خوانا حقو حكاية عبد وحر دي نخليها وحكاية جنا الغرب المبسر القلب والكلام العنصري ده كلو ما عندو اساس وغير حيخلينا متخلفين اكتر ما حيعمل حاجة ….مبروك للرجل وبطلو حسد.
احلي الاهداف حتي الآن يا كابتن محمد….
مبروك و بالرفاء والبنين….
انا افتخر بلونى الاسمر الذى خلقنى به رب العباد عشان كده شايف نفس احسن زول , وعشان كده انا مرتاح والحمد لله على نعمه كلهـــــــــــــــــــــــــــــــــــــا
الجعلى وجرجره
انا ماعارف ليه نحن مصرين دايماً نرجع للقبليه والجاهليه الاولى ,,, والغريبه انكم الاتنين فى السعوديه والسعوديين لا بعرفو جعلى ولا برقاوى بعرفوكم كلكم سودانيين وعبيد فى نظرم حتى لو ماقالوها ليك,,,,,, ماممكن نعيش بدون موضوع القبائل ده؟؟؟؟ العالم كلو اتجاوز المرحلة دى الا البعض المتخلف من الشعب السودانى
يعنى اخوانا الجنوبيين لم يتكلمو عن المواطن الدرجة تانيه ليهم حق !!
الكثيرين مننا بدعو الرقى والتحضر والتدين لكن اول ما تجى الاختبارات الحقيقيه بيظهرو على حقيقتم زى المدعو الجعلى وجرجره ديل الاختزلو مسألة الزواج كلها عند محمد موسى فى اللون الابيض ,,,, وبصراحة اقول ليكم انتو عندكم مشكلة الوان بتسقطوها على تصرفات الآخرين
فى عالم اليوم القبيلة ما بتمثل فخر الا فى المجتمعات الافريقيه المتخلفه لكن الجنسيه ممكن تكون مصدر فخر
الف مبروك كابتن محمد موسى وبيت مال وعيال
والله يآالجعلى البتقبل بيك دى مطرتشه ماعندهاراس . صح انك اصيل نسب لكن عبدافكار وهذه هى الكارثه. نسل الله لك السلامه انت والبرقاوى.(اخونآالاشعرى وين ماظاهرعساك طيب )
الاخ ابو الفر دا جعلي قال هو السودان دا كلوهم بقولوا جعليين بي البشير ةهو بديري ثم اع انا اعرف انو هو موهوم باالعروبه وانا كاهلي ولا شايقي ولا برتي ولا فوراوي ولا نوير ولا هدندوي كلنا افارقا وانا عشت في اوربا وامريكا والامارات وينادوننا باالنقروا ونفرح لانو في امريكي بمكي قال لي انت سوداني نقروا لك اصل افريقي ولكن انا نقروا امريكي لااصل لي وللمعلوميا ان في امريكا اعيش مع دينكاوي وانا مسلمي احب السودان الافريقي من حلفا لي نمولي ومن كسلا لي الجنينه نكره الموتمر الوطني والحركة الشعبية والعنصرية مبروك للاخ محمد موسي المهذب الرايع المهندس ومبروك لعروستنا بنتنا غزلان ويكاتب العنصرية لو قرت البنت الكلام تبقي فتنة والفتنه اشد من القتل وودموسي من ارقي الناس تحياتي عاشف الهلال مووووووووووووووووووووت
مبرووك ياكابتن0
ياجماعة الموضوع عبارة عن خبر وماعلينا غير ان نقول مبروك ويتمم على خير بس لغاية هنا وكفاية ، مااي خبر نقعد نلونو ونحللو وكل واحد يبث فيه سمومه يانا س خليكم على قدر المسئوليه وما توغروا الصدور
congratulations Mohamed Musa.. o 1000 mabrook leek.. rabana yatem leek 3le 1000 5eer…It’ is a very nice event.
ياشباب عيب والله التحدث باسم القبلية فى منتدى عام والبرقو والزغاوة ووكل قبائل السودان والله درسنا معهم فى داخليات من اولى ابتدائى الى الجامعة والله مافى يوم سبينا زول ونخرج معهم الخميس والجمعة الى اهلهم وهم يمشون معنا وكل المناسبات مشتركين فيها وفى الشغل بساعدهم وهم بساعدونا عادى
وكان عندنا مدير مرة فى كورة قلت الى صديقى عبدالله العب يافلاتى الكورة صاح والله المدير سمعنى لاتى قلتها فلاتى بزعل اول شىء اخذته كف وانا فى ثانية تانوى وراجل وعمل طابور وجاء الصول واخذته عشرة جلدات لاانساها والمدير بقولى عبدالله ده حافظ القراءن وشاربه مويه انت الشايقى الجنكم صعوط تشتمه اوعى ثانى اسمع زول انا فى المدرسة دى يذكر قبيلة او كلام فارغ كلكم هنا اولادى وسودانين والله فى السكن وتوزيع السفرة للاكل كان بشكنا مع بعض وفى الفصل كذالك واصبحت عندى عقدة من اى ونسة تجيب موضوع القبيلة واى زول بسالنى قبيلتك بقطعه معه لاننى برى تقيم الزول بشخصه وليس دمه