الجواز الالكتروني.. مزيد من الأعباء

محيي الدين بقة ــ جدة:

من خلال أسطري هذه أود أن أعرض قضية مهمة جدا بالنسبة لنا نحن خارج الوطن، فأرجوا أن تعرض على المسؤولين بالجوازات السودانية، علهم يجدون لها حلاً مع الجوازات السعودية.
طبعاً سمعنا بأنه لا بد من عمل الجواز الالكتروني الجديد، وسمعنا أن حكومة السعودية وافقت على العمل بالجواز القديم لفترة معينة.. المهم فى الموضوع هو أن الجواز الالكتروني الجديد على عينا ورأسنا من فوق، والسودان تاج فى رؤوسنا.. ولكن هذا الجواز الجديد سوف يسبب بعض المشكلات المادية لبعض المغتربين، خاصةً لأولئك الذين لديهم أو تتكون أسرهم من ستة أشخاص فما فوق، فمثلاً شخص أسرته تتكون من ثمانية «8» أفراد وأراد أن يسافر الى وطنه السودان لقضاء إجازة، تخيلوا سوف يدفع للجوازات السعودية مقابل كل جواز لأسرته مبلغ «200» ريال، يعنى إجمالي مبلغ «1600» ريال لعمل تأشيرة خروج وعودة، فلماذا هذه المصاريف علينا بوصفنا مغتربين، خاصة أن هناك بعض الأسر لديها طلاب بالجامعات السودانية أو غيرها فى أرجاء المستديرة، وهم في حاجة لمصاريف أيضاً.
وأسأل الله أن تجد مشكلتنا هذه الحلول الناجعة بحيث لا تضر بكل الأطـراف.

الصحافة

تعليق واحد

  1. يامحي الدين انت هندي -الجوازالقديم برضو اذا الواحد ابنه او ابنته كبرت لازم يطلع ليها جواز منفرد بمعني انك ح تدفع ح تدفع ومادام انك ح تدفع للحكومه السعوديه ما في مشكله لانو علي الاقل البلد دي عندها حق علينا اكتر من بلد الكيزان الما عندو وجيع :crazy: :crazy: :crazy: :crazy: :crazy: :crazy: :crazy:

  2. مين قال لك يا متخلف تولد 6 عيال…. في 2012 لسه في ناس امثالك…. تحمل مسئولية افعالك….
    ليه انت مافكرت في كدا قبل ما تعمل فيها سبع البرمبه
    واذا الجوازات سامحتك شركة الطيران هتسامحك؟؟؟؟
    لا تعاطف م متخلفيين
    اي واحد فينا قادر يخلف 10 …. لكن المتعلم الواعي بيفهم انه زوجته مش مكنة طباعة وان الناتج تترتب عليه مسئوليه والما يقدر عليها ما يورط نفسه وبعدين يجي يبكي
    ابقي راجل واتحمل نتيجة ما صنعه غبائك

    (؟) :crazy: ;(

  3. فعلاً هي مشكلة نعاني منها، والأخ محي الدين يقصد جوازات الأطفال الصغار ، لأن الجواز الإلكتروني ليس في إضافة للأطفال، وإنما كل طفل يستقل بجوازه، على العكس من الجواز القديم الذي جرت العادة بأن يضاف فيه الأطفال في جوازات أمهاتهم، ولا يتم فصلهم إلا عند بلوغ سن (18) سنة.
    نأمل أن يتم بحث المشكلة لإيجاد حل، ولو بمعاملة خاصة من قبل الجوازات السعودية.

    وبالله التوفيق

  4. الجواز الالكتروني دا .. فضيحة ما بعدها فضيحة ..
    كله غلط في غلط …
    الدول الاجنبية ما معترفة بيو ؟؟ وفيو مشكلة كبيرة في الاسم .. لأنه الاسم بالانجليزي مكتوب الاسم الاول واسم الجد بس .. يعني …… اسمين …
    وبالعربي مكتوب الاسم رباعي … اها يلا بكون في كونفيوشن في اثبات الاسم بالانجليزي … لانه مفروض يكون رباعي … اكوردنغ للشهادات او الوثائق المعاك … بقولوا ليك اثبت لينا يا زول …. انت سيد الشهادات ديل …
    لأنه في الشهادة اسمك رباعي بالانجليزي بينما في الجواز اسمك مكون من اسمين بالانجليزي بس ( انت وجدك الثالث ) …
    ولازم تخاطب السفارة وتنتظر خطاب السفارة البشهد بانه ياكا زاتك الزول في الشهادة …
    غلط غبي جدا ومتوقع من حكومة السجم والرماد ….

  5. حدث وانا تحدثت في موضوع الجواز , ارجوك اخي لا تاتي الي السودان الان سوف يعطلوك عن الرجوك والله العظيم انا لي شهر انتظر الجزاز وما زالت انتظر , ههل تعلم ان الجواز يكلف تقريبا 3000 جنيه يعني اكتر من 3 ملايين بالقديم , معاملتههم سيئة جدا لا يحترموا احد , هناك طلاب مازالوا عالقيين , وهناك مرضي وهناك اشخصاص لهم عقودات انتهي زمنها وهناك تجار , لا يهمهم شي والله العظيم كلو وساطات ورشوات وناس حتي ما مؤهليين عشان يسرعوا في العملية دي اهانة للشعب السوداني لماذا كل هذا احنا نظن ان لدينا دولة اول مرة اعرف انو في هناك في مثل هذه المكاتب فوضي ولا في حد يسمع لك لا يحترموك ولا يقدروك ولا يستعموا اليك , بس معارف مقروش تخيل في ناس تجي وتاخذ الجواز في يوم وفي ناس مساكين غلابة يمكن ان ينتظر اكتر من شهر ولا يجد بس ربنا يهون ودعوة المظلوم لا تقع علي الارض

  6. يا خالد السودانى: متى كان انجاب الاطفال غباء؟
    قال الرسول(ص)(تزوجوا الودود الولود فأن مكاثر بكم الامم يوم القيامة)

  7. الجواز الاكتروني من عام 2008 والي الان في القنصليات غيرررر موجود

    ياليت مدير الجوزات يعرف كده

  8. اولا
    انا الان 19 يناير الساعة 10وصلت من الجوازات الخرطوم لليت وفى يدى تزكرة الاستلام لجواز عادى

    طيب نشوف المشكلة وين اوريكم
    1- الجواز انواع عادى ب265ج فحص فصيلة ب5ج
    2-جواز اطفال 110 ج
    3- جواز طلاب ب150ج
    4- تجديد جواز 82ج
    طيب انا بديت الاجراات من شهر 12 العام الماضى اولا سعيت فى الرقم الوطنى زحمة مبالغة بسبب قلة المراكز صفوف تجى من الساعة 5 صباحا اذا داير تطلع وتنتهى بسرعة المركز بشتغل 400 شخص فقط الباقى بكرة المركز من الداخل فىه نوع من الفوضى واحيانا ضياع المستند او عدم انزال بيانات مستند بالتالى الرجوع اليوم الثانى واحضار المستند

    انتهيت واستلمته بعد الشهادة الورقيه مجانا بعد اسبوع كامل بسبب الازدحام بالرغم انها تحتاج يوم واحد فقط البطاقة لسه دايرة صف تانى واسبوع اخر و40ج

    المهم مرقته من الرقم الوطنى مشيت الجواز الشبكة كانت واقفة من يوم 13 ديسمبر اشتغلت فى منتصف الاسبوع الثانى من شهر يناير خلال هذه الفترة انا شفته كل انواع السهر والجرى من اذان الصبح من الدروشاب بحرى الى الخرطوم يوميا مرات واحيانا بعد كل تلاته يوم واحيانا بعد اسبوع الحضور والرجوع خالى الوفاض صرف مالى عجيب
    عندما اشتغلت الشبكة فى منتصف الاسبوع الثانى من يناير كل انواع الاساليب موجودة واسطات وغيرة من الاساليب التى لايستطيع فعلها المواطن الغلبان البجى من اذان الصبح ويطلع كيت اخيرا جيت يوم 18 من الساعة 2 صباحا سجلت اسمى عند العسكرى النبطشى فى ورقة والتسجيل بقفل اذا تمع العدد 60 او50 تانى لو بقيت ابليس مافى دخول واحد العساكر زى اسلوب ردئ فى التعامل ملتحى حالتو لكن للاسف بالرغم كده فى ارانيك بتمرق للمعارف والواسطات وبطرق اخرى بالتالى لمن دخلنا جوة غرفة الفحص للمستندات كان فى ناس كتيرين
    غرفة 7 فى 6 متر لجلوس المواطنين العدد اكتر من ال60 طبعا بالاضافة للاشخاص العايزين يجدد وا جوازاتهم العدد يبقى اكتر من 100 تقريبا الحواسيب فى غرفة الفحص 3 فقط 3رقيبات قصاد 3 حواسيب من الساعة 8 اسمك بطلع بعد 12 اناشخصيا طلع 3 بعد الظهر من غرفة الفحص والتصديق للمستندات لغرفة التحرى واستخراج اذن الجواز الساعة 4 تركته الجميع فى حالة بتاعة اعياء تام وتعب وجوع مبالغة وهرج وجوطة وناس وقوف واخرين نيام واخرين يدخلوا ويمرقوا سريعا كلمح البصر ديل الاهل والمعارف والواسطات سريعا امورهم تقضى اما الجميع ال60 شخص الذين جاءوا الساعة 2 او 3 صباحا فعليهم متابعة الخطوات على ظهر ابو القدح دخلته غرفة الرسوم والتصوير والفيش دفعنا المبلغ 265ج انتظرنا الاجراء النهائي
    قاعدين الساعة 5 الا تلت جات طلبوا الحضور بعد الصلاة ثم بعد ذلك رفضوا المواصلة وعلى الجميع الحضور غدا 19 يناير للاكمال شايفين كيف
    حضرنا وياللعجب استلمنا تزكرة بعد الاكمال باستلام الجواز الاكترونى يوم29 يناير اى بعد 10 يوم بالتمام والكمال ده الجواز الاكترونى فوضى مكان ضيق ضابطات ملازمات اوائل يتنرفزن حتى فى بعض خليك من المواطن المسكين الواحده شايفة رقبته وهن يادوبك نجمتين
    دى قصة الجواز الاكترونى :confused: :confused: :confused: :confused: 😮 😮 افضل مافيهم مقدم بوزع الارانيك فى الباب شخص جدير بالاحترام

    اما الاطفال الذين يود استخراج جواز لهم كانو بلعبو ا اليوم كلو لمن جاءت مواعيد التصوير الساعة 3 كانوا نائمين هههههه وكل طفل لمن يصوروا يشيلوا العسكرى امام الكمرة ويتم التصوير :crazy: يلا سودانا فوق فوق

  9. يا ود دارفور انت كندك كم شافع؟؟؟؟؟
    طيب ليه البكاءوالتوسل؟؟؟ انشاء الله يولد ميه بس يبقي راجل ويتحمل المسئوليه
    مش ناس تخلف زي الكلاب ودايريين القطاع العام يربي ليهم…… لا لاالف لا
    ثم ثانيا انت من دارفور….. الخلك شنو وسطنا؟؟؟؟؟
    احنا عايزيين دار زفت تلحق الجنوب عشان كمان نخلص منكم وتنقلعوا من عندنا
    انتم عبء علي المجتمع وربنا يخارجنا منكن قريب

  10. المدعو خالد السوداني لكن حيرتني حيرة مابعدها .. كيف تعيب على الرجل انجاب 6 اطفال من مطلق وهم الحداثة والرقي (عمر التقدم ماكان يقاس بمثل هذه الاشياء) ممكن الواحد ينجب اثنين لكن احسن عدمهم , الرك على التربية كان 1 ولا 6 ولا 20.. وفعلاً الجواز الالكتروني عبء ويكفي انو السفارة الامريكية في السودان صرحت قبل عام تقريباً من عدم اعتمادتها لهذا الجواز نسبة للاخطاء ..نرجو من الحكومة تدارك سلبيات واخطاء هذا الجواز قبل ماتلزم المواطنين بالتعامل به رسمي

  11. يا ابني انشاء الله يخلف ميه بس ما يشتكي
    بالنسبه للجواز الالكتروني السودان كاي دولة ملتزم باصدار جوازات بمواصفات عالميم تسمح لكل دوله بان تفحص اي جواز عبر شبكة عالميه…. كوسيلة لمحارة التزوير والقبض علي المطلوبيين من اي دولة
    لذلك موضوع الجواز ومتطلبات مش بيد حكومة السودان (بالمناسية انا ما منهم بتاتا وابعد ما اكون من ذلك)
    ثم الاخ اللي بيبكي من ال 200 ريال للجواز هيدفع كم تذاكر سفر للجيش الكاريه وراهوا؟؟؟؟
    والا بعد الجواز يجي يشتكي من اسعار تذاكر السفر؟؟؟ وبعد شويه من سعر العيش عشان حضرتوا عايز علي الاقل 32 قطعة رغيف في اليوم للمظاهرة الحاصلة في بيتهّّ!!!!
    هيقف من الشكاوي فين؟؟؟؟؟
    الجهل مصيبة
    والله لا يرحم محي الدين صابر لانه اول من بدا بالعبث في التعليم
    والله لا بارك في الا نقاذ لانها دمرت التعليم بتاتا
    والله يرحم السودان اللي اتوفي بعد نميري

  12. انت مالمفروض يكون اسمك خالد السوداني المفروض تكون خالد العنصري , خالد المتخلف اي حاجة من هذا القبيل تليق بطريقة تفكيرك العنصرية الكريها .. اخجلتني بشدة ان في حد من قراء الراكوبة بمثل تفكيرك وحتجرنا باسلوبك العقيم والسمج للمهاترات وتخلينا ننزل بمستوا الحوار ونخرج عن المضمون والمفيد ..اقترح عليك تراجع اسلوبك وافكارك كمان , مرة عامل متمدن ومرة عنصري الجاية حتكون شنو ياربي.. هذا مع الاعتذار لباقي المعلقين

  13. يا خالد السوداني :
    يا آخي اسلوبك ما جميل وكلماتك كريهة جدا زي ما قالوا ليك الاخوان والاخوات …
    الراكوبة موقع محترم جداً والمعلقين هنا ناس اولاد ناس ومتعلمين جداً ويقطنون مختلف انحاء العالم .. ووالله انا قاعد في حتة لو قلتها ليك ما بصدق ؟؟ والناس البعلقوا ديل يا اخوي سودانيين زي وزيك ومتفاوتين في العمر .. منهم اخوانا الكبار والصغار .. وفيهم من هم في عمر آبواتنا وامهاتنا وحبوباتنا .. فالمطلوب شوية ارتقاء بالحوار .. والموضوع الفوق دا يا آخوي موضوع تفاعلي .. ومهم جدا لانه مرتبط بارزاق نااااااااس ومستقبل نااااااااس..
    فما داعي للتسويف والتعليقات الكريهة … الله يفتح عليك ويفتح علينا

  14. يا شباب :
    شكرا لكل المعلقين والمعقبين .. وتجربة زول ساكت رغم مأسآتها لكن برضو اخدنا فكرة كويسة عن الاجراءات .. وكيف نصحى الساعه 2 صباحا عشان نحجز في لستة التسجيل …
    السؤال هو :
    مش الجواز الالكتروني دا في صفحتو الالكترونية الفيها المعلومات والصورة .. الرقم الوطني موجود ..
    طيب الناس البطلع في الرقم الوطني دا .. يعني ما عندها جواز الكتروني ولا كيف الحكاية …
    انا عندي جواز الكتروني وموجود فيه الرقم الوطني ,, فهل مطلوب مني اطلع رقم وطني جديد واطلع جواز الكتروني جديد عشان خاطر النسخة المصححة …
    أتمنى من الاخوان الرد الشافي ..

  15. خالد السودانى حقيقى سودانى وريتنا لكن !!!!!
    ماله ان شاء الله يخلف 100 انتا حارقك وين؟؟؟؟
    صاحب الاطفال الستة الله يبارك فيه وفى نسله ما شاء الله عليك
    ديننا الحنيف يحثنا على كدا يا…………… سودانى:mad: 😡 😡 😡

  16. يا ام لوتس…. لما صاحبنا اشتكي من مجموع المبلغ يبقي هناك اعتراف ضمني منه بان وجود هذا الكم الهائل من العيال في اسرته انما هو خطا منه
    انا لا اعيب انما اقول له بانه غبي لاننا لو اعتبرنا الثالث والرابع اخطاء فتكرار الخطا حتي الوصول الي 6 فهو الغباء والجهل بعينه…. مش منه هو بس وانما كذلك من الجاهلة العامله زي مكنة التصوير….
    وانا اراهن بكل عزيز وغالي انها جاهله وغير متعلمة ……
    طبعا لما توصل الجهل بالجهل تحصل علي مصيبة مكتملة
    وانا ارفض ان الدولة تدفع قرش لابناء شخص زى كدا…. لازم يدفع ضرائب اكتر من الشخص العاقل اللي بيوجه موارده لطفلين حتي يستطيع تربيهم وتعليمهم بطريقه مثلي مش زي ابو 6 اللي بيفتح ليهم باب الشارع من 6 ص وحتي 10 م وبيربيهم الشارع عشان منة التصوير تفضي للتحميه (دخان)
    اللهم ارحم السودان من الجهل والجهلاء
    اللهم نور بصيرة اولياء الامور علي اهمية التعليم
    اللهم انعم بلادنا بالمتعلمين وافتح باب الهجرة لكل الجهلاء لزوال البلاء
    امييييييييييييييييييين

  17. يا خالد السوداني التعليق على المضوع من المفترض أن يكون بأسلوب مهذب يليق بالموقع والقراء بدلا من الشتائم والسب على الناس

  18. للعلم الرقم الوطنى فى الولايات لم يبدا العمل به والجواز الاكترونى او القديم موقوف فهمتوا القصد يعنى اذا داير رقم وطنى الا تجى الخرطوم واذا جواز وعندك اطفال الا تجى وتجبهم معاك وتبدا الفلم البايخ ده تجرهم معاك من 2 صباحا وتبيت جنب الجوازات

    اما القنصليات لا ادرى لكن دى الولايات القريبه حالة كده فديك كيف الله معاكم 😮 😮 😮

    بالنسبه للجوازات الفيها خطأ ودايره تصحيح اكيد لازم ترجع تجدد لانو السفارات بترفضك شايف كيف اذا شايل الاكترونى وفيهو الخطأ لكن اذا شايل القديم بمرروك لحدى مايجى التعديل والتغير بالمصحح

  19. تعليقات المدعو خالد السودانى والتى تحتوى على تعليقات تدل على انه فعلا شخص غير متعلم وغير مؤدب بعدين انتا بتعترض على الخالق ديل ناس خلقهم الله ومتكفل بهم وكذلك ابناء دارفور اللى بتسبهم خلقهم الله ويمكن يكونو بالتقوى احسن منك عند الله
    راجع نفسك قبل ماتصرح وترد لانه محسوب عليك وكله فى صحيفتك يوم القيامة

  20. يا ود دار فور ما تزعل من المدعو خالد السودانى لانو اكيد ما سودانى لان العنة لم تترك له مجال لانجاب طفل فصار حاسدا 00 ود شندى

  21. تـواشيـح الألـم ذكرهـــــا حزين يا حالد السوداني
    يرتعـش كل لحظة وحينما تقلــب صفحــات عمرك
    لن تجد سوى ذكـرى حزين بمقدار كبير بيـن كم من الأنيــن
    ثم تنهمك فى بحثك بذكريات تراودك أمنيــــات
    وأمل لذكرى فيه كلام حنين وجميل

    اريدك منك ان ترجع مع روحـــك وتكون مثل مـا كنت
    شخص محدود وحدودو بس كلمتين
    عدم اساءة الاخرين
    وأن اختلافنا بأنواعه هو واحد بين اثنين
    لا لاســـــــــــاءة الاخــــــــــرين

  22. الاخ فاندام انا فعلا مامن دارفور من الشمالية لكن دارفور جزء اصيل فى بلدى السودان وناس فى حالهم وماقاعدين يسبو ويشتمو وغير ما انهم ناس حفظة قران وناس خلاوى ماشفنا منهم اى شئ معيب لكن العيب فى الجاهل المدعو السودانى اللى بيتعدى على خلق الله واتشرف انه جزء من وطنى دارفور

  23. يا شبااااااااااااااااااااب
    خلونا من خالد السوداني اي تقولوها اكيد حيرد ونواصل مسلسل الخروج من النص .. اخوكم الايام دي بقدرة قادر برة السودان خلونا نشوف حل للمشكلة احتمال ناس الجوازات يقروا التعليقات دي يحسوا بالحجم الحقيقي للمعاناة ويكثر امثال ذلك المقدم الذي تم مدحه هنا
    صدقوني بعض الناس يلين قسوة قلوبهم معرفة المعاناة الحقيقية .. فليتهم يقرؤون معضلاتنا
    جوازي على وشك الانتهاء في الصلاحية ويبدوا انو لازم اجي اجدد للاسف محتاج ليهو سنة واحدة فقط عشان كدة داير اعرف انسب السبل واقل التكاليف لي جواز ربما حاستخدمه اهر مرة فبل ديسمبر 2012 مازي الناس العلى طووووووووووووووووول دايرينو ماشين جايين رايحين جايين
    اخوكم في الله جية وبرشام ولحام في الزحام

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..