وزير الدولة برئاسة مجلس الوزراء يوجه بوضع آلية لتنظيم منح الأراضي للمغتربين..بعد سد مروي مشروع مفاعل نووي للسودان لإنتاج الكهرباء
اكد وزير العلوم والتكنولوجيا، الدكتور عيسي بشري، امتلاك السودان مشروع مفاعل نووي مجاز من الهيئة الدولية للطاقة الذرية للاستفادة منة في انتاج الكهرباء. واعلن عن 26 مشروعا اخرى مع الدول الافريقية، و4 مع الهيئة الدولية للطاقة الذرية في مجال الاستخدامات السلمية للطاقة.
ووصف بشري، في مؤتمر صحفي عقدة امس بمطار الخرطوم فور وصوله من تونس حيث شارك في الاجتماع رقم 22 للهيئة العربية للطاقة الذرية، الاجتماعات بالمهمة.
وقال ان السودان شارك في الدورة بـ 6 خبراء وتولت الهيئة السودانية للطاقة الذرية برئاسة البروفيسور محمد الحسن الطيب نيابة المجلس التنفيذي للدورة والمشاركة في صياغة الاستراتيجية الكلية التي وضعتها الهيئة العربية للطاقة.
واعتبر الوزير، الدورة بمثابة فرصة للسودان للاستفادة من موارد الهيئة العربية للطاقة وتجارب الدول العربية التي شرعت في امتلاك مفاعلات نووية للبحث العلمي للاستفادة منها في مجالات الزراعة والصناعة والطب والمياه، بالتنسيق مع الهيئة الدولية.
الصحافة
[COLOR=blue]كرمنو يوجه بوضع آلية لتنظيم منح الأراضي للمغتربين[/COLOR]وجه أحمد كرمنو وزير الدولة برئاسة مجلس الوزراء، بوضع آلية لتنظيم منح الأراضي للعاملين بالخارج عبر بوابة جهاز السودانيين العاملين بالخارج. وأشار خلال اجتماع لجنة ترتيب أوضاع المغتربين بالأمانة العامة لمجلس الوزراء أمس، بحضور د. كرار التهامي الأمين العام لجهاز المغتربين، مولانا عصام عبد القادر مدير عام هيئة الأراضي وتنظيم البناء بولاية الخرطوم، أشار الى انه يجب ان يتم العمل فيما يتصل بمنح الاراضي وفق الأطر التي تضمن الحق لجميع العاملين بالخارج.
وكانت « الرأى العام» نقلت عن «سونا» يوم الجمعة الماضي أن كرمنو اصدر قراراً بايقاف الإجراءات المتعلقة بمنح الأراضي إلى ان يتم ترتيب الاجراءات بالصورة التي تحفظ حقوق المغتربين وفقاً لمعايير يتم الاتفاق عليها وبالتشاور مع مدير هيئة الاراضي وتطوير البناء والمختصين في الإدارة وجهاز المغتربين.
الرأي العام
(((:lool: وتولت الهيئة السودانية للطاقة الذرية برئاسة البروفيسور محمد الحسن الطيب :lool:
وبعدين معاكم ؟ حيرتونا .. وهى ناقصة يابروفيسور محمد الحسن انجاد ؟ عايزين تفتحوا لينا جبهة جديدة وتخلوا الجماعة يجوا يفتشوا فى منشآتنا النووية ويزيدوا علينا الحظر ووووو ياخلف الله ما عزبتنا ياااااخ.
جهاز سلب المغتربين
ماذا يقدم للمغتربين ؟
:mad:
الأخوة المغتربين وعوا الدرس جيداً فلم يكن الإنقاذ يوماً منصفاً لهم فكل الوفود التي تزورهم ماهي إلا مجموعة من الدجالين من أيام كرار دولار وهم يدركون أن مايدره المغتربين كان في يوم من الأيام هو مصدر الدخل الوحيد من العملة الصعبة للدولة في تلك الأيام العصيبة.
لكن كيف يكون الجزاء من ناكري المعروف يستأثوا وحدهم بالأرض في المواقع الجيدة ويعطوا الفتات للمغتربين وبعد إستلامها يكتشف المسكين أنها لا تساوي شيئاٍ
مفاعل نووي..وانتو سد مروي غالبكم تشغلوه!!
خلاص مشاكلنا كملت وده الفضل..لينا الله نحنا
مشروع مفاعل نووي مرة واحدة يا دوك عيسى…..غايتو دي نجرة يونس ود الدكيم ما نجر زيها ويا ربي المفاعل دي جاز ولا بنزين إنتو فاكرين المسألة سايبة ساكت؟؟ منو الببيع ليكم الوقود النووي عشان تشغلوا بيهو المفاعل دي . كدي بالله ختوا الرحمن في قلوبكم وأول حاجة جيبوا لينا الموية في المواسير ومتشكرين ومقدرين.
ما عايزين أراضي – لعبة جديدة لتسرقوا فلوسنا بنشتري أراضي علي مزاجنا أثناء وجودنا بالسودان .
يا جماعة ما كفاية علينا مشكلة دار فور حرضت علينا كل العالم دايرين تفتحوا لينا تانى جبهة جديدة انتو ما شايفين الحاصل لايران شنو كمان مفاعل نووى عديل كدة يا جماعة خليكم عاقلين وكفاية علينا كهربة مويتنا دى .والله يكفينا شر البلاء.
والله جهاز المغتربين ده مص دمنا عديل انا بقترح انو المغتربين كلهم انظموا حملة لمناهضة هذا الجهاز فى الدنيا كلها المغترب لا يؤخذ منه الا الجمارك العادية للاشياء التى يدخلها البلاد اما حكاية ضرائب وزكاة بالله الزكاة دى مش الا احول عليها الحول ( سنة يعنى ؟ ) طيب مافى واحد افهم الناس دي انو المغترب لايتوفر فى جيبه راتب شهرو خليه سنة
والضرائب لماذا تؤخذ من المغترب ولا تؤخذ من المواطن الداخل ده انحنا بنكد كد عشان الواحد اجى بوضع افضل حتى بعد الغاءها هسة بقت فى حاجة اسمها خدمات
بالله واحد اورينى واحد من الخدمات التى قاعد اقدمها الجهاز — ياحكومة الانقاذ والله جاء الوقت الذي من المفترض تردي الدين للمغتربين لانك قمتى على اكتافهم وفلوسهم فهل من مستمع ؟؟؟؟؟؟؟؟؟؟؟؟؟؟؟(؟) (؟) (؟) (؟)