بدولارين للبرميل..رياك مشار : وقعنا اتفاقا مع كينيا لإنشاء خط أنابيب يصل ميناء لامو الكيني.. خطوط الأنابيب بالشمال نحن أيضا لنا حق فيها ونطالب به، وإذا لم نتوصل إلى اتفاق فسنلجأ إلى المحاكم الدولية
لندن: إمام محمد إمام ومصطفى سري
وقعت دولة جنوب السودان مذكرة تفاهم مع كينيا لإنشاء خط أنابيب يصل إلى ميناء لامو الكيني، والمتوقع أن ينتهي العمل فيه خلال عام، في أول خطوة عملية تتخذها جوبا في تنفيذ قراراتها بإغلاق آبار النفط وعدم تصديره عبر السودان، وشددت على أنها تطالب بامتلاك خطوط الأنابيب العابرة إلى ميناء بورتسودان، باعتبار أنها أنشئت من أموال نفط الجنوب، ولوحت باللجوء إلى المحاكم الدولية إذا لم يتم التوصل إلى اتفاق مع الخرطوم. وجددت الدولة حديثة الاستقلال رفضها للحرب مع الشمال، واعتبرت أن قرار إغلاق النفط سيادي.
وقال الدكتور رياك مشار، نائب رئيس دولة جنوب السودان، لـ«الشرق الأوسط»، إن حكومته وقعت اتفاقا أمس مع رئيس الوزراء الكيني الذي زار جوبا أمس وعاد إلى بلاده، بعد توقيع المذكرة الخاصة بإنشاء خط أنابيب يمتد من جنوب السودان إلى ميناء لامو الكيني لتصدير النفط الجنوبي. وأضاف «هناك تفاصيل فنية حول الشركات التي ستنفذ هذه الخطوط سيبحثها مجلس الوزراء اليوم.. لقد بدأنا استقلالنا الاقتصادي بوقف التصدير عبر الشمال، ومن ثم إيجاد البديل فورا، ولن نستجدي الخرطوم»، مشيرا إلى أن تنفيذ الخط سيأخذ فترة عام وشهرين لبدء تصدير النفط إلى العالم. وقال إن خط الأنابيب من مناطق الإنتاج إلى ميناء بورتسودان أخذ عاما كاملا بما فيه ضخ النفط عبر الخطوط، نافيا وجود مشاكل فنية من ارتفاع الأراضي الكينية عن جنوب السودان. وقال «حتى بورتسودان هي أعلى من شمال السودان وكان النفط يصل ويتم تصديره». وأضاف أن كل العمليات الفنية للنفط ستصبح في الجنوب، في ما عدا التصدير سيتم عبر كينيا، وأن هناك اتجاها إلى إنشاء خط عبر إثيوبيا إلى الموانئ الجيبوتية. وأضاف أن خطوط النفط إلى ميناء لامو الكيني ملكيته لدولة الجنوب التي ستدفع رسوم العبور ولن تتعدى دولارين وفق المعايير الدولية.
وقال مشار إن بلاده ستواصل المفاوضات مع الخرطوم وإنها لم تسحب وفدها المفاوض. وأضاف «نحن نسعى للاتفاق مع الحكومة السودانية، لكنها هي التي ترفض ذلك ولم يكن أمامنا من خيار سوى إغلاق النفط ومنع تصديره عبر الشمال»، ملوحا إلى أن حكومته ستلجأ إلى المحاكم الدولية لتطالب بحقها في امتلاك أنبوب النفط العابر حتى ميناء بورتسودان، معتبرا أن الخرطوم حقها يكمن في رسوم العبور وفق المعايير الدولية. وقال «في حال لم نتوصل إلى اتفاق حول سعر عبور نفطنا ولن ندفع بأكثر مما هو معمول به في العالم». وتابع «خطوط الأنابيب نحن أيضا لنا حق فيها ونطالب به، وإذا لم نتوصل إلى اتفاق فسنلجأ إلى المحاكم الدولية». وأضاف «كما لدينا متأخرات وبواخر شحنت نفطنا وتم أخذها، كل ذلك سنطالب به، مع أننا نريد أن نتوصل إلى اتفاق مع حكومة الخرطوم، لكنها هي التي ترفض، ماذا تريدوننا أن نفعل؟»، مشددا على أن حكومته لن تقبل بمبلغ 32.8 دولار كرسوم عبور للبرميل الواحد مهما كانت الأسباب.
ورفض مشار اللجوء إلى الحرب بين دولته مع الشمال، وقال إن خيار الحرب غير مطروح في حكومته، إلا أن الخرطوم هي التي تواصل حربها ضد الجنوب. أضاف «نحن أوقفنا ضخ نفطنا وهذا حقنا، إلا أن الخرطوم كانت وما زالت تعتقد أننا جزء منها، وهذا سلوك غريب، حيث إنها تأخذ نفطنا بقوة عين وتريدنا أن نذعن لها». وقال «الخرطوم تعمل على فرض وجهة نظرها، ونحن لم نعتدها، بل العكس، هي ظلت تعتدي تحت كل الظروف وتقوم بعمليات القرصنة». وتابع «على كل حال نحن معها في مفاوضات أديس أبابا، وقدمنا الكثير من المقترحات للخرطوم بدءا من المنحة التي اقترحناها لسد الفجوة الاقتصادية بعد الانفصال وهي رفضت»، مشيرا إلى أن دولته اقترحت دفع مبلغ 2.6 مليار دولار، إلى جانب إعفاء متأخراتها على الخرطوم والتي تبلغ نحو 2.8 مليار دولار. وقال إن جوبا سعت لدفع جملة هذا المبلغ 5.4 مليار دولار، وإن الفجوة الاقتصادية للشمال تصل إلى نحو 7.4 مليار دولار. وأضاف أن الخرطوم قالت إنها ليس في مقدورها إيجاد المتبقي من الفجوة من قبل المجتمع الدولي. وتابع «هذه طبعا ليست مشكلتنا، نحن سعينا لحل هذه الفجوة، والخرطوم رفضت، لأننا نريد أن نعيش في سلام وتعايش وتعاون بين الدولتين، لكنهم رفضوا كل هذه المساعي». وأضاف «الكرة في ملعبهم، عليهم أن يصلوا إلى اتفاق، ونحن اتخذنا قرارنا، ولن نرجع إلا وفق المعايير التي أوضحناها، وسنمضي في إنشاء خطوط النفط حتى وإن توصلنا إلى اتفاق مع الخرطوم».
الشرق الاوسط
يابلاش مبروك
بعد دا ناس البشير إلا يخللو الانابيب
والله انا بشوف الاموال التي يريدون بها انشاء خط انابيب عبر كينيا الافضل لهم اشباع بها شعبهم الجائع للقمه العيش
بترول في كل العالم سعر نقله معروف مامحتاج مغالطة.
يعني ماسمعنا أي فتوى من علماء السودان أو التأصيل أو الرابطة الشرعية حول "المطففين" ولاحكم أخذ مال الغير عنوة وتجبر.
وأنا أقول الأخوه الكينيين نفشوا ريشهم فى موضوع الجنائيه ده ليه.
على العموم أهنئك على هذه الخطوه الحكيمه يادكتور رياك كما عودتنا دائما الحكمه فى قراراتك و 14 شهر من عمر الدول تعتبر دقيقه.
وما تنسى لما ترفع موضوع خط الأنابيب للمحاكم الدوليه تضع فى الأعتبار وتضيف أن هذا الخط انشئ لما كان السودان موحدا من ضرائب الجنوبيين العاملين بالداخل والخارج ومعنى ذلك إنهم شركاء فى أى بنيه تحتيه أنشأت قبل الأنفصال.
المقطرح الذي تقدم به السيد رياك مشار يعتبر عقلاني ويصب في مصلحة الدولتين بعتبار الجانبين علي الاقل يحتاجان لبعضهما الان الى ان يتم إنشاء الخط الناقل لبترول الجنوب عبر الاراضي الكينية في المستقبل الغريب وتجد حكومة السودان موارد لسد الفجوه ,لكن المشكلة في الذين لايعو مصلحة الشعب السوداني هائلاء لايرو إلا مصلحتهم الشخصية لاينظرون غلي لمستقبل السودان ولايهمهم أمر الشعب المطحون مابين غلا الاسعار وضيق المعيشة كل هذا بسبب النظره الضيقة من بعض النخبة الحاكمة والمستحكمة …..هائلاء لايجدي معهم إلا التغيير (ثورة شعبية )تريح الشعب من الوسخ :crazy: :crazy: :crazy: :crazy:
هم لقوا حل لمشكلتهم بصفاء نيتهم وحمكتهم وواقعيتهم أما أهل الغل والحقد والخصومة والحماقة والغباء والانفعال والأوهام هل سيجدون حلا لمشكلتهم ولا ولا هم اصلا يخلقون المشاكل بطبيعتهم وليس الحلول
اقتبس
أضاف «نحن أوقفنا ضخ نفطنا وهذا حقنا، طيب وقت حقك ياقرف كذلك الشمال من حقو برضو يرفض ويخت السعر الفى راسه قوانينك الدوليه دى لمن الحكومة الزفت دى توافق يمر بالانابيب يكون القانون الدولى هو الفيصل هى ماوفقت بالقوة تمرره حقيقه مقفل صنج
اقتبس
نحن أوقفنا ضخ نفطنا وهذا حقنا، إلا أن الخرطوم كانت وما زالت تعتقد أننا جزء منها، وهذا سلوك غريب،
طيب انتو دايرين تمرروا النفط ساكت كده مجانى وتجرجروا فى الاتفاق اللسه بعتقد انو جزوء من رفيقه منو انتو لازلتو تعتقدوا انكم جزوء مننا بدليل من يوليو بتمرروا البترول مجانى وتماطلو فى الاتفاق حقيقة صنج مقفل
البلد بلدنا ونحن اسياده فى الشمال وانا واخوى على ابن عمى وانا وابن عمى على الغريب يلا تصدروا بلامو تصدروا بجيبوتى تصدروا بالمريخ المهم تتخارجو مننا 345 الف برميل ولا 5 مليون برميل دى
تمام يا دكتور لكن لا تنسى هروبك من الخرطوم بعد توقيعك اتفاقية السلام ولا تنسى ان الجنوب كله ملك لنا وسنرده ان اردنا لكننا فى غنى عنكم وعن نفطكم انشاء الله ستفتح لنا خزائن الارض اما انتم فنفطكم حسب التقارير عمره لا يتجاوز ال15 عام فماذا ستفعلون بعدها تعودون الى الشمال …………هيهات هيهات……….يا منشار
مشار كما لك حق في انابيب البترول فلنا حق في البترول نفسة لانه تمة استخراجة علي حساب ابناء الشمال الشرفاء ولاداعي لنشر الغسيل فهل كانت للجنوب ميزانية او ضمانات للشركة حتي يستخرج لكم البترول فهو كان من الخزينة العامة
لماذا تكون المعايير الدوليه دولارين في حالة كينيا و70 سنت في حالة السودان ؟!!. السودان كله أي قبل الانفصال هو من استخرج البترول وكانت الآبار والمصافي والخطوط الناقلة كلها ملك للسودان الوطن الواحد . بعد الانفصال اتفق الطرفان على أن يكون ما في الشمال من مصافي وخطوط ملك للشمال والآبار ملك للجنوب وهذا يعني أن يكون رسوم العبور دولارين المصافي والانابيب والميناء أكثر من دولارين رغم ذلك كان اقتراحكم أقل من دولار لرسوم العبور متجاهلين باقي الخدمات وفي حالة كينيا كل الانابيب ملككم رغم ذلك المعايير الدوليين تمنح كينيا دولارين وتمنحنا 70 سنت فقط . والله انتو حاقدين على الشمال حقد لو قسم على أهل الارض لكفاهم . الله يكفينا شركم .
مشيرا إلى أن دولته اقترحت دفع مبلغ 2.6 مليار دولار، إلى جانب إعفاء متأخراتها على الخرطوم والتي تبلغ نحو 2.8 مليار دولار.
If I had a voice, I would have accept the deal as a matter of fact the financial system will gradually collaps in both countries. We have to have in mind that the South will construct a new pipline via kenya and may still pay more than the above offer to the Kenyan authorites. On the other hand, the pipleline of the Sudan will be useless. I hope both countries negotiate peacefully in a constructive way and take possitve actions.
شغلك نضيف يا سلفا كير ……… انا شمالي نعم لكن الحق حق …الجنوب يستاهل كل خير ونتمنى لهم التقدم والتطور والازدهــــار …. منقو قل لا عاش من يفصلنا ولكنا نراهم عايشين بيننا من تسببوا في الفراق الحزين …… اراهن وبما اني عشت في في الجنوب فترة من الزمان ان دولتهم الوليدة ستصبح دولة عملاقة بما لهم من ثروات وامكانيات وخير وفير ….. حكومة الكيزان هي من فرطت في الجنوب وبدلا من ارض المليون ميل محبة ومودة وسماحة صرنا دولتين لاتجمع بيننا سوى الحروب والمشاكل
جدودنا زمان وصونا على الوطن( كيف لهؤلاء الجهلة ان يفهموها …وليس اخو علم كمن هو جاهل )
مستقبلا سيحصل الاتي كما هو متوقع :
1/ الجنيه الجنوبي يعادل 2 جنيه شمالي او يزيد
2/ علي كرتي يطلب منحة او قرض من حكومة الجنوب
3/ طلب التاشيرات على الجنوب
4/ الطائرات والدبابات الجنوبية تتاهب لضرب الشمال
5/ القبض على البشير وتسليمه للمحكمة الجنائية بمطار جوبا
والباقي لسسسه يا اغبياء المؤتمر الوطني
نحن نصدق منو مشار ولا الحكومة؟؟؟
المفاوضات شقالة في اديس اببا مفروض حكومة الجنوب تتاني شوية لي حد ماتنتهي المفاوضات لكن دا مامعناهو خطوة استباقية لحاجة في نفس يعقوب اما للضغط علي حكومة السودان او لاحداث بلبلة لايقاف المفاوضات غايتو؟؟
علي شعب الجنوب ان يبل راسو لي ساسة يعملو بي نفس المكنة بتاعة ساسة الشمال كلها مكنة معارضة
كل العمليات الفنية سوف تكون بالجنوب والخط ملك لحكومة الجنوب فقط يدفعوا رسوم عبور دولارين للبرميل ، طيب يا أولاد الانبوبة كل العمليات في الشمال والخط ملك للشمال وعاوزين تدفعوا فقط 0.72 سنت بجد حقارة شديدة بحكومة البشير الغلبانة التي تحتاج الى الصدقة
بصراحة البصيرة أم حمد هي التي تحكم الخرطوم – ففي مسالة نفط الجنوب رأيها واضح- قالت لشلة نافع أسمعوا- ما توقفوا البترول خلو الجنوبيين يضخوا – (البترول دا ما حقنا كلنا ? ونحن تعبنا فيه ) – وبعدين شيلوا الدايرين تشيلوه (في سكتة) ، لحد ما تتفقوا – وانشالله ما تتفقوا – ما فارقة معاكم – وحكاية يوقفوه دي شيلوها من بالكم – ولو وقفوه بسيطة? انتو كمان وقفوا منهم أي حاجة – (حقنة) ما تدوها ليهم – وتاني شوفوا البحصل شنو – وحات حكومتنا الموسعة المانافعة – وببركة اولاد سيدي، ديل ساعة ما بصبروا إلا وقيامتهم تقوم – وحا تشوفوا المظاهرات في جوبا تقول يا سلفا يا عبيط كيف توقفوا تصدير بترولنا ? وحا تشوفو المكروه باقان يروح في داهية ? عشان ما في (……..) تاني يرفع راسو على اسيادوا ؟ تلتفت البصيرة على رئيس جهاز الأمن !!! انت مالك ساكت … ساكت على شنو ؟ سجمنا المظاهرات في الخرطوم وانت
بطبطب علينا ؟ امانة ما رحنا فيها
مبروك لكم يادولة الوليدة انتم كدة بقيتوا رجال بماإن قراركم جاء متاخر لكن دة عين الصح عشان اى زول يملا يمينه وامشو قيدم به .:lool: :lool:
كلكم كذابين المتاسلمين والجنوبيين ونحن لا نثق فيكم و لا نصدقكم وسوف تضيعوا البلاد والعباد كان في الشمال او الجنوب والمستفيد معروف مين
خط الى جيبوتي عبر أثيوبيا
الله لا كسب الكيزان وصلوا البلد للحته دى… ناس غير العداء والاستعداء ما بيفهموا حاجه ولا بعرفوا حاجه ..هنيئا لكينيا جاها رزق من المغفلين الكيزان ديل وربنا يفك اسر السودان من الناس البرابره ديل.:mad:
صفو تقيل عليكم الله ما تصفو ني تجيبو لينا المشاكل
شوفوا بكرة دى العفنين ديل حكومة الدولتين بتفقوا والبسوء فيهو ده كلو جعجعة ساى وحاتبدا تانى مشكلة جديده اسمها طريقة الدفع كيف عينى ولا بعد البيع ولا كاش وبجى اليوم وبذكركم الحكومتين لصوص ولابد يحوموا حول الجريمه ويجوا يتفاهموا شان تتقسم الفطيسة دى حكومة الشمال لم تنقذ احد 22 سنه وحكومة الدينكا والحركة الشعبية هالك شعبه ولو قعدة 50 سنه
يبقه القصة فى عملاء بلادى وبلادهم الرمم من امثال الاصلى وادم ابو ريه
التفاصح لزوموا شنو تعالوا جوة هنا فى السودان وجاهدوا معانا ضد الحكومة وضد الجنوب بدل الفصاحة من بره
قرار ايقاف تصدير النفط عن طريق بورتسودان لا تستطيع ان تتخذه حكومة الشمال ولاحكومة الجنوب هذا القرار قرار الحكومة الصينية التى تمتلك شركات النفط العاملة ….. البترول دا طالع بالدين يعنى بالواضح كدا لحدى ما الصينين يخلصو حقهم ماعندكم اى تصرف فى النفط
ايقاف ضخ النفط عبر الشمال يسبب ازمة و يفاقم من ازمة الاقتصاد السودانى و بالنظر الى الموازنة المقدمة من وزير المالية والتى دفع بها الى البرلمان للمصداقة عليها تتضمن العائدات من نقل النفط عبر الشمال ؟
وعليه لم يفطن السيد الوزير الى ابسط اسس اخراج الموازنة والتى من اهم بنودها الروافد الفعليه وليس سمك فى بحر كما تمنى و هو يرى ان الدعم و المدخلات من لصادر للذهب و البترول وتصدير الصمغ و الذره يعتبر من الموارد الفعليه لموازنته المشؤومه ؟
بهذا يكون النظام فى ازمة وتضاعف الازمة لعدم ايفاء المجتمع الدولى بما الزم به من قروض ؟
اتخاذ قرار الضخ لا ياتى من فراق او مناوره من حكومة الجنوب لجس النبض و الاستحواز على مكاسب و تنازلات من النظام .
ستجد حكومة الجنوب الدعم المالى و القروض لميسره من كثير من الدول والتى لها مصالح فى دولة الجنوب و تتطلع الى خلق علاقة متينه ولديها الرغبه فى استثمار هذه العلاقة والعائدات المرجوه منها مستقبلا فى دولة تمتلك الكثير من الخبرات و فى حاجه الى المشاركة فى بناء دولتهم من نيه تحتيه و اتصالات و اعمار سكنى و ربط الدولة بالعالم الخارجى من شبكات و خطوط برية و ابراج اتصالات و غيرها من الخدمات .
سيكون النظام فى الخرطوم فى محنة و المصيبه سيكون تاثيرها على الفرد وليس على الحكام لان انظام مؤمن ويمتلك ن الثروات ما يكفيه ليعيش فى افخم القصور فى دبى و ليس بالخرطوم فقط .
سؤ الادارة و الضبابيه و عدم الشفافيه و التفرد باتخاذ القرار و التعدى على حقوق الغير و هى سمت مميزه للافسادين و دعم حركات الجنوب المعارضة سرا هى التى اوصلتنا الى هذا الوضع المزرى ونسأل الخلاص و يكونعوننا لنا .
الي المعلق ياسر
يا ياسر خليك فهمان ~ فهمان عند عرب الجزيرة تعني حمار~ وانا اعني ان تفهم ان البشير لن يخلل انبيب البترول بل سوف يمسحها وينظفها عشان يقدر يندس فيها مثل القذافي وصدام
من اجل كراسيهم
امريكا : اسمعى انتى يانقاز دايرا تقعدى فى الكرسي
الانقاز : اى اى اى داير الكرسي
امريكا : تسمعى الكلام وتنفزى اااااااا
الانقاز : بسمع بسمع
امريكا : مافى قلة ادب وطول لسان امريكا لمى جدادك هوووى
الانقاز : ابدا ابدا ده كان بس شو عشان الكرسي
امريكا : طيب اسمع الكلام هسي كدى افصل لى الجنوب ده عشان اديكم الحلاوة يافالح
الانقاز بفصلو اليلا هسي ؟ ماطوالى ياعوير شعبك تقولى شنو
امريكا ؟ ماطوالى ياعوير شعبك تقولى شنو
الانقاز : الشعب منو ؟ مالو عندو شنو معاى البلد حقتى اقصد حقك وحقى
امريكا : ولد فالح لكن الشعب ده لازم برضو نعملو حساب ونخدرو ونقول الانفصال بعد خمسه سنه الخ
الانقاز : شايفه كدى
: امريكا : كدى ؟ اتكلم بلغه رفيعه انا ماخلاص بقيتك زولى تب
وتم فصل الجنوب والشعب نايم يشخر
ومن اليوم داك امريكا شايلا العصايه وساكا الانقاز وقالو الكيشه قدمو
واليلا البلد بتدفع تمن القرار الواحد
القرار من طرف الفرد
وربنا يستر
عمر البشير يستاهل كل شئء لانهم ناس ماعندهم مبداء والماعندو مبدا ما عندو كرامه لانكم نقضو العهد وخانو الشهدا وباعو الوطن ونسو الوصيه جدودنا زمان وصونا على الوطن ………:cool: :cool: :cool: :cool: :cool: :cool: ؟
الراكوبة مكسرة في راسكم شعبه شعبة ياما عندكم ولاء لى وطن او دين انتو جايين من وين ياناس الراكوبة اكيد انتو من الجماعة القاعدين في اسرائيل وباعوا دينهم ووطنهم واهلهم بثمن بخس يخسي عليكم وعلى طبعكم
والله يا جنوبيين …بلو راسكم ساكت …بعد ده الفول بالجبنه وزيت السمسم الا تشوفوه فى الحلم …؟؟
حانقفل الحدود نهائيا…مش حا تشوفو مننا حاجه تانى…لاسكر ولابصل ولا ملح حا نخليكم تخشو الغابه من اول وجديد ..يا وهم
لا خير في سلفا كير وزابانيتة ولا خير في البشير ومؤتمرجيته وسيظل المواطن السوداني يدفع خلافات الساسة سواء في الشمال او الجنوب ولعل المستفيد هو من اعطي الجنوب الانفصال (ماما امريكا )
ولن يستقر الوضع ولسوف تدور حرب وحرب ضروس بين الدولتين عاجلا ام اجلا ولعل ابيي والنيل الازرق من اصعب المشاكل
وهذا المدعو رياك مشار باع قبيلتة وارتمي في احضان الدنيكا ليس لشيء سوي للمنصب
مع العلم بان الحرب مازالت تدور في ولاية الوحدة
ومن تحت الطاولة ان النوير في الوحدة هم من اوقف حقل الوحدة بعد ان استولوا علي المنطقة بقوة السلاح
اما عن قول رياك مشار باحقيتة في الانبوب يدل علي جهل بالقانون الدولي فانت تطالب بحق في القانون وترفع يدك عن الديون اي منطق هذا ايها النائب المخضرم ام علي قلوبكم اقفالها
العيب في دولتنا التي تتحارب مع الجنوب كل هذه الفترة ولم تفهم نفسية الحركة الشعبية وحقدها على كل ما هو شمالي ولن تتواني تفعل كل ما يضر السودان حتى لو كان هي اول المتضررين وكمان حكومتنا لم تستفد من كل اموال البترول في اي مشاريع تفيد البلد كل هذا بسبب سوء الادارة والتخطيط والفساد رغم انهم عارفين ان اتفاق نيفاشا كل هدفه هو الانفصال …ولا عزاء للمغفلين اتمنى لبلدي كل الخير وربنا يلطف به ارجو ان نكون وطنيين اكثر لان البلد دا ما حق المؤتمر الوطني ولو وقع بلدنا
كلنا وقعنا معاهو وصعب نرفعه حتى لو مين حكم بعد كدا…. والمتعاطف مع الجنوبيين وشمتان على بلده يفارقنا ويمشي يعيش معاهم
انا كمواطن سوداني لم استفد من البترول قبل الأنفصال ولم يعود علي ريعه بفائدة ولم نرى اى تحسن فى المستوى المعيشى ولاعلى صعيد الخدمات بل ذهبت كل عائدات البترول لأبالسة المؤتمر الا-وطنى اكتزنت بطونهم وكبرت مؤخراتهم…ونحن هنا بالأغتراب لامس جلدنا العظم شوقا لوطننا المغتصب من الكيزان عليهم لعنة الله
وعليه أؤيد بشدة وقف ضخ البترول من دوله الجنوب الشقيق…..
يا اخوان لازم تفهمو ان الحكومة دي اى قرش يدخل ليها بتصرفو فى السلاح والأمن أو تذهب لجيوبهم المقدودة الى لا تكتفي
والله الجنوبيين ديل مافيهم واحد بفهم د. مشار بقول الخط تم انشاؤه من بترول الجنوب
وبترول جنوب ياتور استخرج بأموال الشعب السوداني الذي تحمل اطعامكم وعلاجكم وتعليمكم وبسأل يادكتور اتعلمت بأموال الجنوب ولا أموال السودان أنا والله ماكوز لكن انفصال الجنوب هو الانجاز الأعظم في تاريخ السودان—- ياأخونا ناس بتأكل الفطايس وتحلف بالتراب عوزين معاهم وحدة-
تمام عشان انابيبهم دي الايتبول فيها البشير وعصابته مايأكلونه من مال حرام
خطوه ذكيه من حكومة الجنوب لتشكيل ضغط نفسي علي عصابة البشير وتعنتهم ونهبهم لنفط الجنوب بعد مصوا الشمال ولم يعد فيه مايُنهبه مصاصي الدماء
انت يا خليل العازه شن عرفك بالجنوب ، الجنوب لو زرعوك انت تقوم وهو غير محتاج لبصلك ولا سكرك ولا حتي ذراك ، الجنوب ملىء بالخيرات.
كلامك سليم يا السيف البتار ،انت قايل الحكومة دي فيها اقتصادي ناجح كلهم تجار ساي ،هو لو فيهم وااااحد فاهم كان حال البلد بكون بالشكل دا ،ديل عبارة عن شلة حرامية وتجار
الحركة الشعبية والمؤتمر الوطني توأمان (لا فرق بنهما ) , والخاسر هو الشعب السوداني
في البلدين (بعد الانفصال وقبل الانفصال ) …
فك الارتباط النفطى بين الدولتين يقفل اكثر ابواب الشر ويساهم فى السلام، لانهم حتى ولو اتفقوا اليوم سيختلفوا غدا لانه واضح لايوجد عقل للحكومتين وان طريقة تفكيرهم واحدة تخلو من الحكمة وتنبع من عقلية مراهقة مدفوعة بالمشاكسة والمكايدة ،والحكومتان لا تضعا مصلحة الامتين فى الاعتبار ويتناقران كحزبين سياسيين فى دوله واحدة وحتى الان لايستطيع المؤتمر اللاوطنى استيعاب ان الجنوب اصبح دولة منفصلة وايضا لايستطيع اهل الحركة اللاشعبية استيعاب ان الشمال لم يعد وطنهم كما فى السابق. الان مضى على الانفصال زمن ليس بالقصير وحتى الان لم تستطع الحكومتان تسوية خلافاتهما او على الاقل السير فى الطريق السليم، ولكن سيظل الوضع محتقنا قابل للانفجار فى اى لحظة ما لم تتغير قيادات البلدين ، لان القيادتين لم يتجاوزا سنين المراهقة بعد ومعهما لا يوجد امل للدولتين ويجب ان ينسوا شيئا اسمه المستقبل.
الغريب ان باقان بعد ان ذكر انه وقع اتفاقية مع كينيا لبناء خط ناقل واكمل كل البنود التى وضحت التفاصيل ، جاء ايضا ليقول انهم يمكنهم بناء خط يمر عبر اثيوبيا ومنها الى موانئ جيبوتى ، حيث يظهر التناقد العجيب والذى يدل على الكذب الذى ورثوها من الانقاذ ايام كانوا حكومة واحدة؟؟؟؟
من حق حكومة جنوب السودان توقف بترولها و من حقها برضو تصدرو ان شاء بي جنوب افريقيا , لكن ما من حق مشار و لا غيرو من السادة الجنوبيين انو يتكلوا في خطوط الانابيب , لانها دي سودنية قصبا عن مشار و الناس المعاهو .
و اصلا الاقتصاد السوداني في الشمال او الجنوب ما مبني علي البترول براهو عشان الناس تعمل لينا وجع راس .
الحكومتين في الشمال و الجنوب زي بعض و ضائع فيها المواطن المسكين , ياااااا رب تجي حااااااااجة تخدهم الي جهنم و ساءت مصيرا …
:o :o :o :o :o :o :o :o :o
الله ينتقم منكم ياناس المؤمتمر الوطني ………..تعيش الراكوبة صوت الأغلبية المظلومة …………
جنوب السودان دوله ذات سياده ولها الحق في تصدير بترولها
لا قبلية ولا جهوية فقط نحن سودانية واي واحد يقرن اسمه باسم قبيلة اشك ثم اشك انه ينتمي لهذه القبيلة والعندو لقب تاني غير القبيلة يفتخر بيهو ودعونا من هذا التخلف ومين فيكم حا ينقذ السودان وهو لسة ما قادر يخرج من نطاق القبلية الضيق
احي…احي…يالكيزان…الجرسه
النقاطه…وقفت…وين ديك العده.
افتح البلف ياعمو سلفاكيرعليك الله
زمان شن قلنا ماقلنا سلفاكير بياكلنا.
:cool: :crazy: ;) :cool: ( ) :o :lool: (؟) :mad: :crazy: ;(
قال نخن لنا حق فى انابيب الشمال عجبا الحقيقة ان نفط الجنوب كله الشمال من استخرجه بامكاناته البشرية والمادية ومفترض ان يكون له نصيب الاسد فى النفط ولكن ماذا نقول فى ناس نيفاشا؟!!
الي ابو محمد لما ما عاجباك راكوبتنا فرتق العزمك منو ؟
الخطة ب للامن الكتابه بلغه ضعيفه وركيكه ملئيه بالاخطاء اللغويه ومحاكاة لغه اولاد الغرب == لانهم لاحظوا الاسلوب الرفيع لمعلقي الراكوبه وعدم عنصريتهم = هؤلاء الامنجيه لديهم عقده من الغرب ونرجو من ابناء غرب السودان الا يقعوا في الشرك
أنا الداير أقول ياجماعة الخير كل نبذكم دا كوم والسودان الحاصل عليه كوم تانى والمشكلة ياحبايبنا لو بتحل بالشتيمة كان كتبنا معلقات عديل كدة لكن المشكلة دايرا جبارة وحكمتنا بقت زى حكمة البصير أم حمد
اولا لايقدر قفل كل الابار ومن حقهم التصدير بي اي طريق انكان بس ماقبل 4 سنوات في عقودات مبرمه مع شركات صينيه والجنوبيين عاوزين يرحل ويكررو بي ارخص ياخي كفايه عبط
السيف البتار,.ابو طبعا شين]….البوشي من جدة….
thank you people for contribiting in educating the idiots of rakoba who do not understand til this moment that the South has become a sovereign state and responsible for protecting the interest of its own people. In fact you people have said all that I wished to contribute in educating the enemies of South Sudan: People like 0(جادالرب)..بنت البلد and
more others..let them cry and cry for they do not understsnd a crystal clear clarification from Dr Machar in regards to an issue on nation interest being robbed by Islamic merchants and mercenaries…
in fact we have many brothrs around Us who respect US and are ready to share anything with us whatever little it is.. We appreciate them as creatures of as they do for US..As for those Nasty Islamic oriented devils in Khartoum we no longer appreciate tanything linkig us with them as Neighbors. Let them share interest with their illussive fore grandfathers from the Gulf Countries.
بلا ونجلا يصدرو عن طريق كينيا ولا عفاريت بس يبعدو مننا ويكفونا شرهم هو الجنوب كل انفصل يعن ايه لو اوقفو تصدير البترول عن طريق السودان بس يبعدو من السودان كفا اوجاع من عام 1956 في الجنوب
بنت البلد ام دجاجة الوادى التي أصبحت دجاجة البيت: عليك الله اذهبي الي المدرسة حتي تجيد لغة أجدادك العربية..ثم ان هكذا يكتب إسم الشعب الذي تنتمي إليه;(سودانيون)..
الانقاذ جاءت بالقوة ولوي ضراع و لكن حتي بترول الناس بلوي ضراع عمر القوة والعنف ما حلت مشكلة يكون الجنوبين اغبياء لو ما بحثوا عن بديل للتصدير ان شاءاللة في جركانة زيت اوقرب ماء الانابيب تو املوها ماء النيل برضو الجنوب دول المنبع
يعني بالعقل كده ، رسوم العبور عبر كينيا 2 دولار والأنبوب ملك حكومةالجنوب وكل العمليات تتم في دولة الجنوب ، وعايزين يدفعوا للسودان أقل من دولار بالرغم من أن الأنبوب وكل المنشآت ملك السودان؟؟؟؟؟؟
عايز تشتغل لازم يكون عندك واسطة
عايز تحل مشكلة دارفور لازم تدخل ( قطر والخليج ) واسطة
حتى ابي يي القرية السودانية او المدينة دخل ( اثيوبيا وغيرها ) وساطة.
البترول حصل البكاء وعايزين يدخلوا وساطة برضو
السودان دائر ما يدور بكل حدوده تدخلت فيه الوساطات
تابعوا التلفزيون الان كيف ببروا في استحقاقهم للرسوم العايزنها مقابل البترول
قال الانبوب يمر بطول السودان
وتخزين البراميل
وحراسة وحماية البترول
وإجراءات البواخر والاذن بإرسائها وترحيلها.
كم يعني عايزين 36 دولار للبرميل
حجزت 815 مليون دولار حجزتها الحكومة والمطالبة المعلنة 700 مليون لخمسة اشهر طيب شيلوووووووووووووو الـ 700 مليون اجره الفترة السابقـة رجعـوا ليهم 115 مليون
ولا لمن تجي سيرة الدولارات دي تنسو الحساب
ولا الحنك شنـو زي ما بقول الشباب
يللا يالخال الرئاسي
أمشي أضبح ليك تور تاني
يا روبيضة عصرك وجهلول زمانك
هنالك تقنية تسمى تقنية السايفونات ويتم ضخ البترول عبرها
خم وصر
عشان تاني ترقص رقص خليع يا عمر البشير
خلي خالك ينفعك
ياجماعةالناس ديل انفصلو وقطعو النفط وغيرو أي حاجةتجمعهم بالسودان ماعد"الاسم"ليه تكون اسمها دوله جنوب السودان نحن ندين ونستنكرهذا الاسم نحن لحدي هنا كفايةماعايزين دوله تشاركنا في اسمنا ده ياخي يشوفو ليهم اسم الاسامي دي كملت خليهم يسمونفسهم شمال كينيا مادام بحبو الكينين وشايفنهم أولاد عمهم فاقعين مرارتنا بالاسم ده ليه بعد ماأنفصلو ياجماعه المراه لو طلقوها بقولو ليها "عزبه"مابقولو ليها زوجةفلان ولايقترن اسمه بها مرةتانيةلماذا نحن جنوب الهناءده تاعبنا بعدالانفصال والله صدقوني لو السودان عمل سلك شايك مع دوله الجنوب حايقولو السلك ده اشتروهو من بترولنا ذمان لازم نقطعو ونبيعوسكراب لانه حقنا-من علامات السعاده للدول انه يكون جارك غيرمزعج وخيرمثال علي ذلك دول الخليح "ليس بالنفط وحده يحي الانسان"ياقان اموم واموم هذه جايه من الاميةالمتجزرةفيه:lool:
الناس حقو تفرق بين حكومه ووطن ياخ لم نقل حبو الحكومه بس الواحد واجب وفرض عليه يحب وطنه ويقدسه && الجنوبي المافيهو خير حسم امره واعلن حقده وكرهه لكل ماهو شمال ومسلم&& ايها المشجعون الجنوب من اي ملة انتم ؟الجنوب في عصار امس لن نتمنى له خيرا&& وارجو ان تربو انفسكم لحريه ان اسلاميين او شيوعيين فانتم في نظرهم ((جلابه)) }And what is the meaning of{ Jalabh
انتو مش قفلتو وارتحتو من الشمال بتكوركو مالكم ومالكم ومال دينا 7 مليار 100 مليار اختونا وقشة ما تعتر ليكم تعملوا انابيبكم ب كينيا اسرائيل ريحونا منكم
يا اخي مصطفي الجنوبي ألما فيه خير حسم أمره واعلن حقده وكرهه علي كل ما هوي شمال ومسلم (كرهه علي كل ما هوي شمال) اولآ يا اخي مصطفي هنالك الآلف من الشمالين يعيشون في الجنوب حتي هنالك البعض منهوم من تعلمو اللهجات المحلية و هنالك لبعض يمارسون التجارة كل هولآ الشمالين و هنالك من يرعي مائشيته في مناطق أعالي النيل في الجنوب كل هولآ الشمالين في الجنوب لم يتعرض عليهم اي احدآ ولديهم كل الحقوق مثل المواطنين الجنوبين اصف لزلك انهم تحت حماية الحكومة و شعب الجنوبي وعملهوم بلتي أحسن لم نفعل مثل ما فعل حكومتكوم في قمه الطلاب الجنوبين وبعض الشباب الجنوبين و تجنيدهم بقوة لدي قواتكم المزعومة مسلحه و حجز بعض ممتلكات المواطنين و اثاثتهم اما في مساق ما (هوي مسلم) يا اخي مصطفي لا تنسي ان في الجنوب الكثيرين من المسلمين الجنوبين و في الكثير من البيوت الجنوبية تجد هنالك من هوي مسلم و مسحي او نصراني كما تسموها و الوثني الزي ليس له دين تجدهوم يعيشون في سلام ووئام بينهم وان كل الديانات السماوية تدعو لمحبه و السلام اما الآسلام فهي من اكثر الديانات السماوية التي تدعو الي التساموح و العدل بين البشر اجمعين و الدليل علي زلك ان حكمتو بين الناس فاحكمو بعدل و ارجؤك ان تكون اكثر موصوعية و انضافآ في حكمك علي الجنوبين ولا تكون مثل الآنقازين الزينا تاجرؤ بدين الزي يدعوي الي التسامح و العدل بين الناس و استخدمه ضدنا ازي انفصلنا خلاص ونشوف شنو حيستعملو الوطني ضد أهلنا في دارفور و النيل الأزرق و كردفان
الحرامية بيبكوا و بيمسحوا فى دمعاتهم ,, الحرامى الكبير الفى الصورة ده ماعنده منديل والا شنو ؟:confused: :crazy: :crazy: :confused:
والله عين العقل يادكتور رياك …..النشوف الطنقعة دي في شنو ؟؟
والله يا مصطفى وابوعمر كلامكم الأتنين لا يرقى لمستوى إنسان عنده ذرة فهم وكلآم قمئ لافائده ترجى منه.
ا
ولا يا مصطفى معنى كلامك ده إنه نقد والشفيع خضر نقول عليهم غير مسلمين…ده كلام ده ..بالله من وقتك الفاضى الكتير بس أقرأ شويه عن الفكر الشيوعى وما مطلوب منك أن تتبعه بس عشان يكون عندك حجه لأنه أساسا انت نفسيا مهيأ بعدم سماع الرأى الآخر.
أما يا ابوعمر منذ متى كان الأسم حكرا ..مثلا عندك كم عمر وكم عباس وكم جون وكم وكم..عمرنا لعامر لم نسمع أحدا منهم رفع شكوى قانونيه تجاه الآخر..وحتى على مستوى الدول كما تفضلت عندك اليمن الشمالى والجنوبى.. روديسيا الشاليه والجنوبيه,,كوريا الشماليه والجنوبيه..المانيا الشرقيه والغربيه..باكستان الشرقيه والغربيه..فيتنام الشماليه والجنوبيه..عايز زياده ولا كفايه كده…هل سمعت بأى من هذه الدول رفعت شكوى ضد الأخرى فى الأسم…ما بيعملوا كده لأنهم مش فارغين زينا.
وأخيرا وفى تقديرى الجنوبيون أولى بهذا الأسم مننا وللأسباب التاليه ولا أدرى لو تدرى أن كلمة السودان جايه من سواد البشره وزى ما بتقولوا نحن عرب وليس أفارقه تبرأ من اللون الأسود مش كده ولا أنا غلطان….ثم ثانيا الجنوبيون جذورهم ضاربه فى هذه الأرض لعدة كيلومترات أما أنا وإنت فشوية ملليمترات فقط وذلك يرجع لأصول آبائنا فى جزيرة العرب ..مش كده ولا أنا غلطااااااااااااااااان.
المؤتمر الوطني والحركة الشعبية لم تكن بصيرتهما على ما يرام عند توقيع اتفاقية مشاكوس للسلام وكان هدف المؤتمر الوطني ايقاف الرحب بأي شكل كان ليبقى فى السلطة أما الحركة الشعبية فكان هدفها الانفصال ولا شيء غيره وبايعاز من أمريكيا ولم تضع الأجندة التالية لحسمها خلال فترة الستة سنوات من 2005 الى 2011م لحسم القضايا العالقة وهي :
1/ ديون السودان الخارجية والتى بلغت 40 مليار دولار ومن سيتحملها وكيفية تقسيمها ان استقل الجنوب .
2/ الاصول الموجودة فى السودان قبل الاستقلال كيفية تقديرها وتقسيمها بعد الاستقلال .
3/ وضع الجنوبيين فى الشمال والشماليين فى الجنوب وما مصير المولودين من شمالي وجنوبي .
4/ ما مصير اصول الأفراد (بيوت وشركات مثلا) الخاصة بالجنوبيين فى الشمال والشماليين فى الجنوب .
5/ تقسيم معدات البنى التحتية للبترول وتكاليف انشائها وما مصير البترول اذا استقل الجنوب وكيفية تقسيم عائداته .
6/ رسم وتحديد وتخطيط الحدود بين الشمال والجنوب بكل تفاصيلها وما مصير القبائل الحدودية .
كان على الطرفين معالجة هذه القضايا وحلها قبل اجراء استفتاء استقلال الجنوب وفي تقديري فرتة 6 سنوات كانت كافية لحل جميع القضايا ولكن للأسف حزب المؤتمر الوطني لم يضع احتمال ولو بسنبة 1% فى استقلال الجنوب وما نعاني منها من المشاكل يتحملها المؤتمر الوطني بالكامل لأنه كان يمثل السودان بشعبه وليس حزبه والآن استقل الجنوب وما زالت نفس المشاكل قائمة فماذا استفدنا من استقلال الجنوب ، ولماذا لم يبحث المؤتمر الوطني بجدية لاستخراج البترول من حقول الشمال حتى لا يكون تحت مطرقة الجنوب والتهديدات وله الحق فى ذلك طالما الامور أصبحت معلقة فى كل القضايا ، نعم الجنوب سيعاني فى البداية ولكن بعد سنتين أو ثلاثة سينصلح حالهم سياسيا واقتصايدا وعسكريا وستظهر على الساحة قضية توزيع مياه النيل وانشاء السدود وهو أخطر تهديد للشمال من السودان حتى مصر …
رك مشار كذاب ,
وسيندمون ندماً لم يندم الكسعي مثله هذا ان كان همهم الاول المواطن الجنوبي المسكين المغلوب علي امره
لكنهم بالمقابل ايضاً ربما يكونون في غاية السعادة لان الهدف الاول والاخير هو الكيد للشمال ذلك الكيد النابع من حقد دفين وعداء لامبرر له مع كل ما هو شمالي
وطالما انهم لا يزالون يفكرون بعقلية الغابة فلا يهم ان يعاني المواطن والوطن طالما كانت مصالحهم الذاتية تسير علي ما يرام
اما ان كان هنالك مجال للندم فهو يتمثل في تفكير النخب الافريقية الحاكمة التي تستأثر بكل شي والهائمون التايهون من شعوبهم الذين ينبشون في دنيا الخرائب لا يملكون القول الفصل في قضايا البلاد المصيرية لذلك اي اتفاق يوقع مع كينيا او غيرها فهو خاضع لتقلبات السياسة والمصالح الذاتية , اذا لاضمان بالاستمرار في الاتفاق لان العقلية الافريقية لا تحتكم لاخلاق ولا الي قيم ولا الي مبادي , هذا بالاضافة الي المهددات الامنية والتكلفة العالية جداً لبناء هذا الخط بالاضافة الي المشاكل الفنية التي ستواجه خام النفط نفسه ,, لن يستطيعوا ان يجدوا بديلاً غير الشمال
انا عارفة كلامي حيزعل ناس كتيرين لكن معليش احتملونا ،،، احنا شعب احمق بنسبة 100%
طالما ما قدرنا نحافظ علي الوحدة الجغرافية بينا وبين الجنوب علي الاقل كنا حافضنا علي حسن الجوار ، كل الناس اللي بيهددوا بقطع الفول وزيت السمسم من الجنوب معليش انتوا (………..) لاننا لو كان في البلد دي زول اقتصادي بيفهم كان نادي باحتكار تصدير الفول وزيت السمسم للجنوب موش علشانهم لكن علشان خاطر خزينتنا الفاضية ، كل صحن فول بزيت السمسم حيرفد خزينتنا بعملة حرة نحن الاحوج لها ، الجنوبيين لو عاوزين فول بزيت السمسم حيجيبوه انشالله من الصين ، الحماقة من شيم الجهلاء ، واقتصاديات البلاد لا تقوم علي التفكير الاهوج في اجتماع ، يجب ان تحسب المنافع والمضار من كل قرار ومن كل تصريح لانه عادة المتضرر الاكبر من هذا هو البلد ، والله البلد ما ناقصه الفيه مكفيه .
خليكم من الجعجعة الفاضية شوفوا مصلحة البلد وين ، زمان السادات قال لو مصلحة بلدي مع الشيطان سوف اصادق الشيطان