قطار يدهس حافلة ويقتل ويصيب 8 أشخاص

dلاذم يعرفو سبب الوفاة في كل دول العالم المتقدمة لاذم يحصل تشريح للجثث، ممكن يكون في جريمة قتل تمت في الحافلة ده زاتها والسواق ده كان جاري لاخفاء معالم هذه الجريمة ولا يمكن كانو عصابة وسارقة حاجة ولا ممكن يكون كانو خاطفين ليهم زول

يا إخوانا المشكلة مافي الإجراءات البعد الحادث ، المشكلة في اننا في القرن الواحد و العشرين ولسه عندنا قطر بمشي وسط العربات و بقطع التقاطعات في اي وقت و بدون ما يكون في اي نوع من انواع التحزيرات المتعارف عليها دوليا ، و لا حتي موانع لقفل الطريق امام عبور القطارات . المشكلة في سواقة بتاعين الحافلات البقت أسواء من السوء زاتو ، كلها قايمه علي مبدأء القلع و الرجاله و التحدي ، من دون مراعاة لحياة الاخرين ،اكان الفي الحافلة ، ولا الفي الطريق .
المشكلة في تخطيط الشوارع البساعد علي الحوادث ، المشكلة في ناس المرور الما قادرين يبسطوا هيبتهم في الشارع الا عند الكشات وحملات التظليل، المشكلة في وزير النقل ولا الوالي البسمع بحادث زي دا ماتو فيهو مواطنين ، و تتكرر اكتر من الف مرة بنفس السيناريو ، و ما اعتزر عن التقصير.
المشاكل كتييييييييرة ، والله المستعان