حدد 4 شروط لتجاوز الأزمة بينهما..باقان أموم : نتجه الى اغلاق الحدود مع السودان.. لا نرى أي مستقبل في العلاقة مع الخرطوم. في ظل هذه الحكومة – كاريكاتير –
باقان : على الخرطوم أن تقبل مرور نفط الجنوب بعد أن تدفع جوبا قيمة (69 سنتا) للخطوط الشرقية، و (63 سنتا) للغربية.. تشاد تدفع لدولة الكاميرون في نقل نفطها إلى الخارج قيمة (41 سنتا) رغم أن طول الخط الممتد أطول من خطوط الجنوب مع الشمال.
لندن : مصطفى سري
أعلن القيادي في دولة جنوب السودان باقان أموم عن اتجاه دولته إلى غلق حدودها مع السودان إلى حين أن تغير الخرطوم من سياساتها والتوصل إلى اتفاق شامل، متهما الخرطوم بأنها وراء الحرب الاقتصادية ضد دولته حديثة الاستقلال، معتبرا أن إفراج حكومة الشمال عن باخرتين محملتين بنفط الجنوب يحتاج إلى ضمانات وأن أي اتفاق يجب أن يكون دوليا لعدم الثقة في حكومة البشير، محددا 4 شروط لتجاوز الأزمة بينهما.
وقال باقان أموم لـ «الشرق الأوسط»، إن بلاده ستقوم بإغلاق حدودها مع السودان وإن جنوب السودان لديه العديد من الجيران الذين يمكن أن يتعامل معهم لأن جوبا لا ترى أي مستقبل في العلاقة مع الخرطوم. وأضاف أن الجنوبيين من خلال تجاربهم مع الحكومة السودانية قد يئسوا في إقامة علاقة تعاون معها في ظل هذه الحكومة التي قال إنها أدمنت توقيع الاتفاقيات وعدم تنفيذها، وتابع «لا نرى أي مستقبل للعلاقات مع السودان في ظل هذه الحكومة»، رافضا الدخول في حرب مع السودان،
وقال إن بلاده خرجت من حرب طويلة مع الشمال ولا تريد العودة مرة أخرى إلى الحرب لأن ذلك ليس من مصلحتها. وأضاف أن المفاوضات بين وفدي البلدين في أديس أبابا برعاية الاتحاد الأفريقي قد انهارت وليس هناك أمل في عودتها في ظل عدم وجود ضمانات من الخرطوم بوقف نهب بترول الجنوب، معتبرا إعلان السودان الإفراج عن شاحنتي نفط للجنوب بأنه خطوة واحدة ولا بد من ضمانات بألا تعود الخرطوم إلى سرقة النفط وعرقلته في التصدير، وقال إن أي اتفاق مع الحكومة السودانية يجب أن تكون دوليا، وأضاف «هذه الحكومة وقعنا معها اتفاقية حول أبيي في لاهاي لم ينفذوها».
وحول القضايا العالقة في ترسيم الحدود وحل قضية أبيي قال أموم إن المفاوضات انهارت في قضية النفط وإن جوبا ستقوم بتصدير نفطها عبر دول أخرى مثل كينيا وجيبوتي عن طريق إثيوبيا، وأضاف أن قضايا الحدود وأبيي مرتبطة بأن يتم الاتفاق حول النفط، وقال إن المساعدات التي أبدتها حكومته بدفع (2.6) مليار لحكومة السودان لن تدفعها، وأضاف «كما قلت ليس هنا أفق تعاون معها، أما القضايا المتبقية والحدود فسيتم غلقها وسنواصل المفاوضات حول أبيي وغيرها على أن تغير الخرطوم من مواقفها»، مشيرا إلى أن المفاوضات انفضت بين الجانبين بعد فشل الجانبين في التوصل إلى اتفاق حول رسوم عبور نفط الجنوب إلى الخارج عبر موانئ الشمال، وقال إن الخرطوم خلقت هذه المشاكل بعد أن قامت بسرقة نفط الجنوب وأمام الشهود، وأضاف أن حكومته قدمت مقترحات محددة لتجاوز المشاكل التي خلقتها الحكومة السودانية، وقال إنها تتلخص في أن تسمح الخرطوم بإبحار البواخر الأخرى التي احتجزتها وألا تعرقل التي تريد الدخول لشحن نفط الجنوب الذي تم بيعه لعدد من الشركات، وأن تدفع قيمة النفط الذي تمت سرقته ويصل نحو (815) مليون دولار والنفط الذي تم تحويله إلى مصافي السودان،
وأضاف أن على الخرطوم أن تقبل مرور نفط الجنوب بعد أن تدفع جوبا قيمة (69 سنتا) للخطوط الشرقية، و (63 سنتا) للغربية، وقال إن تشاد تدفع لدولة الكاميرون في نقل نفطها إلى الخارج قيمة (41 سنتا) رغم أن طول الخط الممتد أطول من خطوط الجنوب مع الشمال، وتابع «أيضا نطالب الحكومة السودانية بالكف عن مطالبة جوبا بدفع قيمة إضافية لما ظلت تدفعه منذ يوليو (تموز) الماضي خاصة في رسوم النقل وتضيف الخرطوم أيضا رسوم المعالجة للنفط»، مطالبا دولة الشمال بالالتزام بحماية نفط الجنوب وألا تقوم بعرقلته حتى تصديره، وأضاف «إذا أرادت الخرطوم أن نعاود الضخ ونصدر عبرها فيجب أن تلتزم بهذه الشروط».
وأشار أموم إلى أن الحكومة السودانية فرضت حصارا اقتصاديا منذ مايو (أيار) الماضي، وقال إن الحكومة قامت بإغلاق الحدود والتجارة مع الجنوب إلى جانب إغلاقها الشركات التي يملكها مواطنون جنوبيون وقامت بتصفية الأصول المملوكة لجنوبيين في شركات مع السودانيين، وأضاف «هذه حرب اقتصادية مارستها الحكومة منذ مايو الماضي والآن اعترفت بأنها عرقلت نفط الجنوب وهذا يعني أنهم قطعوا العلاقات مع دولتنا في المجال الاقتصادي»،
وقال إن السودان لم يدفع متأخرات وديونا تطالب بها دولة الجنوب إلى جانب عدم دفعها معاشات الموظفين والعمال الجنوبيين في الشمال، وأضاف «هذه أيضا قضايا عالقة لا أعتقد أن الخرطوم على استعداد للتوصل إلى حلول حقيقية لها».
الشرق الاوسط
[ALIGN=CENTER]
للتشكيلي إسماعيل عبد الحفيظ[/ALIGN]
انت داير يجيبو ليك اخبار شنو ؟
عشان نألف اخبار على مزاجك وتكون رايق 24 قيراط
اها ورينا
ببح
بلايا السودان كثر بكثرة إختلاف اهله المغلوبين على امرهم ، ان شر البلايا ما يضحك حقا حينما يكون مثل الباقان يخرج علينا كل صباحا باحقادا جديدة يا أهل الجنوب ما لكم في جعبتكم من محاوريين غير هذا الباقان الذي يدعى العلم و المعرفة لماذا العكننة كنا نامل بارض و فضاءات كبيرة تسع الجميع و نلحق ركب الامم الفائته لكن امثال الباقان هذا لا يخرج بها لبر امان ارى ان الحرب تطل براسه و سوف تاكل هذه المرة الاخضر و اليابس و انا كل ثقة امثال الباقان هذا سوف يركب اول طائرة و يذهب حيث دولاراته و ذهبه يا ايها الباقان اترك اهل السودان شماله و جنوبه في حالهم و اذهب بلا رجعة اذهب الى الذين يملرنك بالاحقاد يا حاقد و خذ قسط من الراحة اظن ان مرحلتك قد انتهت و صرت اكسي بير اذهب و اخرج فانك منها مطروط يا ايها الباقان كما يفل الجاهلون في الحروب السابقات حينما يتقابل في الحرب رجل برجل فاقل لك يا ايها الباقان لو قدر الله و كانت هنالك حرب و نرجو من الله ان تكون قريبة ( عسى ان تكرهوا شيئا و هو خير لكم ) اذ ان الحرب اصبحت و صارت ضرورة ملحة للطرفين ليعرف كل قدره و مقدره ففي تلك اللجظات الاتيات سوف يكون طلابك للنزال كثر يا ايها الباقان الرعديد نحن في انتظارك و اشواق كثيرة لامثالك و الحشاش يملا شبكته .
,واللة ياود اموم جماع ديل زلونا زل وبحقنا تاني مافيش كلام مع زول اسمه البشير
اخر الزمن هذا الباقان يريد أن يفرض شروطة على السودان العظيم والله هذه مهازل من هذا الباقان
باقان : على الخرطوم أن تقبل مرور نفط الجنوب بعد أن تدفع جوبا قيمة (69 سنتا) للخطوط الشرقية، و (63 سنتا) للغربية.. تشاد تدفع لدولة الكاميرون في نقل نفطها إلى الخارج قيمة (41 سنتا) رغم أن طول الخط الممتد أطول من خطوط الجنوب مع الشمال.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هذا زمانك يا مهازل فأمرحي ………. ويا سبحان الله """ صارت الآن دولة الجنوب هي التي تقرر بدون السودان … وكل هذا الإفتراء سببه الحكومة السودانية لقد أعطتهم الوجه الذي هم يستطيعون التحدث به ولكن يا هؤلاء لماذا نحن نقدم لهم كل شيء على طبق من ذهب وهم يقدمون لنا الشر ؟؟؟ ألا ترون بأن السياسة السودانية خاطئة ؟؟ ألا ترون بأننا نسير في الطير الخاطيء أم نحن مغفلون كمواطنين عن ما هو حاصل الآن في سوداننا ؟؟؟ ونسأل الله أن يصلح أحوال سوداننا …
اها يا نافع بترول تاني مافي براي عملتها في روحي بتسرقو من وين تاني اخير ليك تتخارج الطمع ودر ما جمع بكره تقوم انتفاضه الجماعه بلحسوك كوعك عشان كده بيع قصورك ولم اولادك وسافر الحق قصورك في ماليزيا البوشي راجيك في الكريبه
مساخر اخر الزمن هذا القزم يشترط و يتوعد السودان و يكيل السباب و الشتم للسودان و يصفه بالسارق و يريد ان ينحنى السودان له و لامثاله ، من هو باقان المهزوم نفسيا و عقليا و هو بدل ان يشكر السودان و اهل السودان الذين منحوه صوتا يتكلم باسمه يرميهم بهذه القذائف النتنة فعلا كما يقول المثل الاستحو ماتو و هذا زمانك يا مهازل فامرحى ، اعلم انه لن يتم نشر هذا التعليق و لكن الخبر يجب ان يعلق عليه بهكذا .
المناضل الجسور باقان
والله إنت كريم للغايه إنت ماعارف ناس المؤتمر الوطنى ديل رخيصين يا أخى عشره سنتات والله كفايه ليهم.
الكاريكاتير ده لسان حاله بقول تشموها قدحه.
بطل الجعجعه ياباقان ….ناس الانقاذ ديل ثعالب مكارين ما بتقدر عليهم ……قال ايه يقفل الانبوب ويقفل الحدود مع السودان ….وهو لايدرى بان الحكومه السودانيه هى التى ترغب فى قفل الانبوب والحدود مع الجنوب ….وهو بذلك ينفذ سياسات الانقاذ طويله المدى …..يااستاذ باقان البترول الموجود فى الشمال اكثر بكثير من الموجود فى الجنوب والناس ديل سنه واحده بس حا اخلوك تبلع كلامك ده ….وانا خايف الانبوب الجديد بتاعكم ده بدل ما امرر البترول للموانى البترول اجى راجع الابار مره تانيه من شدة الارتفاع .زى ترعة مشروع سندس ….فى الحاله دى البشير حا اقول ليك بترولك ده موصو واشرب مويتو..؟.
هولاء القوم زرعوا الغام وسوف تظل موجودة الى أن تقوم الساعة ، وهم شر لذلك يزرعوا الشر ولهذا السبب هم لا زالوا موجودون في السلطة ، وما فعلوه هولاء الشياطين لا أظن يوجد له حل ـ والله كلامي ليس إستسلام ومن يرى ذلك فليجلس مع نفسه لمدة فقط 5 دقائق ويفكر في ما فعلوه ……………ماذا يجد؟
حكومة لا تفهم في السياسة سطرا واحدا كانوا فاكرين زي ما بيحكموا الشمال بالبلطجة و بالكبر والتعالي والعزة بالإثم والمكابرة والبذي من القول والفعل والصراخ والبجاحة واحتقار الشعب كانوا فاكرين دهـ برضو حيمشي مع الدول الاخرى لا جابولكم من الآخر يادوب فكت السكرة .. سكرة الكبر والجهل والحماقة .. فكوا البواخر قال .. لو كانت في حكمة كان الناس اتعايشوا مع البعض وأكلوا مع بعض زي باقي الخلق وما كانوا انفصلوا اصلا .. ولكن ؟؟؟؟؟؟؟؟
نحنا بنقفل الحدود وجرادة مابطير عليكم خلى دول الجوار يجيبو ليكم فتريته وبصل :lool: :lool: :lool: :lool:
اولاد … خليهم ياكلوا باقي كوارع الثور الاسود الذي ذبحه خال البشير
إذا اراد الطرفان التوصل الى إتفاق وحل جميع القضايا العالقة فاليغيروا وفود التفاوض والإتيان بوفود واعية ومدركة لمصلحة البلدين أشخاص ليست بدواخلهم دغينة او غل شمالية كانت او جنوبية لان المتفاوضين منذ نيفاشا تحس ان اوامرهم الشخصية تتطغى على المصلحة العامة .
ما لا يعرفه باقان ان السودان قبل عام 1999 (انتاج النفط) كان عائش ولديه اقتصاد يعمل فى صادر السمسم والفول السودانى والكركدى والصمغ العربى والثروة الحيوانية وبقية المنتجات المعروفة
فى ذلك الوقت لم يكن هنالك اى اسهام للجنوب فى حركة الصادربل كان عالة على اقتصاد الشمال بل كان احد وسائل ارهاق الاقتصاد بالشمال بما يثيره من حروب وقلاقل
مرحبا يا باقان باغلاق الحدود فلم ياتينا منكم الا الشر
بس اركز وتحمل ان تبقى شهر واحد من غير بترول
باقان ده عجل منفوخ
دخل زريبة عجول المؤتمر
يتناطحون فوق بركة الزيت
البوظ ماكينة الوطن (الاصل)
ودي حيوانات مضره وليست
ثروه حيوانيه
ربنا يشغلم في بعض ويسلم كل الشعب المحب لوطنه
مشكلة كبيرة والله ناس كانو في بلد واحد علي الاقل مفروض يكون في لغة بتاعة تفاهم شوية كدا شنو قاطعين شعرة معاوية سريع كدا
بعدين هو الكلام دا بي قروش ياباقان تصدر عبر جيرانك كيف ؟؟ خط انابيب اقل من 3سنوات مابتقدر تعملوا لانوا طبيعة ارضك ومناخك عندك 4شهور فقط جفاف والباقي ممطر ؟؟
بعدين مشار قال اتفقنا مع كينيا علي 2دولار وانت بتقول ندفع للشمال 69 سنت دا كلام دا؟؟
الراجل ده غبيان وسجمان وحا اودى الجنوب الى التهلكة؟؟
الانبوب الجديد يكلف الجنوب عشره مليار دولار؟؟
يحتاج الى اقل تقدير لثمانيه سنوات لبدء التصدير؟؟
طول الخط 1750كلم ينقل البترول بالانبوب ثم ينقل مره اخرى بالسكه حديد؟؟
خبير امريكى قال البترول الموجود بالشمال كثير جدا وبكميات كبيره اكثر مما كان متوقع ؟؟
باقان ينتحر اقتصاديا ..وان غدا لناظره قريب؟؟
والله يا باقان ويا فافان بترولكم أمريكا تريد الإحتفاظ به للمستقبل والمساعدات التى وعدوكم بها لن تصلكم وسوف تقاتلون بعضكم بعضا والصومال لست ببعيدة والحركة الشعبية مصيرها إلى زوال والحمدلله بترول الشمال متوفر بكثرة وفى بضع سنين سوف يتضاعف الإنتاج والذى الأن العمل جارى عليه على مدار الساعة فالشمال سوف يصمد أمام هذة الظروف الحالية ويصل إلى بر الأمان
كان الأحرى بكم التعاون مع الشمال من أجل جوار فى سلام من أجل الشعبين ولكن يبدو أن عقلية التمرد مازالت مسيطرة عليكم !!!! أما رجالات الإنقاذ الدهاء أوصلوكم إلى ما يريدون ونهايتكم سوف تكون بالثوار الذين يضيقون عليكم المجارى كما ضاقت بالقذافى من قبل
قان اموم يتحدث بلغة المعتوق اخيرا وكانه اراد ان يكون له السودان الشمالي كما كان هو له نحن ليس لدينا مشاكل مع الاخوة الجنوبيين ولكن هذا الباقان كلب حرب وتابع يهودي
ففي وقت يطالب فيه الباقان بتصدير نفطة باقل من 70 سنتا للبرميل هههههههه
شر البلية ما يضحك اولا يا الباقان تشاد هي من شيد الخط لو كنت تعرف اما انت اصبحت دولة وتستفيد من خط دولة اخري اما يكفيك ان ترك لك الشمال البترول وهو منتج ولو كناكالغربيين لحرقنا الحقول او اغلقناها كما فعلت شيفرون عندما خرجت من السودان
انت ايها الباقان تنفذ سياسة امريكا واسرائيل في المنطقة ولكن ثق كما قال صعلوك الانقاذ نحن لنا المقدرة علي دخول بور او جوبا ان شئنا والله اكبر
اما عن الحدود فانت المتضرر وكونك تقول الدول الافريقة خلاص اتلم المتعوث علي خائب الرجاء مبروك عليك دول القحط والجوع والحروب والايدز وتربي في عزكم
وعليك بسحب كل جنوبي في الشمال ويا ما تشوف عجائب
وريهم يا سلفاكير انوا الدقن دة ما قام بروز بعدين قرط حبة يا كمرت الماسورة دة لسع بنقط في خشم عمك
التحية للقائد باقان اموم الحارق فشفاش الكيزان واشباه الكيزان
عفيت منك
مين دا ؟؟؟
اخونا بدرالدين حميدة حقوه تفيقو وتوعوه باننا انفصلنا وفاقان القزم دي مالك زعلان منه تسرقوه وتسب استحي يااخي
لولا الانقاذ والمؤتمر الوطنى ………………ما كان فى حاجه اسمها باقان
هذا زمانك يامهازل ………….فامرحى
باقان ده مهوس ولا شنو انت قائل عندك دولة ياجيعان والايام دول
انت بطل ياباقان ياودامون
خبير أمريكي : وقف تصدير نفط الجنوب مناوشات لإحداث إضراب ومواجهات
رافضاً التعليق عن ما إذا كان لإسرائيل علاقة بهذا الأمر
كشف خبير أمريكي في شؤون الطاقة عن وجود خطة جديدة تستهدف الاستحواذ على المزيد من نفط السودان الشمالي بعدما اكتشف مؤخراً أن الحدود التي جرى ترسيمها قبل انفصال الجنوب تؤمن جغرافياً امتداداً طبيعياً بعرض الشمال وحتى جنوب دارفور لحقول النفط تحت الأرض لمصلحة الشمال.
وأوردت صحيفة الخليج الإماراتية على لسان الخبير الأمريكي وجود مخزون نفطي ضخم بأكثر مما أوضحته الدراسات الأولية داخل حدود الشمال وبشكل لا يمكن بمقتضاه سحبه جنوباً كما أن الشمال لديه احتياطي أكبر مما توقعته أبحاث وتقارير أمريكية في السابق أهمها استكشافات (شيفرون) منذ سنوات مبيناً أن هناك خطة بدأ تفعيلها منذ فترة وجيزة تفتعل بموجبها جنوب السودان مشاكل مع السودان تؤدي حتماً إلى حرب ومواجهات لافتاً إلى أن المطلوب حالياً اشغال الشمال في صراع حتى العام 2017م على الأقل ريثما يتم الانتهاء مبدئياً من مشروع خط نقل النفط الجنوبي جنوباً.
وقال الخبير إن تهديدات جنوب السودان أو إقدامه على وقف ضخ التصدير النفطي شمالاً أمر غير جدي وليس سوى إحدى مناوشات الغرض منها إحداث الإضراب المطلوب رافضاً التعليق عن ما إذا كان لإسرائيل علاقة بهذا الأمر وقال عليكم بقراءة ما بين سطور زيارة رئيس جنوب السودان الأخيرة لإسرائيل.
وأوضح الخبير حسب رأيه أن مشروع تصدير النفط جنوباً سيستغرق أكثر من خمس سنوات وحددها بثماني سنوات على الأقل مبيناً أن مشروع خط نقل النفط الجنوبي جنوباً كان قد رفضه الراحل جون قرنق عندما عرضه عليه رجل أعمال ألماني.
وأفاد الخبير أن مشروع مد خط أنابيب تم استبعاده لتكلفته الباهظة إلا أن المشروع الحالي أي النقل عبر خط سكك حديدية، ستنفذه شركة (تيسون كروب) وهي شركة الرجل الألماني نفسه بالاشتراك مع شركة غامضة الهوية اسمها (اير لوجيستيك) وشركة هندسية روسية وهي موس (متروستروي) وأن العمل الهندسي بدأ فور توقيع العقود في أكتوبر 2010م.
الخرطوم (smc)
اقتبس
قال باقان أموم لـ «الشرق الأوسط»، إن بلاده ستقوم بإغلاق حدودها مع السودان
سير سير ياباقان اقفلة وجيب كتل سلك شايك ماتخلى ماندكرو واحد يمر بعندكم واتمنى ليكم الرخاء والسعاده فى بلدكم:lool: :lool: :lool: :lool:
ضحكت كثير لهذا الكراكتير – يعني يا اخوانا ولا نقطة بترول
الاسمو باقان دا لا يهمه شعبه المسكين وهو ليس رجل دولة حيث تسيطر علي علقليته المريضة والمشحونة بالاحقاد علي كل ما هو شمالي تسيطر عليها فقط روح الانتقام وليته كان هناك ما يمكن ان ينتقم له ولكنها الاوهام والخيالات التي لم تفارق تفكيره ولن تفارقه
متي يتجه عقلاء دولة الجنوب لتأسيس دولتهم ؟؟ كفايه يا هؤلاء لقد عاني شعبكم الذي لم يعرف طعماً للاستقرار منذ وجوده علي تلك الارض , ان معادتكم للشمال لن تجلب لكم الا الخسران وقد جربتم ذلك في ميادين القتال والدليل علي ذلك طيلة فترة حروبكم لم تستطيعوا دخول موقع مؤثر وانما كانت حرب قوريلا فقط من اجل الكسب الاعلامي واستمالة الغرب الصهيوني ولكن واقع الحال تغير الان فالغرب اصبح مشغولاً في نفسه ولن يلتفت اليكم كثيرا وحتي لو التفت اليكم كماكان عهدكم به في السابق فلن يحقق لكم الانتصار علي القوات المسلحة الباسلة التي عمرها لم تعرف الانهزام والانكسار ,, لذلك من الافضل لكم التعايش في جوار آمن ومعافي مع الشمال
هذه نصيحة ولن تجدوا النصائح الغالية هكذا علي طول ….
الجميل في الامر ما زال الموتمر الوطني يبحث في طريقة لقيادة الشعب للحرب يا جماعة السويتو فينا كفاية وبقاكم في السودان طوال الفترة ده كفاية وتقسيمكم لجنوب كقاية وسرقتكم للبلد كقاية واشعال كم لنار القبلية كفاية اساة دول الجوار كفاية والغريبة لسة في ناس عندها روح وطول نفس وشوية امل في انو الموتمر الوطني يديهو حاجة يلوث بيهو نفسو بعيدا عن كل لحم نبت بالحرام النار اولي بة
وباقان عندو الحق يفل حدود يفقل بيتو علي كيفو الموتمر الوطني ده عليك الله الشيطان ماقفل منو بابو
للذين يسيئون للسيد/ باقان اموم … اقول لكم يجب ان تضعوا انفسكم في مكانه …الرجل كان له قضية يدافع من اجلها وما زال ..فهل تريدونه ان يذهب حسب اهوائكم ؟؟فلتعلموا ان كراهيتكم للسيد / باقان اموم لن تفيد ..انتم من ادخلتم السودان في هذا النفق المظلم بتعنتكم وتكبركم على خلق الله علاوة على ذلك جعلكم من الدين مطية لبلوغ غاياتكم الدنيئة .. وحتى الآن ما زلتم تكابروا وتتمادون في غيكم ولكن لتعلموا ان كل اول ليه آخر
ولا بد لاطول الايام من نهاية ..!!!!
معروف عن باقان حقده علي السودان وعلي كل ما يمثل السودان ولكن لو كان في استطاعت باقان مسح كل الشعب السوداني لفعلها
وللاسف الشديد نجد من يعلق ويصف باقان بالبطل من وصف بقان بالبطل يكره هذا البلد وشعبه
يا ناس هووووووووووووووى.وين الموضوعية؟
النفض حق الجنوبيين والانابيب حقتنا وفى اراضينا.
المشكلة وين؟
ما احنا اول دولة تمر بيها بترول دولة تانية.والاسعار العالمية لمرور بترول الدول فى دول تانية معروفة.
فاما ناس الجنوب يدفعوا سعر المرور بنفس السعر العالمى او نقول لهم لا شوفوا طريق تانى.
اما احنا نقبل بالسعر العالمى او الجنوب تقبل احنا ح نقفل بترولنا لان مروركم غالى .
ما سبق هو كل الموضوع.
بالله عليكم الكلام دا محتاج سفريات لاثيوبيا ولا تدخل وساطات ؟ الكلام واضح يستطيع الوزيرين يحلوها.
طيب الجنوب راضية بالكلام دا المشكلة فى منوا؟ اكيد في حكومتنا التى تريد سعر نقل مخالف لكل العالم لعمل مشاكل فى غير معترك لاشغالنا مع حوجتنا الماسة لهذه المبالغ.
كل دا ليشغل الراى السودانى بمشاكل الجنوب عن المطالبة بالاصلاح او حتى الربيع العربى.
معظم المعلقين مركزين فى باقان باقان لان اعلام خال البشير قدر يخلق منه عدوا.لكن احنا مفروض نركز على الصح وخلاص لا باقان لا مجوك لا محمد الجنوبى
يااخواننا خلونا نفكر حبة نكون صادقين
من خلال التعليقات استنتج الاتي:
1- الهجوم على باقان انما بسبب بعض الغضب – المقبول الى حد ما – بسبب تحدثه بهذا الاسلوب
2- بعض الناس لايعرفون الرسوم العالمية للترحيل
3- بعض الناس يعلقون بما ليس في نفوسهم
رؤيتي:
1- البنرول خرج من الجنوب بلا شك فهو ملك الجنوب
2- نصيب الشمال : تحدده الاعراف والشركات والدول المستمرة ، كم تم انتاجه من اليوم الاول وكم كانت تكاليف الانتاج بما فيها انشاء الانابيب والمصافي و(أخرى) وماذا اخذ الشمال الى الان (حسابات)
صراخ المعلقين من شاكلة لو لا كذا لكان كذا دا مابودي ولا بيجيب هندنا اكباد رطبة (حيوانات اطفال عجايز الخ الح الح ما عندهم ذنب في رعونتنا وادعاءاتنا الكاذبة الجوفاء
ياخي في ناس ما بيتحملوا يسمعوا نوع الكلام دة يبقى مافي داعي نعذبهم
اما النصايح المجانية للجنوبيين وتحذيرهم من امريكا تاكل حقهم مالنا ومال الجنوبيين ان شالله امريكا تاكلهم شية واقاشي.. علينا بي مفسنا ومشاكلنا في بقية انحاء السودان من حلفا الى ربك ومن كسلا الى الجنينة لمن نحل دي نشوف كان امريكا فضلت حاجة في الجنوبيين نناصرهم طالما (ألبنا عليهم أوي كدة) ما فضلت منهم حاجة خلاص بنلقى شغلة نشتغلها ان شالله ذكر واستغفار
سلامات وتحايا
بااقان ده ذئب الله يرحم قبل الانفصال كان ما ليه اى يخشم يتكلم بيه والان اصبح يفرد جناحيه
يا باقان بعد كلام الخبير ده
هاك ردي
اولا اتحدى اي زول يجي ويجيب دليل انو تشاد بتدفع للكميرون السعر الجبته ده،خليك معاي واحدة واحدة وما تقاطعني عشان انا حا اديك انت والكيزان الكلام المفيد
تشاد بتدفع للكميرون 8دولار
بتبيع للكميرون خام بسعر تفضيلي لمصفاتها
شارطين عليها تدفع رسوم بيئة هي والشركة المطورة
شارطين عليها تعمل مشاريع تنموية في الكميرون على طول خط الانابيب
رسوم النقل والميناء والتخزين والتحميل للبواخر والعاملة،اضافة الى استيعاب بعض العمالة الكميرونية،خليك من ناس رشاوي وهبات واكراميات،اهم شي الكميرون بعد فترة تصبح هي مالكة الانابيب،مع العلم ان كل هذه الخدمات خاضعة لسعر السوق،ده كله وحاحات ثانية.
فهمته ولا لسه يا ابو راس ناشف،بعدين حكاية ابيي ده والله اكبر منك،نحنا كلامنا ده مع دفاع عن الكيزان المجرمين لكن ده الحاصل بالضبط،مشكلتك انك عايز تحل مشكلة ابيي،عشان انت قالو من ابيي،وشايفك بقيت تجيب سيرة الحرب كثير الايام ده،انت عارف الجنوب ده رجعته بالكلام الطيب ما بالحرب،وعايز اقول ليك نصيحة لوجه الله،موضوع البترول ده اكبر منك ومن عمر البشير والكيزان المجرمين معاك،براك شفته الحصل شنو لاطور وخليل والبقية في الدرب،والله الناس العملو الحاجات ده قاعدين قدامك وصدقني بركبوك التونسية زي الما حصل حاجة انت وعمر وبقية الشلة،ده ناس عندها مصالها وعشان مصالحها بتيبع الجميع،احسن شي انتو والكيزان العبو في حاجات ثانية غير مصالحهم، ختو الرحمان في قلوبكم وكل شي بالرواقة بعيد عن الكلام الكبير واقول ليك سر صغير،كلها كم يوم والبترول يمشي في الانابيب عادي زي الما حصل حاجة
خلي يقفل الحدود اصلو عندهم شنو يجيبو منهم والله نقفل الحدود شهر واحد ولاحبة زرة واحدة تمشي هناك والله تموتو من الجوع اصلا الشعب الجنوبي شعب غير منتج يعتمد علي الغير وقروش البترول بتصرف في شكل مرتبات للجيش والشرطة في دولة جنوب السودان وتوزع علي المسولين والله زي قروش الصندوق كل شهر صرفة لي زول واخيرا اقول ليك يا باقان يا جبان ستقتلك احقادك تجاه الشمال ستموت كمدا بهذه الاحقاد
الباقان السجمان تتفق مع كينيا ب 2 دولار وانت تنشئ الخط…. نحن يا الباقان بتصدرالنفط باقل من 70 سنتا للبرميل هههههههه ؟؟
اولا :الانبوب من تشاد عبر الكاميرون ملك لتشاد وهنا الاختلاف لان الانبوب مكلف جدا
ثانيا : مشكلتكم ماعارفين مصلحتكم وين
ثالثا : سلفاكير اصنج
رابعا : باقان صبيانى
خامسا: الور حاقد
سادسا : النيجة الانهيار
على الخرطوم أن تقبل مرور نفط الجنوب بعد أن تدفع جوبا قيمة (69 سنتا) للخطوط الشرقية، و (63 سنتا) للغربية، وقال إن تشاد تدفع لدولة الكاميرون في نقل نفطها إلى الخارج قيمة (41 سنتا) رغم أن طول الخط الممتد أطول من خطوط الجنوب مع الشمال،
حينما لجا الشمال لانتاج البترول في الجنوب كانت الناويا حسنه وان السودان بلد واحد وان ابن الجنوب الذي غنى لبلده السودان من نملي الي حلفا وبالعكس وان كلمة يا زول كانت تجمعنا لم يكن في خاطر ساستنا وان بغوا ان ينشطر البلد الي بلدين وان يكون هنالك في الحسبان بان مثل باقان آت وللذين لا يعرفون ان اقدم لغة في بلدنا اوحت بان هنالك من سياتي يوما ويفصلنا وهو باقان هذا وزمرته (وللشهادة ان كلمة باقان في لغة النوبة معناها المقسم باق الشي اي قسمه ) وفي لغة الخليجيين باق سرق البواق السارق فيا تاريخ لا تنسى من قسم السودان وساعد عضد با قان ليكمل هدف اسياده ولن نقول ابدا يا الزارع في غير بلدك لا ينفعك ولا ينفع ولدك لاننا على يقين سيصبح السودان بلدا واحد وان طال الجفا قسموا النيل اذا كنتم تريدون انقساما قسموا ارواحنا ولا اريد التطاول على ترانيم خنسائنا
خبير أمريكي آخر قال إنهم يريدون أن يستمر الوضع الإنقاذي لمدة طويلة حتى ينقرض شعب السودان و يرتاحوا منه و يستفيدوا من أرضه التي تحتوي نفط اكثر مما في كل العالم كما فيه كمية من الذهب تفوق ما يوجد في أمريكا و جنوب أفريقيا و روسيا و يورانيوم و نحاس و قصدير و حديد و … و ……. smc عبارة عن ماخور كذبي … قوموا لفوا بالله .. قال خبير أمريكي قال …
والله يا باقان يالافتريت انت ابدا ماغلطان والحق ابدا ما عليك ولكن على البؤساء ساسة الانقاذ لانهم هم اللي مكنوك من حق تقرير مصيرك وخلوك الآن تتشدق وتتشرط بكل هذا الصلف. فهؤلاء البؤساء (سنة اولى سياسة) كان بايديهم معظم ان لم تكن كل الملفات التي انت تتفشخر بها الآن من وقت ماقبل نيفاشا وبعدها ( قبل ما تقع اي ورقة في صناديق الاقتراع) وكانوا هم وقتها في الموقف الاقوى ولكن بسبب بلادتهم وسذاجتهم ظنوا انكم وحدويين وكانت هذه هي النتيجة ……. ضعف .. ذلة ..طأطأة رؤوس.
فالآن يا باقان هبت ليك الرياح فلو عندك اي شروط او املاءات فعليك بطرحها اللآن الآن وقبل فوات الاوان ونحن وبدون تردد حنبصــــــــم ليك عليها بالعشرة ومضروبة في عشرة تانية كمان.
ساذج من يظن أن مشكلة الجنوبيين مع حكومة البشير أو الاسلاميين، غداً تذهب الحكومة وتبقى عقدة النقص تجاه الشماليين أو الجلابة أو المندوكورو (بالمناسبة معناها أولاد الحرام).
والأفضل ( لنا ) أن يجد الجنوب منافذ لتصدر البترول غير الشمال
للاسف اكثر المعلقين من ذوي العقول الخاويه ، ما عارف بفكرو كيف ؟؟؟؟؟؟
المعروف ان اكتشاف البترول هو السبب الاساسي وهو الضمانة الوحيدة لقيام البنيات الاساسية لصناعة ما يسمى بالنفط،
يعني ما عندك خام بكميات مقدره ما بجي زول يعمل ليك مواسير، الا هو ذاتو يكون ماسوره !!
وللعلم ، ما في زول تاني في العالم ده ماسوره الا السودانيين ، حصريا !
الذين ظلوا يقاتلون بعضهم لاكثر من نصف قرن من الومان ومازالو ،،،، اسوأ من حرب البسوس وداحس والغبراء، ثم يتباكون على اللبن المسكوب ؟؟؟!!!
الصينيين لما شيدو البنيات الاساسية للنفط لم يكن هنالك تصدير وانما بضمان الحقول المكتشفة .
يعني الصينيين او غيرهم يمكن ان يمدو مواسير الى راس الرجاء جنوبا او الى داكار في الشمال الغربي
دون ان تدفع دولار واحد بل يمكن ان يعطوك مقدما
ان العقول المتحكمة في هذه البلد هي عقول out of date ليست لها دراية الا في انتاج الحروب والفتن والدمار والتقتيل .
كدى نقفل ملف الجنوب وباقان ، فهي اصبحت دولة ذات سياده.
هنالك مثل بدوي بسيط لكل من القى السمع وهو شهيد ،بيقول : الجفلن خلهن ، اقرع الواقفات ؟؟؟!!
وهي بمثابة قاعدة ذهبية عند الرعاة .
كدى الجنوب الجفل خلوه ، اقرعو الواقفين قبل ما يجفلو ؟؟؟!!!:rolleyes: ;( :crazy: :lool:
طبعا يا اخوانا القصة وما فيها ان بترول الجنوب بدأ يتناقص وقد حكي لي احد الفنيين العاملين في مجال البترول ان هنالك عدد كبير من الابار جفت وخاصة في اعالي النيل والا كتشافات الجديدة غير مبشرة ويكفي ان شركة النيل الابيض عزلت من الجنوب بعد حفر عدد من الابار وكلها كانت جافة ولم يوجد بها بترول وكذلك اكد الخبراء ان جيولوجية ارض الاستوائية وجونقلي وبحر الغزال ليس بارض بترول والاهم من ذلك ان هنالك معلومات ضخمة عند الامريكان منذ زمن شيفرون لم تملك للجنوب ولا السودان اثناء الوحدة والبترول الموجود في الجنوب فقط في المناطق المتاخمة للسودان وسوف ينتهي في 2020م وان البترول ذو الاحتياطات الضخمة موجود في السودان ويكاد يصل احتياطي المملكة العربية السعودية ولكن استخراجه يحتاج زمن وتكنولوجيا عالية ….. لذلك فبيقو يريد ان يأخذ ابيي بالضغط الاقتصادي بحبة البترول tالموجودة عنده دي ويعلم مع مرور الزمن سوف يقل الانتاج وتقل معه اهمية المساومة لذا وقف الاستهلاك قبل ماتكمل عليو ؟؟؟؟؟؟؟؟؟؟؟؟؟؟؟
لكن يابيقو لن نبيع شبر من ارضنا وابيي قضية قومية قضية وطن وشعب سوف يستجيب لاستفزازك و سوف تدفع ثمنه غاليا……. ابيي….. ابيي …….ابيي….. ابيي……… ابيي
اتقى الله فى نفسك يا باقان ابن اموم فى كل ما تقول من شروط
فل تذهب الانقاذ و لكنني سودانني و اعتز بسودانيتي لان السودان مش حق المؤتمر الوطني _ و لا يظن ظان لو جات حكومة غير الانقاذ الجنوب حا يكون معانا كويس
و مفروض نكون عارفين و مستعدين لدفع فاتورة اخطاء حكومات تعاقبت
من غير البكاء علي اللبن المسكوب
لذلك علي المعلقيين التمييز بين الموتمر الوطني و السودان و عليهم ان لا يختزلوا
السودان في الموتمر الوطني
ا
يا جماعة باقان السجمان دا كضاب مصيرو يصدرو عن طريق الشمال لانو لو صدرو عن طريق الجنوب ما بفضل فيهو شئ لانو يوغندا واثيوبيا فاتحين خشمهم وعلي الكيزان ان لا يتنازلو وهذا رغم اختلافنا مع الحرامية الكيزان لكن دي حقوق بلد
باقان السجمان لا يسطيع تصدير عن طريق الجنوب لا ذلك مكلف وزيادة علي ذلك مطامع الدول المجاورة مثل يوغندا واثيوبيا ويجب علي الكيزان ان لا ينكسوا لتلك التهديدات الفرارغة ورغم انني اختلف مع الكيزان الحرامية ولكن هذة قضية وطنية
:lool: ( ) ;)
بصراحة كترتها يا فاقان ، أقفل حدودك ونحن نقفل ونشوف مين الخسران
تتفق مع كينيا على 2 دولار والخط منك وعايز تدفع للسودان سنتات ، يا خي خليها مجان رأيك شنو؟؟ بشرط تمسك لسانك المعفن ده عننا:D :D :D
The issue is very strange,why it is not settle during the negotiation process.if we are remember Garang said the Devil in the Details…
God save Sudan
البترول حق الجنوب خليهم يتمسحوا بيهوا وابيي لن نتنازل عنها
يعني بالفصيح كدا عوض احمد الجاز دا بقي عوضيين عبدالباقي حتي اشعار اخر!
واضح بعد ما فشلت المحولات المتكررة لحجب موقع الراكوبة الذى اقلق مضاجع الانقاذيين تم توجيه كوادرهم بتكثيف تعليقاتهم على ما يكتب والتى تجرى على نفس صحيفة خال البشير العنصرى .. فكل هذه التعليقات تحاول صرف نظر الشعب السودانى عن الجرائم التى ترتكبها عصابة المؤتمر الوطنى بالشعب السودانى من خلال ايهامه بوجود استهداف خارجى وتصوير الجنوب بالعدو الأول للشمال وبالنالى جر الشعب السودانى لحرب جديدة مع الجنوب ومواصلة قمعة تحت لافتة العملاء والطابور الخامس والتى بها جرموا الشعب السودانى كله المطالب بحريته وحقه فى حكم نفسه آمل ان يكون الشعب واع بألاعيب المؤتمر الوطنى والتى عايشناها لأكثر من عقدين من الزمان ويجب التركيز على مواصلة النضال لإزاحة هذا الكابوس الذى جثم على صدورنا كل هذه المدة وازلنا أما شعوب العالم وأذاقنا كل صنوف العذاب..
يا جماعه الحاصل شنو تخلي فاقان يتكلم هو عارف نفسه ليه مطوله في شنو
كلامك مية المية يا باقان الكيزان ديل ما بينفع ماهم الا كدا السن بالسن جاز بى ابيى والما عاجبو يحلق حاجبو لو فى طريقة زاتو سدو ليهم الهوا
ولله كلامك والشروط وقراراتك السيادية شرفنا يا مستر اموم
ملحوظة لى ابو احمد الافندى الظاهر انو ساحات الفذاء اقصد الفداء جهروك و كحلو عينك بى الانتصارات الوهمى معليش الtv بحول الكمون الى الماظ وثانياٌ باقان ما جاك نيفاشا مهذوم امشى اسال ناس شرق وبالتحديد ناس همش كوريب اقصد مليشات البشير فى همش كوريب امشى اسالهم صقركم منو لو ما قالو ليك باقان
اطال الله من عمرك لتكون عيناٌ ساهرة على ج ن و ب ال س و د ا ن
بــــــــــــاقان أموم ده شخصية كدة ما عايز استعمل كلمة جاهل ولكن بالفعل هو كذلك .. يعني لما الواحد يتكلم المفروض كشخصية سياسية يجب عليه ان يتكلم بالحقائق والادله أو أقل شئ يكون عندو دراية مسبقة بما سوف يشير اليه ..
ولكن للاسف اهو كلام للاستهلال وبس والغريبه في الامر يستدل بحقائق كاذبه .. يعني اسى اذا جبنا ليهو اتفاقية تشاد بالادلة والبراهين .. حيلف ويدور وتجده ينفذ منه الكراهية لما هو كل شمالي ونحن لم نكرهه الجنوبين الا من شخصية باقان .. يلا خم وصر نشوف كلامك ده حتطبقوا ولا ؟؟
الشيخ ابو سن قالها زمان السودان بخيره مالم يسرق الدينكاوي ويكذب ويحقد الحلفاوي وطالما نحن الحلفاويين اصبحنا جبهجية وامنجية وتجار دين فعلى السودان السلام
رد للاخ نوري .. ههههههه على السوادن نعم السلام لانو في أمثالك لسع مع القبلية العمياء ورمي الناس كده جوزافي ولصق لهم تهمة جبهجية اذا قال كلمة حق لوطنه .. عايز اهمس ليك حاجه في اذنك يا نوري .. أنت من زمن الجبهجية شكلك لسع قديم الجبهجية ذاتهم بقوا مهمشين ووقود للتعبئه عند الحاجه وليس الا ومذكرتهم للاصلاح الفاضحه اشارات لذلك .. خليك صاحي شوية .. عفوا مواكب شوية .. ده مني ليك الف تحية وروح رياضية لانك سوادني في المقام الاول وثانيا بني جلدتي ..