قصيدة شعرية – راية بيضاء

بعد العناء و بعد تكبيرات أهلي
في الميادين و في كل البقاع السمر
ما بعد الالاف الضحايا .. بعد قهر
الشعب يرفع راية بيضـــــــاء
ما بين شفق المغرب المشتاق للصحوة
وبين صدق الأنبيـــــــــــــاء
الشعب يرفع راية بيضــــاء
هل يا تُرى عبداللطيف و صحبه ماتوا سدى
ام أنا يا بلدي دماء الحرب ما عادت دواء
ام انها الأشلاء ما عادت قضيــــــــــة
****** **** **** ********
عشت يا شعبي المغفل بالأغاني العسكرية
بالجلالات والحروب تحت ظل البندقيـــة
كلما فرهدت زهرة تنتفه الإيد العتيــة
و مته يا حُميد ولسه… ماتت الوردة الصبية
عشت يا حُميد ولسه… وعاشت السلطة الشقية
سيبت حكمك للمجوع شعبه شان تشبع حديه
وسيبت أحلام الرجوع ولسه فيها الأرزقية
يا بلد عز الركوع والصنم ما كان يســـــوع
العمارات التتاوق والمصارف والمطارات البعيدة
وكل أحلامنا التساور ومرة تصبح لحس كوع
مُرة طعمك يا الحقيقة
تلقى في نص المواقف طفل واقف كاتلوا جوع
وتلقى في نفس المواقف شعب واقف
وطلقة في نفس المواقف وشعب واقف
طلقة في الراس للبجوع وراية بيضاء
التظاهر بالشبع كذبة بيضاء
يحيا شرطيك البشلت واللبع
ويحيا كل من كان يتاوق من بعيد
وبكـــــــره عيــــــــد
نرفع العلم البرفرف يوم وصولك يا الشهيد
ويبقى استغلال حقيقي لربوعك
نطفيء شمعاتك نبهرج للشوارع
كيكة تتقسم مصانع
كيكة تتقسم مشارع
نغني غنوات التحرر ونبكي أيام الفرنجة
يا….. المـــــــــــــــــزرارع
أرضك … أرضك … قلعها
يا الشوارع اهتفي…….
ما لان حكام لنا بل فر شعبي الإمع
والضرب تحت حزامك الأخضر..
يا شعبي طوبتك أجدعها..
ما لان حكام لنا بل فر شعبي الإمع

[email][email protected][/email]