قال: إن الاجهزة الاعلامية ملك للشعب..هاشم صديق يعبر عن سعادته بالعودة للتليفزيون القومي
أكد الشاعر والكاتب الدرامي هاشم صديق سعادته بالعودة للعمل بالتليفزيون القومي بعد سبعة عشر عاماً من الغياب مؤكداً أن هذه الأجهزة الإعلامية القومية ملك للشعب السوداني ومفتوحة لكل المبدعين.
وقال هاشم صديق لدى اجتماعه بالمدير العام للهيئة العامة للتليفزيون القومي الأستاذ محمد حاتم سليمان بمكتبه إنه عائد بصدر وقلب مفتوحين لتقديم عطائه وإسهامه في الساحة الثقافية والإبداعية للشعب السوداني عبر برنامجه الشهير دراما تسعين الذي سيصبح اسمه دراما ألفين، وقدم هاشم صديق شكره لمدير التليفزيون لمبادرته الكريمة بعودته للأجهزة الإعلامية مشيداً بالتطور الذي شهده التليفزيون.
من جانبه جدد الأستاذ محمد حاتم سليمان المدير العام للهيئة العامة للتليفزيون القومي تأكيده أن أبواب التليفزيون مفتوحة لكل المبدعين لإسعاد الشعب السوداني مؤكداً أن هاشم صديق قيمة إبداعية كبيرة وعودته للتواصل مع مشاهدي التليفزيون هي عودة لنهر الإبداع ورجوع للبيت الكبير الذي يسع كل مبدعي السودان.
السوداني
انت انسان مبدع ورائع لك التحية واتمنى عودة كل المبدعين الى وطننا الحبيب
عودا حميدا يااستاذ يارائع صاحب طائر الشفق الغريب
والسكرية واذن الاذان وحاجة فيك فانت مبدع يااستاذ فلك التحية
طول الله عمرك
قسما لن طريق الثورة
هدى الاحرار
الشارع ثار
غضب الامة اتمدد نار
والكل ياوطنى
حشود ثوار
هزمنا الليل الليل
والنور فى الاخر
طل الدار
العزة واتهادت للاحرار
وطنى نحن سيوف امجادك
نحن مواكب نفدى ترابك
ولسة الشارع يشهد لينا
يوم الغضبة نشيد ماضينا
التحية للأستاذ هاشم صديق المبدع الأصيل …والتحية لمدير التلفزيون الذي ساهم في
عودة الأستاذ هاشم صديق لهذا الجهاز الاعلامي ليواصل عطائه وتتعرف عليه الأجيال
الناشئة بعد غيبة سبعة عشر عاما ..والعود أحمد يا أستاذ هاشم…
والله لفته بارعه من المدير العام للتلفزيون اعاده العملاق هاشم صديق للتلفزيون وهذا يعتبر كسبا كبيرا للتلفزيون وللسودان كله اتمنى من المدير العام ايضا الاهتمام بالشعراء الاخرين امثال الشاعر الفذ محجوب سراج والذى يعانى من ظروف اقتصاديه حرجه اتمنى ان يجدوا مكانهم فى التلفزيون فهولاء المبدعون سيكونون اضافه رائعه للتلفزيون وعلى الاقل نجنبهم كثير من الظروف الاقتصاديه والتافزيون قادر على ذلك ولا يكلفه شى
والله ربنا يديك العافيه يا استاذنا وليك محبة الشعب السوداني من كل القلب وانا من اشد المعجبين بيك والله ربنا يطول لينا في عمرك ونستفيد منك كمان وكمان:D
بريق الماس
عيونك…
سمرة العَسَل الموشَّح
بى بريق الماس.
ولما رموشك الحلوين
يَرُشَّن فوق تعبنا نِعاس
يِرِف همس الحلم فى الروح
بِجِنحين من صدى الاجراس.
ويسيل صوتِك
تراتيل زفّة للجنه
وكلام ولهان كِتِل جَنَّ
كلام للحلوة
لما شُفتِك… ليلِى ضَّو وبَقَّ نور
ونرجس الجنه المفرهد
رفّ بى جِنحَات عطور
وغنَّى فارسِك
خَتَّ صورتِك فى الإطار
فى الليالى نَجِم يِلالى
ونسمه فى وهج النهار
حروف اسمِك
جمال الفال… وراحة البال
وهجعة زول بعد ترحال
وتنّية حلوة للشبال … ودنيتنا ومشاويرنا
وغنواتنا الى ما بتِنقال
حاجة فيك… تقطع نفس خيل القصايد
تشده أجراس المعابد
توهتنى .. جننتنى
جننت حرف الكلام
وبرضو أدتنى السلام
همس الشوق
يـــا ريـتـنــى لــــو أقــــدر أقــــول
فــيـــكِ الــكـــلام الــمـــا انْـكــتــب
واجــلـــى الـمـقــاطــع بــالــدهــب
وافـــرد صـبــاح حُـسـنِـك وشـــاح
يمسح عذاب عمرى المسطرّ باللهب
هذا أنت ياهاشم ..مكانك في قلوب الناس..فلا تحرمنا من دفق الألق الوضئ.
ياهاشم ياصديق ..يارائع..
لما الليل الظالم طوّل …. وفجر النور من عينّا اتحول
قلنا نعيد الماضى الأول …. ماضى جدودنا الهَزَمُوا الباغى
وهدّوا قلاع الظلم الطاغى.
وف ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً…قسماً
لن ننهار
طريق الثورة
هُدى الاحرار.
وغضب الامه اتمدد نار
والكل يا وطنى حشود ثوار
وهزمنا الليل
هزمنا الليل.
والنور فى الآخر طل الدار
والعزة اتهادت للأحرار.
….[وأكد أموم أنه لا يجب أن تكون هناك عودة للحرب فى السودان]…
..يازول ..دي ما بتحددها إنت!…وأولاد عازة راكزين في قواتنا المسلحة..ووقتها..نفورها عليك وعلى الحركة الشعبية..وعلى البشير بمؤتمره..وعلى الترابي بشعبيهو..وعلى نقد بشيوعيتو…وعلى الصادق بأمتو..وعلى المرغني باتحادو..وعلى الهدندوة ببجاويتو..وعلى خليل بحركتو..وعلى كل من تسول له نفسه على تقسيم وشرزمة السودان…ثورة حمراء لا تبقي ولاتذر ..حتى يكون السودان حراً موحداً بجميع أبنائه من حلفا لنمولي ومن بورتسودان للجنينة…ياللا بلا (…..) معاكم.
…دة كان ردي على موضوع باقان أموم.. ويبدو أنه مناسب في كل البوستات..والحاضر يكلم الغائب..
والسودان الجميل دة ما بينفصل..يعني ما بينفصل..يعني ما بينفصل…
والماعاجبو يشرب من مويت (البحر)…لأن (النيل) كتير عليهو..
هاشم صديق واحد من مبدعي بلادي الذين ابعدوا عن وسائل الاعلام في ظل حكومة الظلم والجهل ورجوعه يعتبر كسب كبير للامة السودأنية
يا هاشم هؤلاء الظلاميون يجب ان لا تتركوهم وحدهم يعبثون با فكار السودانيين
عودة رائعه وفي انتظارك وسط العتمه … ولانهم ناكدوا بان ماعندهم من ابداع نضب وانتهي