الدبلوماسية السودانية : ليس هناك حدوداً مرسومة..والجنوب لايمكنه القدرة على اغلاقها..وزارة النفط : خط أنابيب السودان الناقل لبترول الجنوب غير دائم وبترول الجنوب ناضب عاجلا أم آجلاً.
قللت الخرطوم، أمس، من إعلان دولة جنوب السودان نيتها إغلاق حدودها المشتركة مع السودان. وقال الناطق باسم الخارجية السودانية العبيد مروح إن ليس هناك حدوداً مرسومة حتى يتم إغلاقها، كما أن الجنوب لا يملك القدرة على إغلاق طول الشريط الحدودي بين البلدين. وزاد: «على الجنوب أن يعمل أولاً على ترسيم الحدود بين البلدين قبل التفكير في إغلاقها». وأكد أن السودان لن يتضرر من أي قرار من قبل جنوب السودان بإغلاق حدوده، موضحاً أن «الجنوب هو الذي يستفيد من بقاء الحدود مفتوحة، وبالعكس نحن نتضرر كثيراً لأن هناك سلعاً تُهرّب للجنوب عبر الحدود».
وكان باقان أموم الأمين العام للحركة الشعبية الحاكمة في جنوب السودان قال في وقت سابق إن الجنوب بصدد إغلاق حدوده مع السودان بسبب وجود جماعات جنوبية مسلحة تنشط عبر الحدود وتتلقى مساعدات من الخرطوم.
دار الحياة
[COLOR=royalblue]وزارة النفط : خط أنابيب السودان الناقل لبترول الجنوب غير دائم[/COLOR]الخرطوم: نازك شمام:
قطعت وزارة النفط بعدم تأثر عمل شركات النفط بالشمال بسبب إيقاف الجنوب لإنتاجه، وقال وزير الدولة بوزارة النفط اسحق آدم بشير ( نحن لم نوقف إنتاج النفط حتى نتأثر) واستدل على ذلك بوجود إقبال كبير من الشركات ظهر خلال العطاء العالمي الذي طرحته الدولة منتصف الشهر الماضي، واعتبر قرار الجنوب بإيقاف إنتاجه نقض للاتفاق بينهم والشركات، مؤكداً على استطاعتها اللجوء إلى المحاكم الدولية حال استمرار الجنوب في موقفه . وأكد بشير– على وجود نص في اتفاقية نيفاشا يقضي بأن لا تضر التصرفات الفردية بمصلحة الجنوب والشمال، وألمح إلى أن خطوط الأنابيب التي تم إنشاؤها ليست دائمة، لجهة أن بترول الجنوب ناضب عاجلا أم آجلاً وطالب برفع الدعم عن البنزين حتى يستقر الوضع الاقتصادي، واعتبره سلعة غير إستراتيجية حتى يتم دعمها، ووسمها بأنها تستخدم (للف في الشوارع) وكشف عن عدم توقف العمل في حقل الروات، نافياً أن تكون الدولة طردت الشركات العاملة، وأشار إلى أن بعضها لم يلتزم بالعقود المنصوص عليها الأمر الذي أدى إلى خروجها.
الاخبار
واعتبره سلعة غير إستراتيجية حتى يتم دعمها، ووسمها بأنها تستخدم (للف في الشوارع)
دائما أهل الانقاذ يأتون بجاهل القول،،،، هل يعقل وزير دولة في وزارة النفط يعتبر البنزين سلعة غير استراتيجية ويعتبرها للف في الشوارع،، وهو إذ يقول ذلك وكأن البلد فيها شبكة سكك حديدية تربط كافة المدن الكبيرة والمتوسطة مع بعضها البعض في حركة يومية دائبة كسكك الحديد الروسية، أو أن كافة مدن البلد تربطها مطارات كبيرة وصغيرة تملأ طائراتها اجواء السودان لنقل المسافرين والبضائع من مدينة لأخرى ،،، ومن هم المترفون الذين يعبون خزانات سياراتهم لمجرد اللف بها،،،، لعلهم أبناء المسئولين والحزب ،،، حكومة لا يعرف مسئولوها كيف يتحدثون ،،،
وقال وزير الدولة بوزارة النفط اسحق آدم بشير أن البترول سلعة غير إستراتيجية حتى يتم دعمها، ووسمها بأنها تستخدم للف في الشوارع
هاهاهاهاها
يا أخوانا….. بالله اسحق آدم بشير دا يقولوا ليهو شنو؟؟؟
عليكم الله، هبنقة سيد الاسم وصل المرحلة المتأخرة دي؟؟؟
طيب يا اسحق إنت قاعد تسوى شنو في وزارة النفط….مش أحسن تقدم إستقالتك من شغلانة همها كلو اللف في الشوارع، بدل شعبنا يدفع فيك دم قلبه رواتب وبدلات وسفريات وعلاج وووو
وكمان شغال وزير دولة….لا حولااااااااا
أما جهبذ زمانه الآخر العبيد مروح صاحب الوظائف الدستورية الثلاثة فقد فاق زميله اسحق في الغباء ولكأنه قادم من كوكب آخر لحظة تصريحه
يا العبيد المروح، الحدود مقفولة مع الجنوب ليها قريب السنة وبأوامر مباشرة من رئيسك عمر البشير عقب إعلان حالة الحرب في جنوب كردفان مباشرةً
وكون دولة جنوب السودان تعلن نيتها إغلاق حدودها المشتركة مع شمال السودان من عدمه لا يعدو أن يكون تحصيل حاصل فالحدود مغلقة مسبقاً بقرار من رئيسك البشكير
الشيء المحيرني في الكيزان ديل، يعني حتى ناس يفهموا ما عندهم؟؟؟؟؟؟؟؟؟؟؟
ياوزير اتق الله فيما تقول يعنى منشاءات البترول دى ماسورة ساكت عملتوها للجنوبيين طيب انتو وقت قلتو كدا يعنى ضربتو ميزانية الخط ونقصتو المواد فى الجنوب وغيرتو المواصفات البيضمن شنو خطوط الشمال تكون تكون ماسورة 28 بوصة يعنى الماخاف الله فى الجنوبيين بيخاف الله فى الشماليين ماهو المنفذ شخص واحد من نفس المواد شنو يومى فاضحين روحكم وين اسلامكم؟
وبعدين شنو حكاية البنزين مامهم وما استراتيجى انت شكلك اساس ماقارى اتق الله لو اولادك جبت ليهم عربيات وبقو يتسكعو فى الشوارع بعربات البنزين ومال ناس المدن البعتمدو على البكاسى كمواصلات ديل بركبوها يمشو الحدايق اتق الله ربنا بيسالك عن كلو كلمة قلتها !
بعدين ياناس الحكومة عليكم الله اعملو فصول لتدريب وتاهيل الوزراء وفصل محو امية خاص للوزرير الاول مرة اسمع بيهو اسحق ادم بشير من اسمو كدا يكون كان بتاع ترمس ولا مكوجى فى سوق ستة مع احترامى لاصحاب المهن اذا لم يترقو الى درجة وزراء فى بلادى ؟؟؟؟؟؟
:mad:
عند كل ازمة – وما اكثر ازمات وذنقات هذا النظام – يخرج علينا مسؤل (غير مسؤل) مثل هذا الاسحق ليقول لنا مثل هذا القول الذي يوضّح ويؤكد عدم اهليه هؤلاء المسؤلين وجهلهم وجهل و عناد نظامهم ، ذات القول ونفس التصريحات التي قيلت عندما انفصل الجنوب ، بان هذا الانفصال لا أثر له على الشمال تلك الاقوال الفطيرة ، وها هم اليوم (يتخبطون) ويستجدون الجنوب ويسرقون بتروله .
بنفس المنطق المعّوج يقول هذا (الغبر) مسؤل ان البنزين سلعة غير إستراتيجية حتى يتم دعمها ، لاول مرة نسمع مثل هذا القول .. طيب الاستراتيجي شنو .. (الصاعوط) ؟؟
والله احترنا مع هؤلاء ..
قوم لف بلى يخمك ويخم الزيك ….. قال يستخدم للف …. انت فاكرو فيل عشان يتلف …اتلف الله عقلك
سبحان الله البنزين بقى للف في الشوارع .. رجعونا لزمن ركوب الدواب عليكم الله ..اصلو بسياساتكم وعقلياتكم المتحجرة دي حنرجع للعصر الحجري
دا بدل ماتلقو حل لمشاكلكم مع الجنوب وفقدانكم للبترول بقيتو تقولو البنزين مامهم
اي بترول في العالم سينضب "عاجلاً أم آجلاً" يا حيوان،
ده كلام زول جاهل ومتخلف عليك الله ده وزير
الحرقة يولد البرقة الما تلقاه جدعو (ده يزكرني الكطديس النط لشرموط المعلق فترة طويل ماقد ينزلو قال هي زاتة عفنة)
يا أسحاق كلامك دة جبتو من وين؟ البترول ليس مادة آستراتيجى . تفتكر لية آمريكا عامل الجوطة دة فى العالم. لماذا دخلو حرب الكويت ولماذا غزو العراق؟ أوعك تصدق بانهم كانو بيحبو شعب الكويت أو شعب العراقى. لذلك قامو بطرد صدآم حسين. كلمة السر أو كما يقولون the name of the game is black oil.فأرجو ان تعرف ذلك يا شاطرز
كلام جرس اها بترول وانتهي تاني الا تسفوا الرماد مفتكرين الجنوبين ديل ناس زمان قايلنهم ذي ناس موسس مشار وفرتاك وغيرهم الناس دي فتحوا يازول وبقو واقعه ليهم
هذا الإسحاق لا يفهم في مجال النفط هذا واضح من خلال كلامه ، الحقيقة المرة أن إيقاف ضخ البترول في الأنابيب سيؤدي لتلف الأنبوب لأن الأنبوب يحتاج لشمع بكميات كبيرة حتي لا يتلف لأنه إذا تلف فصيانته مكلفة أكثر من إنشائه لان الصيانة من تسخين وغسل للأنبوب يحتاج لزمن ومال عشان كدا قرار وقف ضخ البترول من قبل الجنوبيين ح يفرق كتير مع الحكومة لذلك أحترموا عقولن يرحمكم الله أيها الأرزقية عديمي الفائدة والمنطق فأذهبوا إلي مذبلة التأريخ
انا ما عارف المؤتمر الوطني عايز شنو بالضبط ( وأكد بشير– على وجود نص في اتفاقية نيفاشا يقضي بأن لا تضر التصرفات الفردية بمصلحة الجنوب والشمال، وألمح إلى أن خطوط الأنابيب التي تم إنشاؤها ليست دائمة، لجهة أن بترول الجنوب ناضب عاجلا أم آجلا) اول حاجة يعني ما بتفتكروا نيفاشا الا هسع استفتاء ابيي والمشورة الشعبية وين ؟؟؟؟؟؟؟؟؟؟؟ خليك من الحدود والحاجات التانية دي ماله ..علشان مذنوقيين انتو الكنتو فاكرين انو البترول هيدوم ليكم اه …..بترول الجنوب ناضب عاجلا ام اجلا برضو ما في ليكم اها …..ناسا وحرين في حقهم
ماهى مؤهلات الزول ده والذى يقول ان البنزين يجب ان يرفع الدعم منه لانه قال شنو ؟؟ يستخدم للف فى الشوارع وقال شنو ؟؟بعد رفع الدعم سوف يستقر الوضع الاقتصادى.؟؟؟؟ لاحول ولاقوة الا بالله وانالله وانااليه راجعون…. يبدو انه حاصل على مؤهلاته من سوق ام دفسو او من سوق العناقريب
كلامكم البتستخفو بيهو عقول الناس ده حاتعرفوه كويس بعد ان ينتفض الشعب لمن تزيدوا البنزين…قال لف فى الشوارع قال..بالله اختشى
WELL-educated minister of the the Islamic clique! What a good lecture?
لمن دايرين الجنوب ينفصل قلتو انه تم ترسيم ثمانين في المائة من الحدود وباقي ابيي وهسع لمن الفاس وقع في راسكم قلتو مافي حدود مرسومة انتم اكذب خلق الله قاطبة وثانيا لمن الناس قالوا ليكم انه الجنوب والشمال ديل مافي شي بيفصلهم قلتو ابدا جزء لازم يتقطع من السودان عشان باقي السودان يعيش كويس وتجاهلتم الشعب السوداني من اجل سلطتكم الظالمة الغاشمة الباطشة والان تقولوا البنزين يستخدم للف في الشوارع لفاكم بلاء يخمكم كذابين منافقين قتلة الشعوب
اقتباس : طالب برفع الدعم عن البنزين حتى يستقر الوضع الاقتصادي، واعتبره سلعة غير إستراتيجية حتى يتم دعمها، ووسمها بأنها تستخدم (للف في الشوارع) .
الشعب السوداني لم يصل مرحلة يستخدم فيه البنزين للف في الشوارع كما قال الوزير بل يستخدمه في الأشياء الأساسبة وأهمهما الواصلات سواءكان بصورة فردية أو جماعية
يعني البنزين ما مهم يستخدم في اللف طيب مائة الف وزير ووزير دولة ومليون والي ومليار دستوري ديل مهمين؟
اذا حسبنه حساب عام سا يكون الشمال ربحان من الانفسال لي انو اجنوب كان بياخود النوص في البترول و و الدولاة كانت بتصرف عليهم اكثر من النوص وبتالي هما كانو ربحنين و لم يكون يوم مشارك في تنميت السودان بالعكس يمطص كل الموارد و كان علا لي السودان و السودانين
شلعوها الكيزان حق وحقيقة!!! الوزير بيستخدم البنزين للف في الشوارع وشايف الشعب السوداني الفضَل لافي معاه!!!! معذور العربيات كترت في بيتو واولاد المرة الاولى دايرين يمشو اوزون والمرة التانية دايرة تتسوق في عفراء وسعادته عنده اجتماع مهم في السلام روتانا——-وانحنا لافين ساى!!!