الرأس الدبلوماسي : على الحكومة الانتقال إلى الخطة (ب) في التعامل مع الجنوب ..الولايات المتحدة ضعيفة جداً وهو أمر يدعو للضحك ،،باراك أوباما اضطر لمهاتفة البشير وقال: " خذلناكم "
قال علي كرتي وزير الخارجية، إن الحكومة السودانية لم تستخدم إلى الآن كروت ضغطها على حكومة الجنوب التي استنفدت كروتها للضغط على السودان، وأضاف: آن الاوان الذي يجب أن تنظر فيه الحكومة وينبغي أن تكون الخطوة القادمة هي الخطة (ب)، وزاد: لن نقف مكتوفي الأيدي مقابل ما تقوم به حكومة الجنوب من إيواء الحركات المسلحة ودعم المتمردين الذين قال إنهم يعقدون مؤتمراتهم الصحفية وخلفيتهم عَلم الحركة الشعبية في الجنوب.
ونفى كرتي في برنامج مؤتمر إذاعي أمس، أن تكون الحكومة فكرت من قبل في خلق زعزعة بجنوب السودان، وقال: لو فكّر فقط فإنّ الوسائل لا تحصى ولا تعد، ودعا دولة الجنوب للانتباه لأنها ستحرق يدها قبل أن تحرق أيدي الآخرين، وأشار إلى أن القادة الأفارقة يعلمون أن لدى السودان كروتا كثيرة ضد دولة الجنوب ولم يستخدمها، واستشهد وزير الخارجية بقوله: باقان أول من صرخ وقال إن حكومة السودان تمارس ضغوطاً على الجنوب، والجنوبيون يموتون، وأضاف كرتي: لدينا كروت كثيرة ضد الجنوب وحكومة الجنوب حرقت كل ما لديها، ولم نستخدم كرتا أمنيا واحدا للضغط عليها، وهو الوقت الآن الذي يجب أن تنظر فيه الحكومة وينبغي أن تكون الخطوة القادمة هي الخطة (ب).
وأوضح كرتي أن ما جرى منذ توقيع اتفاق السلام مع الجنوب أُريد به تغيير النظام في الخرطوم، واعتبر الحديث الآن عن محاولة لإنشاء مصفاة للنفط وتمديد خط أنابيب عبر كينيا مؤشراً لمحاصرة السودان اقتصادياً ومحاولة لقطع الحبل السري، وقال: أغبياء من يظنون ذلك، والحكومة السودانية لن تموت، وأضاف أن حكومة الجنوب تلعب خارج ما تظن أنه سيسقط النظام في الخرطوم. وأكد كرتي أن دولة الجنوب خالفت كل الوسطاء في ملف النفط، واتخذت موقفاً لم يتوقعوه، وأوضح أنّ المجموعات التي تدعم التمرد وخلفها الشركات والمؤسسات والأفراد لها أغراض سياسية واقتصادية في الجنوب، وقال إن مجموعة قليلة من المتنفذين في حكومة الجنوب يديرون ملف النفط، وتابع: هذه المجموعات هي التي تقدم الضمانات لحكومة جوبا والبدائل بهدف إيصال الأمور للهاوية في السودان ثم يأتيه ربيع، ويقولون لجوبا: (صبر الساعة سيعوض ذلك).
إلى ذلك، قلل كرتي من قوة الولايات المتحدة، ووصفها بالضعيفة جداً، وقال إنه أمر يدعو للضحك لأن سياستها تقوم على أشخاص يؤثر عليهم النشطاء والمنظمات، وكشف كرتي أن الرئيس الأمريكي باراك أوباما اضطر لمهاتفة الرئيس عمر البشير وقال: (خذلناكم عندما وقّعتم على اتفاق السلام ولم نف بوعدنا برفع السودان من قائمة الدول الراعية للارهاب ورفع العقوبات)، وأوضح أن الرئيس الأمريكي عندما تراجع راعى مصلحته أولاً وليس مصلحة الولايات المتحدة.
وأكد كرتي رفض السودان السماح للمنظمات بالدخول للمناطق التي يسيطر عليها المتمردون في جنوب كردفان والنيل الأزرق، وقال إن نية هؤلاء واضحة بأن يصل الدعم الإنساني للتمرد، وزاد: لن نسمح بوصول الغذاء للتمرد، والذين يتحدثون عن الدخول عنوةً إلى تلك المناطق هم مجموعات الضغط الأمريكية، وأوضح كرتي أنه إلتقى نائب وزير الخارجية الأمريكي في أديس أبابا، وقال له: (سنرى إن كنتم تستطيعون إدخال الغذاء بالقوة ولن نسمح بدخول الغذاء للتمرد).
وفي السياق، أشار كرتي إلى أن الحكومة لن تصل لمرحلة التطبيع مع إسرائيل لحل قضاياها، لأنها تعلم وإن ألغت في الجواز السوداني (كل الدول عدا اسرائيل) لأننا سندخل في أدوار ثانية ولن نصل لما نبتغيه، وقال: إذا كان لابد من الوقوع في الهاوية سنقع فيها ونحن في حالة مُواجهة واستعداد.
إلى ذلك، أوضح كرتي أن دولة الصين تقرر ما تشاء بشأن النفط، وأن لدى السودان من القوة والقرارات لإعانة الصين، وأكد أن موقف روسيا السياسي واضح من السودان، وقال إنها على علاقة قوية في دعم السودان رغم أن علاقاتنا الاقتصادية تكاد تكون صفراً، وقال: سنفتح الباب أمام الشركات الروسية إلى السودان خلال المنتدى الاقتصادي بين الدولتين.
الرأي العام
حقيقة حكومة السودان تعلم نوايا الحركة الشعبية تماما وفي كل خطوة تخطوها الحركة الشعبية هنالك مليون خطوة تخطوها حكومة السودان وستثبت الأيام كثيراً ما هو خفي في هذا الشأن
دي تصريحات واحد مهزوم ومحبط
يا كرتي امشي شوف ليك جلود الخرفان
الزول دا ما فاهم اي حاجة!!! و دي ما تصريحات وزير خارجية كلو كلو!! وين كروتك بتاعة الضغط البتتكلم عنها؟ الا كان تكون اس شيريا و لا بلى ديناري!! و قال الولايات المتحدة ضعيفة قال!! هسع دا كلام؟ ما تخلى الناس يضحكوا عليك ياخ!! و كلامك عن رفض دخول المنظمات دا بتبلعو في القريب العاجل، و اسرائيل ما فاضية ليك ذاتو عشان تطبع معاك. تطبع شنو زاتو؟!!! و انت عندك شنو عشان يطبعو معاك؟! و الله نحن السوداانيين زاتو نستاهل. اجمل وصف سمعته عن السودانيين انهم كلهم من حلفا لي نمولي و من الجنينة لي همشكوريب (كلهم بكرموا الضيف و بيسفوا صعوط و بشربو مريسة)!!! هههههه
اتوقع ان تكون الخطه {ب} كالاتى؟؟
ترحيل الجنوبيين الموجودين الان بالشمال واعتبارهم اجانب غير مرغوب فيهم.
قفل الحدود بين الدولتين ومنع عبور اى سلع لدولة الجنوب
بسط سيطرة الجيش على ابييى
دعم الحركات المسلحه الجنوبيه لاسقاط حكومة الحركه الشعبيه بالجنوب
تمشيط جبال النوبه والنيل الازرق من الحركه الشعبيه الشماليه
طرد السفير الجنوبى من الخرطوم ده اذا كان فى سفير
منع عبور الطائرات الجنوبيه الاجواء السودانيه
حديث اطفال صغار الله يكون فى عون السودان
الويل للعالم اذا استخدمت الانقاذ الخطة ب اوكما قال هتلر بس ماتطلع زي حقت هتلر
اقتباس :
وكشف كرتي أن الرئيس الأمريكي باراك أوباما اضطر لمهاتفة الرئيس عمر البشير وقال: (خذلناكم عندما وقّعتم على اتفاق السلام ولم نف بوعدنا برفع السودان من قائمة الدول الراعية للارهاب ورفع العقوبات)، وأوضح أن الرئيس الأمريكي عندما تراجع راعى مصلحته أولاً وليس مصلحة الولايات المتحدة.
دي مش خذلناكم دي معناها دقسناك يا البشير وخليناك تفصل الجنوب مقابل اعفائك من الجنائية يعني تبيع بلدك مقابل نعفيك
ولو انت اصلا راجل كنت تمشي الجنائية وتبرئ نفسك بدل ما تضيع بلدك زي ما فدى عمر المختار بلده وزي ما فداها المهدي والخطابي وعرابي وغيرهم
لكن طلعت اناني درجة اولى تضيع البلد وتقعد انت بالله هل ستعيش اكثر مما عشت عشان تدخلنا في المتاهات دي ؟
قمة التناقض في تصريحات وزير خارجية الغفلة كيف دولة جنوب السودان لما توقف ضخ بترولها عبر ماسورة الشمال أن يؤدي ذلك إلى خنق الشمال اقتصادياً؟؟؟؟
وقت أصلكم يا ناس الانقاذ ما عندكم موارد تجلب العملة الصعبة غير مرور بترول الجنوب عبر أنبوب الشمال لماذ ا الفصاحة وقبح الألفاظ في حق الحكومة بجنوب السودان؟؟؟؟
قال يستعمل الخطة ب: صدقني لا عندكم خطة "ب" ولا خطة "ز" شغلكم كله تخبط وعدم تقدير لنتائج أفعالكم الغير مدروسة قبل أشهر من الآن كنتم تروجون أن الانفصال لن يؤثر على الشمال وها نحن الان بسبب ذلك كارثة ووقوع في الهاوية.
كل عقليات هؤلاء الصبيحة واحدة لا فرق بين الرأس الدبلوماسي وخال الرئيس والمحلل الاقتصادي المدعو الناير.
يا ربي الرويس الديبلوماسي قاصد شنو بالخطة ب؟ سياسة رزق اليوم باليوم و الشحده الرسمية ليست فيها خطط لا أ و لا ب، … يمكن الرويس تاجر الحديد و الاسمنت حيوقف تصدير السيخ لدولة الجنوب لخنقها اقتصاديا؟ ام هل يريد الدويبيب – من دباب – ان يدب على عاصمة الجنوب ليحتلها كما تهدد بقية الرؤوس الفارغة من مستشاري و نواب الرقيص اقصد الرئيس؟
الخطة ب دي كانت وين لما عملتو على فصل الجنوب و لما بددتو موارد البترول و لما دمرتو الزراعة و الصناعة؟
حديث همباتي لا علاقة له بالدبلوماسية ولا بالدبلوماسيين
يا خليل العازه هل تعلم ان 50% من تجار الشمال حاليا يعتمدون على جنوب لايجاد الدولار ؟ وان جنيه جنوب السودان = 2 جنيه فى الشمال (الحدود) وان الحدود بيين الدولتيين مفلق من حكومتك منذ قبل ان يبقى الجنوب دولة فى مايو الماضى ؟ وان اعداد الشماليين فى جنوب حاليا يفوق اعداد الجنوبيين فى الشمال وهم فى امان يمارسون تجارتهم بيين الجنوب ودبى وكمبالا ؟ فالشعب الجنوبى اصبح اكثر وعيا من اخوتهم فى الشمال والان اكثر من 5مليون شمالى بمواشيهم فى اراضى الجنوب على طول الحدود من النيل الازرق الى اقصى غرب على كل حال اطردوا الجنوبيين من الشمال كما تشاؤن ولكن الجنوب لم ولن تفعل وتعامل ابناء الشمال فى الجنوب بالمثل
قال خطه ب قال
امشي يا وزير خارجيتنا في الزمن الخرب
اذا لم يكن زمن خرب وزمن غفله كان امثالك يا كرتي يكون وزير خارجيه
كل خططكم مكشوفه ومعروفه وحتكون صفر بعد شويه
هل تتذكر انك هددت كينيا بان للسودان خطه ب ايضا وسوف تستخدمونها ضدها اذا لم تسحب قرارها بالقبض علي البشير وتسليمه للجنائيه الدوليه
ماذ فعلتم … كينيا اكدت قرارها وطلبت من وزير داخليتها ان يقبض علي البشير
اين الخطه ب التي هددتم بها كينيا … كلام فارغ من وزير خارجيه فاشل
الخطه ب التي تهدد بها الجنوب هي ايضا كلام فارغ
الجنوب اوقف عنكم البترول وخلاكم في الفضايه
موص خطتك واشرب مويتها
فصلتم الجنوب بنظرتكم العنصريه والان تتباكون علي البترول يا اغبياء
قال خطة ( ب ) والله الراس الدبلوماسى يكذب على نفسه واذا كان هنال خطط لما وصلت الدولار 5 جنية
إلى ذلك، قلل كرتي من قوة الولايات المتحدة، ووصفها بالضعيفة جداً، وقال إنه أمر يدعو للضحك لأن سياستها تقوم على أشخاص يؤثر عليهم النشطاء والمنظمات، وكشف كرتي أن الرئيس الأمريكي باراك أوباما اضطر لمهاتفة الرئيس عمر البشير وقال: (خذلناكم عندما وقّعتم على اتفاق السلام ولم نف بوعدنا برفع السودان من قائمة الدول الراعية للارهاب ورفع العقوبات)، وأوضح أن الرئيس الأمريكي عندما تراجع راعى مصلحته أولاً وليس مصلحة الولايات المتحدة.
الولايات المتحدة ضعيفة ماتخاف الله فينى الرجل والله لو سالت شافع امرى 7 سنوات ان قوه امريكيا بعرفة
وألله يا اخوانا … ألله يرحم الدوبلماسية السودانية … شوف جنس الخطرفة دي! دا كلام الدوبلماسي طيب خليت شنو لوزير الدفاع؟ والا متبادلين الأدوار؟ شحاد وقليل أدب كمان؟!
وكمان قالوا مصطفي عثمان كان بحفر لكرتي عشان يرجع وزير للخارجية … يعني نحن من التعيس لخايب الرجا؟
Plan B..!!!!! such plan does not exist except in the sick mind of the regime… Whatever plan the regime has in mind, it is not going to work…the regime knows very well the fact which they can not win any kind of war against the south Sudan…no need to say why
ربنا إبتلانا بأغبى حكومة في العالم والمشكلة والمصيبة إنهم فاكرين نفسهم أذكى ناس ، أول ما استلموا السلطة بدل ما يطوروا البلد ويهتموا بالمواطن البسيط قالوا أمريكا روسيا قد دنا عذابها ولما دخل صدام الكويت وقفوا ضد دول الخليج و شتموا حكام الخليج مع إنهم عارفين إنو ملايين السودانيين شغالين في الخليج وبيعولوا ملايين الأسر في السودان و الحكومة بتاخد منهم ضرائب وجبايات ما ليها أول ولا آخر .ومع إنهم مختلفين مع حزب البعث اديولوجيا و هم عارفين إنهم لا حينفعهم صدام ولا هم حينفعوه لكن طبعا لازم يغطسوا حجر الشعب السوداني . ودخلوا كمان في مشاكل مع كل الدول المجاورة مصر وأثيوبيا وارتريا ويوغندا و تشاد .. يعني الناس دي قصدو يدمروا البلد تدميرا..
لكن طبعا الله لا يصلح عمل المفسدين وانشاء الله حيذهبوا الى مذبلة التاريخ
ياشيخ امشى كدى ولا كدى قال خطه ب … امشى على فندقك الشتريو بقروش الشعب داك
الخطه ب يا كرتى يا لعيب (يا ريكارد )
1- تسجيل صلاح قوش راس حربه
–
2- نافع باك يمين
3-عبدالحيم محمد حسين باك شمال
4-قطبى المهدى قشاش
5- عمر البشير حارس المرمى (شعيريه )
It is very clear now that they know the end is here! we are ready to protect the Sudanese Spring.
ياريت كل المسئولين يشدوا حيلهم علي هذا السلوك والكلام المنضيط
:crazy:
(إلى ذلك، قلل كرتي من قوة الولايات المتحدة، ووصفها بالضعيفة جداً، وقال إنه أمر يدعو للضحك لأن سياستها تقوم على أشخاص يؤثر عليهم النشطاء والمنظمات)
هدا التصريح يدكرنى بقصة الفار الدى ثمل وقال اين القطط وعندما ظهر القط فجاة قال له الفار لاتؤاخدوا السكارى بما يقولون
ياوزير خارجية الغفلة ادا كانت الولايات المتحدة ضعيفة جدا فقل لنا ماهى الدولة الاقوى منها . وماهو معيار القوة ان كان غير المال والسلاح ؟
ومايدعو للضحك تصريحاتك . والمضحك المبكى انك راس الدبلوماسية السودانية هدا ان وجد لها راس
كروت ديه جايه من كرته ولا شنو -فى مقابله البشير الحايمه اليومين ديل مع الطاهر التوم طبعا الاسئله مامباشره لكن ادوها الرئيس وجهز نفسه ولكن تحهيز تعبان وعامل فيها بينفعل -ماممكن تقول انو الجماهير الانتخبت كاشا ديه حقتنا- وبعدين يا الطاهر طالما انت عامل انك شفت وبتاع اسئله ماكان تسأل الرئيس عن بوشى ولماذا قبض عليه ولماذا تم تعذيبه مش ديه اكتنر قضيه شغلت الراى العا م اكتر من التعديل الوزارى وكاشا الفساد الرئيس قال مافى فساد وسكتك مع انو انت مقتنع والرئيس مقتنع والشعب مقتنع انو ازكم الخياشيم– بوشى قالوا ليك عدل ماتسال وبالتالى البرنامج قفقد المصداقيه-
ok you use plan B. But dont forget plan k( kick)!!!1 this is plan of the sudanese .people !!who get tired of ur foolish policy if we can call it so
OUR PROBLEM IS THAT GOVERMENT LEADERS ARE PART TIMER!!!THEY DONT HAVE TIME TO DO OR THINK OF WHATS IS HAPPENING OR WHAT HAPPEN !!CAUSE THEY ARE DAMN BUSY IN BUSINESS AND MONEY COLLECTION!!THEY ARE RACING AGAINST EACHOTHER WHO GOT THE BIG CAKE BEFORE COLLAPSE!!!ALL WANT TO GET WHAT HE CAN BEFORE THE ,!STROM!!THATS WHY THEY TALK SHIT
والله الزوله ده اهبل ومتخلف ونفعى كبير كلامو ده بدل على انو زول مابفهم حاجه غير جنى المال الحرام
ربنا ارنا فيهم يوم
يا سلام كمان بقت عندكم خطط أ,ب و خيارات بدون حدود طبعا كدولة مزدهرة و قوى عظمى على دويلة الجنوب الكحيانة ان تعمل حسابها تصريحات نارية زى دى و تحذيرات اكيد خلت الجنوبيين يرجفوا , الشىء الغريب ان ابالسة الانقاذ لن يملوا ابدا من مسرحيتهم الهزيلة المريضة هذه , والتى ظلوا يديرونها لعقود من الزمان, نفس المادة النتنة و نفس الوجوه القميئة و العرض البائس مستمر.
mr Ali KIRTI
As a nation we have chosen to go Hungry or even die with Dignity instead of beeing Humiliated,Blackmailed,or dispised. We have decided to keep our petrol under the ground for future generations instead of letting devils of your kind to play with.
Your Plan B or X is not new for us. you are going to use the nomads of Meseiriya and Rezigat to go and destabilise the local population alongside the border, and mind you we have even decided to close the border for any unneccesary movements and soon or later there will be no free Antonov moements over our Skies.
By the way Keep your evil cards in your pocket or else SOAK IT IN WATER AND DRINK IT. We are a Free Sovereign State and we are Masters of our own. Mind your problem as how to recover HALYEB and SHELATEEN back.But any funny behaviour is going to be costly in termsl of everything.
American is not weak as you presume but its just that thePresident is too flexible especially in dealing with Terrorists of your kind otherwise they owe you an appology
.
يا أخي ( عبّاس ) كلامك دا صحصح 100% ….. إنت عارف المزارع الفلسطيني هو من أغني المزارعين في العالم …. لأنّ أبناءه وبناته يعملون في إسرائيل عشايل يموُلوا الزراعة … في فلسطين ….. لكن الفرق هنا في السودان حكاية الجبايات …. من أجل بناء العمارات للقيادات …. ودي حتخلّى ….. وفععلاً خلّت أو جعلت المواطن السوداني يرحل إلى دولة الجنوب …. بأمواله وماشيته ….. لأنّ الأخ سلفاكير العظيم …. لم يفرض الجبايات الخرافيّة الحراميّة على النّاس في دولة الجنوب ….. بالرغم من أنّ البشير قال : أنا نصحت أخواننا الجنوبيّين عشان يفرضوا جبايات على المواطن والمستثمر في دولة الجنوب …. لأنّ دخل الجيايات أكبر من دخل البترول …… أنحنا ريّحنا دافع الجبايات …. زولنا بيمشي للناس في البيت وفي المصنع وفي المتجر وفي الورشة ولي ستّات الشاي ….وبيقول ليهم أدفعوا لي الضريبة …. وكان ما دايرين تدفعوها أمشوا قابلوا ناس المحليّة الحراميّة ….. أو كما قال البشير ….. الما حرامي كبير ولا أيّ حاجة ؟؟؟
يا كرتي .. حقيقة انت كرتة .. بدليل وصفك لامريكا بانها ضعيفة .. فعن كون انت تصف امريكا بانها ضعيفة .. هذا يدل علي جهلك بميزان قوة العالم .. اقتصاديا وتكنلوجيا .. ومن ناحية السلاح .. فانت الان لن تحارب الجنوب .. انما تحارب امريكا واسرائيل .. وقد ردت عليكم امريكا بقولها .. ان سلاح الطيران الامريكي .. جاهز لحماية جنوب السودان .. ومن ناحية ان الشعب السوداني .. سيحارب اخوته الجنوبيين .. فتلك حسمت .. امشو باسركم وابنائكم وملاقيط الانقاذ لتقودوا الحرب .. فقد اقتنع شعب السودان .. انكم تنظرون اليه كدرع لحماية منهوباتكم .. بعدين الشعب ميت ميت .. احسن اموتو في بيوتهم ووسط اسرهم وابنائهم .. وعن كون تحرم المتمردين من الغذاء .. فالمتمردين هم اهلنا وابناء عمومتنا فاتقي الله ..
هو انتو بتعرفوا بتخططو قال الخطة (ب) قال !!!!!! والله مهازل هوانت من الدفاع الشعبي للدبلوخونة ماسية ولكن الثورة قادمة وسنقتلكم ياخونة رميا بالرصاص فرد فرد دون تميز للحد الطبقي الخالقنوا انتو داخل عصاابتكم دي
وعـــــــــــــايد عــــــــــايد يااكتوبر
الخطة ب كالآتي.
-طرد السفير الامريكي احتجاجا علي موقف امريكا الداعم للارهاب
-ارسال تحزير شديد اللهجة الي روسيا
-ايقاف المساعدات الاقتصادية من بريطانيا اذا لم تحل مشكلة الحدود مع اسكتلندا
-مسح اسرائيل من الوجود اذا لم تحترم المجتمع الفلسطيني و ذلك باساءة الفلسطينيين
-ايقاف المساعدات المعنوية من الجنوبيين اذا تحدثو في الاعلام عن اضطهاض الشماليين لهم
شوف غيرها يا مهلوس .. امريكا الضعيفة دى هى اللى ركعتكم وجعلتكم توقعون على نيفاشا بشروطها وشروط الجنوبييين .. والسيناريو مستمر بفصل الجنوب ومن بعده تغيير وازالة مافيا الانقاذ .. وانت الان تواجه اسرائيل وامريكا والنرويج وليس كومبارس حكومة الجنوب .. خيرا لكم التفكير فى الخطة ( ج ) والمخارجة وترك الشعب يدبر امره دون استنزاف و زيادة المعاناة فالفينا مكفينا ..
الخطة ب يظهر عليها تمر من خلال مجارى الصرف الصحى لفندق قصر الصداقة .. برضو ما بتحلكم ..
واللة انت كرتة و بتتكلم كمان عن عدم و صول الغذاء, فهى نفس سىياستكم المتبعة فى تصفية الشرفاء, فانتم عصابة89 الاسلامية التي كفرت الحزب الشيوعى السودانى الاصيل وتتعامل الان مع الحزب الشيوعى الصيني وتمدح وتتملق لام الشيوعية السوفيتية فاعلم يا علي كرتة ان تصريحك هذا دليل آخر لارتكاب جرائم ضد الانسانية
شوية شوية
عشان نقدر نصدقك
قلت عندك خطة ب
يا كضوبتي أقصد يا كرتي خليك في السيخ والاسمنت بتاعك
حدك سوق السجانة الشيكات الطايرة
خليك لافي كدا مع رئيسك لمن أنبوب البترول يصل ميناء لامو في كينيا….وبعد داك تعال قول لينا عندك الخطة -ياء –
بلاش صعلقة معاك . قال دبلوماسى قال ، انا عارف بجيبوا لينا الناس ديل من وين
قال دبلوماسى قال ، انا عارف بجيبوا لينا الناس ديل من وين
ولد ده ولد ده…ولد شفت خلاص ياخوي السودان محمية صينية عرفناه ماعايزة ليها درس عصر ذي سوريا عشان كده امريكا ساكتة وشايفة وساختكم …العب غيرها برضو مابتنفعك الزمن طويل يابومة WHOOOOOOOOOOOOOOOOOOOOO
يااخوانا سؤال بمناسبة راس دبلوماسي دي..راس النيفة بقى بكم في حكاية الدولار ابوخمسه ده؟
في لقاء البشير مع الطاهر ..طبعا أنا ماتابعتوا ببساطة لانو واحد كضاب مع واحد ارزقي .. شنو قصة السديري الحايم بيه البشير اليومين دي؟
كلامك صاااح ايها الشيخ الورع الضرغام الجسور علي كرتي .. المجاهد النزيه .. وبطل المجاهدين ..
صحيح انه امريكا ضعيفة جدا وهي الآن واهنة تلعب بها الرياح كما غصن البان الاخضر ورويــان …
وكمان عارفين انه هيلاري كيلنتون اخر مرة جات السودان عزمتك في صاج السمك وحنستك وكانت لابسة سكيرت قصير ووزعت ليك البسمات وقالت ليك : الرسول فيك يا كرتي كما خليتنا ندخل الاغاثة للجوعي في النيل الازرق وجنوب كردفان ..ويتذكر كمان انت ابيت وحرنت كلو كلو كما هو معروف عنك بالحنكة ومهارة التفاوض ..وهوززت ليها راسك .. وفي النهاية رضيت بعد ما طالبت بوصلة سمك وازيدوا ليك الشطة مع السلطة وشرط تعجيزي الغرض منه ابداء العنت والرفض وهو .. تقطيع البصل كبار كبار …
دائما انت وفي للحركة الاسلامية وتعد من ابطال المجاهدين وأول من حاربت معه القرود في احراش الجنوب …
انه الابتلاء يا شيخنا …
وارجو منك ان لا تستخدم الخطة (ب) .. فهي خطة جهنمية جدا .. ارجو ادخارها لاحتلال جزر الكاريبي والمنطقة الشمالية من كندا … ولا يجوز ان تضيعها هكذا هباء منثورا في الجنوب ….
اما الخطة (ج) فارجو ادخارها لدعم الثورة الشعبية في فرنسا ضد ساركوزي …
المجرم السافل المتخلف الضلالي وزير الخارجية.كرته
بلد وزير خارجيتها كان إنسان شاعر … أديب…. مثقفاٍ…فناناً …كاتب…مهندس… محامي …قاضي …محمدأحمد محجوب كان إبن أسرة عريقة أهلها كانوا مشهورين بلعلم والمعرفة يتحدث بإسم الأمة العربية في الأمم المتحدة…. وزير خارجية كانت تحترمة كل دول العالم من شدة علمة وتواضعة وحنكتة وثقافتة
اليوم وزير خارجية أخوان الشيطان لعنة الله عليهم وزير تغطي …ملامحة كل الخبث… والقذارة ….والفسق….والجهل… والتخلف…. وزير بيوصف أكبر وأقوي دولة الأن علي الكرة الأرضية بلدولة المتخلفة.
أمريكا وغير أمريكا ماعندهم مشكلة مع الشعب السوداني …. عندها مشكلة معاكم إنتوا ياأخوان الشيطان …. ولمه يقرروا يضربوكم بضربوكم من ملكال يعني علي بعد خطوات من كوستي…. بس أنا بتمني إنو الإمريكان يقبضوا عليكم بنفس طريقة نوريجا …. (إذا بتعرف نوريجا) وتقعدوا في السجن حتي تصلوا أرذل العمر وتكونوا مسجونين ذي الكلاب في إنتظار عذاب الأخرة ….بسبب مافعلتوه في شعب السودان الطيب….
ينصر دينك يا حليم براغ
الى محمد احمد دافع الضرايب :
راس النيفة سعره زي راس الدبلوماسية .. يعني 7 جنيه بلغة اهل الانقاذ و7 الف جنيه بفهم الاقتصاد ولغة الحسابات ….
حكاية السديري دي كالآتي :
البني آدم دا بكون عايز يكشف الصقرية طوووووالي ..ولابد يكون جاهز .. بكون مفتكر انه اللقاء دا بكون فيو موسيقى وكدا .. عشان كدا جاء جاهز للرقيص والكشف … وكان فتشتو كووووويس بتلقى رابط نصو بالعمة عشان العشرة بلدي وكدا ….
قال خطة " ب " قال
الظاهر عليها "با بطيخ"
نامت نواطير مصر عن ثعالبها … فقد بشمن وما تفنى العناقيد …!!!!!!!!!!!!!
It is just a matter of time
خلوا بالكم كويس : الناس ديل عندهم 200 دبابة إشتروها من أوكرانيا كان لحقوا ودوها للجنوب حرم ما تخلى فيهو نفاخ النار.
تسلم يا مصطفى كونج.. شكلك متابع الاسعار بصورة كويسة.
تعرف كل مايرمي واحد فيهم دراب في الاعلام بحمد الله انو كلو بالعربي لانو لوكانوا بعرفوا انجليز لاصبحنا فقرة كوميدية ثابتة في الاعلام ..ولو انو البي بي سي مامقصره.
وطيب الخطة (أ) كانت شنو؟
يعني داير تقنعنا انو الامور في وزارة الخارجية ماشة وفق خطط و برامج
انتو شغلكم رزق اليوم باليوم يعلم الله