حاميها حراميها..!!.. من أين لك هذا ياعمر البشير؟ا
كمال عباس
الأزهري مات وبيته مرهوناوالرئيس عبود يرحل من بيت الحكومة ليسكن مع قريبه ، بينما يعلن عمر البشير : عندي بيت في كافوري والطائف ومزرعة في السليت وشقة – وهو الذي صرح في صيف 1989 ( لاأملك منزلا وأسكن في بيت الأسرة في كوبر الحلة ما كوبر العمارات !! ) فمن أين لك هذا ? .. قبل أن أتناول فساد البشير وحاشيته دعوني – كمقاربة ومقارنة-أسلط ضوءا كاشفا علي أحوال رؤساء السودان وقيادات البلاد لنري مدي شفافيتهم وحساسيتهم – ونقاء ذممهم المالية ولنترك للقارئ عبء مقارنة تلك القمم النزيهة بهذا المسخ الشائه الذي يقبع علي كرسي الرئاسة في غفلة
من الزمان – !!
الفريق عبود يغادر المسكن الحكومي رافضا عر ضا من حكومة أكتوبر ببناء مسكن يأوي أسرته !
كتب العقيد أ.ح. محجوب برير محمد نور : (…عرض السيد مبارك زروق بوصفه وزيراً للمالية ? بعد ثورة أكتوبر – على الرئيس عبود تخصيص مبلغ من المال؛ يكفي لبناء منزل يليق بمكانته كرأس دولة؛ بقي على رأس قيادة سلطة الحكم لست سنوات طوال عراض وتنازل عنه طوعاً واختياراً، وهو لا يملك منزلاً صغيراً كغيره من عامة المواطنين، وهمهم الحضور بموافقة جماعية، بل وتصايح البعض منهم فرحاً بالاقتراح الحكيم. لكن الرئيس عبود أذهل الجميع!! حيث رفض العرض في إباء وفي شمم وقال: (حقاً أنا رجل فقير؛ لا أملك سوى راتبي الشهري المحدود؛ غير أنني لا أرضى لنفسي كما كنت لا أرضى لغيري.. أن يُستباح المال العام لأغراض شخصية. وكل ما أرجوه هو أن أتقاضى راتبي التقاعدي المنصوص عليه قانوناً) ويقول الأستاذ شوقي في رواية أخري تختلف شكلا مع رواية محجوب برير* ولكنها تكشف حقيقة نظافة الفريق عبود(الفريق ابراهيم عبود ثانى قائد للجيش السودانى بعد قريبه الفريق أحمد محمد لم يكن له منزل . وفى أكتوبر عندما قرر أن يتنازل ليحقن الدماء طالب أن يترك ابنه ليواصل دراسته فى لندن ، وأن تجد الحكومة له مسكنا). ولقد فعلوا . وعندما قّدم رجال الحكم العسكرى الأول للمحكمة بتهمة الثراء الحرام لم يجدوا شيئا فى حساباتهم أو ممتلكاتهم . فقال اللواء حسن بشير هازئا فى المحكمة : نحن مذنبون بتهمة الفقر الحرام ) .
الأزهري مات وبيته مرهون للبنك العقاري وفي رصيده مبلغ 55 جنيها!!
وجدت لجنة التحقيق المايوية ( ان حصيلة الـ (55) جنيهاً في حسابه بالبنك وهو رئيس مجلس السيادة ورهن منزله للبنك العقاري) ويقول المؤرخ الشعبي شوقي بدري ا(لأزهرى مات ومنزله مرهون . عندما أراد الأزهرى أن يوسّع منزله ، ,,,,. كتب الزعيم الأزهرى لمحمد البشير طالبا سلفية خمسمية جنيه ، طالبا مشاركة بقية تجار ملكال متعهدا برد المبلغ من مرتبه فى مدة سنة . وقام تجار ملكال بتسليفه المبلغ . فى حوزتى نسخة من خطاب الزعيم الأزهرى ، ورد محمد البشير وأسماء التجار ورقم الشيك)) .
وعن الوزير حسن عوض الله رفيق الأزهري يقول شوقي بدري (السيد حسن عوض الله الرجل الثانى فى الوطنى الانحادى الذى كان يغنى له فى أغانى السيرة فى أمدرمان أزهرى اتعلّى والثانى حسن عوض الله هذا الرجل كان يسكن فى منزل بالايجار فى الملازمين . وقبلها فى الزقاق الضيق الذى يمتد من ميدان البوستة فى امدرمان الى بوابة مركز بوليس أمدرمان خلف بار (على كيفك) لصاحبه أبوستولو حاجوقلى )
إستدعاء للتراث الإسلامي: الخليفة الزاهد عمر بن الخطاب والمشير الفاسد عمر البشير
عن عبد الله بن عامر بن ربيعة قال: خرجت مع عمر بن الخطاب t حاجّا من المدينة إلى مكة، إلى أن رجعنا، فما ضرب له فسطاطا، ولا خباء، كان يلقي الكساء والنطع على الشجرة فيستظل تحته. يروى أن أمير المؤمنين عمر بن الخطاب -رضي الله عنه- وزَّع على الناس أثوابًا، وكان الثوب يكفي الرجل حتى ساقيه، ولا يغطِّي سائر رجليه، وأخذ عمر ثوبًا مثل عامة الناس، وصعد المنبر فرآه الناس في ثوب طويل، ولما افتتح خطبته قال: أيها الناس، اسمعوا وأطيعوا، فقام أحد الحاضرين، وقال: لا سمع ولا طاعة فسأله عمر: ولماذا؟ فأجاب الرجل: لأنك أعطيتنا تلك الثياب القصيرة، واستأثرت لنفسك بهذا الثوب الطويل، فأمر عمر بن الخطاب ابنه عبد الله أن يرُدَّ على هذا الرجل ويبين له الحقيقة، فقام عبد الله بن عمر -رضي الله عنه- ليعلن أنه قد تنازل عن ثوبه لأبيه حتى يكمل به جلبابه، فقال الرجل: الآن قل، نسمع ونطع.) لماذا نستدعي التراث الإسلام ونقحمه في الحاضر? لم نقم بإستدعاء التراث الديني وأستنطاق التاريخ – إعتباطا أو ترفا فكريا وإنما فعلنا ذلك لضرورة منهجية – وهي تبيان المفارقة والتناقض مابين الشعار الديني المرفوع – من قبل الانقاذ والممارسة العملية التي تتنافي مع قيم الأديان وكريم المعتقدات – فالبشير الذي- لايتورع عن النفاق والكذب والفساد وقتل الابرياءوتزوير الإنتخابات يقوم بالمتاجرة بالدين وأدعاء الحرص علي تطبيق مقاصد الدين. البشير بهذا – يتناقض مع سيرة سلفه الزاهد عمر بن الخطاب ويتطاول في البنيان ويفاخر بتعدد مساكنه الفخيمة ومزارعه وإستراحاته لخاصة- حيث الغناء والرقص والإبتهاج الرئاسي -!! ، وهو أمر يبين وبجلاء أن البشير لا يعرف من الإسلام الا قشوره وأنه يوظف الدين لأغراض سياسية وذاتية ويستخدمه كسلاح لضرب وإرهاب خصومه وكأداة لدغدغة مشاعر البسطاء والدفع بشباب ومهمشي الحزب الحاكم كوقود للحروب وكحناجر تهتف بإسمه وتعيش بعدها في ظل الحرمان بينما ينعم هو بالقصور والمساكن الفاخرة والرياض الخضراء والمزارع الوارفة!!…
البشير والفساد !! ..الديكتاتورية هي الخيمة التي تظل المفسديين والسيف المنافح عنهم!!
إعتراف البشير بإمتلاك هذه العقارات لم يأتي كضرب من الشفافية والوضوح وإنما جاء كضربة إستباقية تقطع الطريق إمام الحديث عن ثرائه وفساده و كإعلان – للمعلوم للناس سلفا- حتي يقال كم هو زاهد ونزيه هذا الرجل ! بس بيت في كافوري ومزرعة نموذجية في السليت وشقة في مجمع النصر السكني وبيت في الطائف!! وينسي الكاذب بأنه أعلن متبجحا في 89 أنه لايملك شئيا من حطام الدنياوأنه يسكن في حي بسيط بكوبر ! ويظن سيادته أن الناس ستصدق أنه هذه هي كل ممتلكاته وأنه صادق في إقراره !!- وأنه لا يملك شئيا تحت إسماءالزوجات والأخوان ! ، لم يسترسل البشير ليحدثنا عن أرصدته في البنوك الخارجية وعن مصدر ثروته وثروات أخوانه من أين له ولهم بهذا ? ولم يقل شئيا عن سر إعجابه وحمايته للمتعافي والجاز وأسامة عبد الله ونافع ولم يحدثنا عن مؤسسة سند الخيرية التي ترأس مجلس إدارتهازوجته- السيدة وداد بابكر وعن علاقته بجمال الوالي! البشير جزء من منظو مة الفساد وهو الحامي والمتستر علي أركان الفساد وبالتالي لايمكن أن يتوقع عاقل أن يجتث البشير الفساد – وقد أجمعت كافة مذكرات تيارات المؤتمر الوطني- الإحتجاجية – علي تفشي جرثومة الفساد وقد صرح عضو مجلس الشورى القومي بالوطني والبرلماني المهندس عبدالرؤوف بابكر سعد في حوار مع «الإنتباهة «إبليس إذا جاء للسودان سيستغرب الفساد الموجود به !! وأضاف متهمًا جهات ووزارات بأنها تحولت «لكنتينات» ومراكز قوى تقوم بتجنيب الإيرادات لافتًا لمجهودات يقوم بها البرلمان والمالية لإرجاع هذا المال المجنَّب لخزينة الدولة، وأشار إلى أن رائحة الفساد قد فاحت، وأبان أن المواطنين في بيوت الأعراس والمآتم أصبحوا يتحدثون عن الفساد، )….إذا ماعاد إنكار غول الفساد مجديا وماعادت اللجنة والاليات الحكوميةالمكونة للتحقيق في الفساد- مقنعة ا لأي عاقل ,,, محاربة الفساد تتطلب شفافيةعالية وإستقلال القضا وصحافةء حرة وبرلمان ديموقراطي ودولة مؤسسات وأجهزة رقابة محائدة ومنظمات مجتمع مدني فاعلة ! ظهور البشير في التلفزبون وحديثه عن محاربة الفساد لايعدو أن يكون محاولة لزر الرماد في الاعين والتفاف مفضوح المرامي !! أخطبوط الفساد متمدد في أجهزةالدولة والمؤسسات ، ولكل مافيا وعصابة سندها ومراكز قوتها ، وكثيرا من الوثائق التي تكشف الفساد تأتي كضغط وإبتزاز أو تصفية حسابات من مجموعات أخري !، فلكل مافيا أزرع إعلامية وصحفيين يفضحون خصومها من الأطراف الأخري وما يظهر للإعلام من فضائح ماهو الا قمة جبل الجليد الطافية فوق السطح
والان هل عرفت ياحضرة – المشير – لماذا أنت مطرود من قلوب المسحوقيين والفقراء والجوعي – ولماذا تلفظك ضمائير وعقول الشرفاء من إبناء بلادي ? ولماذا يسكن أسمك علي ألسن وشفاه المطبليين والمنتفعين وماسحي الجوخ ? ولماذا تطاردك المنظمات الدولية ويتحاشاك العقلاء من رؤ ساء الدول وقاد ة الأمم ? ,,, لا أدري الي متي تواصل أدمان عادة إستفراغ الأكاذييب والتضليل وعبث التذاكي وأفتراض الغباء في الشعوب ?
ـــــ
حاشية
لفائدة القارئ أضع هذا الخبر القديم الذي يروج لبساطة مرتب البشير وتواضع حاله المالي ليقرأ مع تصريح البشير الجديد الذي يفضح ثراء الرئيس الفاحش !
علي عثمان: إجمالي راتب البشير دون الـ(9) آلاف جنية وراتبي (7) آلاف جنيه
*(( لفت طه لدي مخاطبته جلسة الانعقاد الثانية للمجلس الأعلى للحكم المحلي الأمركزي التي يرأس بدايتها رئيس الجمهورية المشير عمر حسن أحمد البشير بقاعه الصداقة أمس الاثنين ، لفت الي راتب رئيس الجمهورية دون الـ(9) آلاف جنية وان راتبه هو ? علي عثمان محمد طه -( 7) آلاف جنية وقال (ده إجمالي المرتب البتمشي بيهو بيتك ولا توجد (شراشف) أو حوافز ثابتة تضاف إليه) .
صحيفة الأهرام اليوم
مارس 2011
والبشير :- عندي بيت في كافوري والطائف ومزرعة
في السليت وشقة في مجمع النصر !
فمن أين أتيت بتلك الأملاك المليارية يامشير..؟
كمال عباس
[email protected]
سيدى عمر البشير خدمة فى القوات المسلحة اعواما من عمرى وكنت اتشرف انى كنت واحد من رجالها وعملى تحت قيادة اللواء حسن عثمان ضحوى رجل ولا كل ارجال …وتمت احالتى الى التقاعدفى بداية التسعينات لماذا ل اعلم؟؟؟؟؟؟؟؟؟؟؟؟؟؟؟؟؟؟ وكل ما اريد قولة بانى تقدمت لمتلاك ارض فى الخطة السكنية الخاصة بالقوات فى عام 1982 وحتىاليوم و معاشى الشهرى250جنية ( ياللعار) ولم يظهر اسمى حتى يومنا هذا بكشف الاراض…..؟؟؟؟؟؟؟؟؟؟؟؟؟؟؟؟؟؟و انت ياسيدى تمتلك الان القصور والمزارع …من اين لك هذا ؟هل هى ورثة من حوش بنقا .
أتعجب ؟؟؟ ما الذى يقعد الشعب السودانى عن الثورة – يا ناس سودانا ملى المنام – يا خرطوم ثورى ثورى
والله العظيم هى كلها ثلاثه أيام او بحد اقصى اسبوع ونخلص من هذة الذبالة – فلنضع الأسئله السخيفة هذه جانبا مثل شاكلة – عشان يجى منو ؟ والأحزاب سو شنو.؟
الموضوع بسيط جدا وفى ايدينا – الخطوة التخلص من هذة الذبالة
الخطوة الثانية نثور – عصينا . عصينا حتى يخرج من صلب هذا الشعب من فية الوطنية لقدمة هذا الوطن ويحافظ على استقلال القضاء والحكم الديمقراطى الرشيد
الله بمهل = ولا يهمل
( من اين اتيت بتلك الاملاك المليارية يا مشير …..؟ ) سؤال مشروع …….!!
اخي كمال عباس والله كل الشعب السوداني يعلم بان السودان تحكمه عصابه من البلطجيه من البشير واخوانه وزوجته وابو العفين نافع والجاز وابو رياله وعلي عثمان وعبدالرحيم حمدي والمتعافي كبير الحراميه وحتي اصغر موظف في الانقاذ وحتي الغفراء ان الاوان للثوره والقصاص
لا يوجد حل امام الشعب سوى العصيان المدنىاو الجيش يعمل انقلاب
وزارت الطبخ تقطع راس البصل او لجنت الفساد الله يسئلك ياود البشير قصور واستراحات كلهن من راتب ياود البشير خارج نفسك لاتعمر دنيت غيرك وتخرب اخرت ذُريه ماعندك الدنيه الى من تجمعتها
من هو الذى خدع البشير ليعترف انت قلبت الحكومة لترتاح انت او لتريح الشعب ما هو دورك كحاكم انت انسان غبى وضعيف زوكمان حرامى لماذا تنهب مال الشعب لماذا تسرق ولمن البيوت والاملاك هذه كيف تقابل ربك كيف تصلى رجع اموال الشعب للشعب وقدمو استقالتكم
أستاذنا / كمال صديق . نقترح ..
– أن يكون مجمع البشير فى عزيز كافورى بعد ذهاب البشير من السلطة بإذن الله وهى قريب جدا
جامعة كافورى للعلوم والتقنية وكليات بحوث . هى موقع جميل لسهولة وصول الطلاب وبه جميع مراق الجامعات الحديثة فى العالم مثل المسجد الذى بنية بطراز تركى والاسواق المحيطة بها والموقع خلاب وجميل وجميل …
– وقصر البشير فى مدينة الطائف دارا بديلا لأطفال الميقوما الايتام والمزرعة النموذية فى السليت فيه مراح أبقار من الفريزر الهولندى الحالب للحليب تطويره ليكون بديلا لحليب أطفال الميقوما …
– وشقته الفاخر فى سكن النصر يباع فى دلالة حرة لمن يشتريه بدولارات أكثر ليدخل خزينة الدولة والبشير عندما جاء للحكم لايملك غير بيت أبيه الطين فى كوبر وترميم هذا البيت لأسرة البشير لحفظ ماء وجه أهله …
– وكل هذه الاشياء حق للشعب السودانى هى ماله المدخر قسرا لدى رئيس الدولة ومصدق وموثق من فم الرئيس بقوله أنا ماعندى زول أورثه نقول نحن الشعب الورثاء الحقيقين لمال رئيس الدولة من بعد وفاته أو أعتقاله من الجنائية الدولية أو فى حالة أغتياله أو خلعه بإنتفاضة شعبية وهو مستهدف من كل الجهات داخلية وخارجية .إنتهى ….
بالله عليكم رئيس جهورية يكون ما عندو بيت في الزمن دة اقرب صعلوك يملك بيوت في المعمورة نكون واقعين ونترك الحقد
الجيل الحالى يدفع فاتورة اخطاء اجيال اخرى …اكبر خطا ارتكبة الشعب السودانى انة فرط فى رئيس ذى عبود;( ;(
يا اخونا وردي البحصل في السودان ده يؤكد اننا افارقة 100% ما تستعجل لمن يجي الربيع الافريقي بنقوم بثورتنا
صراحة ممتلكات قيمتها عادية لرئيس خدم اكثر من 22 سنة…….يعني حسابياً بس لو كان متوسطمايتقاضاه الرئيس في الشهر خلال ال22 سنة ثلاثون مليوناً في الشهر واذا قسمناها علي متوسط سعر الصرف خلال هذه السنوات 3750 يكون اجمالي دخله 8 الف دولار مبلغ معقول جداً….وبضرب اجمالي دخله في 12 شهر يعني دخله في السنة 360 مليون لو بصرف في الشهر 10 مليون معناها بيوفر في الشهر 20 مليون وفي السنة 240 مليون وفي ال22 سنة 5 مليار و280 مليون وهي كافية لشراء بيت في كافوري وبيت في الطائف ومزرعة في السليت وشقة لأن سعر الاربعة عقارات هذه لايتجاوز الاربعة مليار بكل المقاييس أذا حق الرجل فلا تظلموه…
البشير رجل قفة ساكت و غير مؤهل لقيادة دولة و لا يجيد الا الرقص الذى لا يليق برجل دولة و بطانته بطانة سوء و هى مسيطرة عليه تماما تلعب به كما تشاء و الدليل على ذلك عندما تقدم البشير باقتراح لتكوين مفوضية لمحاربة الفساد (لاحظ رئيس الجمهورية يقترح بدلا عن يأمر) تقدم منه المفسد دوكة وزير العدل و اثناه عن توجهه لتكوين المفوضية و اقنعه بأن آليات محاربة الفساد موجودة بالفعل و ليست هناك حاجة لتكوين مفوضية جديدة! طيب اذا كانت هذه الآليات موجودة فأين هى من الفساد الذى استشرى فى جميع مفاصل الدولة و أصبح حديث البلاد و العباد؟ و حيث ان البشير قد اعترف بامتلاك كل هذه الأملاك فلا شك أن ما خفى كان أعظم و من أين له الأموال التى اشترى بها كل هذه الأملاك و هو كما يزعم نائبه ان راتبه 9 آلاف جنيه؟ و أين هو من فساد اخوانه الذين امتلكوا الكثير من الشركات من أين لهم هذه الأموال و أين هو من فساد زوجته وداد بابكر التى استأجرت صندوق امانات فى أحد بنوك لندن لمدة 5 سنوات و هذا الصندوق يمكن أن يسع 100 كيلوجرام من المقتنيات الثمينة و ماذا وضعت فيه؟ البشير لا أمل يرجى منه على الاطلاق و لا يهمه من أمر الشعب و لا البلاد شيئا و مسألة أن يحكم دولة هذا شيئ أكبر منه كثيرا و فوق قدراته المتواضعة جدا و البطانة التى حوله فاسدة بل متعفنة تماما من الفساد و لا سبيل الى اصلاحها و لا أمل اطلاقا يرجى منها ان تعود الى رشدها و يصحو ضميرها لانها أصلا لا ضمير و لا أمانة لها بتاتا.
اين الرئيس نميري من مقالك ياكمال عباس الا تدري عندما فارق الدنيا لم يكن يملك منزل ام اانك نسيته عمدا لشئ في نفس يعقوب ولكنه لا يحتاج لشهاتك فكل الشعب السوداني يشهد بذلك
يا أيها الحاقدون فالبشير كان يضرب مثالا لما يجب ان يفعله المسؤولون في ابراء الذمة ولكن ضعاف النفوس امثال هذا الكاتب وكثير من المعلقين لا يفهمون ولو كانوا لتريثوا قبل ان يطلقوا اقلامهم في سوء الظن وما تلاه –
واتعجب من هذا الوردي الذي يتعجب عن ما يقعد الشعب السوداني عن الثورة – فالعجب يا وردي ان تعلم ان الشعب السوداني كله يثور من اجل البشير – لانه أبن بلد و لايعنيه الا البلد .
هذا زمانك يا مهازل فامرحي….هذه مقدمه لرائحة فساد البشير واختلاسه لاموال الشعب السوداني ويجاهر بها كأنه ظلم قبل ان يأخذ من هذا المال السائب قام السيد سلفاكير باغلاق امبوب النفط؟؟
:cool:
اذا كان البشير لا يأكل ولا يشرب … وبشهادة علي عثمان وبعملية حسابية من المفترض ان يكون رصيده 9000×12×20سنة=2160000جنيها، هل هذا المبلغ يكفي لعمل بيت في كافوري ومزرعة نموذجية وبيت في الطائف وشقة(مع التأسيس طبعا)وهو الذي كان لا يملك شيئا قبل البيان الاول؟؟؟؟؟؟؟؟؟؟ويا ايها العطبراوي إن إبراء الذمة تكون عندبداية العهد وليست في النهاية كما فعل عمر بن الخطاب رضي الله عنه مع الولاة،ماكم كيف تحكمون؟؟؟؟
هذا ما تم تسجيله باسمه من الأملاك حتي يستر به البقية الباقية والتي لا تحصي ولا تعد فهو يحترس ليوم المحاسبة فوقتها يقول لكم هذه الأموال التي تلعت بها من الحكم خذوها وخلوي سبيلي . فهل يعقل هذا واموال أخوانه تسير ميزانيات ولايات كاملة من أين لهم هذا سوي أنهم أخوان الرئيس .
يا أخي إقرار الذمة يوضح ما يملكه المسول قبل تولي المنصب – وذمة البشير تكون من يوم تولى السلطة ، فهل العقيد عمر البشير عندما استولى على السلطة في تلك الليلة المشئومة يملك بيت في كافوري والطائف ومزرعة في السليت ؟ وهل زوجته وداد بابكر كانت تملك أموال بعد وفاة شمس الدين؟ وهل أخوان البشير لديهم هذه الأموال والشركات قبل أن يكون أخاهم رئيس ؟
سؤال بسيط للمراجع العام – وثائق ويكليس ذكرت أن أرصدة البشير في البنوك الخارجية تصل إلى (9) مليار دولار – فهل ياترى الرئيس كتب هذا في إقرار الذمة ? ومن ابن جاء بها ؟ ومرتبه ومخصصاته في الجيش معروفة
وهل قطبي المهدي الذي كشفت سرقة بيته انه يملك صرافة في البيت ؟ هل كتب إقرار بها ؟ ام مازال يضحك علي القاضي بأنها أموال إيجارات لأحد أقربائه ؟
.
كتب السيد العطبراوي
يا أيها الحاقدون فالبشير كان يضرب مثالا لما يجب ان يفعله المسؤولون في ابراء الذمة ولكن ضعاف النفوس امثال هذا الكاتب وكثير من المعلقين لا يفهمون ولو كانوا لتريثوا قبل ان يطلقوا اقلامهم في سوء الظن وما تلاه
وكتب السيد الدعاش
صراحة ممتلكات قيمتها عادية لرئيس خدم اكثر من 22 سنة…….يعني حسابياً بس لو كان متوسطمايتقاضاه الرئيس في الشهر خلال ال22 سنة ثلاثون مليوناً في الشهر واذا قسمناها علي متوسط سعر الصرف خلال هذه السنوات 3750 يكون اجمالي دخله 8 الف دولار مبلغ معقول جداً
………
إفتراضاتك خاطئية فجملة دخل البشير شهريا ذكره علي عثمان
محمد طه
(( لفت طه لدي مخاطبته جلسة الانعقاد الثانية للمجلس الأعلى للحكم المحلي الأمركزي التي يرأس بدايتها رئيس الجمهورية المشير عمر حسن أحمد البشير بقاعه الصداقة أمس الاثنين ، لفت الي راتب رئيس الجمهورية دون الـ(9) آلاف جنية وان راتبه هو ? علي عثمان محمد طه -( 7) آلاف جنية وقال (ده إجمالي المرتب البتمشي بيهو بيتك ولا توجد (شراشف) أو حوافز ثابتة تضاف إليه) .
يعني أقل من 2000 دولار شهريا ! أوعي تقول إنو كان بوفر دخلوا
كلو !
وياسيد عطبراوي – سيبنا من الإنشاء والمهاترات الخاوية ! الكلام
واضح الزول سنة 89 ماكان عندو بيت ودخلو الشهري لا يكفي – للتوفير
لشراء بيت عادي ناهيك عن ثلاثة مساكن فاخرة في أحياء راقية ومزرعة
كمان !
السؤال جاب الأملاك دي من وين ? إقرار ذمة بتاع الساعة كم?
إقرار الذمة – هو إثبات واقع – والعندو القلم مابيكتب نفسو شقي !
أها تاني جاب الممتلكات دي من وين !
ابو جاعورة ده كذاب اللبوة الرئاسية دي جابت الاووووووووووووووووه دا من وين؟
اقول للمدعو كمال عباس
انتم الحقد والكراهيه صارة جزاء لا يتجزاء من قلوبكم 0
تتكلمون عن عمر البشير رائيس دولة احتاره الشعب عن طريق انتخابات وصرتم تتكلمون
عن زوجاته واسرته بكل الوقاحه نعم عمر البشير يمتلك مزرعه وبيت اوفيلاء في كافوري وايه المشكله
الان لوكان عندو مزرعه بيزرع فيها تمباك 000 00او صعوط كان حايمتلك اكثر من
ذالك
تتكلم عن اسرتهواهل بيته عمر البشير لمان كان بحارب في الخوارح والمتمردين وين كنت انت وامثالك
انتم اعداء انفسكم واعداء للشعب السوداني دعو الفلسفه العمياء والحقد والكراهيه
التي سوف تاكلكم نارها او تموتون بالغيظ والكمد عمر البشير انزه منك ومن امثالك0
المعلق العطبراوي لا املك ان اقول لك الا ان يبرا الله ذمتنا من النار
اما من ولي علينا واخذ ما ليس له اللهم اقتص لنا فيه في الدنيا والاخره
سؤل حسني مبارك ايام في الحكم عن ثروت علاء ثم عن ثروة جمال فاجاب ( يا جماعة ده الوله بيوفر من مصروفه) ونحن نقول الآن عن هذه القصور والشقق والمزرعة يا جماعة ده الوله بيوفر من مصروفه ;) ;) ;) ;)
خطابه ده زي خطاب مبارك التاني الاخير الفاشل ، لا حارب الفساد لا نصر المناصير بل دفاع عن الفساد ده زي خطاب مبارك ردود الفعل كوووووووووولها من الشعب استنكرته ده دليل الناس ديل فهمهم كمل وهذه علامات النهاية وتذكروا هذا الكلام جيدا قربت النهاية
يا جماعة الخير هذه الأملاك والأموال حلاله وبلاله بحسبه صغيره وهي كاآتي البشير بيصرف 9 ألف جنبه وما بياكل منها لأن الأكل علي حساب الدوله إذن 9 ألف في 22 سنه يساوي 200 مليون يعني ده حقوا بالحلال والبلال
انت الصادق، ادّعى أنه يسكن في بيتهم بكوبر، ثم بعد فترة قصيرة انتقل إلى البيت الذي كان يسكنه نميري بجوار القيادة العامة (و هو بيت مدنكل بالمناسبة)، بحجة أن هذا الانتقال جاء بطلب من جهاز الأمن حيث كان من الصعب توفير إجراءات الأمن في كوبر دون مضايقة السكان (شوف الحنية دي). يبقى أن موضوع بيت كافوري و الطائف و المزرعة و الشقة قد تحقق مما وفّره خلال 23 سنة من راتبه. يللا أحسبوها
يا ابكضوم امشى ظبت لغتك دى املاءًو انشاءً اولاً وبعدين تعال نشوف موضوع الثقافة و الادراك . موش اى واحد يعمل ليهو كمبيوتر و يجى يهرينا بكلام الطير فى الباقير . فيا اخى اقرا و انت ساكت لو سمحت .
والله حيرتووووووووووووووونا.. هو رئيس ولا رجل اعمال..والاملاك دى جابة من وين.. وهل لو نزل المعاش بعد سنين الابادة فى الشعب السودانى الصابر(على المحنة) حيقدر يعمل المليارات دى.. اختشى يا راجل .. انت قايل الناس ما بتفرق بين..بيت كافوررررررى وبين بيت امبدة الرخيص الثمن .. اختشى يا حرامى .. نحنا عاوزين قرووووووووووووووشنا ..اجلا" اوعاجلا".. لانو الدين وسرقة الانقاذين الانتهازين الحرامية الكذابين كترت شديد..مابنخليكم حتى يلج الجمل فى سم الخياط . حاسبنا وروح الجنائية ستين داهية تزفك .. واسلام ختام
الى المدعو ابو كضوم .. والله الظاهر من كضومك دى انك مؤتمر بطنى.. هل محاربة سيدك البشير للخوارج وجلوسه على انفاس شعبنا الطيب يعطيه الحق فى امتلاك كل هذه الثروات ؟؟؟ قبحكم الله ياجبهجية ياكيزان !! ويل لكم من عذاب يوم عظيم نسيتم الله فانساكم انفسكم !!! الكاتب يقول ليك كل الرؤساء القبل سيدك العفن ده ماتوا وهم لايملكون شيئا من حطام الدنيا عبود الازهرى وحتى نميرى الذى حكم 16 عاما ولكنه كان شريفا ولم يكن لصا مثل اسيادك هؤلاء.. خسئتم وان مصيركم الى جهنم وبئس المهاد!! وصبرا صبرا ياهؤلاء فان الثورة قادمة وحينها سوف نعرف مصدر هذه الكضوم .. قبحكم الله!!!
يا أبجضوم .. إنت جضومك دى عملتها بى شنو فى الزمن الصعب دهظ
نحنا ذاتنا كايسين لى الناس البدافعوا عن الفساد والمفسدين
بجى يوم نمسكك من جضومك ونقول ليك من أين لك هذا؟؟
المعلق ابو كضوم
البشير لم يختلره الشعب بل فرض نفسه علي الشعب وانت عارف كويس
بعدين متمردين وخوارج كان بيكاتل فيهم عشان الشعب دي وظيفتو زيو وزي اي ضابط ويتقاضي عليها مرتب
خلاص اي زول كان بيكاتل يستحق نفس الممتلكات رايك شنو
بعدين الانتماء الاعمي بتاعك دا هو المؤخر البلد امشي شوف الكيزان عملوا شنو وسرقوا كم
يا اخوانا البشير دا شغال 20سنة رئيس جمهورية …يعنى مرتبة دا حيودية وين…زول لاعندة ولد ولابنت…..ناهيك من الحوافز والبدلات……..الراجل كلامة منطقى
كل ما ذكره الرئيس الا تحسين لصورته التى اصبحت باهته وعليها ضبابيه وتحوم حوله الشبهات وانه مختلس و مدلس و معـتدى على المال العام و معه هؤلاء الهوام وشبع وما زال يتربص ويدخر ويجمع من المال والعقار والاراضى ويهدى و يتبرع بما لا يملك ولمن للبعيد والقريب اولى بما تقدم ايها الريس الذى اقام له دولة داحل دولة وهى ود بانقا فى حى كافورى .
لم يشهد السودان بعهد الاقطاع و السخره الا فى عهد النظام المهين والمتسلط على رقتب الشعب الصبور والمتسامح والذى يعطى ولا يأخـذ ويضحى ولا يشكر و يموت ولا يجد الرحمه والدعاء له بالمغفره ؟
املاكك ومالك اذا كانت بالحلال ومن عرقك وجهدك و عدلك لن نطالبك بردها و لن يتجرأ احد ان يقدم اة اتهام لك او اشانة سمعتك ولكن الفضحيه و السترة متبرايات ايها الريس ؟
من منزل عادى الى قصر وكل ال البيت اصبحوا من رجال الاعمال و هجرة اقاربك من ودبانقا الى كافورى وبشكل مسير للريبه يستأجر منزل فى كوبر االحى العتيق وبعداشهر معدودات يكون صاحب ملك لفله ومركبه فارهه و وظيفة هل هذا هو عدل لا والله لن يرضى الله ورسوله عليه الصلاة و السلام وانه حجتنا امام العداله وامام الله لتنال عقابك الدنيوى وفى الاخره لك الدرك الاسفل من السعير .
مخافة الله رحمه للعبد من اليوم الاخر ولماذا لا تعمل لاخرتك وتنسى الدنيا بما حملت انها زائله .
لقد عميت بصيرتك وتجبرته و تكبرته وتعاليت ونسيت ان للحيطان ودان ولاتنسى ان الكل يعلم بما يدور فى الخفاء ومن هم حولك يتحدثون عن ابسط الاشياء والعز الذى تعيش فيه من شخص بسيط عادى الى ملتى ملياردير واسرتك ؟
الحساب والعقاب وسوف يكون الجزاء من جنس العمل وشد حيلك عاد وانتظر ؟
بس حاخدكم على تعريجة صغيرة بعيدة عن هزا اللكلام الزي يثلج الصدور
لاحظت في خطاب السيد عمر شيءين اولا :هزا الرجل كان لمن تسمعة يتحدث بتحس بانو فيو شئ لله والله ياخوانا انا ماعارف الشئ ده شنو لكن كان الواحد برتاح انو اسمع كلام الزول ده زي الربنا مديهو جازبية للزول البسمعو بالرغم من كل الحاجات السيئة العملا الاحساس ده تلاشا منه في مقابلته الاخيرة
ثانيا ياخ ات زول رافع شعار الدين الاحاديث ما حافظا (لو سرق فيهم العظيم اقامو عليه الحد)
يا عمر والله نصيحة من زول بريدك في الله امشي راجع روحك وماتغرك الزايلة واعلم ان الله يعفي للعبد كل شئ الا الشرك وحق الناس
اعزروني لركاكة الكلمات بس انشاءالله الفكرة وصلت
شيخ حسن الترابي عند المفاصله والحديث عن طرق الانقاذ الغربى واتهام علي الحاج بانه سرق اموال الطريق في احدى الندوات ذكر الترابي بأن البشير يملك 4 عمارات تم
شراءها بواسطة سماسره موالون للترابى زرعهم الترابي له حتي يعرف مدى نزاهتهم وهو كان معهم في السلطه طيب كم عماره زوق البشير الترابي واشتراها له سمسار آخر لم يتم رصده بواسطة حوارى الترابي والله ياجماعه السودان اتباع زمان وماباقي
فيهو حاجه والفساد البتكلم فيهو البشير يكون عايز يأخذ حقوا منو وبس.
أبو كضوم جاء يكحلها فعماها !!
قال:-
*((تتكلم عن اسرتهواهل بيته عمر البشير لمان كان بحارب في الخوارح والمتمردين وين كنت انت وامثالك انتم اعداء انفسكم واعداء للشعب السوداني دعو الفلسفه العمياء والحقد والكراهيه
التي سوف تاكلكم نارها او تموتون بالغيظ والكمد عمر البشير انزه منك ومن امثالك0 ))
كدي علي سيرة الخوارج خلي يحرر حلائب والفشقة وينتقم من ضربات
إسرائيل !!: ياأخي زولك دا أكتر حاكم أو ضابط فرط في سيادة
البلد ودي دايرة محاكمة تانية غير قضية الفساد !!
دحين إنت زولك ماكان إنو مايخلي القوات الدولية تدخل دارفور ?!!
oo الجماعة الشابكنا الراجل حكم عشرين سنة وعشان كدة مرتبو بيسمح
بإمتلاك البيوت الفخمة دي !! دا كلام ساي …!! مرتبوا جابوهو ليكم
بالحتة فوق كدي ضربوه وأخصموا منو حق أكل ومصاريف بيوتو وضيوفو
وخلي يوفر نصو شوفو لو جاب بيت عادي في سكن متوسط !!
يابضكضوم ويا العطبراوي
اي انتخابات التي اختاره فيها الشعب ؟ انتخابات 2008م ؟؟
بعد توليه الحكم عنوة بـ 19 عاماً تقول لي انتخابات ؟ وما ضمنك ان البشير كان فائزاً او فاز بالتزوير ؟
ودي انتخابات مسرحية لو بتفهم لاضفاء صبغة الشرعية بعد 19 عام ولو صوت الشعب او ما صوت فهو فائز فائز لانه اللي في ايده القلم ما بكتب نفسه شقي.
ثانياً يا ود عطبرة
خلينا من موضوع البشير رأيك شنو في ثراء اخوانه الفاحش ؟
اكثر من عشرين شركة لاخوانه وقبل الثورة لم يكن لديهم شيء
ما الذي يجعل اخوانه فاسدين وهو بمنأى عن الفساد ؟
وفرضاً انه نزيها هل سكوته على ثراء اخوانه ليس فساداً ؟
من أين لهم بمجمع التوبة وكم تكلفته ؟ ومن اين تم تمويله ؟ اليس المجمع منسوباً لوالده ؟
خليناها حكاية شقة النصر والرياض والحاجات القا حقته دي مجمع التوبة دا كم تكلفته ؟ اليست ملايين الدولارات ؟
من اين له او لأخوانه بها ؟
انتوا الا الواحد يدخل يده في جيبك ويسرقك حتى تقول دا فاسد او حرامي ؟
الحاصل في بيوت جيرانكم في الحي ما بيقعنكم
لكن اشك في انكم اما مؤتمرجية او امن او منتفعين وعايزين توازنوا التعليقات بدل ما تكون كلها سلبية يكون في تعليقات مناوئة والظاهر ناس الامن شغالين كويس في المواضيع المافيها جدال عشان يحلوها شوية ويقسموا اراء المعلقين ويخففوا من الغضب او بالاصح يمتصوه من الناس عشان الناس ما تقوم عليكم ودا شغل نفسي واضح حتى بتاعين الامن خريجين علم نفس وحاجات زي دي
غايتو انا كنت متعصب ومعجب بالبشير ومستعد افديه لكن اسمحوا لي بعد اللقاء الكارثه ده البشير سقط من نظري تماما, واظنه سقط من نظر كل الشعب السوداني ولو لقيته واقع ما برفعه
هذا هو رابط حديث نائب الرئيس حول راتبه وراتب الرئيس ..
http://www.alahramsd.com/ah_news/18331.html
في صحيفة أخبار اليوم
انتو متأكدين البشير قال كده – يا ريت واحد يجيب الجزئية الفيها الكلام دا لأن من سمع ورأى ليس كمن قرأ
وكمان بقول كلامه بكل تبجح "عندى بيت فى كافورى والطائف ومزرعه فى السليت وشقه" ما عارف وين ياخى ما تخليك قدوه ذى ازهرى وعبدالله خليل وعبود ونميرى الذين كانت فى ايديهم مفاتيح الخير وكانوا يخجلون من انفسهم قبل الشعب السودانى فى مد اياديهم الى المال العام وماتوا وهم فقراء لا يملكون مثقال ذرة من نعيم الدنيا الزائل وذريتهم اليوم تعيش مثل السواد الاعظم من الشعب السودانى فى الفقر المسبب من قبل الانقاذ.
جائزة جدته المليارية ماتنسوها من الجردة
تدقبق إملائي يا ابو كضوم
1/ صارت وليس صارة
2/ يتجزأ وليس يتجزاء
3/ رئيس وليس رائيس
.
.
.
.
وفيلاء
ذالك
.
.
.
.
عارف يا ابو كضوم إنت من ضحايا ثورة التعليم الجات بيها الانقاذ عشان كدا ما تدافع عنها
اول حاجه حنعملها بعد تغيير النظام نرجعك تكتب إملاء كويس بعد إعادة التعليم لسىرته الأولي
يا اخوانا اخو البشير دا كان قااااااااااااااعد فى السعودية وكان فى منطقة الخجفى ولى هسى كفيلة قاعد يجى يقدنا انا كفيل اخو البشير انا كفيل اخو البشير بس من اخو مسك الحكم رجع نهائى وهسى وييييييييييييييييييييييييين
ما تنبش الناس يا بيبو انت صلح نفسك فى "لسيرته الاولى"
مرتب نائب البشير
اخوك كان شغال في مستوصف للرعاية الاولية في(حفر الباطن) السعودية بعد ما نجح الانقلاب المشؤوم طبعا خلاص البلد بقت حقتهم بقدرة قادر جا ناطي لينا وبقي لينا لواء من المعروفين المتنفذين في السلاح الطبي السوداني …وبدون اي مقدمات استولي علي كل صفقات الجيش فعلا ناس تخاف ما تختشي والعنصري العربجي خريج السلكية واللاسلكية برضو بعد الانقلاب اجينا طاير من السعودية و ابقي مدير التلفزيون لو سألوه كيف تم انشاؤه اكون ما عارف غير كمان اختكم قاعدة في البيت وكمان عينتوها لواء سجون وما خفي اعظم وبعدين قايل الناس ما عارفة كان عمارة في الجريف لمن عرضتها علي السمسار للتخلص منها وقال ليك ما عندي قروش وقلت ليه جادعني طبعا السمسار احتار في واحد ابيع بالآجل فهم بعد الانقلاب يوم اذاعة البيان الاول بشبش داير اعمل فيها شريفة فاضل ..
يا شباب المسألة وطتية في المقام الاول وكل تعرية للصوص الجاثمين علي صدورنا منذ ربع قرن ستحدث ربكة في صفوفهم كما رأيتم بالامس كيف اقر رئيس العصابة بجرمه في تعديه علي اموالنا هذا ما كان سيحدث لولا كتاباتكم بصفة متكررة في الراكوبة وسودانيز اون لاين وغيرهما انها قنابل موقوتة اقلقت مضاجع الطواقيت والطغاة واخيرا اللصوص عليكم باماطة اللثام عن جرائم لصوص الانقاذ القتلة اصحاب أسوأ سجل في ضياع البلاد.. فعلا كل عام ترذلون …
كتاب معلقين ما قصرتو والله الله يخليكم لكن البشير قال انو ماهيتو ما اكتر من 9الف عمل كيف اقد البيوت ديل كاهم وبناهم بالاضافة الي اخونا علي عثمان العامل مسكين ونايم علي الخط ده والمعروف انو كلما الزول كبر وظيفتو المصارف اليومية تكتر علية كيف قدر قصدو المسالة دي خليهم يوضهو لنيا بالاضافة الي عمر البشير في حاجات تاني ما قالهم برضو عيزين نعرف
حينما كان طالباً في الكلية الحربية التي دخلها بواسطة الرائد ع.ع.أ…..وذلك لقصر قامته …كان وقتها يطلق عليه زملاؤه (عمر الكضاب ) كناية عن كثرة كذبه عليهم..
للذين لايعلمون شئ عن ثروة عمر الكضاب فليسئلوا نسيبه (نور الدائم) الرجل الفقير الذي أضحى بعد إنقلاب الإنقاذ مليارديراً من خلال سمسرته في عمارات وأطيان آل البشير في كافوري وتحديداً مربعي (9و11) وهي أغلى المربعات في كافوري..
الحقيقة أن عمر البشكير الكضاب وأخوانه وأخواته ونسابته يملكون أكثر من مائة عمارة وقطعة أرض بكافوري …وما خفي أعظم …
السؤال هو من أين لك هذا يا (عمر الكضاب)….؟؟؟؟؟؟؟
:lool: :lool: :lool: :lool: :lool:
انا لو كان عندي راتب شهري (9) مليون . وقعدت في الوظيفه دي (22)سنه . أكيد حأعمل بيت و وتاني بيت و شقه ومزرعه .. عااااادي ما تقعدوا تتفاصحو في الفاضي . عايزين تغيروا النظام أنزلو الشارع كلنا حننزل معاكم . (الثوره لا تقوم بأعادة سياقة تصرياحات المسؤولين) الثوره صديقة الشارع والشارع وااااااقف منتظر .
يا جماعه انا شغال في القياده العامه ومعاي كميه من العساكر جاهزين ننفز امر القبض بس عايزين تعاون من الجمهور, وابشركم انه قطاع كبير من الجيش ضد البشير بس تحصل اي كعه وخلو الباقي علينا,االبشير بنستفو حي
وانا موظف بالقصر جاهز لاعتقاله من داخل القصر ومعى 37 شاب و5شابات بس انزلوا الشارع وخلوا امر اعتقاله وتقديمه للشعب ليحاكمه علينا. فقط دوروا الشارع وحتشوفوا كيف ننهى امره فى اقل من اسبوعين فقط
ووالله انا صادق فى ما اقول
والله بتحرقو فى دمكم ســـــــــــــــــــــاى ما بتقوم ثورة لو انطبقت السما على الارض اتفاصحو هنا فى النت ده و اعملو الثورة حقتكم فى الفيسبوك هههههههههه انتو ما رجال ثورة ( من حقنا ناكل لحمة من حقنا ناكل لحمة ) !! دى الثورة حقتكم دة الهدف حقكم ؟ ثورة عشان اللحمة ليكم 60 سنة بتاكلو لحمة الحصل شنو ؟ البشير هو الاجدر بحكم السودان و مافى احسن منو سير سير يا البشير
محمد المصطفى يا طيرة
الراتب دة ما ياهو من قبل 20 سنة معقولة بعرف موظف في 2003 كان مرتبوا 140 جنيىه بالجديد وانا ما عرف الزمن داك القروش شنو دينار ولا جنيه قديم ولا جديد ما عارف اليلة مرتبو 450
يعني تلاتة اضعاف
الاستنتاج : مرتب البشير يوم الانقلاب كان 3 الاف جنيه يبقى اعمل افاراضاتك على كدة
على افتراض ان دا كل مايملك , كون يكون عندو الاملاك دي ماكتيرة عليو كرئيس حكم 23 سنة وبراتب 9 الف.. الكلام املاك اخوانو وباقي القيادين من اين لهم هذا ؟؟؟؟
الاخ رئيس الجمهورية ربنا يزيدك من فضلة ارجو ان تتبرع لى بشقة النصر بصفتك ولى الامر ومن باب فضل الظهر موظف ساكن ايجار
,,,,,,,,,,,,
الكلام دا قالو القيادي المخضرم في الحركة الإسلامية علي عبدالله يعقوب
……………
(( هناك إخوان وزراء بنوا بيوتًا كبيرة، وما في داعي الواحد يذكر أسماءهم، وفي هذا الأمر قد تكون هناك شبهة فساد، ويجب أن يُساءلوا..وهؤلاء لم يكن لديهم بيوت أوعمارات قبل الوزارة! ويتوجب أن يواجَه هؤلاء بالسؤال من أين لك هذا؟، وفي هذا انتهاز، وأعتقد الآن في شغل زي ده ماشي… نعم هناك الآن مساءلة، فمثلاً (م) كان موظفًا عاديًا وكان وزيرا، فهو بنى قصرًا ضخمًا، يُسأل المال دا جبتو من وين؟.إذا كانت هناك مظاهر ثراء لازم يكون هناك إقرار ذمة، وأريد أن أقول لكم – يقصد الصحيفة التي نشرت المقابلة- حقو ما تتأثروا بمثل هذا الكلام لأن إثارة هذه المواضيع تهد الدولة)!
ياللا النشيل الكلام دا ونطبقو علي عمر البشير !!
حديث موضوعى حول حديث البشير بعيدا عن التحامل او الدفاع غير المبرر
1/ البشير كان حديثه ضرب مثل (hitting of samplhng)
2/اذا امتلك البشير بعد 23 سنة رئيسا للجمهورية خرج بالبلاد من اقتصاد منهار الى دول بتروليةوانجازات لا تخطئه العين السليمة من الرمد حيث اصبح الراكب من بورسودان الى دنقلا الى حلفا يسير على الاسفلت وهكذا فى سائر الولايات هل اذا امتلك منزلا فى كافورى واخر فى الطائف ونشقة فى النصر السكنى ومزرعة فى السليت كثيرة عليه نعم سيدنا عمر قدوتنا وكان زاهدا فى الدنيا ولم يفرض الزهد على العباد وما دام يمكن ان يشترى كل ذلك من راتبه اما الحديث عن عبود بهذا الشكل وهو اتلصحيح والتغنى باكتوبر هو التاناقض بعينه
…. كتبت
[ام لوتس]
(( على افتراض ان دا كل مايملك , كون يكون عندو الاملاك دي ماكتيرة عليو كرئيس حكم 23 سنة وبراتب 9 الف.. الكلام املاك اخوانو وباقي القيادين من اين لهم هذا ؟؟؟؟___))
لا طبعا دي ماكل ممتلكاته – دي عينة وبس !! والبشير نفسو بدأ
سرد ممتلكاته بعبارة أنا مثلا عملت إقرار بي كذا وكذا !
وذكر بعض العقارات ولم يذكر أرصدته بالبنوك وأمواله العينية !!
الحاجة المهمة التانية إنو مبلغ ال 9000 جنيه -المرتب – دا مرتبو
حاليا يعني في التسعينات كان أقل من دا بكتير خالص ! بعدين المرتب
دا معقول موفروا كلو وين مصروفات البيتين والضيوف والاهل والمعارف
والتبرعات الخاصة لناس منطقته – وين الضبائح والخرفان !!
بإختصار المرتب الاقل من 2000 دولار شهريا دا – مع الالتزمات – ماب يعمل
وفر لبناء بيت عادي ناهيك عن ثلاثة بيوت فاخرة في أحياء راقية
ومزرعة !
تضريبة
1800 دولار في الشهر قول بتساوي 22000 دولار في السنة
يعني حوالي 500.000 دولار في سنة
قول صرف نصها ووفر 250.000 إي ربع مليون دولار فهل دي بتجيب
زي بيتو دا في كافوري ? ياأخي نص المليون دولار كلها مرتب ال
23 سنة كاملة مابتجيب بيت زي حقو دا في كافوري !!
وماعايز أقول ليك إنو سكن كافوري دا مابيت دا مجمع سكني -فلل
عديدة !!
بعد التحية – مع الاحترام . مقال غير منطقي ..
هذا رئيس جمهورية ..؟ طبيعي ان يمتلك منزل ومزرعة وشقة وهذه الممتلكات اراها بسيطه بحقة وليس من المنطق والعدل اتهامة ب ( حاميها حراميها ) لان كاتب هذا المقال لو كان رئيس جمهورية كان اقلاها سوف يمتلك منزل وشقة ومزرعة وربما زاد علي ذلك ب شركة خاصة ومصنع الخ .؟ لان وضعه الاجتماعي يتطلب ذلك ( ولا دايرنوا يكون مؤجر في حي شعبي ..؟) دعوا صغائر الامور جانبآ وركزوا في المهم والاهم والله المستعان
اولا انا يمكن اقسم بالله ان الرئيس البشير رجل شريف نزيه عفيف لا تمتد يده للمال العام
اما ان يكون للبشير اكثر من بيت فما الغرابة في ذلك ؟؟
اذا اكان شوية تجار هلافيت يملكون اضعاف ما يمكله البشير وهو الضابط الذي خدم في القوات المسلحة اكثر من اربعة عقود ومازال يخدم ,,
حقوقه فقط ما بعد الخدمة تمكنه من امتلاك عدد من الفلل وأسألوا اي ضابط او دستوري نزل المعاش كم حقوقه هذا غير مرتبه في اثناء الخدمة والامتيازات المضمنة في شروط خدمة القوات النظامية والمواقع الدستورية والتنفيذية وغيرها .. بالاضافة الي البعثات الخارجية والدورات العسكرية الاخري في الخارج وخاصة ان سيادة الرئيس عمل في الجبهة العربية المصرية وفي الامارات وفي باكستان وماليزيا وغيرها بالاضافة الي كل ذلك فترته في رئاسة الجمهورية ,, اذا فقط وضعنا القليل من ذلك في الاعتبار لكفاه نصف اوثلث هذا المبلغ ليمتلك ما ذكره ,,
الشعب السوداني طبعاً ودي حاجة معروفة فيه يتصف معظم افراده بالحسادة وهذه صفة ارجو اوتمني ان يتخلي عنها , ونحن شعب عيوبنا اكثر مما نتوهم باننا شعب معلم وشعب كريم وشعب ايه وايه من الاكاذيب التي صدقناها ومالم نعرف هذه العيوب والثوالب الموجودة فينا لن نتقدم ابداً
دة دقسة الإبادة الجماعية في دارفور ذاتها ..
المجتمع الدولي إتهم الحكومة بإبادة 300 ألف نفس في دارفور ..
سارعت الحكومة بالإعتراف بـ 10 ألف ظناً منها أنو ده ما يجيب أوامر قبض من المحكمة الجنائية أو تلتله من أي حته..
النتيجة أنو المحكمة أصدرت أوامر القبض على رؤوس الحكومة ربما إستناداً إلى مقتل العشرة ألف الي إعترفوا بيهم الجماعة ..
الرئيس فاكر أنو حاجة زي بيت واحد .. إثنين ولا تلاتة وعمارة واحدة ومزرعة نموذجية واحدة ما تجيب المساءلة الشرعية: من أين لك هذا .. إنما المعنى بالمساءلة سارقي مليارات الدولارات اأمريكية أو اليوروهات الأوربية .. وهم كثر يعرفهم الرئيس.
الرئيس عندما تحدى الصحفي الغلبان أنو يقدم ليهو دليل على الفساد كان يقصد فساد المليارات (بالدولار الأمريكي طبعاً) مش حرامية البيت أو البيتين أو الثلاثة أو المزارع النموذجية الذين ساواهم مع بتوع التلّب اللي يسرق عشان يأكل والهمباتي الي يسرق ويؤكل المساكين والنساء في الإنداية عشان يثبت جدعنتو ..
:lool: ماخفي اعظم يارفيق اضيف الي استثمارات علي عثمان في ولايه سنار مزرعه تمتد من مايرنو الي سنجه ؟
يدرها الهادي عبدالله الذي اصبح بين يوما وضحاها الناهي والامر في الولايه
سنار انجبت كبار المهندسين والدكاتره والصيادله والحقوقين والحقوقين
في المره القادمه من هو الهادي عبدالله؟ السيره الذاتيه الكامله؟
والله ( يامنعم محمد) حاجة تحير .. انحنا جردنا التسعة من اي منصرف واعتبرنا انو من يوم مسك الحكم بياخد كدا قلنا نلتمس ليو العذر وامكن تظبط لكن برضو ماظبطت لانو زي ماذكرت وين السيولة والارصدة في البنوك ..
وكلو كوم وتقرير المراجع العام كوم برا قال مافي فساد قال.. هو الفساد الا ينطق على راي الاستاذ الفاتح جبرة لمن شبه الفساد برجل وحاوره
دابي الليل ـكتب
عقود ومازال يخدم ,,
حقوقه فقط ما بعد الخدمة تمكنه من امتلاك عدد من الفلل وأسألوا اي ضابط او دستوري نزل المعاش كم حقوقه هذا غير مرتبه في اثناء الخدمة والامتيازات المضمنة في شروط خدمة القوات النظامية والمواقع الدستورية والتنفيذية وغيرها .. بالاضافة الي البعثات الخارجية والدورات العسكرية الاخري في الخارج وخاصة ان سيادة الرئيس عمل في الجبهة العربية المصرية وفي الامارات وفي باكستان وماليزيا وغيرها بالاضافة الي كل ذلك فترته في رئاسة الجمهورية ,, اذا فقط وضعنا القليل من ذلك في الاعتبار لكفاه نصف اوثلث هذا المبلغ ليمتلك ما ذكره ,,) أولا زولك دا نزل المعاش قبل سنتين – قبل الإنتخابات بي شوية وممتلكاتو دي ليها كان حقتو قبل كدة – قبل ماينزل معاش
ويقبض حقو أها الدبارة كيف ? وعملوفي الجبهة العربية المصرية وفي الامارات وفي باكستان وماليزيا دا فترات محدودة بعثات قبل الإنقلاب ! وزولك دا في 89 كان بقول إنو
ماعندو بيت وساكن في بيت الاسرة بالرغم من فترة بعثاته المحدود ة تلك
……..
تقول
رجل شريف نزيه!!
شريف ونزيه ويحلف بالكذب ويحنث بالقسم والطلاق ! يا أخوي النزاهة والأمانةلا تتجزاء ما ممكن تكون كضاب ومنافق وحانث بالقسم ونزيه !! بعدين يا أخوي إنت قايلنا جاين من وين البد مليان لواءا ت وفرقاء بالمعاش – كانوفي بعثات وبعد دا عايشين بالسترة ! وماعندهم غير سكن
عادي !
انااعمل في WHO ب راتب يفوق ال 12000 جنيه ولا استطيع ان اعمل كل هذا ولا في 20 سنه …. حسبي الله ونعم الوكيل
دابي الليل قال
(وأسألوا اي ضابط او دستوري نزل المعاش كم حقوقه هذا غير مرتبه في اثناء الخدمة والامتيازات المضمنة في شروط خدمة القوات النظامية ))
يا للبؤس !! ومن التبرير ماقتل !!
يا اللخو إنت بصحك ! نميري كان رئيس 16 سنة وفي نفس الوقت ضابط مشير في الجيش !! وكان يتمتع بمخصصات وإمتيازات الرئاسة والجيش وطلع دورات وبعثات الجيش الخارجية !! طيب قصورو وفللو ومزارعو ? ومالها فوائد مابعد الخدمة ماعملتو صاحب أملاك زي زولك دا ?
الله يرحمو ماعاد علي الكفاف وعلي معاشو !! وعبود كان فريق وقائد عام للجيش قبل إنقلابو وكان رئيس ومع دا كلو لما طلع من الرئاسة ماكان يملك بيت !! كدي أمش أسال عن حال المرحوم الفريق فتحي أحمد علي وعن حال الهادي بشري والفريق عبد الرحمن سعيد اللي دخلو مع الانقاذ ديل حاتلقاهم حالهم عادي
……….
للمدعو ابراهيم ادم اقول لك ان حكومة المؤتمر الوطني يكفي ان رئيسه اخرج امثالك من السودان لكي تبيعوا
انفسكم للغرب لكي يستعبدوكم كما استعبده غيرك من قيل انت روحته الدنمارك كيف هجرت
هجرت كالفلاش
خرجت من السودان خلصة كما يحرخ اللصوص ليلا
يكفي انك الان تعمل بمطعم او محطة بنزين او انك جالس بمعسكر ويكفيني انا بين
اهلي والقراءة والكتابه تعلمتها باي ظرفا من الظروف هذا ليس عيب ما دام الفكرة وصلتك
وطني ولا ملاء بطني نحن جالسين نقاوم امثالك اللعايزين يدمروا اهلنا ووطننا
انت تستشهد بالرئيس نميري يامنعم محمد
نعم الرئيس نميري ربنا يرحمه لم يمتلك حتي منزل باسمه
ولكن ما الذي يمنعه ان اراد ؟؟ امكانياته ومرتبه وامتيازاته كرئيس جمهورية تمكنه من اقنتاء عدة منازل ,, لكن هذا شأنه فالرجل قد يكون تبرع بماله وظل ينفقه في اعمال خير كثيرة لكن هذا لا يعني انه كان غير قادر علي امتلاك فلل من حر ماله
يا اخوانا الزول دا عاجبنى ….
دابي الليل كتب
نعم الرئيس نميري ربنا يرحمه لم يمتلك حتي منزل باسمه
ولكن ما الذي يمنعه ان اراد ؟؟ امكانياته ومرتبه وامتيازاته كرئيس جمهورية تمكنه من اقنتاء عدة منازل ,, لكن هذا شأنه فالرجل قد يكون تبرع بماله وظل ينفقه في اعمال خير كثيرة لكن هذا لا يعني انه كان غير قادر علي امتلاك فلل من حر ماله:rolleyes:lool:)
منو القال ليك إنو نميري كان بتبرع بكافة مخصصاته ? وكيف عرفت إنو مخصصاته انت تمكنه من بناء بيت ? يا أخي قول مكنتو من بناء بيت واحد هل من الممكن أن تمكنو من ثلاث
بيوت ومزرعة زي زولــك دا ? 00 يا أخي ما نمييري براهو أزهري مات وبيتو مرهون لسداد أقساط
وعبود خرج من بيت الدولة ليبحث عن دار تأوي أسرته 000 الناس جابو ليك مخصصات البشير وحسبو دخلو من 89 لقوه لو إتجمع كلو حبيقي أقل من تلاتة مليار بالجنيه القديم
وقالو ليك إنو قبل 89 ماكان عندو بيت ووضع كان عادي وإنو حقوقه المعاشية المعاشية خليها برة الصورة لأنو نزل معاش قبل حوالي سنتين يعني بعد إمتلاـك العقارات الباهظة !! ,,, نقول ليك تور تقول أحلبوه !! ربنا يصحي الضمايير !! 00 ياأخي شوف كلام بشيرك اليوم 6 فبراير
**((
الخرطوم في 6/2/2012م (سونا) أعلن المشير عمر البشير رئيس الجمهورية تحرير الخدمة المدنية من سياسة التمكين ليصبح التمكين لكافة شرائح الشعب السوداني دون محسوبية مشيرا الى ان وكيل الوزارة هو المسئول التنفيذي الأول في الدولة عن الأداء ))
بعد 23 سنة البشير عاوز يوقف سياسة التمكين !! نضحك مما نسمع !! زول سرق وظائف الناس ومصادر رزقهم وأداها لي ناسو تتوقع منو شنو ? طرد أصحاب التأهيل والكفاءات وإستبدالهم بالمحاسيب ! تاني في زولك عندو نفس يدافع زول زي دا ? دا مفترض يحمي الخدمة العامة والكفاءات بدل يسرق الوظائف ويديها ناسو …فعلا حاميها حراميها !!
والله انا عجبني بار على كيفك دا بس
والله مزرعة وبيتين وشقة ما كتيرة علي رئيس جمهورية كمان يا اخوانا نبقي منطقين ما ممكن رئيس دولة ما عنده حاجات بسيطة زي دي ياخ الحاجات دي معتمدين عندهم اكتر من كدا اذا صدق الخبر الاشياء دي ما كتيرة وكمان نقول شوية شديد انتو عاينو القذافي كان عنده شنو وحسني وبن علي وعلي صالح ودبي وما اكثر الرؤساء حين تعدهم ولكن قليلون الشرفاء بس ….الرسول صلي الله عليه وسلم قال انا اول من تفتح له ابواب الجنان واول نبي ادخل ومعي فقراء المؤمنين الزييي ديل بس علينا بالصبر
كذلك القائد نميري لم يكن له منزل اوسكن كان هناك منزل القيادة العامة ومنزل والده بامدرمان
(تميسيح) انا طيره لكن ما أهبــــل .. برضوا الزمن داك البيوت كانت بسعر غير هذا السعر ؟ الفهم قســـــم