الجاز يعلن اكتفاء البلاد من سلعة الاسمنت والترتيب للتصدير
واصل جولته التفقدية لعدد من المصانع
أعلن وزير الصناعة د.عوض أحمد الجاز عن اكتفاء البلاد من سلعة الاسمنت والترتيب لتصديره للخارج. وكشف خلال تفقده أمس مصنع اسمنت ربك بالنيل الابيض برفقة والي الولاية والعضو المنتدب لشركة سكر كنانة ووزير الزراعة، كشف عن وصول طاقة انتاج المصنع الي الف طن في اليوم. وأعلن فى ذات الوقت عن بدء العمل التجريبي لمصنع نسيج كوستي نهاية العام الجاري، ومصنع نسيج الدويم في فبراير القادم. وطالب العاملين بالمصنع عقب تفقده أمس بتكوين لجان خاصة لتحديد الاشكاليات التي تواجه التشغيل.
وفي ذات الأثناء أكد الوزير تكامل الأدوار ما بين الصناعة في القطاع الخاص والعام في المرحلة المقبلة. وشدد الجاز خلال تفقده مشروع الرهد والسوكي الزراعي برفقة الوفد المرافق له وبحضور وزيري الزراعة بالقضارف وبحر الغزال والعضو المنتدب لشركة السكر، شدد على ضرورة إدخال زراعة قصب السكر بوصفها مدخلا صناعيا، والاستفادة من مخلفاتها الزراعية.
نحن اكتفينا من الاسمنت —واستوردنا الدخن من الصين وملاين الارضى الصالحة للزراعة مازالت جافة—عملنا شنو
انشاء الله ما يبقي كلام جرايد ، ولكن قبل ان تصدروا الاسمنت لابد ان تنزل الاسعار حتى يحس المواطن بذلك ليسهم فى مساعدة الطباقات المتوسطة والفقيرة على البناء وصيانة المساكن ، ونتمني ان لا نسمع بعد ذلك ان سعر الاسمنت ارتفع مرة اخري ، كما حدث بعد استخراج البترول وتصديره
نتمنى ان ينخفض السعر
كذاب وستين كذاب
اذا في اكتفاء الحمد لله وان شاء الله الاسعار ترخص
كما اتمنى ان ينخفض سعر طن الحديد
وقبل ده كله ان شاء اسعار الاراضي ما ترتفع
;)
كفاية تلعبو علينا يا ناس الانقاذ.. كيف ستصدر الاسمنت السوداني وسعر الطن في السودان 600الف جنيه(250دولار تقريبا) وسعره في الخارج اقل من نصف هذا المبلغ عندنا في السعودية مثلا 106 دولار تقريبا.. كيف سينافس الاسمنت السوداني في الخارج؟؟
كم سعره مقارنه باقرب البلدان لدينا في السعوديه مثلا وفي مصر كيس الاسمنت سعره في السودان بيجيب اثنين ونصف كيس في السعوديه0 ديه اذا سلمنل جدلا ان تصريح السيد الوزير تصريح غير مهبب ومضروب زيه زي تصريح كبيرهم وطلاقه وحرامه بان القوات الوليه لا تدخل الا علي جثته0
عالم اونطه ما يتختشيش
مثله مثل الفواتير التي قالوا شرطناها من قبل فاتورة القمح وفاتورة السكر والبواخر واقفه تنزل في بورتسودان0
هنالك مثل انجليزي يقول Don’t tell me but let me see
و يمن ترجمته "لا تحدثني و لكن دعني أرى بنفسي" فقد سمعنا الكثير و لم نرَ إلا القليل. المهم أن ينخفض السعر لأن سعر جوال الأسمنت في السودان يساوي 3 جوالات في الكثيري مييني يدول العالم التي لا تفرض ضرائب و رسوم بهذه الصورة.
ممكن يكون كلامو صح عاوز يصدر الاسمنت للخارج لكن حيصدره بكم اكيد اقل من سعر الاسمنت ال فى الاسواق يعنى عشان ينافس لازم يتباع ب100دولار للطن
لانهم محتاجين عمله اجنبيه وبنك السودان اصبح مكشووووووف والفضيحه انهم قبل سنتين قالو نحن اكتفينا من العمله الاجنبيه وبقينا دوله بترول وبنستورد عماله اجنبيه من الخارج بنقاله وهنوووووود وكدا……….لما العماله حولت فلوسها للخارج بالدولار الاقتصاد تضرر وجفت العمله فى السوق وكذلك قل احتياطى البنوك التجاااااريه من العمله المهم هم بقوووووووق اعلامى كبير وكل شى مسيس حتى الاقتصاد
وكله كذب فى كذب وعوض الجاز شبع من النفط قبل على الاسمنت
ثانى رجعنا لكلمة اكتفينا يالجاز فيلسوف الانقاذ كفاية كذب ونفاق قالوا السواى ماحداث شرطتم فى التسعينيات فاتورة السكر وفاتورة القمح و فاتورة الدقيق وفواتير كثيرة وسط تصفيق المواطنين وزغاريد الحريم ورقصة المشير —ثانى عايز ترجعنا للكذب دا الا تعلم ان الاسمنت الذى تتكلم عنه اغلى تسعيرة من كل الدول التى تحيط بنا – ياشيخنا خلها مستورة وخلى افعالكم دى تتكلم اذا صادقين اما افواهكم دى تمزقت من الصياح والنفخ فى الفاضى استحوا يارجالة بطلوا الترياق على الناس
هذا عمل جيد
ويجب ان يكون التصدير الى السعودية لأنه كيس الاسمن هنا غالي بـ 13 ريال سعودي
يالجاز المغزي شنو من تشغيل مصانع النسيج بكوستي والدويم وشندي . وانت عارف ان القطن بجميع انواعه بالجزيرة يأخي اسأل من مصانع مرجان وبركات ومدني الصداقة بالحصاحيصا والحاج عبدالله دا مامصانع مافتحة حوالي مليون اسرة ……. حسبي الله …. ونعم الوكيل فيكم …
توفر الاسمنت ,,,اين السيخ ؟ ,,,,,واين المليارات اللتي تمكن المواطن من تشيد بنايه مثل اللتي شيدها الكيزان ؟ نعلم طريق مواد البناء ,,,,ولكن نريد من ابو الجاز ان يدل الناس علي الطريق اللذي ياتي منه المليارات السهله
ياسادة خلونا من الاسطوانةالمشروخة التى تسمى الاكتفاءالذاتى وكفوا عن هذه التصريحات الجوفاء التى اوصلتناالهاوية بالامس استوردتم 800000 طن من السكروقلتم وصلنا مرحلة الانكفاءالذاتى من السكر والمغفور له القمح فى بدايات ثورة الانجاس الوطنى الان تستوردون ملايين الاطنان منه حتى الخضار والفاكهة تاتى من الخارج .بعدين خلينا منالكلام الغير مفيد ورينا اخبار المحاسبين والخزائن فى عقر داركم غرب شارع الستين هل انتقلوا الى وزير المالية الجديد ؟ام مازالوا بدياركم العامرة دام فضلكم.
لاحول ولا قوة الاباللة العلي العظيم نصدر شنو ولي منو سعر الاسمنت في داخل السودان عشرة اضعاف سعرة العالمي كيس الاسمنت في الخليج ما يعادل 14 جنية سوداني مع التوصيل وكيلو الطماطم نوعية ممتازة مايعادل 2 جنبة سوداني نصدر شنو ولي منو كفاية كذب – لا حول ولا قوة الا باللة العلي العظيم – حبل الكذب قصير حقو انسان في مركذك يا صاحب السبعة فلل في مدينة النخيل بالامارات يوزن كلامو – فكيونا من الغلاء في السودان قبل ما نصدر ولما تصدر ح تبيع بكم
محتالين ياكذبه حكومتكم خربه
محتالين يا كذبه حكوتكم جربه
انتو بتضحكو علي منو لسع قاعدين تهترو وتضحكو بي عقول الناس هههههههه
يا خي نحنا بنسمع في كضبكم ده لينا 20 سنه ولسع ما اتغير في حيات المواطن السودانى ولا شي مفتكرين الشعب السوداني بالسزاجه دي؟ انتو كيزان تربيت جوووع ولو رجعنا لي وراء بنلقاكم كلكم تربيت جوع في جوع واضرب ليكم مثل بي السيد المتاعفي اسئلو منو اشهد الله كان ببيع الطايوق في الدويم ومنو الما بعرفو من ناس الدويم لم كان بياع طايوق ههههههه هذا زمانك يا ماهذال فمرحي0
انا اشتريت أسمنت قبل 3 ايام سعر الجوال 28 جنيه وزمان قبل الاكتفاء البقولوهو دا كان الجوال ب25 جنيه .أنا شخصيا بقيت إتشاءم من كلمة اكتفا زاتى دى لأنو بيحصل العكس طوالى . الجاز يقول اكتفينا والسعر فى السوق الله لينا . والمشكلة انو الجماعه ديل بفكرو فى التصدير قبل السعر عندنا ينقص ذاتو ( ياخى تصدير بتاع شنو؟) أعوذ بالله
انا استغرب من وزراء حكومة الخراب الوطني الى متي الكذب والدجل والعيش فى الاوهام
قالو قطعنا فاتورة السكر وطلع كذب
قالو قطعنا فاتورة القمح طلع كذب
قالو قطعنا فاتورة الذرة طلع كذب
وحقيقة الشئ الذي نجحتم في تقطيعة هي اوصال البلد ونحن نقدر ليكم الشي دا وماقصرتو