الناس تفرّغ في الأنين ………

مرت سنين والعام أطلّْ
وفاتنا عيد راس السنه
الناس تفرغ في الأنين
زفرات مشبّعة بالعناء
وإنت البراك قاعد تراك
ما تمّ ليكا فرد منى
………………..
الأيام تمر …………..
تقرض تقصر في العمر
وإنت البراك قاعد تهدهد في الصبر
ما مر بيك يوماً سعيد ……….
قاعد تراك تتمطق اللحظات صبر
ما قالوا ليك المر بمر
وبتعقبُو نفحاتاً تسر
وينو السرور ؟؟؟؟
في الإنتظار مانحن ضيعنا العمر.
……………………….
ليه يا شباب ….؟؟؟؟
وين الحماس وين النداء ؟!
جيلنا الُمضيّع في الزحام
أصبح ضحية بلا فِداء
أصبحنا نجتر اللي فات
أصبحنا بس ساكت صدى
لي الماضي داك
القالوا كانوا أجدادنا
عايشين فيو ندى
……………………….
واللهِ نحن مقصرين
ساكتين وعايشين في الهوان
ساكت بنشكي من الأنين
قاعدين ودايرين الأمان
واحدين مشوا…………
وخلوا البلد ساااااااكت خراب
واحدين يأملوا في الرهاب
واحدين يساككوا في السفارات
علهم يحظون تاشيرة إغتراب
لا مره يوم هتف الشباب
فد مره يوم ما قلنا لا ..
سودانا ضاع أصبح يباب
والله لا ……
مليون وبليون لالا… لا
لالا .. للذل والهوان والإضهاد
لالا والله لي الفساد
لالا………
لي الحرموا البلاد مسخو الجهاد
لالا لي سوق السجم
سوق السواد سوق الرماد
ولالا والله لي الشتات
الكنا قايلينو إتحاد
مليون وبليون لالا…. لا
.
…………. علي احمد جارالنبي …………..

[email][email protected][/email]

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..