ظواهر تستوجب (تلات تسعات) ألقاب.. بودي قارد.. ونيو لوك..(الامبراطور) أحمد الصادق.. لا يُحيي حفلاً جماهيرياً إلا وهو مصحوباً بعدد ستة حراس شخصيين و شكر الله بصحبة خمسة حراس

—- لعبة عسكر وحرامي ——
اولادك يلعبوا العسكر وانت تلعب حرامي … وذلك على قياس (ناس سامي لعبوا العسكر وناس رامي لعبوا حرامي)
والله يا ابوكلام مافي زول ضيع السودان ،،، غيركم انت والميرغني (ثنائي الهم) … من صنع ودعم الترابي ليعيث في الارض فسادا … من تآمر على الديمقراطية وبارك انقلاب مايو ضد عمه الهادي … من سلم السلطة للترابي واشياعه

طبعاً لو في انسان اسواء منك في السودان بيكون الميرغني . اما الترابي فنتاج طبيعي لمؤامراتكم ضد بعضكم البعض دون مراعاة لمصلحة البلاد والعباد … ربنا ينتقم

والله انا لمن سمعته الكلام دا ضربته راسي في الحائط وقلته الزول دا يا البيعمل فيهو دا شنو ….. واولادك واحد مستشار والثاني ضابط في الجهاز وبنتك في السلاح الطبي

انت معارض منو ؟؟؟ اصادق المهدي رجل الضناقض الاول
ارحم نفسك او ارحمنا شوية

الامام الصادق المهدى يقول {الما بعرف يغرف بكسر الكاس وبعش الناس}…؟؟
طيب ….الكاس ده انت ماكنت ماسكو فى 1989م كسرت الكاس وشربت الناس الشاى بالتمر ….مالك ماعرفت تطلع الدرب من المويه …..وخليت البشير استلم السلطه .؟
ياعالم والله انتو لو بتسمو نفسكم معارضه بتضحكو على الشعب السودانى المسكين ….المعارضه الحقيقيه كانت هى الحركه الشعبيه وكانت هى المهدد الحقيقى للموتمر الوطنى …لكن انتو والميرغنيه وما شابه عباره عن لافتات معلقه على الفاضى ….الموتمر الوطنى يدرى ان المعارضه الحقيقيه ذهبت جنوبا بلاعوده الا انه وفى نفس الوقت ظهرت العنصريه القبليه وطلت براسها من جديد ….وهذه هى المعارضه الجديده التى تورق مضجع الموتمر الوطنى ….خليل…الحلو ….عقار …البجا …ابناء الوسط …النوبه الشماليه..كلها لافتات عنصريه جهويه تنذر بخطر كبير الا وهو تقسيم السودان الى دويلات …؟
لذلك يجب على الجميع ان يفكر ويتدبر ماذا لو ذهبت الانقاذ؟من الذى سيحكم السودان ؟وهل الرئيس الجديد سيكون مجمع عليه من جميع العناصر الجهويه التى سبق ذكرها .
مطلوب فقط الاجابه على هذه الاسئله .وشكرا

النداء لميثاق وطني لا ينفع مع هؤلاء يا صادق يا مهدي

هل النداء لميثاق وطني كان ممكن ينفع مع بن علي في تونس ؟؟؟؟؟…

هل النداء لميثاق وطني كان ممكن ينفع مع مبارك في مصر ؟؟؟؟؟…

هل النداء لميثاق وطني كان ممكن ينفع مع القذافي في ليبيا ؟؟؟؟؟…

هل النداء لميثاق وطني كان ممكن ينفع مع علي صالح في اليمن ؟؟؟؟؟…

وهل تعتقد ان النداء لميثاق وطني ممكن ينفع مع البشير وزمرته عندنا في السوادن في السودان ؟؟؟؟!!!!!؟؟؟؟؟!!!!!؟؟؟؟؟…..
…………………………………….
وهل النداء الالاهي كان نفع مع فرعون عندما ارسل الله اليه سيدنا موس واخيه هرون !!!!!!!!!…
…………………………………….

لا يا صادق يا مهدي

هؤلاء دكتاتورين … فقط يرون ان حكمهم هو الرشيد
لا يرون غير ذلك

فرعون قال للناس # لا اريكم الا ما اري #

وماذا يقول ناس الانقاذ الان ؟؟؟ يقولون انهم هم فقط الذين يرون ويدرون طريق المستقبل الزاهر لشعب السودان

يقولون هذا بالرغم من كل المصائن التي سببوها للسودان
يقولون هذا بالرغم من كل الفساد الذي ازكم الانوف كما قلت انت
يقولون هذا بالرغم من كل الحروب التي اوقدوها في للسودان
يقولون هذا بالرغم من كل الفتن والقبليه البغيضه والجهويه التي احيوها
يقولون هذا بالرغم من كل المحسوبيه ودمار الخدمه المدنيه ودمار الجيش والشرطه

يقولون هذا بالرغم من انهم يعلمون علم اليقين ان الشعب السوداني يكرههم كراهيه شديده ويتمني زوالهم الان قبل الغد

يقولون هذا بالرغم من ومن ومن ومن ومن ………..ومن

انت تحرث في البحر يا صادق يا امام …. او عندك مآرب اخري

هؤلاء لا يذهبون الا بثوره عارمه … يمكن تكون آصعب من الحاله الليبيه

فهل انت مستعد يا امام
هل يمكن ان ترسل ابنائك ليحاربوا مع بقية الشعب السوداني

للاسف لا يمكن ان ترس اولادك يا امام

اولادك هم يا امامنا …. اولادك جزء من نظام الانقاذ

ابنك الامير عبد الرحمن المهدي مستشار من زمرة مستشاري البشير الكثيرين الذين يتقاضون مرتبات كبيره جدا وبالفاضي وعلي حساب هذا الشعب المسكين

ابنك الثاني الامير بشري ضابط في جهاز امن البشير … جهاز الامن ذو السمعه السيئه
جهاز الامن الذي عذب الشعب السوداني
جهاز الامن الذي بني بيوت الاشباح
جهاز الامن الذي اغتصب حرائر السودان
جهاز الامن الذي انتهك حرمات بيوت الناس

الثوره قادمه يا امام … وسوف تكنس كل ناس الانقاذ وكل المفسدين
وللاسف سوف يكون اولادك معهم
وصيتي لك يا امام
الحق اولادك قبل الطوفان

انا مستغرب الناس دي بتصلي وراء (الامام) دا كيف ؟ لا تجوز الصلاة خلف الصادق المهدي حتي يغتسل 7 مرات احداها بالتراب عن تفريطه في الديمقراطية وتعاونه المستمر مع العسكر حيث قال لابنه ( اذهب الي الحكومة مستشارا" وساذهب انا الي المعارضة مخزلا" ) تبت يدك ايها الامام بكل لغات الدنيا

كلو حاجة لا تعطيش الناس ……… وليه بس الكأس دا يكسروا ……
الدنيا ويكند يا ناس الراكوبة ومافي داعي لتكسير الكاسات ..
ولكن بما أن الكاسات قد عملت ( Cheers) مع السياسة في الويكند الحلو دا فدعونا نسرد فيما يرد .. ثقافة الكاسات عند الكيزان وكيف أن قوش عندما يسكر بعدما يدلهم ليل الخرطوم وينحسر الناس عن شوراعها وزقاقاتها تاركين بين ظهرانيهم باعة السجائر المتضوضعون على اسفح شارع واحد في العمارات وبعضهم ينتظر سكارى نادي التنس على تخوم سوق نمرة 2 والبعض الآخر من الباعه يقطع الطريق على الحيارى في سوق الموردة وهم يتخبطون في طريقهم إلي اعشاشهم في صحارى ام درمان الممتدة .. كما ساق الدجاجة وارد (أمواج ) …
ثقافة الكاسات والخمرة المستوردة من شرق اوربا عند الكيزان يانعه ولها قصص وحكايات فحينما تتوالى الكاسات تترى بين ابو ريالة وبشبش ومن ثم مرورا بسيادة الفريق اول المجاهد الورع التقي محمد عطا مدير جهاز الأمن والمخابرات فحينها يبتدر البشير قطف حبة الكرز من ناصية الكأس الطويل كما كأس العالم .. ثم تعقبها ضحكات ابو ريالة المجلجلة تاركاً في نهاياتها الطريق سالكاً للتعقيب من قبل سعادة الفريق الذي يكاد يتوسلهم للمضي قدماً للإتيان بالكوارع من الموناليزا مستحثاً إياهم بشطتها المستعرة كما جهنم ….
وبين هذا وذاك يجد الفريق محمد عطا نفسه مهمشاًابلهاً ليكتشف ان دوره لا يتعدى سوى دلق الكاسات … وأن العشاء وتبعاته امرٌ بيد ابو ريالة فقط … فلا مناص للتغطية على الاحراج سوى الضحك والقهقهة …
ثم في اواخر الساعات الاخيرة من الليل يتصل المتعافي من سوبا :
– المتعافي : آلو
– ابو ريالة : اي يا دكتور انت وين ؟
– انا في سوبا … معانا بنات في المزرعة ووضعنا واضح شديد ..
ابو ريالة : تمام التمام .. انا هنا في نمرة 2 مع الريس ومعانا ابو عطا .. اها تجينا ولا كيف ؟
المتعافي : ما اظن اجيكم هسه .. انا عندي قروش عايز اعدها … يا آخي يا ابور ريال ذكرني بكرة استلف عدادة القروش بتاعة قطبي المهدي لأنه عداداتي فيها مشكلة .. ولا اقوليك ما مشكلة انا بكرة الصباح بمشي بنك السودان وبشيل منهم عدادات ..
– تمام يا المتعافي …. دقيقة بس الريس عايز كأس طويل … امدو ليو واجيك …
– وهنا ينتظر المتعافي زي بتاع الركشة ممنياً نفسه بفرصة كلام مع الريس لكي يقنعه بأن دجاج ميكو هو البديل الانسب عن اللحوم ( الغالية جداً ) ويجب على المواطن السوداني استهلاك دجاج ميكو فقط … ولكن لسوء الحظ … أن ابو ريال غط في نوم عميق جرَاء السكر .. بينما سعادة الفريق أول الشيخ الورع ظل ممسكاً بكأسه وهو ينتهر الريس ويخبره بأن الطائرات الفرنسية قد اغتالت الشهيد خليل ابراهيم .. وعليه أن يصحى …

أظن أن زعماءنا الكبار ذي الصادق المهدي ما بفهموا الكلام البتقول فيه حكومة
الانقاذ من 1989 وحتي هذه اللحظه , الاسلاميين قالوا كلام واضح حتي الزول الما بفهم
عربي حيفهموا أنو هم أستلموا الحكومة بالسلاح والداير يحكم عليه أن يشيلو أيضا
بالسلاح.
الامام الصادق أنت رقم كبير للشعب السوداني ولكن الناس كادت أن تفقد المصداقيه فيك بكثرة تقلبات آراءك فى التعامل مع الانقاذ التي هلكت السودان وشعبه .
السيد الامام المهدي لما التاريخ ذكرو ما جاء من فراغ والكل يعلم ذلك , في الزمن المفصلي للسودان الآن فرصه سانحه ليسجل لك التاريخ أسطر من نور بتخليص السودان
من الانقاذ التي دمرت الأخضر واليابس

تفو على هيك قيادات والف رحمه على القياده والقيادات

طيب اذا هم فاسدين بتجلس معاهم ليه بتحب تشم ريحة الفساد .

يسب الحكومة بي النهار ويتفق بي اليل
( دي التقية و كلهم في الهو سوا والله هذا الرجل ينافق علي الانصار
لماذا ابن الصادق في الحكومة المودرة الدرب
لماذا ابن الصادق في الفساد
وووووووووووووووووووووووووووووووووووووووووووووووووووووووووووولماذا الصادق في سنجة

لا تصدقوه بكرة تلقو في القصر الجمهوري رجل لا يحترم شباب حزبه غير جدير بالاحترام والتاييد ابدا

هووووووووووى تانى مابنصدق كلام زوووول نصبر والفرج من الله ( يا الله تفرج على اهلنا فى السودان)

ياناس الدنيا رائحه اهجسوا شووويه (ياحليلك ياحليلك يالسوووددان الجوه مابرحموك والبررررره مابرحموك ياحليلك ياوووووووووطنى الغالى

إلى المتابع : كتب المتابع التالي :
هوى يا ناس السودان ، ما تسمعوا لى كلام كلام العجايز امثال الترابى والميرغنى والصادق ، انتو كنت ماسكين الحكومات دى ، جاء دورنا نحن الشباب عندنا حق نحكم السودان ، زى اولادكم ، الثورة قادمة وحنكنس اى زول شارك فى الحكومات بدا من حكومة مايو وما تلاها لأنكم فرطتم فى السودان ، يا مفسدين .
تفوووووووووووووو عليكم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وا حلاتي وا حلاتي وا حلاتي وا حلاتي انا …. كلامك صاح .. صدقت يا المتابع لازم نكنس الكيزان الوسخين ديل … بوظوا البلد . ولازم نعمل مظاهرات ونقيف في الشوارع ونقول بالفم المليان ( لابد من اسقاط هذه الحكومة ) … عشان الناس ديل حرامية وبياكلوا الناس بليل زي السحاحير ..
غايتو افكارك ديل جننتني عديل كدا ؟؟ انت لازم يا المتابع تنضم لرهط الثورة … وا حلاتي وا حلاتي وا حلاتي انا ….
بعدين مافي داعي للبصاق على الكيزان ………
اريتو التفاف دا يجي فيني انا بدل الكيزان ……..
غايتو يا ناس السودان بالغتوا شديد .. يعني لهسه ما سويتوا الثورة … بالغتوا وشذيتوا لكن ؟ راجين شنو يعني ؟
مفروض الناس تمرق برا بيوته زي ما قال اخونا ( متابع) وتهتف وتقول :
تحيا الثورة تحيا الثورة …. تحيا الثورة … يعني هسه دي غالباكم يعني ؟؟؟ سقطت من نظري شديد يا الشعب السوداني ….

يا نوف :
يا آخي ضحكتني شديد ………
الكباية دي المعيار الاساسي لقياس العرقي في السودان وإليك المعلومات التالية :
– قزازة العرقي فيها 4 كبايات
– المعيار التقليدي والتراثي للعرقي هو كباية تسمى ( كباية عثمان حسين ) عطفا على الفنان الخالد كروان الرومانس الهرم الاستاذ عثمان حسين… وهي كباية شاي عادية Made in China
– كباية العرقي هي رمز شامخ لعشاق الصهباء ودونها تتكسر المجاديف وتقصر الفزعه .. ( الفزعة في ثقافة العرقي تعني الاستزادة بالخمر بعد انقطاع فجائي نسبةً لقدوم ضيوف فجأةً او الاستزادة لذات نفسها ) …

مثل مايسمى الصادق ابو كلام برضو يستحق لقب ابو الامثال فالذي يريد ان يحفظ الامثال فليتابع خطب الامام – حفظك الله يا امام بالك طويل

الله يجازيك يا مصطفى كونج،ههههههه،والله انت يوم بتكتل زول هنا،ههههههههههه،تعرف كلامك داك بتاع جوز الهند مع الهناي داك الجبته سيرته داك،يوم كان الموضوع عن النسوان السودانيات،من اليوم داك واناكل ما اشوف تعليقك في اي مكان،الضحك بيشرطني،تحياتي يا زول يا رائع.
تخريمة كده ،تعرف بمناسبة الفزعة ده والكبابي والكاسات القاعدة تتطاقش هنا ده،الفزعة ده مشهورة بين اهلنا في ربوع السودان عامة لكن فزعة من نوع ثاني يعني اغاثة الملهوف والجعان والعريان،تعرف عندي اصحابي بتاعين كاسات كانو بسموها المدد،ومنكم نستفيد،غايتو الليلة مع نهاية الاسبوع الموضوع ده اكيد وقع لي في جرح،لكن شايف الامام امثاله بقت خطرة،مع مؤدتي يا زول يا رائع.

رغم إن كل ما قلته يا إمام صحيح ولا يخالطنا الشك في مصداقيته
إلا إنو لو هسي قلنا ليك بكرة أمشي كلم لينا الانصار وجماهير حزب الأمة عشان نطلع مظاهرة
ح تقول لينا ?لا- وتقول إنك مع الجهاد المدني

ياخي ياتو جهاد مدني الإنت قاصده؟؟
لأنو بصراحة كدا الجهاد المدني البتتكلم عنو دا ما بحصل في الخدمة المدنية اللي هي تابعة للمؤتمر الوطني بنسبة 99%
يا الصادق ياخي يا إما توضح جهادك المدني قاصد بيهو منو؟
أو ياخي ترحمنا من الكلام الدُراب دُراب دا

السيد امام الانصار قبل ان تتحدث عن حكم الانقاذ وما اليه الان عليك ان تثني ابنك اولا من المشاركه فيه فاهل البيت اولى بالنصيحه وبعدها افصح عن الانقاذ وذلك احتراما لعقول الشعب في عصر صنعت واسثخدمت فيه الطائرات المقاتله بدون طيار بدلا من السيوف والمدافع الخشبيه المعروضتان في متحف بيت الخليفه اشارة الى العهود السابقه التى بلى عليها الدهر واندثرت

الشئ الوحيد الذي يجيده الامام المنتخب السيد الصادق المهدي هو الامثال الحية والواقعية في حياة الشعب السوداني وهو معلم حقا في هذا المجال ولكن نظريا فقط

والله يا جماعة ضحكتوني الله يجازي محنكم .

ويا مصطفي كونج شكيتك وخليتك هههههههههه كان قطعت مصاريني .

أسمعوا يا جماعة لو أنا هيثومي دا خلوني للكيزان ديل شخخخخخخ أولع ليكم فيهم

نار بقشة كبريته .

وأنا غايتو بمسك ليكم ابورياله دا وإنتوا أمسكوا الباقي …هوووووي وتاني

هووووي عمر البشير دا البمسكو لي منو فيكم ؟؟

وعمتي وداد بابكر نديها لخالتي فاطمه مرت البشير التانية المسكينة ديك عشان

تفطسا لينا … وابو العفين نديهو الراجل داك الله يديني إسمو : عقار … عايش عايش

يا عقار

هيييييي وتاني هيييييي ننتظر مظاهراتكم .

وعاش السودان وعاش الصادق المهدي .

دى اسمها سياسة الدنقسه فى امور الفنقسه