مولد.. وصاحبو غايب

وين كان صاحبك الوالي في المولد ولا برا المولد؟؟

الأستاذ عثمان ميرغني أخذ ابنه الي ساحة المولد و هو لا يعلم من صاحبه. بقول ليه و انا مدرك لما يرمي اليه أن المولد صاحبه هو خير الأنام فهل يهتري لا يدري من هو خير الأنام؟؟؟
تحدث الأستاذ عن معارك السلفيين و المتصوفة وده غير صحيح فالمتصوفة مسالمون و من يفتعل المعارك هم اصحاب التفكير الوهابي (أنصار السنة).
فكرة الإحتفال بالمولد ليست مستجدة و لكن وجود التيار الوهابي في بلادنا مستجد.
إن أراد عثمان ميرغني مغازلة التيار الوهابي ( وده مغزي عنوان مقاله) فهذا شأنه و لكن ليبتعد عن لعب دور المديدة حرقتني ولنا في داعش و جبهة النصرة عظة حتي لا يأتي اليوم الذي نشاهد الرايات المتشحة بالسواد تسود حياتناو يظهر فينا من يأكل أكباد ضحاياهم كما حدث في سوريا و العيذ بالله.

نذكر انه في سنوات حكم اب تكو الاولى ان الدولة الرسالية منعت الاحتفال بالمولد و كانت ساحات المولد يحوم حولها بتوع الامن لمنع الاحتفال و التجمع، و لا ندري هل كان السبب دينيا تماشيا مع اراء السلفية ام امنيا لمنع التمجهر الذي قد يقود الى التظاهر الذي تمنعه السلطات الانقلابية و يمكن ان تقتل المتظاهرين بكل بساطة كما تفعل دولتنا الحضارية و كما فعلت منذ اشهر قلائل …… عموما منعت الانقاذ احتفالات المولد ثم عادت بعد حين لتسمح بها و لم تقدم تبريرا عن لماذا المنع و لا عن لماذا السماح ….

كلما جاب سيرة اسماء سيوردها في حلقة قادمة لا يفعل ذلك وقد حدث ذلك ابان قضية الاقطان حيث هدد بعض الناس بكشف اسمائم ولكن توقفت التيار ولم يذكرهم في اي جريدة والان يفعل نفس الشيئ ويغير الموضوع بالحديث عن المولد النبوي ايه الحكاية هل هي خوف ام ابتزاز ؟

يا استاذ عثمان وين اسماء الفاسدين الذين وعدت بهم في مقالاتك عن سودانير ( جثة هامدة ) .نحن بالانتظار

حقيقة ياأخ عثمان من يقرأ هذا المقال يخيل اليه بأنك لآول مرة تذهب للمولد ياهو هو المولد الذى عرفناه وألقناه منذ نشأتنا ابتداء من الزفة غبار وتراب وزحمة مكبرات صوت من كل ناحية وفى الزحمةالحرامية والنشالين والاطفال الرايحين والمجانين والدراويش واصحاب الحاجات التانية من الجنسين وخاصة فى أخر ليلة فيه هذا هو المولد وهذا هو ميدان الخليفة الذى عهدناه وعهده الاباء والاجداد فى امدرمان أما قولك الوقار يمنعك من الرقص فهو ذكر وليس رقص يا استاذ عثمان وهل هولآء ليس لهم وقار نحن فى بلآد الغربة لنا سنوات عديدة من حضور المولد ولكننا نجتر ذكرياته فى كل ذكرى ونحكى للآبناء حلآوة غباره وزحمته ومكبرات صوته فعشقه الصغار وتمنوا حضوره وصلى الله عليك يا حبيب الله فى يوم مولدك

🎁🎉🎊 مسابقة المولد 💰💶

1- كم مرة إحتفل النبي صل الله عليه وسلم بمولده؟..

2 – في أي مكان أقام الصحابة رضي الله عنهم أول إحتفال بمولده؟..
ومتى كان ذلك؟..

3 – ما هي انواع الحلوى التي كانت تباع؟..

4 – ماهي أشهر الخيم والأناشيد التي كانت تنشد؟..

حاول أن تجد إجابة على هذه الأسئلة!!..

فإن لم تستطع..
فأبحث في التابعين وتابعي التابعين..

فإن لم تجد..
فهل من الممكن أن تخبرنا من اين جئت بهذا الاحتفال؟؟!!..

يا عثمان ميرغنى يا خى كدة خلينا من المولد ولزومو أصلو نحنا متعودين عليهو من يوم ما فتحنا على الدنيا،، كدة واصل لينا فى موضوع سودانير وأكشف الأسماء،، كلو الكتبتو زمان كانت المناظر وبس أها منتظرين الفيلم،، لكين والله خايفين يكون الجماعة ديل قرصوك أو قالوا ليك التيار راجعة ورابحة من الإعلانات فبلعت المر،، الجماعة ديل يا عثمان وهم أصحابك وعارفهم كويس فالحين بالجد،، شفت كيف عملوا فى قضية الأوقاف طلعوا الوزير والمدير براءة،، وبعدين إمام المسجد بتاع الإغتصاب عاد براءة أيضا ومن رئيس الجمهورية كمان وركب المنبر ينهى عن الفحشاء والمنكر،، والقيادى فى المؤتمر الوطنى بتاع بوتسودان صاحب الدفع الرباعى فى نهار رمضان بقوه وزير عديل كدة،، وكمال عبداللطيف الكان بعذب الضحايا فى بيوت الأشباح قعد فى الواطة وضرب الكواريك،، ورئيسو صلاح قوش جوعر جعارة التور وقال الروب تبت ياالبشير يا سيدى،، ومسحوا كل الجيش السودانى وسووه جنجويد وحميدتى وموسى هلال،، والصادق المهدى قال الروب وإستلم الوسام،، والميرغنى سلم وإستلم،، وبعد دة كلو تقول لى سودانير،، أحسن خليك فى المولد وكل عام وأنتم بخير،،

نحنا لو ما خلينا الدروشه دى اصلو ما بنمشى لى قدام