بقيمة مليون يورو… توريد جهاز لمستشفى الذرة بالجزيرة غير مطابق للمواصفات
قامت مستشفى الذرة للسرطان بود مدني بتوقيع عقد مع احدى الشركات لاستجلاب جهاز المعجل الخطي بتكلفة بلغت (815) ألف يورو لعلاج مرضى السرطان عبر وزارة المالية الاتحادية لتتفاجأ بعدم مُطابقته لشروط العقد المبرم مع الشركة التي أخلت بشروط العقد ورفضت تكملة الأجهزة الخاصة به بعد استلامها للمبلغ كاملاً عبر مؤسسة الأسواق الحرة ووزارة المالية الاتحادية. مسؤول الأجهزة الطبية بمستشفى معهد السرطان بود مدني د. خالد إبراهيم حسن بين للصحيفة عن مدى حاجة المستشفى للجهاز، الذي يعالج السرطانات السطحية والعميقة، ويقلل من نسبة الجرعة في الخلايا السليمة للمريض، مع توفير أفضلية الوقاية من خطر الإشعاع، مؤكداً لـ (التيار) تطور الجهاز في علاج السرطان مع ندرة وجوده بالسودان. وأوضح د. خالد إبرام العقد مع الشركة منذ العام 2004م ليتم استيراد الجهاز عبر المالية الاتحادية ومؤسسة الأسواق الحرة العام 2005م واستلامه ليتضح بعد التركيب الأولي عدم مطابقته للعقد وخلوه من جزء أساسي (المبرد) وعدم إلتزام الشركة بالعقد في ظل عدم احتواء الباب الرصاصي الذي يمنع التسرب الإشعاعي في العقد، الذي يُعتبر من أساسيات الجهاز ورفض الشركة الموقعة على العقد إحضار المبرد وعدم محاسبتها مما أدى إلى فتح عطاءٍ جديدٍ لتوريد نواقص الجهاز ليرسو العطاء على نفس الشركة بمبلغ (76) ألف يورو، فيما بلغت قيمة التخليص الجمركي (40) ألف يورو في 2007م ليتم تكوين لجنة استلام وتتفاجأ اللجنة بعدم مطابقته للمواصفات والفواتير الخاصة بالعطاء ليتم رفضه مما أدى لتجميد الوضع منذ ذلك التاريخ دون محاسبة أية جهة تسببت في ضياع أكثر من مليون يورو في ظل معاناة المرضى الدائمة والحاجة لهذا الجهاز.
تاج السر ود الخير
التيار
المسائل واضحة دى ما زى طريق الانقاذ الغربى ليس فى الامر من عجب :lool:
This typical of the lack of compitance during the era of the "Isamists". The picture of this laughing stupid is quite reflective of what the current politicians think of us
كيف تم تسليم المبلغ للشركة قبل ان يتم فحص الجهاز والتأكد من مطابقته للمواصفات انى اشتم رائحة ……………………:lool:
عالم فاسد حد اللامعقول
اكيد صاحب هذه الصفقة من القريبين من صناع القرار
وقد استلم حقه كاملا مكملا وبعد ذلك لا يهمه الذى يحصل
المهم القروش وبس اما ان يشتغل الجهاز او لا يشتغل فهذا ليس بمشكلته
وهذا يبين مدى الفساد فى توقيع العقود وتسليم المبالغ المالية دون الالتفات الى اهل الاختصاص وحتى قبل فحص هذا الجهاز
الله يكون فى عونكم يا مواطنى بلادى
هذا هو حال الانقاذ لتنقذ ارواح الناس.بلد فوضة وحال بائس وحكومة حرامية
هى لله هى لله لاللسلطه ولاللجاه
عاااااااااااااااااااااااااااااادى
ويعنى شنو كم مليون يورو ضاعت من خزينة الشعب السودانى ؟؟
هو أساسا الشعب عندو شنو عشان يكون عنده خزينه ؟؟؟
القروش بيقسموها بره بره من بعييييد ولا بتوصل خزينه ولا يحزنون
21 سنه والنهب شغال تش
الحصل شنو ؟؟ …… ولا حاجه
الرئيس جبهة والوزراء جبهة ووزير الماليه جبهة وبنك السودان جبهة والمراجع القانونى جبهة
أها حيحصل شنو فى الموضوع ده أو غيره من نهب أموال الشعب ؟؟؟؟
ولا حاجه
…………………………………..
صورة عوض الجاز الملحقه بالخبر
أدتنى احساس انه بعد ماتم موضوع الجهاز جاء داخل الى مكتب عوض الجاز أحد الموظفين وقال ليه : خلاص يا عمك ركبنا ليك فى ناس مستشفى مدنى ماسوره فقام عمك ضحك الضحكه دى
:D :D :D :D :D :D :D :D :D :D :D
هههههههه مهزلة آخر الزمن ولو تشاهدهم يتكلموا تقول والله ديل بالفصاحه دى اهل السودان وحماته من اى ظلم واى فساد ولكن من يقرا هذه المقالات ويرى حالة السودان الان فهم اهل الفساد بلا منازع والا يحاسبهم الله فى ذاك اليوم الموعود والذى سوف يشاهدهم فيه اهل هذا الشعب المغلوب على أمره …يقولون هى لله ههههههههههههى يكــــــــــــــــــــــــــــــــــــــــــــــا …………
هذا الذى يضحك ملء شدقيه من اساطين الفساد والافساد.لايعين فى المناصب الحساسة الاامثاله وله قصة معروفة للقاصى والدانى مع مدير الاسواق الحرة السابق فى حقبة التسعينات اقاله حينما لم ينصاع اليه .شركاته الخاصة معروفة ويمارس فيها هواياته المفضلة.مال البترول لايعرف عنه المراجع العام اى شىءوزارة المالية كانت تدار من داخل منزله.مسكين شعبنا الابى تسرق امواله جهارا نهارا ولا احد ينبث ببنت شفة.جهاز الذرة هذا عبارة عن كوز صغير فى بحر لغفهم.اللهم ارفع عنا الاخطبوط.
هل هي جهالة جهلاء أم ضلالة عمياء أم استكرات لهذا الشعب المسكين المغلوب على أمره هذا من جانب …… السؤال المهم جدا جدا من الذي قام باستلام هذا الجهاز من الشركة المعنية وكم عمره وما مدى خبرته بمثل هذه الأجهزة …. واضح من شكل الخبر أن الشركة الموردة للجهاز رسميا استوفت الشروط وإلا أبواب المحاكم مفتوحة لا أقصد داخل الزريبة عفوا السودان ولكن أقصد خارج السودان وأنت يا وزير المالية ومعاك وزير الصحة لما استلمتو العهدة ما لكتشفتو أن هناك مليون يورو اتلهفت ومرض السرطان ضارب الحكومة ( سرطان الفساد) والمواطن لا عزاء له:mad: :mad: :mad:
معروف ان وزارة الصحة من افسد الوزارات فى السودان …
توجد شركة تورد اجهزة معامل للجامعات والمعامل الحكومية وهى شركة برايم للتجهيزات العلمية والفنية تستورد اجهزة من شركة كورية وتقوم بوضع ديباجة فوق علامة الشركة الكورية مكتوب عليها (SCOTT SCIENCE UK) وتبيعها على اساس انها اجهزة انجليزية .. باعت كميه منها:
1- الهيئة السودانية للمواصفات والمقاييس .
2- معامل الجمارك.
3- جامعة الخرطوم.
4- جامعة السودان .
5- جامعة امدرمان الاسلامية .
6- المعمل الصحى القومى (أستاك).
7- المعمل المركزى (سوبا)
8- معمل الابحاث البيطرية (سوبا)
9-جامعة النيلين (كانت شركة برايم تفوز باى عطاءاجهزة معامل فى جامعة النيلين بواسطة د. عماد فضل المولى عميد كلية الختبرات الطبية واخرون).
10- الهيئة القومية للكهرباء بواسطة مديرة ادارة المعامل بالهيئة القومية للكهرباء اخت زوجة د.عماد احمد على مدير شركة برايم للتجهيزات العلمية والفنية .. كانت تحضر للشركة للحصول على عمولتها من عمليات الشراء ..
اتمنى ان تجد هذه الرسالة الى من يهمه الامر ..
والله من وراء القصد ..
حكومة المفاجأت!!!!!
الحكومة تتفاجأ بالخريف!!!!
الحكومة تتفاجأ بمطالب العدل والمساواة!!!!
الحكومة تتفاجأ بعد اكتمال طريق الانقاذ الغربي!!!!
الحكومة تتفاجأ بعدم صلاحية اجهزة طبية مستوردة!!!
الحكومة انشاء الله يوم تصحى من الصباح تتفاجأ بوجودها في مزبلة خور ابوعنجا
وينكم يا كيزان ؟؟؟؟
ما شايفين ليكم تعليق , بالتحديد الاخ ابو شيماء .
ــــــــــــــــــــــــــــــــــــــــــــــــــــــــــــــــــــــ
ما اظن عندكم وش عشان تعلقو بيهو زاتو
الله يعجل فرجه و يحلنا منكم يا عواليق
هو المشكلة في الجهاز دا بس؟ وين التحقيق في الملايين التي ضاعت في برنامج توطين العلاج؟ السلطة المطلقة فساد مطلق و دي صورة من الفساد المطلق الذي للاسق يتم باسم الاسلام بواسطة " اصحاب الايدي المتوضئة" يبدو ان الوضوء بجلا من الماء الطهور صار يتم بعرق و دماء البسطاء من اهل بلادي
يا اخوانا خلوها مستورة هي للة
والله احنا نستاهل البيحصل فينا ده ياخوانا وحد وعشرين سنه21 ناس الحكومة بيعملوا كدا .
بعدين تعالو هنا احنا بنقول ناس الحكومة ناس الحكومه كأن الناس الحاكمانه دي مامن السودان التقول من الواق الواق , يله خمو وصرو ومايجيني واحد يقول السودان بخير والشعب السوداني طيب واحنا واحنا.
الحرامية البسرقو فينا ديل كلهم سودانيين ابا" عن جد قرو في مدارس وجامعات سودانية ومورثاتم سودانية يعني سووووووووووودانييييييييين الشعب السوداني كلو بقا انتهازي واناني وكل واحد مستني فرصتوا عشان يختف الآالآمن رحم ربي وهم قلائل واحنا اذا ماكدا ماكنا حنسكت الوكت ده كلوا وسكوتناه اكبر دليل على رضانا على البيحصل ده .
والله احنا شعب بيكضب على نفسو وفاكنها في روحنا لمن بهناك وعاملين فوقا عشره واحنا مابنسوى قرش لافي نظر من يحكمنا من ابناء شعبنا ولا في نظر من بنتلصق فيهم بادعاء عروبتنا:mad: :mad:
قرف
اخونا (مواطن سوداني) الله يديك العافية
تعليقك علي الصورة يبدو منطقيا جدا جدا والله ضحكت من اعماقي
في ستين داهية المليون دولار .
يا ناس خافوا الله من 2004 م مرضي السرطان في انتظار جهاز لم يكتمل ( يعني لم يعمل ) كم مريض تعذب خلال ستة سنوات و كم مريض مات بلا علاج .
الا يخاف هذا الحرامي ان يبتليه الله بهذا المرض الخبيث .
الم يحاسب نفسه انه تسبب في قتل عشرات من المرضي الذين كان يمكن لهم ان يتعافوا لو كان هذا الجهاز بالمواصفات القياسية الصحيحة و السليمة .
الا تخاف ان يبتليك الله بالاصابة بهذا المرض الخبيث او يصاب عزيز لديك ابن او اخ – اخت او زوجة .
لا نريد ان ندعوا عليك بهذا المرض الخبيث في هذا الشهر الكريم .
لكن ربنا يهديك و حاول عالج ما افسدته عسي ربنا ان يعفو عنك .
اضحك يا ابو الجاز ,, ده ماشعب بيصدق حكاية هى لله ولا للسلطة ولا للجاه وماشة معاك بسبوسة يا ابو الجاز وعارف الدنيا ودروسها يا ابو الجاز,,
شعب وهم وجعان ولكنه جبان