الشريف بدر .. اموال قارون ما حتنهض بسودانير

كان انتو يا ود بدر اكلتو اكتر من مال قارون اكيد مال قارون ما بعمل شيء

صدق اهلنا قالوا النار تخرا الرماد
الشريف وين خط هثروا بعتو اكنو خط أمجاد

اهلك ناس دين وسبحة وفروة وانت طلعته راجل بلوة
همك تلغف وتعيش في متعة ناسي التبروقة والخلوة

حرامي وعينك قوية للجزيرة جبت الكربة
زي منشار طالع تاكل نازل تاكل لقمتك بالملوة

ياالقدال اخوى دايرنك تزيد الغنيه

فى المرباع عشان ديل سبهم والله غايه ومنيه

بارد دمهم ومايجيب مخهم غير تكفت وبنيه

اوبس موت عديل بفد طلقه وتكون دى المنيه

هذا ماعن لى على عجل,,,,,,,,اخوك من الجزيره

فقط جيبو اموالنا فهي قادرة على النهوض بسودانير

هاك العريفي دي .. ( = ناقلات نفط تانكرز _ استثمار _ باسم صهر ود بدر اليافع )

“الشريف ” بدر يكفيه فخرا انه دمر مشروع الجزيرة و اكبر ادارة ري في المنطقة ..كما يكفيه فخرا ان دمر سودانير و نهبا و دمر طائراتها و باع خطوطها التي لا يمكن ان تعوض او تستعاد على الاطلاق كخط هيثرو …. كلما زاد فساد المرء و تخريبه كلما علت درجاته في الانقاذ …. و الماسونية و الصهيونية العالمية

الله يديك العافية القدال
والله الاستحو ماتو الزول دا ما ديار يختانا
غايتو دا أسو واحد مر على السودان
كل حتة مش عليها دمهرا وجاب خبرها
اعوذ بالله من جنس دا

(1)صدقت يا اخ يا قدال ..رغم ان كلامك يبدو انّو امانى عذبه تداعب خيالك وخيالنا لأنو الطريقه التجيب لينا اموالنا شنو؟ وهى عند منو؟ ومن وين؟ ومتين؟ الجيبا لينا ذاتو منو؟
(2) لكن اظن برضو الشريف ود بدر صادق فى كلامو . قال اموال قارون ما بتصلّح سودانير .. الشريف دا بيتكلم عن علم ومعرفه بما حصل فى سودانير!! مين بيعرفها احسن منو؟ ومنو اللى كان على رأسها لما اتباعت ولما رجعت ؟.. والشريف دا طبعن متمرس ومتعود (مشروع الجزيره ألأكبر من سودانير موش برضو راح على ايدو!! طبعا هو ماهو حاوى بيشتغل براهو .. المشاركينو موجودين وهو عارفهم .. وما فيهم من يقدر يقول ليهو تلت التلاته كم!! ومن شدة ما الشريف مالى ايدينو ألأتنين من موقفو.. قاعد فى امان الله فى بر ألأمان .. هل فى اى جيهة سألتو او اتهمتواو اتخذت ضدو اى اجراء..رغم ان الفاتح جبرا حلقومو (بعد الشر عليه وحماه الله) انقرش من “السؤالتين” بتاعاتو!! الشريف قاعد فى السودان ومطمئن الى درجة انو بيتكلم كلام العليم ان “مال قارون ما حيصلح سودانير” وكمان بيقدم مقترحات !!! ما داير اقولّك “فليبشر الشريف ابن بدر بطول سلامة يا صاحب ” النفير والمرباع”.. يا ابن الجزيرة الفيحاء.. ما خلاص الحكايه خلصت!!فضوها سيره وختّوا جلاليبكم بين سنونكم واستعدوا “للوثبه”!