طه سليمان أجاد في " أسمر لونه لادن جسمو "..صححه فرفور في : " وبقوا يلدن عليهو يسمو " شاهد الفيديو
أسمر لـونه
احمد محمد الشيخ
أسمر لونه لادن جسمو
يزدري بالبروق فر بسمـو
في جنبي مطبوع إسمـو
وفي عينيّ صورتو ورسمـو
أحب القاه واتمناهو
ويسمع مني معني غناهو
لو بسهامه قلبي يقسمـو
وما ممكن أبوح بي اسمـو
طاش فكري وغلبني ألمـو
محياك نادي رايق دمـو
فوق لصباحو طلّ مسـاهو
مهما أنسي ما بنساهو
اشرح ليك ضميرو وزمـو
حب ونفور محال يتلمو
ساطع بدرو أظهر حجمو
شاخص طرفي يرقب نجمو
ساهي ولاهي جوه ضـراهو
خلاصة الحسن عنده بـراهو
أمات البنات اتلمو
وبقو يلدن وعليه يسمـو
أو :
[URL]http://www.alrakoba.net/videos-action-show-id-189.htm[/URL]
ايوه فعلا ظاهرة.. لكن الغريب ليه ما قال ليهو قول : وبقن يلدن عليهو يسمن
والا انا ساقطة عربي!!! أكون يا أخواني ؟
غنية الحقيبة الغناها طه كانت الاروع – اما نادر وعصام محمد نور بالغوا عديل في اغنية اسمر – بشتنوها بشتنة السواد
يا اخت ندي حرام عليك عصام مؤدي بارع
الملاحظ أيضاً يا اخت ندى عبدالقادر أن فرفور رجع للكواريك وبشتن اغنية خضاري – الأخضر لونه زرعي.
يا فرفوور عليك الله نزل الكورة واطه وخلي كواريكك الكرهتنا الغناء دي
اغنية خضاري كانت في الجزء الأول من الحلقة الثانية
شفته مرة حاااااااااااااجبو قمرة
حسب رأيي الشخصي فإن أفضل أغنية كانت في القسم التاني للحلقة
البنات أجادن اجادة كبيرة في أغنية خضاري البحالي ما داري…
أداء انيق.. راقي.. وهدوء …
كواريييك نهائي مافي
عليك الله يا فرفور اتعلم منهن.
امس اول مرة اسمع الامبراطور حسين الصادق
بس كنت دايرة اسأل لو ده امبراطور وردي يكون شنو ?
لا حول ولا قوة الا بالله
اين ابداعاتهم الخاصة الاغانى التى تردد الان كلها فى صميم الشعب السودانى منذ الازل ليس فى حوجة لاى اضافة يجب ابعاد فنان شراب الشامبيون الذى اتلف علينا كل الاغانى
هوي يا شباب كل شئ ولا عصام دا انا عندي بعد وردي طوالي من دون واسطه اتكلمو في الامبرطور ولا حاجه مشاطه او اي شخص قال مبدع الا عصام محمد نور دا النور الفن السوداني
يا ناس كم العداد بتاع فرفور هسع—-يعني لو عايزو في العيد—–
سبحان الله الان صار الفنانين راسماليه
فعلا طه يمتلك كل مقومات التطريب وانا اعتبره ملك الغناء السودانى بلا منازع فقد فات الكبار والقدرو
والله فعلا عصام ونادر ما اتوفقو في اسمر وانشاء ما يكزن سمعه منهم ود الامين
الكلمات احلي الود صوتوا ما بطال بس لما ما يكورك
يا جماعة انتو بتقارنو عصام ونادر بـ ود الامين انا في راي انتو البالغتوااااا عديل كدة لا وردي ولا عثمان حسين يمكن ولد من ديل يستطيع ان ……. اه الكلام صعب
عصام دخل نفسو في تجربة صعبة ببي ترديدو لأغنية العملاق ود اللامين.
اولا رمضان كريم
واتمني تكونو كما اود ان تكونو وصحتكم بخير وعافية
اولا بدون تعصب
عصام او امير الطرب والفن الشبابي عصام قمة هرم ومخزون جبلي لجيل ممتد وصاعد عصام هذا فنان فوق الوصف وراقي ويمكن اطلق عليه ذري
يا جكماعة بدون شك وظن شوفو لمان يتغني ويطربنا عصام ما واحد من الناس بتاعن الحفلات الجنبو يستطتيع يغني ودهــــ الفرق يا جماعة عصام مدهش حتي واضح
وبعدين فرفور بنظري ما فنان ولا حتي فردة كورس ممكن يهجج ويغني باعراس فقط ساعة صراخ وكواريك ياخي جيت اجازة السودان اتمني حفلة والظروف ساعدة لقيت حفلة بنفس اليوم بس فرفور هذا ندمني وخلاني اتمردق الليل كلو بسريري لامن شغلته كاسيت لعصام ونمت