حزب الترابي يعلن إضراب معتقليه بنهر النيل عن الطعام
الخرطوم: سامي عبد الرحمن : حذر حزب المؤتمر الشعبي المعارض، بشدة السلطات من أي مكروه يصيب قيادات الحزب التسعة المعتقلين في ولاية نهر النيل منذ ثلاثة اشهر، وقال ان كوادر الحزب دخلوا في اضراب مفتوح عن الطعام منذ ثلاثة ايام احتجاجا علي بقائهم في المعتقل «دون مسوغ قانوني».
وحمل مسؤول امانة العدل وحقوق الانسان بالمؤتمر الشعبي حسن عبد الله الحسين في تصريحات امس، الحكومة والسلطات المسؤولية الكاملة لما يلحق بالمعتقلين من اذى جراء الاعتقال.
واوضح ان معظم المعتقلين هم مرضي واحوالهم الصحية متدهورة ودخلوا في اضراب مفتوح عن الطعام منذ ثلاثة ايام احتجاجا علي مواصلة اعتقالهم دون ادنى مسوغات قانونية.
الصحافة
اذهب الى القصر رئيسا ..وسوف اذهب الى كوبر حبيسا..
ههههههههههههههههه وتانى هههههههههه
الترابي كان بيغني راب ولا شنو و قت الصورة دي؟؟؟….
هههههههها…ههههههها عمك ده محوص كده مالو…ياسبب البلاوي والغبار اللاوي..ماااااتصبر شوية ناسك ديل بدل يضربو عن الطعام أحسن..تجيب ليك فتوي أسلاموشعبية جديدة لرفع المعاناة عن المعتقلين…لسه مااااشفتا حاجة جيبتا لينا البلا …قالو البلدي ليهو دبيب يلفو في صلبو …حقو تصبر عليهم ديل ماااامارقين منك …كلكم كتاحات
التسوي كريت في القرض تلقا في جلدا ..ما ياكم انتو الجبتوهم لينا ..!!
انتو مابين الطعام بي ارادتكم الله للناس الكايسا وما لاقيا …
اقعدوا باروا لي الترابي ده لمن تلقوا الترابه في خشمكم …
ده كلو حق الناس الظلمتوهم وقعدتوهم في المعتقلات بدون محاكمة لمن كنتو في السلطة …
صحي التسوي بايدك يغلب اجاويدك ..غايتو زول اسمو ( زي واااتة ده ) …
حزب المؤتمر الشعبي الان يدفع فاتورة المعارضة مهما تحدث المتحدثون امثال الكردفاني ولا اعتقد بأنة كردفاني كما يزعم ويستقل هذا اللقب لحياديتة ولورع اهل وكردفان والحق يقال كردفان تحترم الترابي والمؤتمر الشعبي.
يجب ان يلق سراح المعتقلين فورا او يقدموا الي محاكمة عادلة ان كان هنالك عدل!!!
فك الله اسر المعتقلين الساسيين في بلدي وارحنا الله من الظلم والقهر والاضهاد…والترابي وحزبة لا يشق لهم غبار ارجو ان يترك الصيد في الماء العكر.
خليهم يموتوا اصلا لا فرق بينهم وبين الكيزان الماسكين الحكم ياريت كلهم ينجلو بلا وياريت ينجلوا
الترابي مخرف والبشير رقاص وطرطور ساكت والبلاد ماشة للهاوية والدين بريء مما يفعلون باسمه وهل بعد اعترافكم بالكذب تريدون ان يصدقكم الناس (ذهبت الي السجن حبيساً والبشير ذهب للقصر رئيساً) وقد خدع البشير الشعب بأنه مستقل ولا يتبع اي حزب فهل الدين الاسلامي يبيح الكذب المؤمن لا يكذب يا بشير ولن تفلح ان تجد اي مبرر لكذبك لأن الدين ليس جلابية تفصلها على مزاجك وصرتم تسمعوننا (فقه السترة ـ التقية وغيرها) لتبيحوا لأنفسكم ما تحرموه على الآخرين وكأنكم شعب الله المختار في الارض