بشة وبلة الغائب…. والطائرة المختفية

واحد قابل ليك دجال زي. بله. الغائب فارش حجبات في السوق فسألو عن أنواعها وأسعارها
عمكم صاحب الحجبات قال ليهو دا عرق محبه ، دا عرق الذرية والخ ودا عرق البيع
قال ليهو عرق البيع دا شنو ، قال ليهو الحجاب دا لو عندك تجارة تلبسو علي طول وبسرعة
تبيع تجارتك . صاحبي شات ليك العروق والحجبات شتتها كلها وقال ليهو يا زول أنت مستنكح
أنا شائفك فارش حجباتك دي ليك ستة شهور ولو أصلا عرق أو حجاب البيع دا نافع ما كنت بعت

قال تعالى : {وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً }الإسراء85 صدق الله العظيم
تتباهى الدول ذات الحضارات المادية بما وصلت إليه من علم مادي و بأنها غزت الفضاء .. و سبرت أغوار المحيطات ولم تعد تخفى عليها خافية ، حتى أوهمونا بأن الرجل في فراشه و داخل جدران غرفته فهو ليس بمأمن من المتلصصين .. قيقابل المولى سبحانه وتعالى ذلك الصلف و الغرور .. بإختبار صغير .. طائرة معروفة المسار و مزودة بكل ما توصل إليه العلم البشري من أجهزة ملاحة .. فجأة تختفي .. يسخرون كل ما وصلوا إليه من تنقية ومعدات للبحث عنها ولكن …. فتخجل تلك الدول التي ظنت أنها عظمى و أنها تملك العلم و الكون .. و نست أن الكون كونهو أن العلم بيده سبحانه و تعالى ولم تُعطى من إلا قليلأً.
أما يا أخي العزيز من حق أي إنسان أن يدعي إنتماؤه لأي كيان كان .. و لكن ليست لمشايخنا و المتصوفة الموحدين .. الخلص و الذين يسعون جاهدين أن يقدروا الله حق قدره إدعاءات بكشف الغيب و إنما هم مسلّمون لله في إدارة كونه ..
قال تعالى : {قُل لاَّ أَقُولُ لَكُمْ عِندِي خَزَآئِنُ اللّهِ وَلا أَعْلَمُ الْغَيْبَ وَلا أَقُولُ لَكُمْ إِنِّي مَلَكٌ إِنْ أَتَّبِعُ إِلاَّ مَا يُوحَى إِلَيَّ قُلْ هَلْ يَسْتَوِي الأَعْمَى وَالْبَصِيرُ أَفَلاَ تَتَفَكَّرُونَ }الأنعام50 فما لم يختص به سبحانه و تعالى لخير البشر صلي الله عليه و سلم فهل يختص به غيره من عباده؟

يا جماعة ادو بلة الغائب والمغيب دا فرصة.. لانو في ناس عندها (غدرات) وتستطيع ان تحل فمثلا الحكومة حقتنا عندها ما شاء الله (غدرات) ويا ما حلت حاجاتنا وذوبتها في اللامعقول وطالما ان بله حدد مكان وجودالطائرة في بلاد الجن الاحمر اعتقد انها خطوة مهمة جداً دي الخطوة الاولى والخطوة الثانية هو ان يتم اجراء مفاوضات مع الخاطفين للطائرة من بلاد الجن الاحمر عن طريق وسييط من بلاد الجن الكلكي والجن الكلكي لن يقبل بالوساطة الا بعد اجتماع الآلية رفيعة المستوى والشئ الجميل ان الآلية العليا رفيعة المستوى حتى تجتمع قريب جدا للنظر في منح التفويض اللازم للجن الكلكي عشان يتوسط لي ناس الجن الاحمر … طبعا المفاوضات السرية جارية بين الطرفين وسوف تنعقد المفاوضات قريبا جداً وقد تم حجز الفنادق وترتيب الوفد والصحفيين والصحفيات وكل شئ جاهز
انا شخصيا ما عندي مانع اصلا من زمان عند نية امش لبلاد الجن الاحمر التي لم ترد لا في كتاب ولا في سنة لكن مع ذلك نجرب نمش ليها احتمال نعقد صفقات مع كبار الجن ونخلق علاقات تصب في مصلحة السودان لانو بصراحة خلاص كفرنا بالبشر وبعد دا نشوف الجن الاحمر وعليك يا الله احتمال نلاقي عندهم كمان كم جنية حليوة كدا ونتزوج منهم ولا يتزوجوا منهم ويتم عقد القران في مسجد النيلين على يد الشيخ الجليل ويقول الشيخ/ لقد تم عقد القرأن على سنة الله ورسوله من جهة الزوج وعلى سنة السفلة الإفاكين من جهة الزوجة وقد اوصيت الزوجة ان تطيع زوجها في المنشط والمكره وان لا تختفي من رادار حياته
يا بله الغائب سلتك بالله شوف لك شغلة تاني وخلي الحاجات البتعمل فيها دي .. بلا جن احمر بلا جن بيجي ولا جن فضي او حرجلي وبعد شوية تقول دا جن فوشي ياي انا بحب اللون الفوشي حتى لو كان جني .

To Balla the absent, you are a funny joker
Please tell me when you will attend