محجوب بيزرع تقاوي المحنة

وطنا البإسمك كنبنا ورطنا
وعنك بعيداً أبينا الرحيل
أنين السواقي البيحرق سفنًا
وقلب المحبة البيملاهو نيل
نعزيك ونعلم فؤادك معنًى
رحيل البعزًي وبشيل التقيل
كم قد هواكا وكم بيك تغنًي
وكم في ثراكا اتغرس كالنخيل
وكم لى علاك قد تسامى وتمنًى
تطاول بناك و الشموخ الجليل
وكم من جموعك تدلى وتدني
حروف القصايد قطوفا تميل
زول منو رسمك ملامح وسحنه
وزول شايل اسمك طروباً ثميل
محجوب شاعر الشعب حقاً ومعنى
وفخراً وعزاً و طبعاً أصيل
ومحجوب بيزرع تقاوي المحنة
و بشتل فرح في ربى المستحيل
ترا الزرع فرهد غداً يبقى جنة
ترا الشتل بتًق ثمارو بتشيل