سعر كليو الطماطم في إثيوبيا يعادل جنيهيْن سودانييْن ..القضارف تتجه لاستيراد ألف طن من طماطم إثيوبيا
كشف وزير المالية والاقتصاد بولاية القضارف (معتصم هارون) عن جملة من الإجراءات لمحاصرة ارتفاع أسعار السلع الضرورية.
وقال الوزير لـ (الأهرام اليوم) إن الوزارة صنّفت عدداً من السلع القابلة للارتفاع مثل السكر والطماطم والزيوت والذرة والدقيق، وقال إن هنالك حزمة من الترتيبات لتوفير هذه السلع تتمثل في استيراد ألف طن من الطماطم من إثيوبيا خلال الأيام المقبلة بواسطة تجار القضارف لسد حاجة الولاية منها، واشار إلى أن سعر كليو الطماطم في إثيوبيا يعادل جنيهيْن سودانييْن بينما يُباع في القضارف بـ(10) جنيهات.
ودعا معتصم للاستفادة من المميزة النسبية لتوفير بعض السلع والخضروات في إثيوبيا وجلبها للولاية وفقاً للبروتكولات الموقعة. وناشد الوزير الجمارك الاتحاديَّة منح تجار الولاية تصاديق استيراد الطماطم والبطاطس وبعض السلع الضرورية من إثيوبيا بالتنسيق مع إدارة الحجر الزراعي بالمركز، ونادى بتبسيط تسهيل الإجراءات الخاصة بالحجر الزراعي لتسهيل انسياب السلع من نقطة القلابات التجارية إلى أسواق الولاية، وشدد على إنهاء احتكار تجار المركز استيراد سلعة الطماطم من إثيوبيا. وكشف الوزير عن طرح وزارته منافذ بيع وتوزيع الذرة في الأيام القادمة، مشيراً إلى نجاح تجربة تركيز وتخفيض أسعار السكر عبر توزيعها بمنافذ محليات الولاية.
وأوضح الوزير أن الإجراءات المالية التي اتخذها مؤخراً بإيقاف لائحة المكافآت والحوافز السابقة لم يقصد منها الإضرار بالعاملين وقال إنها تأتي في سياق تطبيق سيادة وزارة المالية بالولاية على المال العام، مشيراً إلى صدور لائحة قريباً لتنظيم وتقنين صرف المكافآت والحوافز وفقاً للقوانين واللوائح المالية.
وقال هارون إن وزارته ستقتدي العام القادم بتجربة ولاية الخرطوم في تطوير إنتاج الخضر والفاكهة وقيام مشروعات ومزارع الإنتاج الحيواني لتوفير السلع الضرورية في الأسواق.
الاهرام اليوم
والله العظيم عيب وعيب كبير يا حكومة
نستورد طماطم او اي منتج زراعي
ومن دولة نحاول ان نقدم لها اغاثات ؟؟؟؟؟
دي كيف تبقي ؟؟؟؟؟؟؟؟؟؟؟
دوله تستورد حاجياتها الضروريه؟؟؟؟ واي دوله ؟؟ الدوله التي تم تصنيفها من قبل منظمه الغذاء العلمي نسبة لما تمتلكه من موارد طبيعيه بانها سلة غذاء العالم !!!!!!!
دوله ينعدم فيها الطماطم والسكر وتصل اسعارها الي مبالغ خرافيه وفي نفس الوقت تتكوم فيها شكارات الاسمنت واكوام السيخ والخرصانه !!!!! السبب في هذه الجوطه في ترتيب الاولويات الاقتصاديه بالطبع مفهوم للجميع … وطبعا هنالك من يستطيع ان يشتري كيلو الطماطم ب10 جنيه او حتي اذا ارتقع الي100 ج . والغالبيه الغالبه من المساكين ياكلو سيخ واسمنت !!!! او بمعني اخر يمسكو الماسوره
نحنا فضل شنو ما استوردناهو
الله يعينا
وسعر الطماطم بالسوداني بما يعادل العمله المصريه نص جنيه يعني الكيلو بي 50 قرش احسن تجيبوها من مصر
والله شيء مؤسف مليون ميل وما بنعرف نزرع
فضيحة – فضيحة – فضيحة ونحن نتشدق امام الملا بأننا سلة غذاء العالم والله ياجماعة بقينا نخجل من انفسنا عندما نسمع خبر مثل هذا. العالم الخارجي يفتكر اننا شعب كسلان فعلا ولذلك اصبحنا نستورد الطماطم ونحن نقول اننا بلد زراعي – السكر في ارتريا ارخص من السودان برغم وجود كافة هذه المصانع وهذا يعني أن العيب في النظام وليس في الزراعة لأن الحكومة تعيش على الضرائب المفروضة على الزراعة والجمارك وهلم جراء وهذا مايساعد على ارتفاع التكلفة بهذه الزيادات الخرافية وحتى التاجر السوداني اصبح جشعا مثل الحكومة ومافيش حد احسن من حد والجميع عاوز يعيش على اكتاف هذا الشعب المسكين
لمن جو ناس الجبهة ديل كان عندهم نشيد كم سنه كده مشغلنه لينا صباح مساء
فلنأكل مما نزرع ونلبس مما نصنع
حنشيد نحن بلدنا ونفوق العالم أجمع
:D :D :D :D :D :D :D
ياهم نفس الناس ديل عمر البشير والجاز ونافع نفس الاشكال 21 سنه كذب وبس
لكن التطور الحصل ليهم ولأسرهم واخوانهم واقاربهم ماكذب ده حقيقه
الكيزان رطبو ترطيب جد
وخلونا ليك قاعدين فى السهله ساااااااااااااااااااااااااااااااااى
ناكل مما نزرع الكلام دا لحستو ولا شنو انها شعارات جوفاء كما هى عقولهم.
والله يا جماعة انتو كلكم بتتكلموا ساي انتو عارفين الزراعة انتهت في السودان من سنين والسبب انو تم تعيين ناس في الزراعة لا يعرفوا اي شئ عن الزراعة ويتم ادارة المشاريع من المكاتب بس والاسمدة غالية ولو تذكر الناس الزمان انو المفتشين نهائي ما يجلسوا في المكاتب وكل عملهم في مراقبة المزارعين عشان كده كان ارخص بلد السودان اما الان هأهاهاهاهاها بقو المفتشين اكبر حناكيش والله زمان يا زراعة:lool:
بسم اللة الرحمن الرحيم – سعادة المحافظ اين العيب هل هو في المزارع السودني ام في التربة ام شح مياة الري – العيب في النظام بتاع الجبايات – زمان في واحد جاب بصل من كسلاء علشان يبيعة في الخرطوم قال يستفيد من فرق السعر ويساهم في حل ازمة البصل بالخرطوم الخلاصة الراجل تم من جيبة لصاحب اللوري بعدما باع البصل – والان سلطات الجمارك ورسوم الطرق وغيرها ح تخلي كليو الطماطم الناوي تجيبو من اثيوبيا لحد مايصل القضارف تكون تكلفتة اكثر من عشرة جنية ما تغش التجار وتورطهم ساكت – انا شايف تدرس الموضوع اولا — قبل ما تورط النس ساكت