امام مسجد الكلاكلة يهاجم الفنان عبدالعزيز المبارك

طبعا السودان كله محتاج لتصحيح بداية من الاخلاقيات التى انتهتن واصبح الشارع مرتع للفسوق والفجور ولا يخفى على كل مستخدمكى الطرق ما يواجهونه يوميا من بلاوى والامر ليس فى كلمات الاغنيات وبس // ومفرداتها الهابطة البغيضة ولكن فتح الباب للمغنيات بغناء الاغانى ذات الكلمات الركيكة النافرة الهابطة فتح الباب لكل صعلوق حقير ان يقول كلمات ويقولون ان الناس عايزة كده كما فسر ودافع احد الفنانيين او المسميين نفسهم فنانيين عند دفاعة عن كلمات اغنية عوض دكام عندما قال انا بناقش بيها مشكة وانا بتكلم عن واقع ايه ياولا ده اى دفاع واى كلام وبعدها قنبلة وبعدها إن ما ابتلانا به الله فى الوقت الحاضر من مشاكل وضيق فى المعيشة لهو من اعمالنا واعمال هذاى وامثاله واعلامنا الذى يناطح الحقائق للكسب المادى
ولسة يام تشوفوا بلاوى

طيب الأمام ده ما سمع غنية جاري وانا جاره يتعذب بناره يابت أنا ود الحله وعاشق وحيات الله المهم يا ينتقدهم كلهم يا يخليهم كلهم

طيب الان وينو الهجوم على عبد العزيز المبارك** ما الزول دا كلامو واضح** وكلام جميل** وكثير من الاغاني لم تراعي حرمة الجار ولا حرمة المراة** ما في هجوم ولا أي حاجة** الناس ما كلو حاجة تسميها هجوم هجوم** نعم نحن ضد امام المسجد اللي قام بترجيع الفنان لاخر الصف** ولكن الخطبة اظنها ما فيها اي هجوم بل توضيح وذكرى فإن الذكرى تنفع المؤمنون** وما اظنه يقصد الفنان في شخص واستدل باغنية شهيرة لفنان مشهور وهم كثر الذين تغنوا بتلك النوعية** حتى الحلنقي سمعناها اغنيته بتاعت وردي الله يرحمو [ فرحي خلق الله واتّنّي ياشبه القمرة وارقصي رشي عبيرك فينا وفتحي يا زهرة) تصدقوا تفرح خلق الله وهي تتنى وتتمايل بجسدها ** كشجرة البان** الاغاني السودانية فيها الغث وفيها الثمين*** وفيها اللي دايرة اعادة ضبط** ما تسموا اي حاجة هجوم هجوم هجوم** لا تحاولوا أن تطفئوا نار الهداية والتذكير والأمر بالمعروف والنهي عن المنكر**

نعم كلام الامام صحيح لا يجوز النظر الى بنات و نساء الجيران و التغزل فيهن، و من أراد فليأتى من الباب هذا هو اسلامنا و قيمه و يجب علينا أن نقف عند حدوده و نلتزم ضوابطه و من يقل بغير ذلك فعليه أن يأتينا بالدليل الذي استند عليه من الشرع. و حتى الشاعر الجاهلى يقول “وأغض طرفي ما بدت لي جارتي حتى يواري جارتي مأواها”.

هو إمامنا الورع يا دوووب سمع الإغنية دي ؟ مع أنها تبث منذ أربعين سنة!!
طيب لو سمع القبلة السكرى أو الوكر المهجور، أو يا معاين من الشباك، أو جارو أهلك وجورهم أمر بديارهم حجبوا القمر ..حايقول شنو؟
كنت آمل من أئمتنا أن يحدثوا الناس والحكام في العدل وحرمة قتل النفس وروح الشهيدة عوضيةعجبنا ما زالت تتقلب بحثاً عن القصاص العادل، بينما إمامنا الورع يستمع الأغاني الماجنة لسيتغلها في المنابر لشغل الناس عن الظلم وقتل الانفس.. والله أئمة آخر الزمان!؟

مشكلة الغناء في السودان أكبر من هذه الحالات الفردية و علينا أن نسال أنفسنا ماذا قدم الفنانون السودانيون الذين قدم لهم الناس الكثير من التبجيل و الاحترام ماذا قدموا لرفعة هذا البلد؟

أخشى أن يكون حالهم اشبه بالحكومات العسكرية أو أصحاب المشروع الحضاري أو السيدين الذين لم نر منهم الا الشعارات المضللة و اكل أموال الناس بالباطل

عدم الموضوع سفاسف الامور الله يصلح العقول للرقي والخير

السسسسسسسسسسسسسسسسسسسودان خخخخخخخخخخخخخخخخخخخخخخخخخخخخالى من :السرقة والحرامية ومن الزنا ودار المايقوما ومن شهادة الزور والشهادات المزورة ومن الربا واكل السحت واكل اموال الناس بالباطل ومن الكذب والغش ومن النفاق ونصرة السطان ومن الاختطافات والاغتصابات وكل ذلك بمجهودات وارشادات وخطب الائمة بالمساجد بس بقت مشكلة السسسسسسسسسسسسسسودان الكبرى الفنانين وكمان معاهم الشعراء والملحنين والمستمعين لهذا نطالب هيئة علماء السودان مساعدة ائمة المساجدبحل المشكلة الكبرى المستعصية عليهم وذلك باصدار فتوى تكفر الاتى: كل ما يكتب شعر الغزل فهو كافر وكل من يلحن فهو كافر وكل من يغنى فهو كافر وكل من يستمع او يشاهد فهو كافر وكل من يرقص طربا فهو كافر وكل من يهز ويعرض فهو كافر وذلك حتى يتفرغوا للبحث عن شرعية الفوائدالربوية بالبنوك الاسلامية والرشاوى المليارية المسمية بالتسهيلات والسمسرة ليخطبون فيها الخطب التى لم ينزل الله لها من سلطان كسسسسسسسسسسسسسسسسسسسسرة ما عايزة اقول خطب ما لم يكتبه مالك فى الخمر يقولوا على سكرانة ولحق امات طه

كان الاحري بامام هذا المسجد ان يتحدث عن فساد دافعي مرتبه وعن الظلم والسلب والنهب في دولة المشروع الحضاري!!!

لقد اصبح السودان ضيعة لهولائ المتزمتين ,,اصبح الابداع في العلم ,,والادب والفن حراما وتاتينا الفتاوي من حيث لا نحتسب لتبرير ذلك

يا شيخنا هنالك قضايا اكبر واهم من الشعر والطرب ,,خاف الله ولا تخاف البشير لاتكونوا تنابله السلطان وببغاوات نظام البشير الفاسد صوبوا رماحكم عليهم لا علي الشعب

ارحمونا يرحمكم الله وبعدين يا شيخنا انت عندك تلفزيون طيبه وفرقة الصحوه والقيقم والحان الشيخ خالد المصطفي والاناشيد الجهاديه ليه تسمع عبد العزيز المبارك

بعد شويه انا خايف تطلع فتوي انه الهوي الجاي من جهة الحبشه لا يحل التنفس به

لماذا لم يهاجم الاستاذ عبد الكريم الكابلي ؟؟؟

داير قربك لكن محتار لما اصافيك تكويني بي نار
و ان خاصمتك بتقلبوا هزار و انت عاتبتك بتسوي هزار
تسحرني و اقول أهواك يا جار..
وصوك علي يا حبيب عيني
كيف اعمل فيك يا اجمل جار

الجماعة ديل عاوزين يشغلوا الناس في الفارغات عشات الناس تنسى موضوعنا المهم الا وهو كنس الكيزان الى مزبلة التاريخ !!!

أئمة المساجد الظاهر بقه ماعندهم سالفة… بدل ما يفتوه في موبقات أخوان الشيطان البشير ال… وعصابتة… بقوه شغالين بالفارغة … أغنية المبدع عبد العزيز المبارك يا أحلي جارة بغنيها الزول ده منذ بداية السبعينات ومافي إمام جامع جاب سيرتها…وله مشائخ زمان كانوا تعبانين؟ المهم نعيش ونشوف … ناس جمال فرفور أحسن حاجة يفكروا يعملوها يبنوا ليهم جامع من دورين والصلاة تكون في الطابق الثاني والإمام يكون واحد فنان…ويكتبوا ممنوع دخول أئمة المساجد… وبنحي الفنانة المبدعة الحلوة ندي القلعة بمساهمتها الجبارة في تردي الأوضاع الإقتصادية في السودان وسيري وعين الله ترعاك… حتي تسقطي أئمة المساجد… بعدين الظاهر إمام مسجد الشيخ حمد ود أم مريوم بالكلاكلة القلعة قلبوه خفيف …ووجارتوه كانت بت جهبوزة ولعة خطفها منو واحد ود من محبي عبد العزيز المبارك …عشان كده المسكين حاقد علي المبدع عبد العزيز …من الوقت داك… إمام أمدرمان ماعنده حق يتهم الحلوة ندي القلعة لأانو ندي مش من ناس أم درمان العريقة… وله إمام الجامع بيكون بحب ندي القلعة… والمثل بيقول المابتلحقوه جدعوه…
عندي سؤال رايكم شنو في رقيص الرئيس لبشير …وله أنحتوه رؤسكم وطلعوا ليكم مستدل للرسول صلي الله عليه وسلم في هذا الخصوص…وبتكونوا قدمتمه خدمة كبيرة للشعب السوداني … وخلوه ناس عبد العزيز المبارك وجمال فرفور والحلوة ندي القلعة…لأانو أحسن منكم…

كل السرقات والإختلاسات الفي البلد ماتهمك يا إمام الضلال …
على قول أدروب حقة تشوف قندران ما تشوف ..!!