الصادق المهدى:السودان مستهدف لتوجهه الإسلامى
رأى الصادق المهدى رئيس حزب الأمة القومي السوداني المعارض، أن من أكبر الخلافات التي قصمت ظهر الأمة الإسلامية هو أمر “ولاية الأمر” والذي أورث المسلمين تناقضا كبيرا مازال مستمرا، مشيرا إلى أنها كانت السبب في مقتل ثلاثة من الخلفاء الراشدين هم عمر وعثمان وعلي، بجانب استنباط الأحكام فبرز مجتهدون كثيرون وبرزت المذاهب والتعصب لها .
أضاف المهدي إلى ذلك عدم القدرة على التعامل مع المستجدات مما أدى إلى سعي الأمة إلى التطلع لتحقيق الوحدة بجانب طاعة المتقلب والقتال معه، فكانت النتيجة الركود الفكري والسياسي في الأمة لأن هذا الأمر دخيل على الأمة الإسلامية ولأن المسلمين أمرهم شورى بينهم.
وطالب المهدي – في ندوة نظمها المركز السوداني للخدمات الصحفية يوم الثلاثاء بعنوان (أدب الإختلاف .. بين تعاليم الدين وتقاليد السودانيين)- بضرورة التفكير في وسيلة لحسم الخلاف في مسألة “ولاية الأمر” دون تمجيد للقوة، وإيجاد قاعدة للتعامل مع الاختلاف دون الثوابت، وأكد أن السودان مستهدف لتوجهه الاسلامي .
وفي ذات السياق، قال الشريف عبد الله إبراهيم أمين أمانة الفكر والثقافة بحزب “المؤتمر الوطني” إن الاختلاف وراثي منذ قدم الإسلام فلابد أن نفرق بين الخلاف والعدوانية فالخلاف مرحلة تناظر في إبداء الآراء والعدوانية هي حل الخلافات بعنف .
وأشار الشريف إلى تسامح الشعب السوداني كاشفا عن أمثلة التسامح في مناطق السودان المختلفة.
وقال الدكتور محمد مصطفى الياقوتي وزير الدولة السوداني بوزارة الشؤون الدينية والأوقاف، إن الاختلاف ليس شرا ما دامت تقتضيه ظروف طبيعية ، مبينا أن هناك أمورا حقيقية تدعو إلى “التشاكس وليس إلى الاختلاف” ومنها اختلال المرجعيات من الأدلة ، فلابد من إقامة المنابر العلمية حتى تحرر هذه النقاط للاتفاق على مرجعيات .
ورأى أن هناك أزمة قيادة لدى الجماعات الإسلامية والطوائف الدينية المختلفة ، داعيا إلى شحذ الهمة لإيجاد صفات قائد لتأسيس الأمور من الجوانب الأخلاقية، كما أن هناك أزمة كبيرة في الثقة بين المسلمين، مما يتطلب تفعيل آلياتنا لإيجاد الثقة بين أبناء الدين الواحد ومد جذورها حتى نصل إلى حسن الظن .
وأشار إلى أن هناك عدم احترام للتخصص، فنجد أشخاصا غير مؤهلين في أماكن حساسة فكل الأمم التي تطورت كانت تحترم التخصص لذلك لابد من زيادة العلم والعمل .
من جهته، دعا الدكتور يوسف الكودة الأمين العام لهيئة علماء السودان ، إلى وحدة الصف لا وحدة الرأي الذي لا يمكن أن يوحد لأسباب كثيرة ، وقال “إن العلاقة فيما بيننا لابد أن تكون علاقة تكامل وليس علاقة إجماع” .
الوفد
إن الذى لا يزال يدعى أن السودان مستهدف بسبب الإسلام إنما يذر الرمال فى العيون. لماذا لا تستهدف الدول الإسلامية الأخرى مثل ماليزيا و تركيا و السعودية وغيرها؟ هل ولد الرسول فى أمدرمان و نزل الإسلام فى السودان؟ هذا مجرد هروب من الواقع وطمس للحقائق. الذى يستهدف السودان ويدفع به الى التشتت و الإنقسام و الدمار هم هؤلاء الدجالون تجار الدينالذين ملكوا أمره بالقوة و السلاح والإعلام المضلل وللأسف الصادق المهدى يثبت عدم إختلافه منهم.
يا راااااااااااااااجل!!!
والله شر البلية في وطننا هولاء السادة،فالصادق المهدي مازال يتناول الشأن السياسي بنفس العقلية التي كانت في الستينات من القرن التاسع عشر،ياسيد الصادق انتم من داخل ابراجكم العاجية بعيدون كل البعدعن قضايا الامة والتي لاحول لها ولاقوة، حقيقي انت واحد من اشكالية النخب السودانية وتأتي لتتحدث عن الخلافات داخل الامة الاسلامية.والله انت لا فرق بينك وهولاء الذين يحكوموننا،هل نسيت وانت رئيس وزراء في الديمقراطية الاخيرة عندما اردنا ان نشيد بيارة الرماش بالسوكي وقرض البنك الدولي الذي اشترط ان تنفذ المشروع شركة داو الكورية ومجموعة من المهندسين الاميركان بدون اية خبرات وانت وقفت ضد امكانيات مهندسين السودانيون والذين لديهم القدرة علي انفاذ المشروع والفرق بين داو ومهندسي وزارة الري قلة تكلفة الانشاء وتوفير مبلغ ضخم من القرض يستفاد منه وشركة تقوم بالمشروع بدون ان يتبقي شي من القرض.ولو لا تم التلويح بسلاح الاضراب من قبل كل النقابات الحرة لما رضخت،مالفرق بينك في التفكير وبين هولاء.
ويالكودة تأتي وتتحدث عن الخلاف وانت تدري بان اخوك واولاداختك نهبو من المال العام عندما كان اخوك محافظا لكرري ماذا يقول الدين وماهو قولك لهم هل كما قال الرسول صلي الله عليم وسلم في المرأة المخزومية عندما اتي اسامة يتشفع لها فقال والله لوسرقت فاطمة بنت محمد لقطعت يدها وتأتون تتحدثون في المنابر كأنكم مجموعة انبياء.
نحن والله عندما نجتث هذا النظام لانقبل بظهوركم كلاعبين في السياسة السودانية فكل الذين اسهمو في تخلف هذا الوطن والذي لا تحملون له اية ذرة من الخير الذي يصب في صالح جميع السودانيون فانتم مجموعة تروس تعوق تقدمنا ولكن سنقصيكم ونقصي كل من شارك مع هذا النظام فهم مثلكم
لوا… الكبار بتجيب غبار
انت خلاص كبرت وعجزت خليك من السياسة وحاول تصلح شأنك وتكفر عن الأخطاء التي ارتكبتها بحق الشعب وتعيد ماعليك له فلا يلدغ المؤمن من جحر مرتين وتجريب المجرب نقصان عقل وياريت تنصح نسيبك الترابي وجماعته والبشير جماعته والمرغني وجماعته وبقية الأحزاب وزعاماتها القديمة ان يتركوا الشعب في حاله ويكفى ما تجرعه منكم منذ الاستقلال وحتى تاريخه هناك الالف ممن هم على كفاءة ووطنية وقادرون على انتزاع البلاد من التخلف وتحقيق تطلعات الشعب وليس وحدكم من يملك الفهم .
قال ان السودان مستهدف لتوجهه الإسلامى
أين هو التوجه الإسلامى ؟ ( هى لله لا للسلطة ولا للجاه) عجبى.
المهدى هل تحول إلى ببغاء أعمى ؟ إن الرجل لا زال يسدى النصائح للحكومة..لكن نصائحه تدخل من الأذن اليمنى وتخرج من اليسرى وينطبق عليه المثل ( سجم الدلكته وأدانى عنقرتو) ورغم ذلك نصائحه ودراساته لا تتوقف خوفا على الوطن الذى يحتضر.
إن الإنقاذ كمريض بالسكرى أصيبت يداه بالجروح لدرجة الغنغرينا لكنه يصر على المشى حافياعلى ( الكوشة) الكبيرة التى صنعها بنفسه ويراها أو يحاول أن يرينا إياها على أنها جنة الله فى الأرض ( مافيها زبالة ولا يحزنون) ويخدرنا بأن الدولار سيستقر بعد ثلاثة سنوات وهى مثل( طويل وما بلحق الكعكول) لأن الطريق يستحيل أن يتجه رأسيا ليلحق الكعكول . مأزق لن تجدى معه (الشحدة)ولا الديون ولا المغتربين . فالمغتربين نالوا من الصفعات والعلقات من الحكومة مما جعلهم( يفتحون عيونهم قدر ( الريا أب عشرة) وفقدوا الثقة تماما فى أى مشروع تطرحه الحكومة ولسان حالهم يقول ( دولار فى الجيب ولا عشرة فى الغيب ).والدائنون لا يجدون خططا مستقبلية تضمن رد أموالهم مع الفساد الذى عم القرى والحضر.البلد منهارة ومنهكة القوى ومع ذلك تشن الحروب وتهدد وتتوعد وتتحدى ، إذن مالذى يريد ان يصل إليه المهدى ؟
إنه يهدر الوقت ليس إلا.
…(أدب الإختلاف .. بين تعاليم الدين وتقاليد السودانيين)..لو تمسكّنا بالاخيرة وتمّ تطبيقها من العقلاء بصورة صحيحة لكنّا فى شأن اخر,, لأننا فشلنا فى الاولى وفى انزالها بامتياز ,دونكم الحال والمآل يغنى عن السؤال.!!
اقسم بالله ياسيد الصادق كنا نحبك كما نحب ابائنا ولدنا انصار وحزب امه بالفطرة ولكن الان طغت مصلحتك وابناءك علي مصلحة الامه السودانية لذلك حاليا نكرهك ونكره سماع سيرتك ونكره حتي تواجدك وصورك في وسائل الاعلام ياعم حل عن سمانا الله يرحم والديك
السيد/ الصادق
ان السودان الذى يسنهدف من اجل توجهه الدينى ,هذا الكلام لايمشى على من عاصر هذه الحكومة التى لا تطبق اى شئ من الدين إلا على الشعب المغلوب على امره ثم ثانياً ولماذا يستهدف السودان وهو الاول في الفساد والاول في الحروب الاهلية والاول في عدم سداد الديون والاول في …………….& اخى خليك من الكلام بنظرية المؤامرة وانظر الى حال البلد ونامل منك ان تتوحد مع كل من عمل من اجل اسقاط هذا النظام اذا كنت تنظر الى مصلحة الوطن ومصالح المواطن.
السودان مستهدف لتوجهه الاسلامى عشان هو الدولة الوحيدة فى العالم البتطبق الاسلام و الشريعة و باقى العالم كله ما شغال بالاسلام ولا الشريعة مش؟؟؟؟؟!!!!! بعدين الغرب خايف من السودانيين انهم يقوموا يحتلوا اوروبا و امريكا الشمالية اما القدس فامرها ساهل ممكن يرجعوها خلال اسبوع واحد بس اولا يقضوا على الخونة و العملاء من ابناء السودان يعنى نقول بعد مية او متين سنة كده و بعد داك يلتفتوا للقدس و اوروبا و امريكا و هلم جرا!!! عشان كده الغرب بيتآمر على السودان!!!!! يلا اضحكوا كلكم!!! هو الغرب و بنى قريظة عايزين ليهم مجهود عشان يحاربوا السودان ما السودانيين البلهاء منهم و الاغبياء قايمين بالمهمة نيابة عنهم خير قيام و المغالتنى يشوف وضع البلد الآن!!!!! انتوا السودان ده ما فيه زول بيعرف سياسة كلو كلو؟؟؟؟!!!!
منو المستهدف الإسلام السوداني..؟
“الغرب الصليبي” …
امبارح دي ما كان شغال مع “المسلمين” في ليبيا؟
الليلة هم والقرضاوي ما في “.. لباس واحد” ضد سورية.
هل يستهدف الغرب الآن المملكة؟
هل يستهدف الآن تركيا..؟
هل عمل اي حاجة تستهدف كيزان مصر وتونس ومنعهم من الفوز بالإنتخابات..؟
يا كافي البلا إلا سودان الهنا دا يستهدفوفوه..؟
اصلاً ما في زول جايب البلاء للبلد دي الا انت والله احسن ليك تدخل مع ناس البشير وتريح الناس
الأن فهمت لماذا كثرت الوفيات الفجائية فى اوساط الشعب السودانى والناتجة عن ارتفاع ضغط الدم وارتفاع السكر فى الدم والذبحة الصدرية فيبدو ان احد اهم الاسباب هو تصريحات الصادق المهدى الغريبة وافاعيله المريبة فبربك ماهى علامات التوجه الاسلامى الذى تقول به فى السودان ؟؟؟ وماهى الدول التى تستهدف السودان بسببه؟؟ وهل يمتلك الصادق المهدى مجهرا الكترونيا او منظارا فلكيا ويرى به مالانراه نحن ؟؟؟…حسبى الله ونعم الوكيل ولاحول ولاقوة الا بالله …
عليكم الله ماتفلقونا يا ناس الراكوبة بي كلام الزول المخرف دة
الصادق الهدي لسع عايش على وهم الاغلبية القبل اكتر من 20 سنة
وبقول ليهو
انتو الاسلام شنو
مش صدق ومانة وصفات لايملك منها هؤلاء الذين يتدثرون بالاسلام اي شئ
عفواً ابونا الصادق !!
السودان مستهدف اسلاميا وعربياً من ابنائه فقط وليس من الخارج وإلا لكانت هناك دولاً اكثر عرضة من السودان للإستهداف لنفس السبب حيث انها اكثر عروبة من السودان واكثر تديناً من السودان وقد دخلها الاسلام والعرب قبل السودان بأكثر من ستمائة او سبعمائة سنة ولكنها بقيت بعيدة كل البعد عن الشطط الديني والعنصري ولم تتأثر باختلاط الاعراف واختلاف المذاهب فيها
ما يحدث في السودان هو القندول الذي شنقل الريكة وكله عندنا افرش وتخين اذا قالوا العروبة فنحن مباشرة من صلب يعرب بن قحطان و (اسود مننا عبد واحمر مننا حلبي) وهذا هو القياس اما اذا قالوا الاسلام فالكعبة المشرفة اسست عندنا ولكن انفلق البحر الاحمر فكانت من نصيب جارنا الشرقي ولا احد يستطيع مغالطتنا في ذلك وهذا هو المحك…
ليس لينا ثوابت وطنية او مصالح عليا يتدنى دونها كل ما هو لا يحمل اسم ومعنى الوطن لا يهمنا ان صار طننا نهباً مباحاً لأي سبب مهما عظم او قل شأنه ومن اجل اتفه الاسباب اذا كانت تتعلق بالعروبة والأسلام فنحن مستعدين نذبح الوطن…حتى القضية الفلسطينية والتي اصحابها الاصليين عايشين في نعيم وهناء وعيشة راضية اكثر من شعب السودان اننا مستعدين نذبح السودان من اجلها ومستعدين نفقده حتى يكون للفلسطييين وطن
اثبت الايام اننا شعب تائه لا يعرف قدر نفسه ولا يقيم لنفسه وزناً وينتظر التقييم من الآخرين فكلما جلدنا ذاتنا نظرنا في عيونهم ان كانوا قد رضوا علينا كما حدث يوم انقسم السودان على اساس عنصري كان رئيسنا ينتظر برقيات الثناء من الدول العربية على مجهوداته في تنقية السودان من العنصر الزنجي متناسياً ان اسم السودان نفسه يدل على الزنجية وكذلك في نفس اليوم كان ينتظر برقيات الثناء من الدول الاسلامية ومنظمة المؤتمر الاسلامي يهنئونه على نجاحه في بتر نصف السودان المسيحي تميهداً لتطبيق الشريعة الاسلامية ومرت المناسبة وأقمنا عزاءنا دون ان نجد من يعزينا ومنا من ابتهج وقام بذبح الثيران كرامة ولم يجد من يشاطره لحم ثورة إلا الرجرجة ….
نحن فقط من نستهدف السودان ونذبحه قرباناً لمن يسوى ولا يسوى
يا الصادق المهدى ماتتقى ربك والله احترنا فى امرك
هل الاسلام قول ام عمل
يا زعيم وامام الغفلة السيد ابو كلام
هل انت مهموم بالسودان وشعبه ام بالاسلام والمسلمين؟؟؟ ليس لنا اعتراض في خياراتك بس عليك ان تختار بين الاثنين عسى ولعل ان تصيب شي من النجاح لانه لا امكاناتك ولا عمرك ولا تجاربك الفاشلة تسمح لك بجمع الاثنين في سلة واحدة
انا لا اعلم ماذا تنتظرون اذهبوا لمناصرة ثوار كاودا لايقال الشباب السودانى يفلح فى الكلام والتنظير وكسل مافى علاج انت ميت مافى طموح مافى مستقبل الا ان تكون حرامى حتى تعيش فى السودان انا الله انا احمد واشكر فى احسن وضع لكن معاناتى هى انتم يا ابناء وطنى لا بد من تضحيات-( قل لن يصيبنا الا ماكتب الله لنا ) .وحتى هذة لحظه جلوسى على الكمبيوتر مكتوبه من قبل ما اولد؟ يا شباب الى بكل همه الى للانضمام الى صفوف ثوار كاودا ابناء السودان الاحرار
الله يرحمكم باأهل الراكوبة … ويرحمنا معكم … أرحمونا من قصة الراجل ده… هذا الإنسان ماعنده موضوع إلا
أن يكون رئيس للسودان … يعني السودان ده نحن نخلي مرة واحدة
الدين المعاملة أين نحن من ذلك يجب نبذ العنصرية والجهوية والحرب والفساد والنفاق والكذب عندما نكون امة فاضلة نراعى حقوق وواجبات ديننا يمكننا بعد ذلك ان نتكلم باننا مستهدفين
الله الراجل دة قبل ايام ما كان كويس
(وأكد أن السودان مستهدف لتوجهه الاسلامي )
يا سيد.. جرالك ايه.؟؟ بالضبط؟؟
منو مستهدف السودان الناتو والغرب؟؟؟ ومال ركبو الليبيين والمصريين وغيرهم السلطة كيفن يعني ؟؟ وثبتو ا الباقين زي السعودية كيفن يعني؟؟؟؟
الله هو السودان فيهو شريعة ؟؟ طيب بتلحق شريعة السعودية ؟؟ ولا بس بتلحق ايتها شريعة .. كحكم يعني ؟؟ في الشعب في مسلمين ماقيهم كلام ولا مع شيوخ الحرم ذاتم …
لكن يا سيد الصادق طلعت خاصلالك حاجة اعوذب الله هيييييييييييييييييييي
حقو الواحد يغير اسمو والله
كل الكيزان يقيموا الصلاة
ولهم ذقون طويله
وكل كلمتين تلاته تسمع كلمة ماشاءالله و الله اكبر و هى لله
ونسوانهم ملفلفات وتركوا الثوب السوداني واصبحن حادات طول السنه
كل كلمتين ده حرام وده حلال
وبداوا بثورة المصاحف والجهاد وشموا رائحة الجنة وحاربت معهم القرود والله يحبهم و و
اكثر من هذا تم باسم الدين
لزلك ابعدوا الدين عن سياسة الدوله
كلنا سودانيين وكلنا سواسيه امام القانون
لا تمكين
ولا فقه ستره
ولا زواج مسبار
فكلام الصادق يصلح قبل عام 89
الان علم بهم الدانى و القاصى
فنرجوا من السيد الامام تجديد طرحه لكي يتواكب مع جيل كاودا
انضموا الى ثوار كاودا
يا اخوانا انتو تعبانين كدة مالكم ورافعين ضغطكم كدة الراجل دا خرف ليو فترة يعني ما عارفين؟؟
وبقي يجيب خارجيات اعزرو…
الصادق الزفت اسمو الخافس … تعرفو الخافس ؟؟؟ هو المسمار البيكون قاعد في اللستك وما ظاهر اول ما اللستك يمر فوق حجر ولا حاجه بارزه يقد الجواني وما بيكون ظاهر … هذا هو حال هذا الابو كلام كل ما المعارضه تتفق وتتماسك يجي هذا الخافس ينزلينا لستك المعارضه …. والله والله يا الصادق الماهدي عزززززززززبتنا
الشعب السودانى سلمك الوطن امانة منذ عام 1986 .. وكان عشمان فى انك تجد ليه مخرج حتى يكون الوطن بين مصاف الدول المتقدمة الراقية النظيفة .. والمواطن الغلبان يجد العيش الكريم والتعليم والصحة .. لكن كانت النتيجة انك سلمت الامانة بسهولة ويسر لنظام 1989 .. دون مقاومة او اى عناء .. الان بعد هذه الجراح العميقة التى اصابة الوطن .. نافع طالع مداعى يقول انك تفكر فى الاطاحة بنظامهم او نظامكم فى الحقيقة وانت الان طالع فى اتجاه اخر تحدثنا عن ان التوجه مستهدف ..يا اخى الكريم مثل ما بتقول .. القناعة كنز .. اذا انت مقتنع بهذا النظام بوضوح نفذ قناعتك .. واذا كان الامر غير ذلك فالامور واضحة جدا امامك .. فقط المطلوب وضوحك انت .. وياشباب سودانا همو .. الوطن لازم نلمو .
أنتو خليتوا فينا دين والله الكفار اصبحوا عندهم دين واخلاق اكثر منا الواحد من ما يقوم الصباح حتى ما تمسي يكذب وينافق عشان يعيش .. والحمد لله الخارجنا من البلد دي ان شاء الله خروج بلا عودة …. ما اقدر اقول غير بلد كفر
انا اتخارجت وشمتان في الشعب السوداني … تقول ليهم اهلنا في دارفور يقولوا ليك افغانستان تقاول ليهم اهلكم في جبال النوبة يقولوا ليك فلسطين اقول ليهم عيشتنا كفر يقولوا ليك اصبر بصراحة شعب ما يستحق حكومة او قادة اكتر من كده … اي واحد تسأله ليه مانطلع او تقول لا وانت واقف في مكانك يقول ليك ليه الشيوعيين مايطلعوا مظاهرات (يعني كلامك ده كلام شيوعيين وأنت شيوعي) بس اي واحد في البلد دي يقول كلمة حق يقولوا عليه شيوعي ؟؟ اقول ليهم هو فضل فيها شيوعيين نصهم ماتوا والباقي بشاور في نفسه … موضوعكم بايظ ياسودانيين الله يكون في عونكم
صدّقني أحنا ما مُستهدفين
ما عندنا أعداء إسترتيجيّين
وإن كانوا هنالك
فلنقل لهم ( سلاماً )
يا أيّها الزينين
ماذا نخسر إذا قلنا
يا الحاكمين لعالمنا
عليكم الله أستهدفونا
جينا نتوجّه وجّهتونا
بقينا نتفرّج فرّجتونا
خلّونا نعيش وأحكمونا
أليست الحياة عبادة لله
أليس العيش الكريم عبادة
لله يا أيّها الصالحين
الصادق المهدي اصبح بوقاً للانقاذ
بقيت ببغاء يا الصادق المهدي تردد في كلام ناس المؤتمر العفني والانقاذ
أي اسلام واي خرابيط ، تسمي الحاصل في البلد دا اسلام ؟
لو كانت حكومتك هذه اسلامية او تحكم بالاسلام لما وصل الحال الى ما نحن عليه
تشوف الشارع تقول نحن في اوروبا من ناحية الانحلال الاخلاقي الوصلنا له
تشوف الحرامية والسرقة والنهب والاختلاس والنفاق حق الحكومة تقول نحن في النيروني
بالله الاسلام دا الظاهر انكم ما بتعرفوه كويس ، عشان كدا خلوه شوهتوه ودنستوه بنفاقكم وكذبكم
الدين دا مافيكم واحد يتكلم عنه لانكم غير مؤهلين له يا ناس شوف لنا فتوى تبيح الربا
قربتوا تخلوا الاسلام مثل المسيحية ، اختصروا الشغلانة وامشوا للقسيس اعترفوا له بخطايكم خلوه يغفرلكم ويديكم حلاوة نعناع ( الحاجة البختها في الخشم دي) لانكم لوثتم وشوهتم الدين