شاهد صور استقبال باقان في الخرطوم.. البشير يعلن رسمياً موافقته على عقد قمّة مع رئيس جنوب السودان في جوبا

والله ياباقان ليك وحشة ياراجل

البشير اخر انبسااااااطة ,,,,, همو كلو في عودة البترول مرة اخري بالاضافة الي طرد الحركات المسلحة من اراضي الجنوب بما فيهم الحركة الشعبية قطاع الشمال ,,,, ولكن هذا ممكن ,, يمكن ان يطرد باقان وسلفاكير رفاقهم السابقين في النضال عبد العذيذ الحلو ومالك عقار

الليلة شيل شيلتك يا الطيب مصطفى بن اختك طلع من طوعك يلا ورين حتعمل شنو .

حبيناك من قلوبنا ياجميل ياود ياعسل انت ناس ما تجيش الا بالجزمة زيت اسود حبة ك مافى عزبات دول

علي الايمان يا أستاذ فاقان لو كنت موجود كان ضبحنا ليك تور ابيض دعول إنت ووفدكم الكريم….نكاية في كل عنصري مأفون..مرحب بيك في بلدك إطير البترول وتطير اي حاجة بس خلو السودان واااحد وجميل زي ما ورثناه عن الأجداد..

بعد تفكك الاتحاد السوفيتي تم تكوين مجموعة الكوملث للتتعاون الدول بمايخدم مصالحها وكان الانفصال في السودان ضرورة لاازالت الاحتقان وحالة العداء بين الشعبين ولان يجب علي الدولتين التعاون فيما ينفع الشعبيين والحريات الاربع ضرورية للشعبين ولااقتصاد الدولتين

مرحب مرحب مرحب بي باقان انتى لست غريب انت سيد بلد تقعد تقوم على كيفك

اولا ارحب بالمقاتل الشرس باقان اموم واتمني انو وجودو في البيت القديم يزكرو بان السودان هو بلدو ليس الجنوب فقط ونتمني انو يخفف من هجومو علي الابالسة شويه عشان خاطرنا وخاطر اهلو في ابيي ويطرح مبادرة تكامل لربما تؤدي الي اتحاد في القرون القادمة علي ابعد تقدير فاطفالنا ما ليهم ذنب اننا مخنا مركب شمال وقلبنا مركب جنوب. اها هم نالو استقلالهم وسوف يتفاوضون علي الوحدة من مركز موازي فهم دولة الان ونحن في حاجة الي قلبنا وهم محتاجين لمخنا .

دعونا من التكهنات واهم شي انا عندي كم سعال عاوز اسعلوم للاخوة وفد الجنوب. اتمني من الاخوة في الراكوبة لو قرو تعليقي ده يحولوه ليهم ويجاوبي علي عشان الشمار كاتلني
– ليه الوفد جاي في طيارة بيضاء اولا يعني حمامة سلام وكده ولا عشان الشغلة مدعومة من الامم المتحدة
– الشمار الكاتلني جد في الصورة الاولي باقان اموم لابس شراب ابيض وواحد اسود ليه ما عارف احسن يكون كجور كيريمورو
ما اظن مطقم مع الطيارة

المهم مرحب بيهم ونتمي من الله يوفق الطرفين بما فيه مصلحتنا اولا كسودانيين وبعدين يحلو مشاكلهم السياسية

مرحب حبابك جيت يا بطل طليت..باقان يعيش ويذهب الطيب مصطفى وابن اختة وجميع المطلوبين الى الجحيم..مرحب بك فى السودان القديم.

سيد بلد تقوم تقعد علي كيفك اهلأ بك والسلام توصلو امانه ل (استيلا قايتبانو) و قول ليها اشتقنا لك شوق الغمامه الراحله واكتبي حتي لو شتيمه ما تبقي جافيه

يا جماعة الفرحانين بقدوم فافان وجازان وهامان يادوب الكيزان بيلعبو لعب صاح والحركة الشعبية دقست دقسة كبيرة !!! الكيزان ممكن يعولوا على مسلمى الجنوب فيقوهم ويستخدموهم فى التخلص من الحركة الشعبية وذلك بفضل الحريات الاربعة ويخلقوا وضع قوى مؤيد لهم فى الجنوب ففى الجنوب القبائل كثيرة ممكن إختراقها وتوظيفها لتكون بعبعا للحركة الشعبية وكابوسا يؤرق مضاجعها وفى النهاية الفائدة ستعم البلدين ولربما توحددتا كما حدث فى ألمانيا واليمن ولكن على المدى البعيد،، فالشعب الجنوبى الأن يدرك أنه الأن فى جحيم وندم على الإنفصال وسوف يعود معظمهم إلى الشمال وخاصة الذين ولدوا فيه ، فثقافة ودين الشمال ذو أثر بالغ ولسوف يتأثر بها أكثر شعوب الجنوب. والدليل على ذلك أنظروا حولكم إلى الشعوب الأفريقية والتى تأثرت بالمد الإسلامى العفوى غير المنظم فما بالكم إذا كان منظما . طبعا لا ننسى الأثر الكنسى ورغم الأموال الطائلة والتى أغدقت على تنصير الجنوب وشعوب القارة الأفريقية فالنتيجة ليست هى المطلوبة والمتوقعة رغم تلك الأموال والجهود الجبارة المبذولة من أجل تحقيق ذلك الهدف!!
ستكون هناك بالطبع مجابدات وآهات ولكن النصر لهذا الدين

أهدي هذه الصورة وإبتسامات السيد الرئيس عمر البشير الابتسامة ( الصفراء) وكل الوان الطيف وبحضور باقان نهديها للعنصري بلا منازع الخال الرئاسي الطيب مصطفى ونامل ان يكون الاسعاف قريب منه والطائرة الحكومية علشان ( المرارة ما تنفقع ) والفشفاش … افقدوا الطيب مصطفى تلقاه ما نام او قعد بدون عشاء عوووووووووووووك الطيب انت طيب باقان ضيف عندك في جمهورية البشير واسرة البشير ..

اما الرئيس البشير و الرئيس سلفاكير شغالين فينا ( توم وجيري ) والمتضرر الشعبين كفاية حرب وكفاية مناكفات وكفاية نزاع وكفاية تراشق سياسي ريحونا عايزين نعيش وما عايزين حاجة كتيرة

عايزين سلام
عايزين تعليم
عايزين صحة
عايزين اكل وشراب
عايزين تنمية وليس شعارات

إذا غلبتكم تحقيق هذه فما فائدتكم في الحكم اذا اتحققت دي إن شاء الله تبنو ناطحات سحاب وتسكنوا فيها لكن مصحلة المواطن فوق كل شئ بطلوا انانية يا سياسيين واتعظو من غيركم ماتو ومااستفادو شئ وتركوا ابناءهم مشردين بالبلاد كما في ابناء صدامم والقزافي وغيره …

واقترح للبشير ان يسوق معاه الفنان نور الجيلاني علشان يرقصه هناك في جوبا فكرة مش كدا

يا مسافر جوبا

يا حليلك يا جوبا اللي بقيتي يدعوك لزيارتها بي بروتكولات وضجة اعلامية …

شاطر ياباقان انتزع الثروة والسلطة وختاهم فى جيبو وبالحريات الاربعة سيصول ويجول فى الخرطوم ده درس للناس الجو للسياسة عن طريق الخطا والزول القال عاجباهو الخريطة الجديدة ومنفز البحر الاحمر حاتصدر بيهو شنو زلابية ولا تنتظر حكومة جنوب السودان كالمتسول يدوك رسوم عبور لو لو قرروا استخدام المينا للاسف السودان بقى زى الشافع ماسك الحلاوة شبع منا وبقى يلعب لحد ماضاعت لمن جاع مالقاها فبقى يبكى ويرفس حسبى الله ونعم الوكيل

سواء البشير او بقان الاثنين مخنوقين بيحبل البترول اصلو العصر بجيب زبت بكره بضخو البترول والله دا جعان ودا اجوع منو بس في واحد بتصرف ياكل

يا جــــــــــــــــــماع الطيب مصطفى ويــــــــــــــــــــــن

تعقيب على سوداون كلامك صاح و انت زى ما عارف ان نيفاشا المشؤومة لم يضعها الشعب السودانى بجميع احزابه و طوائفه و قوى مجتمعه المدنى والا ما كان الجنوب انفصل و بقينا فى البشتنة دى بترول و جنسية و خلافات حدودية و اسرائيل و جهجهة اخواننا المسيرية!!! معقول مصير وطن و امة يضعوها لينا ناس الحركة الاسلاموية مع الايقاد و اصدقاء الايقاد و ناس العم سام و ده كله عشان الفكر القاصر و التافه لناس الانقاذ انهم بانفصال الجنوب خلاص الشمال ح يكون اغلبيته مسلم و يهددوا الناس بالشريعة كلما طالبوا بالحرية و الديمقراطية ويخلو لهم الجو لكن انا ما شفت ناس اغبى و اجهل منهم هل حققوا ما يصبوا اليه؟؟؟مزيدا من الحروب مع الجنوب الجديد و دارفور لم تحل مشكلتها و تدهور اقتصادى!!! السؤال من هو الخاين للوطن و اهله و العميل هل هم الناس العايزين مؤتمر جامع و حكومة قومية انتقالية(و كان ح يتحقق هذا لو لا انقلاب الجبهة الاسلامية و ليس انقلاب القوات المسلحة كما انقلاب عبود) و من ثم الاتفاق و الاستقرار بعد ما كل زول ياخذ حقه انشاء الله فى الحد الادنى ولا الناس البيقرروا فى مصير الوطن مع الاجانب؟؟؟؟ وهم هسع لا لموا فى شريعة صحيحة ولا استقرار ولا رخاء اقتصادى بل الحال السياسى و الاقتصادى صارا اسوأ من الاول!!!! الانقاذ عار على الوطن و الاسلام الذى يدعون انهم جاؤوا لرفعته!!!!! و حقيقة زى ما قال سيلفاكير لولا سياسة الانقاذ لتحول الجنوب فى غالبيته للاسلام لان الاسلام هو دين الفطرة و الحق حتى و لو كانت الدولة علمانية و مش اسلام الحركة الاسلامية لانه لا علاقة له بالاسلام الصحيح هم يستغلوا الاسلام لمكاسب سياسية دنيوية فقط حتى لو خالف ذلك الاسلام نفسه(ميكافيليين و براغماتيين)!!!!!

على الاقل خلوا يعرف كرم العرب والمسلمين.. انسان تافه وحاقد وحقير

انظروا وتمعنوا في خريطة ما تبقي من السودان

حلايب التي ترزح تحت الاحتلال المصري في هذه الخرطه الانقاذيه تبدوا انها لاتزال جزئ من السودان وكذلك الحوض النوبي

اما نتؤ وادي حلفا ارقين فاصبح تابع لمصر!!!هل معني ذلك ان حكومة الهوان الانقاذي سلمت حلفا وارقين لمصر رسميا؟؟ انا لااستبعد ذلك خاصة وان الفلاحين المصرين يعربدون ويمرحون ويعيثون فسادا في تلكم الديار السودانيه

ويا بلد ما ليك وجيع

يا جماعة لنكن واقعيين،حتي لو اوقف الجنوب دعمه للحركات المسلحة فذلك لا يعني استقرار الشمال مادام الظلم معشعش في كل اركان الوطن والفساد هو سيد الموقف

ما ذمان قلنا ليكم سيبو الجعجعه والكبريا واحكمو سوط العقل لكن انتو ما بينفع معاكم يا مؤتمرجيا الا العصا في يد الجذرة في اليد التانيه

الخال الرئآسي العنصري يكون الزعل كتلوا وهو يري البشير منشرح
وبيضحك مع باقان
ذمان قلنا ليكم الجنوبين سياسين جدا
شوفهم بيدحرجوا في ناس الانقاذ كيف

دي سياسه جديده كما قلنا
يرخوا الجبل شويه لناس الانقاذ
جتي يوقعوا ليهم اتفاق الحريات الاربعه ويتنازلوا عن اشياء كثيره
التنازل الجاي حيكون ابيي
الساسه الجنوبين مدعومين من المخططين والسياسين الكبار في امريكا واوروبا
الامريكان والاوربيين عارفين كيف يضغطوا ويدحرجوا ناس الانقاذ
شوف الابتسامات العريضه من البشير وشوف السلام بالحضن من نافع
كل هذه خدع في خدع
الجنوبين عارفين دي كويس

شوف بكره حتكون النتيجه ايه

تلك هى السياسة ياسادة المصلحة اولا فاتفاق الحريات يصب فى مصلحة الجنوب بصورة اكبر على الاقل فى هذة المرحلة لان دولة الجنوب فى طور البناء. وابتسامة باقان تدل على الانتصار الثانى بعد نيفاشاوسلامه الحار مع موقع الاتفاقية”الصورة الثانية”. اما السيد الرئيس فلا ادرى لماذا يبتسم؟ فمبروك للاخوة الجنوبيين بما انجزوه من انتزاع لحقوقهم. وربنا يستر من القادم طالما هؤلاء على رأس الدولة.

مرحبا كمرد باقان و كمرد دينق الور الشعب السودانى كله يرحب بكم عدا العنصريين.طبعا الجماعة ديل 3 مجموعات مجموعة البشير و مجموعة على و مجموعة غازى الان اختارو مجموعة البشير وهذا لا يفوت عليكم. مبروك جيتو بطيارة الامم المتحدة لانو الجماعة ديل مما مضمونين long life SPLA /N

معظم التعليقات سطحية وفاقدة للموضوعيةوكلها تدل علي اهواء شخصية بحتة وجهل مقنع